Мен Самарқанд ҳокими барчани ҳашарга, қор курашга жалб қилганида халқ учун жон куйдирганига, Уч тепа ҳокими чин кўнгилдан қор кураганига, ҳокимларнинг барчаси халқни ўйлаганига шубҳа қилмайман. Гап уларнинг ниятларида эмас. Гап тизимда. Гап тухум қисилиб қолганда ниначига ўхшаб типирчилашга тушганларида.

Қишнинг ғами ёзда кўрилмайдими? Агар давлат, тизим, ҳоким бошқарувчилар мавжуд бўлса қиш олдидан миллион тонналаб тузлар йўл идораларига, ташкилот ва идораларга, мактабларга тарқатиб, тайёрлаб қўйилмайдими? Ҳар бир вилоят ва туманлар учун қор тозаловчи машиналар сотиб олиниб, шай қилиб қўйилмайдими?

Боринг Уч тепа ҳокими қўлига белкурак олиб қор курасин. У икки қўли, бир дона белкурак билан қанча вақтда қанча жойнинг қорини курайди? Самарқанднинг барча раҳбарлари, давлат хизматчилари ўз ишларини ташлаб қўйиб, -20 градусда қўлларига белкурак олиб қор курасинлар. Улар бутун Самарқанд вилоятининг қорларини қанча вақтда кураб бўладилар? Улар кураб бўлгунча ёз келмайдими? Умуман, қорни нима учун улар, милиция ходимлари, ҳокимлар тозалашлари керак?

Ўзини ҳурмат қилган, чириб кетмаган давлатда бу ишларни тегишли хизматлар тегишли машина ва ускуналар билан қилмайдиларми?

Бир қор тозалайдиган машина 1000 киши қўлда кураган қорни қисқа муддатларда тозалайди. Пул ҳам, вақт ҳам, энергия ҳам иқтисод бўлади. Давлат хизматчилари ҳам қор кураб юрмай ўз ишларини қиладилар.

Ҳозир Ўзбекистонда юз бераётган ишлар бутун давлат тизимларининг аҳволини кўрсатади. Афсуски, бизда барча тизимлар шундай ишлайди. Таълимда ҳам, тиббиётда ҳам, бошқа соҳаларда ҳам қор ёғганда қўлга белкурак олиб кўчага чиқадилар.

Ўзбекистондаги қиш муаммоларини ҳал қилишнинг осон йўлини айтаман. Раҳмат шарт эмас.

Бирон вазир, ҳоким ёки монопол давлат ҳисобидан чет элга хизмат сафарига борасиз, қиммат меҳмонхоналарда ётиб, қиммат ресторанларда таомланиб, учрашувлар қиласиз.

Ўзбекистон учун 1 миллион тонна туз керак бўлса, 2 миллион тонна деб ёзасиз. Керакли бир миллион тоннани олиб келиб шай қилиб қўйиб, бир миллион тонна тузнинг пулини чўнтакка урасиз.

Ундан кейин дейлик 1000 дона қор тозалайдиган машина керак. 2000 дона керак деб ёзасиз. Керакли мингта машинани олиб келиб шай қилиб қўйиб, мингта машинанинг пулини чўнтакка урасиз.

Ўзбекистонда қор тозалайдиган давлат хизматларига 1000 та ходим ўрнига 2000 та ходим деб ёзасиз ва мингта ходимнинг маошини чўнтакка урасиз.

Бир йилда қор 10 кун ёғса 20 кун ёғди деб ёзасиз ва ўн куннинг иш ҳақлари ва ҳаражатларини чўнтакка урасиз.

Хуллас, Ўзбекистонда қишга тайёргарлик учун, ҳозиргидай ҳолатлар юзага келмаслиги учун нима керак бўлса 2 баробар қилиб ёзиб, ярмини чўнтакка урасиз. Чўнтакка урганингиз ҳалолингиз бўлсин. Халқнинг пули бўлса ҳам майли, ҳалол бўлаверсин. Асосийси, ишлайдиган, тухум қисилиб қолганда қор курашга тўғри келмайдиган тизимни йўлга қўйиб берсангиз бўлди.

ПС. Иссиқлик тизимига уланмаган пешни ушлаб суратга тушган Шовот тумани ҳокими суратга тушиб бўлгач, пеш иссиқмаслигини тушуниб етган деб умид қиламан. 😜

"Уч замон" каналига аъзо бўлиш учун ҳавола👉 https://t.me/uchzamon

Байрам муборак! 🇺🇿✌️

Дардлари бошқа товуқлар!

"Уч замон" каналига аъзо бўлиш учун ҳавола👉 https://t.me/uchzamon

Чирчиқда ходимга пичоқ тираганлар ҳақиқий айбдорлар олдига келса қўлини кўксига қўйиб “Раҳмат, ҳаммаси жойида” деб туради. Қаҳрининг 1000 дан бирини ҳақиқий айбдорларга кўрсатганида муаммо қолмасди.

"Уч замон" каналига аъзо бўлиш учун ҳавола👉 https://t.me/uchzamon

Швейцариялик футболчилар математикадан уйга вазифаларини Жаҳон чемпионати пайтида ечаётган пайти 👍😂

"Уч замон" каналига аъзо бўлиш учун ҳавола👉 https://t.me/uchzamon

#КунАнекдоти!

ПУТИН ДИКТАТОР

- Эшитдингми, Россияда бир журналистни қамашибди.У "Путин диктатор, у халқнинг мулкини ўзлаштириб, ўзи бойиб ётибди" деб ёзган экан.
- Йўқ, эшитмагандим. Шунда уни нега қамашибди? Путинни ҳақорат қилгани учунми?
- Йўқ. Россия давлат сирларини ошкор қилгани учун.
😜😂😂

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

Айни газ ва свет инқирози фонида бемалол “Уч томонлама газ иттифоқи”ни тузиб юборишяпти шекилли. Яъни мустақиллигимизни Россияга сотиб юборишяпти. Баттар ҳам қилади. Нима қила оламиз?

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

Диққат, +18!! Кўнгли бўшлар тингламасин.

Мана бу пайтавасоқол шунча гапни оддий ўқувчи бир одамни бошқасидан зўр деб айтгани учун гапирибди.
Яхшиям Ўзбекистон дунёвий давлат. Агар мана бунга ўхшаганлар орзу қилган тузум бўлганида бу пайтавасоқол қизнинг юрагини ростдан суғириб олган бўларди.

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

Қизларга таҳдид қилган имом ишдан олинди

Ижтимоий тармоқларда ўқувчи қизларга таҳдид ва ҳақорат қилган Тошкент тумани “Эшонхўжа ота” масжиди имом-хатиби Авазхўжа Баҳромов ишдан олинган.

Кеча, 28 январь куни Ўзбекистон мусулмонлари идораси Ички назорат комиссияси йиғилишида шу масала кўриб чиқилган. Йиғилишда имом-хатибнинг мазкур ҳолати имомлик мақомига мутлақо тўғри келмаслигига алоҳида урғу қаратилган.

Айниқса, ички меъёрий ҳужжатларда белгиланган “фуқаролар билан мулоқотда хушмуомала, вазмин ва самимий муносабатни намойиш қилиш” ва “ўзининг хатти-ҳаракати ва ахлоқи туфайли жамоатчиликнинг танқидига учрамаслик чораларини кўриш” деган бандлар А.Баҳромов томонидан қўпол равишда бузилгани айтилган.

"Афсуски, Авазхўжа Баҳромов мазкур хатти-ҳаракати билан меъёрий ҳужжатлар талабларини қўпол равишда бузиб, Ўзбекистон мусулмонлари идорасининг мазкур йўналишдаги буйруқлари, ички тартиб қоидалари ҳамда меҳнат мажбуриятларига риоя этмагани маълум бўлди", дейилган идора хабарида.

Шунингдек, ҳуқуқни муҳофаза қилувчи идоралар Авазхўжа Баҳромовнинг мазкур хатти-ҳаракатларига ҳуқуқий баҳо бериш юзасидан иш олиб бораётгани айтилган.

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

Бу мавзу бўйича охирги (умид қиламан) пост.

Имом ишдан бўшатилишидан олдин у мана бу "раддия"ни чиқарган эди. Мен қилмаганман, мен гапирмаганман деб эмас. Узр, қизишиб гапириб юборибман деб узр сўраб ҳам эмас. Нўноқларча "Монтаж қилиб тарқатишган" деб. Тағин ҳадислар ортига яшириниб. Майли, унинг бебуртлиги, қилган ишини тан олмаслиги ўз йўлига, жазосини олишига умид қиламиз.

Видеодаги яна бир ҳолат: одамлар ишониб қизларини бериб қўйган ўқув маркази раҳбарининг аҳволини кўринг.

Аввало ўқув марказига шундай домлаларни йиғган, шундай сўконғич вазиятларга имкон яратган. Ва ниҳоят марказдаги аҳвол оммага ошкор бўлганда қизларни ҳимоя қилишнинг ўрнига золим тарафда туриб гувоҳлик беряпти.

Қизларини, ёш ўғилларини шундай марказларга, ҳужраларга берадиган ота-оналар тупойлар десам қўпол гапирган бўлмайман менимча.

Одамлар ақлларини йиғиштириб олсалар ёмон бўлмасди.

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

ДИНДОР ВА АТЕИСТ ЎРТАСИДАГИ ФАРҚ

Бир кишига қозоқ ўтови билан қирғиз ўтови ўртасида қандай фарқ бор деб савол берилганида у “Қозоқ ўтовида қозоқ, қирғиз ўтовида қирғиз яшайди” деб жавоб берган эди. Яъни ўтов билан ўтовнинг фарқи йўқ, барчаси бир хил нарса. Унинг ўлчамлари, ранглари, безаклари ўзгариши мумкин, у ўтов бўлиб қолаверади.

Диндор (динидан қатъий назар) ва атеист ўртасидаги фарқ ҳам шундай. Бири худога ишонадиган, иккинчиси худога ишонмайдиган одам. Яъни уларнинг иккааласи ҳам одам. Улар бирон иш қилганларида, муваффақиятларга эришганларида ёки хатоларга йўл қўйганларида буни диндор ёки атеист бўлиб эмас, балки одам бўлиб амалга оширадилар. Барчаси уларнинг характерлари, интеллектуал даражаси, ижтимоий аҳволи ва ҳоказолардан келиб чиқиб ҳаракат қиладилар.

Ушбулардан келиб чиқиб, диндорлар ва атеистлар орасида ҳам яхши ва ёмонлари, инсофли ва инсофсизлари, ҳалол ва фирибгарлари бор бўлади.

Бирон атеист қилган хато учун барча атеистлар жавоб бермаганидай бирон имом қилган хато учун барча имомлар жавобгар бўлмайдилар. Сўконғич, оғзи шалоқ, инсофсиз, ғирром, исқирт табиатли бўлган дин вакиллари (диний блогер, соҳта пир, имом ва ҳоказолар) оилаларида кўрган тарбиялари, табиатларидаги чиркинлик ва албатта уларнинг муҳитлари яратиб берган имкониятлар сабабли шундай бўладилар. Айнан шу сабабларга кўра ўз қидмишларини ҳаспўшлаш учун диндан фойдаланадилар. Айримлар эса диндан очиқчасига қурол сифатида фойдаланади. Уларга эргашадиган зомбилар ҳам ўзларининг билим, тўғрироғи билимсизлик даражаларидан келиб чиқиб уларга қурбон бўладилар.

Ижтимоий тармоқларда ўз динини ва диндошларини шарманда қилиб юрганлар, масжид ва ҳужраларда разил ишларни қилаётганлар шундай ишларни қилмайдиган диндор ва имомларнинг номларини булғайдиган одамлардирлар.

Шунинг учун, дунёвий жамиятдаги бош тамойиллардан бири, эътиқоди, жинси, ижтимоий келиб чиқиши, ирқи ва бошқа фарқларидан қатъий назар барча тенг, яъни барча одам эканлиги ҳисобланади.

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

Ўқинг, фақат йиғламанг! 😢😠

読んでください、しかし泣かないでください。
ある日、誰かがたくさん退屈しました。 それで、彼は自分に言った、私は日本語で書くつもりだそして私はそれをfbに投稿するつもりです。 誰が理解できるかがわかります。
現在、あなたは彼のテキストを日本語で読んでいます。 わかりますか？ もしそうなら、あなたはこの記事に笑いのうそつきを置きます。 頑張ってください。


"Уч замон" каналига ҳали обуна бўлмаганлар учун ҳавола:
👉 https://t.me/uchzamon

​​ДАДА, АЛ ХОРАЗМИЙ АРАБ БЎЛГАНМИ?

Мен Францияга ўқишга келган йилларимда французлар Ўзбекистон ҳақида яхши билишмасди? “Уз Пакистан” ? Афғонистонми? деб сўрашлар одатий ҳол эди. Ота-боболаримизнинг араб ёки форс дейилиши савол остига олинмас аксиомадай гап эди.

Ўшанда француз оммасига бизнинг тарихимиз, урф-одатларимиз, маданиятимиз, ота-боболаримизни туризм орқали танитиш, нотўғри маълумотлар ўрнига тўғрисини тақдим этиш учун “Марказий Осиё саёҳатлар ассосиацияси”ни ташкил қилган эдим.

Ассосиация фаолияти доирасида Франциянинг нуфузли олийгоҳлари - Сорбонна униаерситети ва Париж сиёсий фанлар институти амфитеатрларида таниқли олимлар ва намоёндалар иштирокида конфенеренциялар ташкил қилдик, Франция ОАВларда чиқишлар қилиб, интервьюлар бердим, Ўзбекистонга саёҳатлар ташкил қилдик ва мурожаатлар билан алоқага чиққан минглаб инсонларга тўғри маълумотлар бердик.

Ҳозирда Францияда Ўзбекистонни анча яхши билишади. Кўплар қаторида бунда бизнинг ҳам ҳиссамиз бор. Шундай бўлса ҳам қилиниши керак бўлган ишлар кўп. Бу ишларга энди фарзандларимиз ҳам ҳисса қўшишни бошладилар.

Қизимиз мактабда мусулмон олами машҳур инсонлари деган мавзусини ўтибди. Ўқитувчиси Ал Хоразмий, Ибн Сино, Амир Темур ва бошқа аждодларимиз ҳақида гапирибди. Албатта уларни мақтаб гаппирган, қилган ишлари, ёзган асарларини ўқувчиларига ўргатибди, фақат Ал Хоразмийни араб, Ибн Синони форс олими ва ҳоказо деб айтибди.

Қизим келиб, “Дада, Ал Хоразмий араб бўлганми? Сиз уни бизнинг ота-бобомиз деган эдингиз-ку” деб қолди. Унга нима сабабдан ўқитувчиси бундай деганлигини, бу хато эканлигини, хатони тўғрилаш бизнинг вазифамиз эканлигини тушунтирдим. Мен ва унинг ўзи ҳам “Ал Хоразмий”, яъни Хоразмдан эканлигимизни эслатдим.

Кейин қизим ўтириб интернетдан дарсда ўтилган ота-боболаримизнинг биографияларини топиб ўқиб ўрганди. Ва “Буни ўқитувчимга ва синфдошларимга айтаман, хатони тўғрилайман” деб мактабга кетди.

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

Сўраганлар учун воқеанинг якуни.

Қизим бу ҳақда дастлаб синфдошларига айтганида ишонишмабди. Кейин дарс пайтида у бу ҳақда ўқитувчисига гапирибди. Ўқиб ўрганган маълумотларини бергач, ўқитувчиси барча ўқувчилар олдида ўзи хато қилганини тан олибди.

Тўлвинланиб ўз нуқтаи назарини ҳимоя қмлган қизимга “Ота-боболаринг билан жуда фахрланар экансан” деб миннатдорчилик билдирибди.

Ҳаётда фақат эртакларгина яхшилик билан тугамайди. Мана бир синф ўқувчилар, бир тарих ўқитувчиси ва унинг келажакдаги ўқувчилари бизнинг тарихимиз ҳақида янги маълумотларни билиб олди.

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

ЖОНИМИЗ ОМОН БЎЛСИН !

- Бизнинг ота-боболаримиз қадим замонларда Хитойга ҳужум қилавериб, Хитой деворини қуришга мажбур қилганлар

- Бизнинг ота-боболаримиз, Хунлар Римгача бориб буюк империянинг қулашига сабаб бўлганлар

- Бизнинг ота-боболаримиз Константиполгача бориб, ҳозирги Туркия ерларига ўрнашиб, Европа ва Африканинг катта қисмларини босиб олганлар

- Минг йиллар давомида бизнинг ота-боболаримиз, Қорахонийлар, Сомонийлар, Ғазнавийлар, Хоразмшоҳлар, Темурийлар Россиядан Ҳиндистонгача, Хитойдан Европагача бўлган ҳудудларни босиб олиб, дунёнинг манаман деган салтанатларини титратганлар.

Фақатгина бизлар қўрқоқ ва итоаткор, журъатсиз ва мусаффо осмон шайдоларимиз холос. Бизнинг жонимиз ширин, биздан бошқа ҳамма ўлади, фақат бизлар ўлмаймиз. Бизга ота-боболаримиз буюк бўлганлари етади. Абадий етади. Жонимиз омон бўлсин!

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

Имтихонингиз қандай ўтган? 😜

"Уч замон" каналига ҳали обуна бўлмаганлар учун ҳавола:
👉 https://t.me/uchzamon

Ростдан, барча динлардаги жаннат ва дўзах тасвирларидан кўра ҳаётдаги айрим шароитлар анча илғор ва маъқулроқ.

Ҳатто айримларда тилладан қасрлар қуриш, ариқларда шароб оқизиб қўйиш ёки 72 эмас 720 ҳурлар билан ҳам бўлиш имконлари бор. 🤓

Жиддий олманг, кулинглар. Шунда жаннат ёки дўзахга кечроқ етиб борасизлар 😊🙏

"Уч замон" каналига ҳали обуна бўлмаганлар учун ҳавола:
👉 https://t.me/uchzamon