Туризм бошқа иқтисодий соҳалардан фарқли равишда эхтиёж эмас, балки орзулар, ҳиссиётлар устига қурилади. Бир турист бирон манзилга бориши учун уни орзу қилдириб, унда муаммо бўлмаслигига ишонтиришингиз керак бўлади. "3000$" айнан орзу қилиб юрганларнинг хавотирини босишга қаратилган чора. Шундай бўлгач, ваъдаларга ишониб саёҳатга боргач, муаммо туғилганда "кийдириб" юборилган турист хурсанд бўлиши мумкинми ?

Туризмда мижозлар бир туристнинг бошқа потенциал туристга ўз таасуротларини гапириб бериши орқали топилади. Бу худди коронавирусга ўхшаган нарса, фақат яхши маънода. Бир турист ўз атрофидагиларга гапириб беради, атрофидагилар ҳам бориб келгач, ўз атрофидагиларга гапириб берадилар. Агар саёҳат ёмон ўтса ёки ҳийла қурбони бўлса ҳам шундай, турист атрофидагиларига бу манзилга босмасликни тавсия қилади. Бундан ташқари, ижтимоий тармоқлар, ихтисослашган сайтлар ва қолаверса, ОАВда "Ўзбекистон туристларни "кийдиряпти" деган хабар тарқалса, калта ўйлаб қилинган "PR" бир тийин бўлиб қолади.

Шунинг учун туризмда имкон қадар ёлғон ваъдалар берилмайди ва шартномадаги кичкина ҳарфлар билан ёзилган мураккаб шартлар туристга эринмасдан тушунтириб берилади. Шундан келиб чиқиб, мен Туризм қўмитаси ҳийла ишлатмаяпти ва агар турист касалга чалинса, ростдан пул бермоқчи деб ўйлайман.

Энди, бу қарорнинг тўғри ёки нотўғрилигига келсак, мен уни тўғри қарор деб ҳисоблайман.
Биринчидан, айтилганидай бу туритсларни тинчлантириб, туризмимизни ривожлантиришга хизмат қиладиган "PR".
Иккинчидан, ҳеч бир турист 3000$ оламан деб ўзига коронавирус юқтирмайди. Агар юқтирадиган аҳмоқ топилса, ола қолсин шу 3000$ни.
Учинчидан, Туризм қўмитаси ваъда бердими, демак ўзига ишоняпти. Шундай бўлгач, бу пул бериладиган ҳолатлар кўп бўлмаса керак. Агар қўмита ноҳақ бўлиб чиқиб, туристлар касаллик юқтирсалар, ваъда қилинган пуллар берилиши керак. Бундан фақат обрўйимиз ошади.

Унда "3000$" ташаббусига қаршилар нимадан норози?

Улар туристларга "эътибор" дан эмас, балки ўз халқимизга нисбатан "эътиборсизлик"дан норозилар. Тадбиркорларга ишчилари касал бўлса, ҳаражатларини ўзи тўлайди дейилаётган пайтда туристлар касал бўлса, биз тўлаймиз дейилаётгани уларга адолатсизлик бўлиб туюлмоқда ва бу тўғри. Инсонлар туристларга пул берилишидан эмас, балки ўзбекларга "замбаракнинг ўқи" ҳам йўқлигидан норозилар.

Аммо бу Туризм қўмитасининг айби эмас. Туризм қўмитаси ўз вазифасини қиляпти. Вазифасини қилмаётганлар бошқалар ва норозилик туристларга қарши эмас, ҳақиқий айбдорларга қарши қаратилиши керак.

Шунда туристларга ваъда бериб қўйиб, кейин ҳийла ишлатишга ёки халққа "Хавотир олманглар, бу бор йўғи ҳийла" дейишга ҳожат қолмайди.

"Уч замон" Телеграм каналига аъзо бўлиш ва бошқаларга тарқатиш учун ҳавола 👉 https://t.me/uchzamon

ФРАНЦИЯДА ЎЗГА САЙЁРАЛИКЛАР ДАЛАГА ТАСВИРЛАР ЧИЗИБ КЕТИШГАНМИДИ ?

Францияда битта далага ўзга сайёраликлар ёзиб кетган экан. Ҳар ҳолда, ушбу суратдаги катта безакларни самолётдан суратга олишгач, одамлар шундай деб ишона бошлашган ва бу синоатнинг сирини топа олмай юришган эди. Кейин бу янгилик каттага айланиб кетишни бошлагач, бу ташаббуснинг ташаббускори бўлмиш "ўзга сайёралик" ОАВларга телефон қилиб бор гапни айтиб берибди.

Бу оддий мактабнинг математика ўқитувчиси бўлиб, у ўқувчиларига геометрияни алоҳида метод ёрдамида тушунтириш учун ўз ўқувчилари билан далага бориб, ушбу гигант суратларни ясашган экан. Албатта бу иш шаҳар ҳокимининг розилиги ва деҳқонларнинг қўллови билан амалга оширилган экан. Аммо ташаббуркорлар "Ўзга сайёраликлар ҳақида миш-мишлар тарқалиб кетишини ҳаёлларига ҳам келтирмаган эканлар.

Ўзга сайёраликларга ишонадиган дўстларимизнинг ҳафсалаларини пир қилганим учун минг бор узр!

"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

#КунАнекдоти!

- Даданг нима иш килади?
- Дадам блогер!
- Ойингчи?
- Ойимам бекорчи. Блогни дадам билан иккаласи биргаликда юритишади
😜😂😂

"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

"ОТАЛАР КУНИ" МУБОРАК БЎЛСИН!

Эрталаб "Селфи куни" ва "Жирафалар куни" эканлигини айтгандим.

Ундан ташқари бугун йилнинг энг узун куни ҳамдир.

Францияда "Мусиқа байрами" ҳисобланиб, эрталабгача ҳамма мусиқаларни бор овозда қўйиб эшитишга ҳаққи бор. Бу йил, коронавирус сабабли концертлар тақиқланган, акс ҳолда Франциянинг барча шаҳарларида эрталабгача катта ва кичик концертлар ҳам ташкил қилинган бўлар эди.

Ва ниҳоят бугун "Оталар куни". Менга байрам муносабати билан фарзандларим мана бу кейкларни пишириб совға қилдилар. Ота учун фарзандлари берган ҳар қандай совға қадрли. Агар совға мана бундай чиройли ва мазали бўлса, унинг баҳоси йўқ бўлади. 😋😍

Фурсатдан фойдаланиб, мен ҳам барча оталарни, барчаларингизнинг оталарингизни байрам билан муборакбод этаман. Бахтингизга оталарингиз соғ-саломат бўлсинлар!

"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

Путиннинг империалистик амбициялари, яширин мақсадлари йўқ деганлар кўрсин.

Ичида қандай аламлари борлигини яшира олмаяпти.
Шахсан мен учун қувонарли томони буни бизнинг Марказий Осиё давлатларимиз раҳбарлари ҳам кўрадилар ва тушунадилар.

Ўзбекистондаги барча блогерлар мана шу видеони бир вақтда тарқатганликларини ҳисобга олсак, раҳбарларимиз халқни рус империализмига қарши тарғиб қилишни бошлабди деган тасаввурларни беряпти.

Қозоғистон эхтиёт бўлиши керак. Путиннинг бу гаплари кўпроқ Токаевни қўрқитиб қўйишга қаратилган деб ўйлаяпман.

"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

ПУТИН, РУСЛАР ВА РУСОФОБИЯ.

Путин ва унинг сиёсатини танқид қилган инсонларни айримлар (руспарастлар) "русофоб" дейишга тушадилар.

Русофобия бу руслардан қўрқиш, русларни ёмон кўриш дегани. Путин ва унинг сиёсатини энг биринчи танқидчилари русларнинг ўзлари бўлади. Демак Россиядаги русларнинг ўзлари русофоб бўладиларми?

Ўз даврида Сталин қатағонларининг қурбонлари фақат ўзбеклар эмас, балки истисносиз барча халқлар, жумладан руслар ва грузинлар ҳам бўлганлар. Шунинг учун Сталиннинг қилмишларини айтиш русофоблик ёки грузинофоблик бўлмайди.

Путин ўз даврида Россиянинг кўплаб ҳаётий муаммоларини ҳал қилган ва Россиянинг мавқесини қайта тиклаб ҳурмат қозонган.

Лекин у подшолик касалига дучор бўлиб, ўз давлати Конституциясини бузиб, ҳозирга қадар ҳокимиятни эгаллаб келмоқда. Ниҳоят унинг ҳокимиятда қолиш учун ўйлаб топган ҳийлалари, қилғилиқларининг оқибатлари биринчи навбатда русларнинг ўзларига ёмон бўла бошлади.

Бизку Путинни гапирсак, гапирмасак кунимиз ўтади. Юртимизга хавф туғдиргани учун хавотирларимизни айтамиз. Аммо Путин сиёсатининг асосий қурбонлари, унинг хатоларининг жабрини кундалик ҳаётида тортишга мажбур бўлганлар русларнинг ўзлари бўлади.

Шу сабабдан, Россия 24, Russia Today, Sputnik ларнинг таъсирига тушиб, ҳар жойдан русофоб қидириб, ҳар бир гапда русофоблик кўравериш керак эмас. Путиннинг сиёсатини танқид қилган инсон русларни унинг пропагандаси таъсирида юрганлардан кўра кўпроқ ҳурмат қилиши мумкин. Балки у русларга яхшилик тилаганлиги учун ҳам Путинни танқид қилаётган бўлиши мумкин.


"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

#КунАнекдоти!

- Ҳа дўстим, нима бўлди? Кайфиятинг йўқ. Рангларинг ҳам сўлиб қолибди.
- Нимасини айтасан. Бир қилган ишим учун хотиним хафа бўлиб «Очлик» эълон қилди.
- Йўғе, ёмон бўлибдику. Неча кундан бери овқат емаяпти?
- Ҳа жуда ёмон бўлди. Бир ўзи овқат емаса майли эди. Бир ҳафтадан бери уйда овқат пишмагани учун оилавий овқат емаяпмиз! 😜😂

"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

Ўзим сиёсатшунослик, халқаро муносабатлар гa кизикаман сизлага битта канал #тавсия 😊

Телеграмдаги Жаҳон сиёсати|World Politics каналида дунё мамлакатларига оид қизиқарли статистик маълумотлар қўйилаётганлигини кўриб қолдим. Сизларга ҳам тавсия қиламан.

Каналга уланиш учун ҳавола: https://t.me/joinchat/AAAAAE5G89W_RCe5l9dhog

Сизнингча "турист" ким ? (Беҳазил савол)
public poll

Меҳмонлар – 118
👍👍👍👍👍👍👍 30%

Барчаси – 101
👍👍👍👍👍👍 25%

Чет элликлар – 97
👍👍👍👍👍👍 24%

"Бир қоп доллар" – 71
👍👍👍👍 18%

Билмайман – 13
👍 3%

👥 400 people voted so far.

ҚОЧОҚ, МИГРАНТ ВА ТУРИСТ. Трилогия.

Кеча "Сизнингча "турист" ким?" деб савол бериб сўровнома ўтказдим. Бу саволни Фейсбукда ҳам бердим. Жавоблардан кўпчилик туризм нима ва турист ким эканлигини яхши билмаслиги аён бўлди ва бу мени ажаблантирмади. Илмий тадқиқотлар доирасида бу вазиятга кўп бор дуч келганмиз ва туризм ҳақида инсонларга имкон қадар кўпроқ маълумот бериш керак экан деган хулосага келганман...

Биз баъзан туристларга ҳавас қиламиз. "Туристларга мазза" деймиз. "Мигрантлар" ҳақида гап кетса иккига бўлинамиз. Бирларимиз "Ажаб бўлибди, айб ўзларида, ўз юртида шукур қилиб юрмайдими?" десак, бошқаларимиз "Улар мажбурликдан кетган, уларга ҳам осон эмас" деймиз. "Қочоқлар"га келганда эса табиий равишда кўпчилгимизнинг раҳмимиз келади. Лекин бу учала тоифадаги инсонлар кимлар деб сўралса, буни нафақат тушунтириб бера олмаймиз, балки ўзимиз ҳам яхши тушунмаймиз.

Маълумот учун, 2017 йилдан бери ҳар йили дунёда 1.5 миллиарддан ортиқ турист саёҳат қилган, 2000 йилдан бери таҳминан 200 миллионга яқин мигрантлар ўз юртларини ташлаб бошқа юртларга кетган ва 2008 йилдан бери таҳминан 185 миллион киши қочоқликнинг аччиқ кунларини тотиб кўрган. Ҳайратланарли даражада катта сонлар, тўғрими ?

Мен мазкур мулоҳазаларим доирасида имконим ва билим савиям даражасида бу учала тоифадаги инсонларнинг кимлар эканликларини соддалаштириб тушунтириб беришга ҳаракат қиламан. Бугун трилогия мақоланинг 1-қисми «қочоқлар»га бағишланган қисмини эълон қиламан. Эринмай ўқиб чиққанлар афсусланмайди...

"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

"Марказий Осиё иттифоқи" ғоямизни кўплар қўллаб-қувватласа ҳам буни очиқ ойдин айтишмаётган эди. Кеча Путиннинг интервьюси чиққач, бирлашишимиз ҳаётий зарурат эканлиги янада ойдинлашди ва инсонлар мустақил равишда бирлашишга чорлаш бошладилар.

Шундай пайтда ҳар ким ўзи мустақил тарғиб қилиб юрмасдан биз билан бирлашиши керак. Бирлашиш шундан бошланади. Биргаликда биз бу буюк ғояни амалга оширамиз.

"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

Қочоқ, Мигрант ва Турист. Трилогия. 1-қисм. Қочоқ.

... Француз режиссёри Матьё Касовитз 1 дақиқа 38 сониялик видео тақдим этди. Видеода бахтли европалик оила тасвирланган (европаликларга таъсир қилиши учун атайлаб европалик оила тасвирланган). Ўрта ёшлардаги ота ва она, уларнинг 2-3 ёшлардаги қизи ва 6-7 ёшлар атрофидаги ўғли. Улар ҳазил-ҳузуллар билан дастурхон атрофига ўтираётганларида электр розеткасида қисқа туташув юз бериб, унинг ёнида турган ўйинчоқ айиқчага тегиб, ёнғин юз беради. Қўшни хонада чиққан ёнғин катталашиб, оила ёнгинни кўрган пайтларида уйнинг анча қисми ёнғин ичида қолиб бўлган бўлади. Шунга қарамасдан оила ўзларига тобора яқинлашиб келаётган ёнғиндан жон борича қочиб ташқарига чиқадиган эшикка томон югурадилар. Улар шошганча эшикни очсалар, эшикнинг ташқариси нимагадир қалин бетон девор билан ёпилиб қолган бўлади. Улар жон-жаҳдлари билан деворни уриб, одамларни ёрдамга чақирадилар. Лекин ҳеч ким уларга ёрдамга келмайди, бетон деворни олиб ташлаб, уларни ташқарига чиқармайди. Ва ниҳоят уларнинг устига олов бостириб келиб, ўлимдан қутулишнинг иложи қолмайди. Улар ўз ўлимларини бўйинларига оладиларда бир-бирларини қучганча ...(ёниб кетадилар).

Мақолани тўлиқ ўқиш учун ҳавола : https://telegra.ph/Qochoq-06-23

"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

Қирғизистоннинг собиқ президенти Алмазбек Атамбаев коррупцияда айбланиб, иши судда кўрилаётган эди. Ниҳоят суд унга 11 йилу 2 ой озодликдан маҳрум қилиш жазосини тайинлабди.

"Марказий Осиёнинг демократия ороли" деб аталадиган Қирғизистонда собиқ президентларнинг барчаси чет элга қочиб кетган эди. Атамбаев қочиб кетмасдан, президентлик муддатини охиригача тугатиб, кейин қамалиб кетган биринчи президент бўлди. Роза Отунбаева собиқ вақтинчалик президент бўлиб, у ўз вақтида президентликни топширган.

"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

ЎРДАК ФАЛСАФАСИ.

Ўрдакларга мазза. "Дунёни сув босса тўпиғига чиқмайди" деган мақол шуларга қараб ўйлаб топилганми деб ўйлаб қоламан.

Уларга юрт тақдири нима, сайловларнинг қандай ўтгани нима, дунёда миллатчилик кучайиб, одамгарчилик йўқолиб бораётгани нима фарқи йўқ. Чунки улар ўрдакларку.

Ўрдаклар сувга тушса чўкмайдилар, ерда юрса ботмайдилар. Айримлари ҳатто осмонга ҳам уча олади.

Дунёда коронавирус тарқалганлигининг уларга фарқи йўқ. Ҳатто парранда грипи тарқалганда ҳам товуқлар жар солди, қушларнинг фиғони фалакка учди. Аммо ўрдаклар "ғақ" демади.

Ўрдакларга берсангиз ейди, урсангиз ўлади. Лекин ўзидан ташаббус чиқариб бирон иш қилмайди, ташаббуш билан чиққанларга қараб ҳам қўймайди.

Бўлди, тушлик пайти иссиқда юрса, одамнинг бошидан иссиқ ўтиб, ўрдакларга қараб ҳам фалсафа сўқийверар экан. Тез сояга ўтиб, дам олиб олмасам бўлмайди. А лаббай? 😜

"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

ХОТИНИ ЙЎҚНИНГ УЙҚУСИ ЙЎҚ.

Бир дўстимизга "Нега тунда ухламаяпсан?" десам "Хотини йўқнинг уйқуси йўқ" дейди.

Шундайми, тунда ухламаётган хотини йўқлар? 😜

Аёлларнинг ҳеч бирининг хотини йўқ. Агар унинг гапига ишонилса, аёллар тунда умуман ухламас экан-да.

Тўғрисини айтаверинглар, аёллар, тунда ухламай нима қиласизлар? 😜😂

Нима бўлсаям, тунда ухлаганлар ва ухламаганларга хайрли тун! 😊🌙😴

"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

Сизнингча "мигрант" ким ? (беҳазил савол)
public poll

Чет элда ишлаб кейин юртига қайтиб келадиганлар – 90
👍👍👍👍👍👍👍 36%

Барчаси – 85
👍👍👍👍👍👍👍 34%

Чет элда ишлашга кетиб қолиб кетадиганлар – 53
👍👍👍👍 21%

Билмайман – 15
👍 6%

Ким ўз юртига пул юборса ўшалар – 9
👍 4%

👥 252 people voted so far.

Озарбайжон, Арманистон, Грузия, Туркманистон президентлари парадга бормадилар. Назарбаевга коронавирус баҳона бўлди. Ҳатто Хорватия президенти "Самолётим бузилиб қолди" деб баҳона қилди. Ва ниҳоят, Қирғизистон президенти Жээнбеков Москвага учиб борса ҳам парадга бормасликнинг йўлини топди.

Парадга бормасликка дух топмаган Лукашенко ва Токаевлар ҳеч бўлмаса "Георгий тасма"сини тақмасликка ва кўкракларига ўзларининг миллий байроқларини тасма қилиб тақишга куч ва фаросат топдилар...

Йиғланг, Қўчқор ака, йиғланг!😢🤕


"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

"Ҳурматли Ароқ,

Режага кўра сен мени бой, қўрқмас ва қувноқ қилиб қўйишинг керак эди. Мен кеча бўлиб ўтган тўйдаги видеоларни кўриб чиқдим. Сен билан бир гаплашиб олишимиз керак!" 😜

"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

Қочоқ, Мигрант ва Турист. Трилогия. 2-қисм. Мигрант.

1930 йилларда Совет Иттифоқи Марказий Осиёнинг аҳолисини колхозлар ва совхозларда ишлашлари учун уларларни ўтроқлашитириш сиёсатини олиб боради. Тарихдан шаҳарлар ва қишлоқларда яшашга одатланган ҳозирги Ўзбекистоннинг аҳолисини ўтроклаштириш борасида унчалик муаммолар бўлмаган бўлса ҳам, Марказий Осиёнинг кўчманчи аҳолиси, жумладан қозоқларни, қирғизларни ва туркманларни ўтроклаштиришда советлар катта тўсиқларга дуч келадилар. Ота-боболарининг кўчманчи хаёт тарзларидан воз кечишни истамаган қозоқларни ўтроклаштириш учун советлар уларнинг чорваларини тортиб олиш ва ҳатто чорваларни атайлабдан қириб ташлаш ёки ёқиб юбориш каби дахшатли чораларни ҳам қўллаганлар.

Натижада 1930-1932 йиллар оралиғида 4 миллион нафар қозоқларнинг қарийб ярми аянчли ҳолатда ОЧЛИКДАН (отишдан, осишдан ёки қатоғондан эмас) қирилиб кетадилар. Миллионлаган қозоқлар Ўзбекистон, Қирғизистон, Хитой, Туркия ва Европа ҳудудларига жон сақлаш учун тарқалиб кетадилар. Дунё тарихида бирон миллатнинг бунчалик катта қисми тизимли равишда шавқатсизларча қириб ташланганлиги ҳолатлари кузатилган эмас. Оқибатда ҳозирга келиб, Қозоғистон катта инсоний йўқотишлар ҳисобига дунёнинг аксарият давлатлари қатори ўтроқ давлатга айланган.

Ўтроқлаштириш учун қозоқларни шу кўйларга солган советлар минтақамизнинг аҳолисининг хаёт тарзини бутунлай кўчманчилик, миграция деган нарсалар нималигини билмайдиган, узоғи билан ўз туманининг марказига бориб келиб кун кечирадиган, агар мобадо Москвага бориб келгудай бўлса, ўзини худди космосга чиқиб келгандай ҳис қиладиган "ўтроқ" тизимга ўргатиб қўйганлар...

Мақолани тўлиқ ўқиш учун ҳавола : https://telegra.ph/Migrant-06-25

"Уч замон" Телеграм каналига аъзо бўлиш ва бошқаларга тарқатиш учун ҳавола
👉 https://t.me/uchzamon

ГАНГАМ СТАЙЛ!

Муаммоларнинг охири бўлмайди. Бири тугаса иккинчиси тайёр туради. Айрим муаммоларни узоқ вақтлар давомида ечишга тўғри келса, айримларини ҳеч қачон еча олмаймиз.

Шунинг учун, ҳеч қачон тушкунликка тушмаслик ва ижобий бўлиб қолиш керак. Биз ҳам ижобий бўламиз ва рақсга тушамиз.

Хоп-хоп-хоппа Гангамстайл! 😜😂👍

"Уч замон" каналига аъзо бўлиш учун ҳавола👉 https://t.me/uchzamon