КЕЧАГИ СЎРОВНОМАЛАР НАТИЖАЛАРИ

Кеча Белоруссияда юз бераётган воқеа ва ҳодисалар юзасидан сўровномалар ташкил қилган эдим.

"Сизнингча Белоруссияда бўлаётган воқеаларни ким ташкиллаштиряпти" деб берган саволимга 31% иштирокчилар "Белорус халқи" деб жавоб берган бўлса, Ғарб деб ишонганлар 10%ни, Россия деб ишонганлар 27%ни ташкил қилган. Номаълум кучлар деб ўйлаганлар 8% ва ким ташкиллаштираётганлигини билмайман деб жавоб берганлар 24%ни ташкил қилган.

"Белоруссиядаги воқеалар сиз учун қанчалар муҳим ва қизиқ" деган савол 83% овоз берувчилар у ерда юз бераётган воқеаларга бефарқ эмасликларини кўрсатди. Улардан 33%и муҳим ва қизиқ деган бўлсалар, 50%и қизиқ, аммо муҳим эмас деб жавоб берганлар. 17% иштирокчи "Менга умуман қизиқ эмас" деб жавоб берган.

Лукашенко президентликдан кетса нима бўлиши ҳақидаги саволда кўпчилик (38%) нима бўлиши унинг қачон кетишига боғлиқ деб жавоб берган бўлса, 29% иштирокчилар Белоруссия ривожланиб кетишини, 15% иштирокчилар оқибатлари ёмон бўлишини таҳмин қилганлар. 18% иштирокчилар эса ҳеч нарса ўзгармайди деб жавоб берганлар.

Бундан хулоса қилиб айтадиган бўлсак, юртдошларимизнинг кўпчилиги воқеаларни белорус халқи ташкил қиляпти деб ҳисоблайдилар. Улар Белоруссиядаги воқеаларга бефарқ эмаслар ва уни кузатиб бормоқдалар. Юртдошларимизнинг Белоруссия келажаги борасидаги таҳминлари ҳам жуда мантиқли.

Шундан келиб чиқиб, Белоруссия воқеалари ҳақида бирон таҳлилий нарса ёзишга ҳаракат қиламан. Жанг пайтида ҳамма нарсани билиш ва бор ҳақиқатни топиб айтиш осон бўлмайди, аммо юз бераётган воқеаларни қиёсий таҳлил қилиш ва тарафларнинг манфаатларини чамалаш орқали ёритувчи элементларни олиш мумкин.

Агар ростдан ҳам арзиса бунга уриниб кўраман. Муносабатларингизни смайликлар ва изоҳлар орқали билдиринглар !

"Уч замон" каналига аъзо бўлиш учун ҳавола👉 https://t.me/uchzamon

Лиончилар! Биз ютдик! Ғалаба муборак! Ҳайр, Сити! 😜👏⚽🥅

ШАҲРАМ ЯНА БИР РАҚИБИНИ "ҚУЛАТДИ"

Шаҳрам Ғиёсов ўз рақиби никарагуалик Уистон Кампосни 3-раунддаёқ ер тишлатди. Офарин!

Бу унинг 10 та жангда 10-ғалабаси ҳисобланади. Барчамизга ғалаба муборак!

"Уч замон" каналига аъзо бўлиш учун ҳавола👉 https://t.me/uchzamon

ИСРОИЛ ЎЗИНИНГ 6-ҒАЛАБАСИНИ ҚЎЛГА КИРИТДИ

Исроил Мадримов Эрик Уолкерга қарши 12 раундлик жанг ўтказиб, очколар ҳисобига ғалаба қозонди.

У рақибини накаутга учратган эди, аммо ҳакамлар Исроил рақибини елкаси билан йиқитди деб уни ҳисобга олмаганлар.

Шунга қарамасдан, Исроил барибир ғалаба қозонди. Машаққатли ва ишончли ғалаба билан Исроилни ва барчангизнм муборакбод этаман.

Энди Исроил Мадримов WBA Жаҳон чемпионлик камари учун мажбурий даъвогарга айланди.

"Уч замон" каналига аъзо бўлиш учун ҳавола👉 https://t.me/uchzamon

ЛУКАШЕНКОНИНГ НАМОЙИШЛАРГА МУНОСАБАТИ (Менинг эътиборимни тортган 3 та жойи)

1. Уни ташқаридан ташкиллаштириляпти (ажабланмадим)

2. Бизнинг ҳарбийларимиз ўзларини, оилаларини ва юртни ҳимоя қилишга қодирлар (Олдин айтган гапим. Ҳарбийларнинг касби мудофаа, яъни халқнинг ҳимояси. Халққа қарши ҳимоя ёки халққа қарши жанг эмас. Буни президент тушунмаса, у ўз ўрнида эмас)

3. Эркак бўлсанг олдинга чиқ. Олдинга аёлларни қўйиб олма (Ўша куни мақолада ёзганим. Олдин аёлларни писанд қилмаганди, энди аёлларни эплай олмагани учун эркакларнинг ғурурига тегиб, манипуляция қилмоқчи)

Бугун Белоруссиядаги воқеалар ҳақида таҳлилий мақола ёзишга ҳаракат қиламан. Менга омад ва иштиёқ тиланглар. Дангасалик ва бошқа иллатлар енгиб қўймасин 😜.

"Уч замон" каналига аъзо бўлиш учун ҳавола👉 https://t.me/uchzamon

БЕЛОРУССИЯ : КИМ, НИМА, ҚАНДАЙ ВА БОШҚАЛАР ҲАҚИДА

Белоруссияда юз бераётган воқеалар ҳақида кимдир АҚШни, кимдир Россияни, кимдир Лукашенконинг ўзини, кимдир "кўринмас кучлар"ни айлаяпти. Бировлар Белоруссияда барчаси яхшилигини, шу сабабдан "Каддафийга ўхшаб" уни ҳам йўқотмоқчилигини айтса, яна кимлардир Белоруссия Европадаги энг охирги диктатура эканлигини ва Лукашенко халқнинг жонига тегганлигини айтади. Яқинда бўлиб ўтган сайловларда ҳукумат ва унга хайрихоҳ кучлар президент ҳақли ғалаба қозонган деб ҳисоблайдилар ва айрим давлат раҳбарлари, хусусан собиқ совет республикалари президентлари Лукашенкони "ишончли ғалаба" билан қутладилар. Уларга қарама-қарши равишда бошқалар Лукашенко сайловлар олдидан ўз сиёсий рақибларини ҳибсга олганлигини, сайловларни соҳталаштирганлигини, шунга қарамасдан барибир ютқазганлигини айтадилар.

Хуллас, ҳамма ўзи хоҳлаган версияга ишонади ва ўзиники тўғри деб билади. Аниқ исбот ва далилсиз уларга "Йўқ, ундан эмас, мана бундай" десангиз сизнинг ҳам улардан фарқингиз қолмайди...

... Сайловлар олдидан, Лукашенко халқни "Ташқи кучлар хавфи"дан огоҳлантириб, ҳатто сайловлар пайтида тартибсизликларни юзага келтириш учун юртга келган 37 нафар "Вагнерчилар" қўлга олинганлигини ошкора айтади. "Вагнер" гуруҳи расман хусусий корхона бўлса ҳам амалда Путиннинг одами бўлган Евгений Пригожин томонидан тузилган Россиянинг Украина, Сурия, Ливия ва бошқа уруш ҳудудларидаги яширин ва ошкора буюртмаларини бажарувчи ҳарбий гуруҳ ҳисобланади.

Россия айбловларни расман инкор этган бўлса ҳам амалда Россия Лукашенко номзодига қарши эканлигини зийрак кузатувчилар тушуниб бўлган эдилар. Шу сабабдан, Россия ўзининг "яшил одамлари"ни Белоруссияга юборганлигига бемалол ишониш мумкин.

Яна бошқалар, воқеаларнинг ортида Ғарб турибди деб ишонадилар. Ғарб Белоруссиядаги манфаатларидан воз кечмаслигини ҳисобга олсак, бу версияда ҳам жон борлигига ишониш мумкин....

Мақолани тўлиқ ўқиш учун ҳавола : https://telegra.ph/belorussiya-kim-nima-qanday-08-16

"Уч замон" каналига аъзо бўлиш учун ҳавола👉 https://t.me/uchzamon

#КунАнекдоти!

ЗИРАК ТАҚА БОШЛАБСАНМИ ?

- Ия, дўстим, қулоғинга аёллар зирагини тақишни бошлабсанми ?
- Ҳа, гапирма, дўстим
- Қачондан бери тақяпсан буни ?
- Бу зиракларни хотиним машинамдан топиб олганида "Улар меники, ўзим тақмоқчиман" деганимдан бери 😢😜😂

"Уч замон" каналига аъзо бўлиш учун ҳавола👉 https://t.me/uchzamon

#Марсбукликлар!

Бечора қуённинг жойи жаннатда бўлсин!

Сизларда ҳам шунақаси бўлиб турадими? Масалан, мана бундай пост ёзасиз :

"Кеча ўрмонда бури билан қуён учрашиб қолишибди. Улар ўртасида салом алик бўлгандан сўнг, бўри қуённи еб қўйибди ва йўлида давом этибди. Бечора қуённинг жойи жаннатда бўлсин!"

Кейин коментлар ёзила бошлайди :

"Қачон кўришиб қолишибди?"

Сиз жавоб берасиз : "Қаранг, бу ҳақда постда ёзилган!".

Иккинчи комент ёзилади : "Қачон экан?"

Сиз жавоб ёзасиз : "Кеча!"

Унгача навбатдаги комент ёзилиб турган бўлади : "Қаерда учрашишибди?"

Сиз айтасиз : "Барака топгурлар, постни охиригача ўқиб, кейин комент ёзинглар, ўрмонда деб ёзилганку"!

Ундан кейинги комент : "Бу қуён бўлмаса керак, чунки бўри билан куён саломлашмайди. Балки қуён эмас айиқдир?"

Унга биттаси жавоб беради : "Йўғе, айиқ бўлса, бўри уни еёлмаган бўларди"

Навбатдагиси суҳбатга қўшилади : "Қуёнга "жойи жаннатда бўлсин" деб бўлмайди, у мусулмон эмас"

Унга кимдир жавоб беради : "Астағфирулло денг, ҳамма хайвонлар мусулмон, шунинг учун айтса бўлади"

Давом этади : "Ҳамма ҳайвонлар мусулмон бўлса, демак мусулмон мусулмонни ўлдирибдида?"

Унга жавоб : "Ҳозир бутун дунёда шундай бўлиб ётибди. Сурия, Ироқ, Афғонистонни қаранг"

Яна кимдир : "Буларнинг ҳаммасига Америка айбдор..."
Бу ёғи кеееетди! Сизнинг бўри ва қуён ҳақидаги постингиз ва раҳматлик қуён бир четда қолиб кетаверади. 😜

Дониёр Рўзметов

"Уч замон" каналига аъзо бўлиш учун ҳавола👉 https://t.me/uchzamon

УЧ ЗАМОННИНГ КАМЧИЛИКЛАРИ

- Уч замоннинг камчиликлари ҳақида гапириб берсангиз...
- 1. Ғийбат тарқатмайди
2. Миш-миш тарқатмайди
3. Текширилмаган, ўз ваколатига кирмаган маълумотларни бермайди
4. Провакция, гиж-гижлайдиган постларни қўймайди
5. Соҳта ва арзон Пиарлар қилмайди
6. Беҳаё суратлар ва бачкана ҳазиллар чиқармайди
7. Юлдуз Усмонова, Жаҳонгир Отажонов, АМ Али, Қобул Дўсовларнинг жанжалларига аралашмайди, шарҳламайди ва уларнинг орқасидан очко ишламайди
8. Шоу бизнес янгиликлари, ваҳималар, шов-шувларни бермайди...

- Тўхтанг, шошманг, бу канал фақат фойдали ва керакли постларнигина беради деманг тағин?😳

- Тўғрисини айтсам, шундай қилишга ҳаракат қилади. Таҳлилий мақолалар, фойдали маълумотлар, ҳажвия ва латифалар. 😬

- Қўйинг ака, намунча зерикарли канал экан. Ҳалиям ёпилиб кетмаганига ҳайронман. Шундай каналга обуна бўлганлар ҳам борми? 🤔

- Ҳа, жуда муваффақиятли каналлардагидай бўлмаса ҳам обуна бўлиб қўйганлар бор. Асосан билимли, фаросатли, фойдали маълумотлардан зерикмайдиганлар йиғилганлар. ❤

- Бир гала ўзингизга ўхшаганларни йиғиб олибсиз-да. Қўйинг-э... 🤦‍♂️😜😂

- Уч замончиларга тил теккизманг. Улар Телеграмдаги энг зўр ўқувчилардирлар 👍👏🙏

"Уч замон" каналига аъзо бўлиш учун ҳавола👉 https://t.me/uchzamon

🔴Калтак — келажак кушандаси

Батафсил:👉👉👉 https://bong.uz/zhamiyat/1204-1204

Tелеграм каналимизга қўшилинг:👇👇👇
https://t.me/joinchat/AAAAAE7D8rYZSq7PFnUBvw

"Голубые купола Самарканда", Ялла

"Уч замон" каналига аъзо бўлиш учун ҳавола👉 https://t.me/uchzamon

ШИМОЛИЙ КОРЕЯДА ИТЛАРНИ ЕЙИШГА ТОПШИРИШ БУЮРИЛДИ

Шимолий Кореяда уй ҳайвонларини сақлаш "Буржуазиянинг аломатлари" деб топилиб, уларни сақлаш таъқиқланибди.

Оқибатда, уйида ит сақлайдиган инсонлар ўзларининг уй ҳайвонларини ёки зоопаркларга ёки уларни таом қиладиган ресторанлар ва муассасаларга беришлари керак экан. Зоопаркларга итлар олинмаганлиги сабабли бутун давлатдаги барча итлар давлатга озиқ-овқат сифатида топширилиш эҳтимоли катта экан.

Узоқ вақтлардан бери, БМТ ва ривожланган давлатлар Шимолий Кореяда қашшоқлик даражаси ортиб кетиб, озиқ-овқат масаласи оғир эканлигини айтадилар. Шундан келиб чиқиб, давлат раҳбари "Буржуазия"ни баҳона қилиб, итларни ейилишга буюриши шу муаммони ҳал қилишга қаратилган бўлиши мумкин.

"Уч замон" каналига аъзо бўлиш учун ҳавола👉 https://t.me/uchzamon

"Уч замон" каналига аъзо бўлиш учун ҳавола👉 https://t.me/uchzamon

Пляжнинг буйида эркин кутубхона

«Беринг, Олинг ва Бошқалар билан улашинг» деб ёзилган. Китобни олиб кетиб, ўқиб олиб келиб қўйиш ва унга китоб кўшиш эркин. Ҳеч қандай назорат йўқ. Олиб кетиб қайтариб олиб келмасангиз ҳам назорат йўқ. Барчаси инсонларнинг виждонларига ишонч устига қурилган.

(Франция, Бретань вилояти, Атлантика океани соҳили. Ўзим туширган сурат)

Франциянинг катта ва кичик шаҳарлари, ҳатто қишлоқларида ҳам бундай "Эркин кутубхоналар" ташкил қилинганини кўрганман.

Ҳеч қандай давлат тарғиботисиз, ОАВлар такрорламасдан, полиция назоратисиз ташкил қилинган ва ҳар доим ичида китоблар тўла бўлади. Бундай шароитда миллат китобсевар ва илмли бўлиши табиий.

"Уч замон" каналига аъзо бўлиш учун ҳавола👉 https://t.me/uchzamon

УЧ ЗАМОН 4 ОЙЛИК БЎЛДИ!

Азиз обуначиларим!

"Уч замон" канали очилганига дарров 4 ой бўлибди. Ўтган қисқа даврда сизлар билан 40 дан ортиқ таҳлилий мақолалар, 40 дан ортиқ латифалар, 80 дан ортиқ турли мавзуларда мақолачалар ва 80 дан ортиқ муносабатларимни, "Маҳаллий туризм" рукни остида юртимизнинг ўзига ҳос масканлари таърифини, "Чуғулистон" ва "Марсбукликлар" рукни остида ҳажвияларимни улашибман. Ҳажм жиҳатдан олиб қараганда, 4 ойда ёзилганлар қалин бир китобга етадиган бўлибди.

Мени ўқиганларингиз, мени ёзишга илҳомлантирганларингиз, каналга содиқликларингиз ва фаолликларингиз учун барчаларингизга ташаккур 🙏🙏🙏

Каналга янги қўшилган инсонлар учун каналнинг асосий матнларини мундарижа қилиб тепага илиб қўйдим. Имконингиз бўлса, уларни эринмай ўқишни маслаҳат бераман.

"Уч замон" каналига аъзо бўлиш учун ҳавола👉 https://t.me/uchzamon

САМАРҚАНД ПАЛОВИ

"Талабанинг бир тўйгани бой бўлгани" деганларидай ётоқхонада бир стипендияга яшаганимиз учун палов деган таомни еган кунимиз ўзимизни бой бўлгандай ҳис қилар эдик.

Талабаликнинг биринчи курс пайтларида ётоқхонада катта курсдаги самарқандлик акалар билан яхши чиқишар эдик. Улар тез-тез Самарқанд оши пишириб турар эдилар. Биз хоразмлик бўлганимиз учун бизда гуруч кўп бўлар эди. Акалар билан яқин бўлгач, масаллиқларни умумлаштириб тез-тез ош ейдиган бўлган эдик. Шу пайтларда, дарслардан кейин ётоқхонада пишган Самарқанд паловининг таъми эсимда қолиш билан бирга талабаликнинг қорни тўқ ва ёқимли даврларини эсимга солади.

Шунинг учун Францияда ҳам самарқандлик дўстлар билан йиғилиб қолсак Самарқанд палови, Ситора паловларни пишириб еб турамиз. Бу бугун уйимизда пишган санъат асари. Ош бўлсин! 😋😍👏

"Уч замон" каналига аъзо бўлиш учун ҳавола👉 https://t.me/uchzamon

"Эй дил", Ботир Қодиров

"Уч замон" каналига аъзо бўлиш учун ҳавола👉 https://t.me/uchzamon

“Сўкиниш санъати”

Чуғулистонда «Сўкиниш санъати — нутқ безаги» деб номланган халқаро нотиқлар фестивали бўлиб ўтган эмиш. Муҳбиримиз фестивални яқиндан ёритиб борган Чуғулистон теле-радио компанияси бош директори Чулун таппи ота билан учрашиб, фестивал ҳақида батафсил маълумот олиб қайтди.

Чулун таппи :

— Биз Чуғуллар тилимиз билан қанчалик фахрлансак арзийди. Дунёда бизнинг тилимиздай бой тил йўқ. Тилнинг кўрки нимада? — Ушбу тилда сўзловчи инсонлар нутқининг гўзаллигида. Нутқнинг гўзаллиги нимада? — Нутқнинг безаги бўлмиш сўкиниш санъатида. Ота боболаримиз бежизга «Сўкинишлар бор сўкинишларнинг хонидир, Сўкинишни билмаганлар, ғирт қип-қизил омидир» деб айтиб кетмаганлар.