الأسرة أمن وأمان
69.7K subscribers
715 photos
27 videos
38 files
1.2K links
محتوى خاص بالأسرة يقدمه محمد سعد الأزهري
‏ https://t.me/usraaman

🩺 الإستشارات
🫧 التواصل عبر البوت المجاني
‏@MohamedSad_bot

🫧 التواصل المدفوع
💫 لحجز الاستشارات مع محمد سعد الأزهري عبر منصة داعم على هذا الرقم 01004010047
Download Telegram
لو تنازلت مرة عن قرارك من أجل رأي زوجتك، فشيء جميل، لأن ذلك معناه أنك تتمتع بالمرونة اللازمة لاستقرار البيت.

ولو تنازلت عدة مرات عن قرارك لرأي زوجتك المحتمل صحته، فشيء معقول لأن ذلك معناه أن صدرك واسع وبتقدر تتفهّم وجهة النظر الأخرى لشريكة حياتك.

أما التنازل شبه المستمر عن قراراتك، فمعناه إنك شخصية مترددة ومهزوزة، خصوصاً إذا كانت زوجتك كلما أخذت قراراً ليس على هواها، زمجرت ثم ضربت البوز الشهير طوال اليوم، فتراجعت أنت لا لمرونتك ولا لتفهّمك لها، وإنما لأنك أصبحت شخصاً مختلفاً عما كنت عليه أول الزواح!

فمن فضلك أيها الزوج: ارجع مرة أخرى لنفسك ومن أجل زوجتك وأولادك بل ومن أجل المجتمع الذي تعيش فيه، فالرجل القدوة في القيادة هو الذي يبعث القدوة في بقية الرجال، فما بالك لو كانت القدوة في ألف رجل أو مائة ألف؟!
فحينها ستعود البيوت مسكونة برجال يقودونها مع نساءٍ يحفظونها ويسيرون بها إلى بر الأمان.

ملحوظة: ليس معنى عودتك للقيادة أن تكون غشيماً فترفض أي مناقشة من الزوجة أو لا تتراجع عن أي قرار!
بل كن مرناً ومتفهّماً بالقدر الذي يحفظ قيادتك ويحمي زوجتك من شرّ كل ذي شرّ
فالقيادة هي الحكمة، والتي هي وضع الشيء في موضعه.

الملحوظة الأهم: إذا لم يكن لديك الاستطاعة فعلاً للعودة للقيادة، وتمكن منك الضعف في هذا الباب، فنصيحتي لك أن تذهب لمن تستشيره ويكون متخصصاً في هذا الباب، ليعينك على استكمال حياتك بشكل أفضل وأكرم على قدر طاقتك، حتى لا تفسد ما تبقى من حياتك.

#الأسرة_أمن_وأمان
👍103❤52👏14🔥1👌1
👍90❤34😢23👏8👌3
😁78👍16👏6
من التعليقات للمنشور السابق
😁131👍11❤7
❤72👍29😢10
تربية بنتك على الحجاب والصلاة والقرآن وفقط ففي الغالب لن يجعلها زوجة مناسبة لزوج المستقبل في هذا الواقع الحالي، لأن كثيراً من الآباء والأمهات يظنون أن حُسن الخلق بمفرده سيؤدي إلى نجاح الأسرة في المستقبل، وفي الحقيقة فإن تعوّد البنت على تحمل المسئولية سواء في المطبخ أو في ترتيب البيت أو في تربية اخواتها الأصغر منها، أو في كيفية التعامل مع الصديقات والجيران، وكيفية التعامل مع ما يضايقها من تصرفات الغير وأفعالهم، وأن تتعلم الصبر وبعض الخشونة الملائمة للفتاة، فإن هذا سيساعدها على الحفاظ على أسرتها المستقبلية.

ولا شك أن العلاقة الجيدة بين الوالدين لها أثر كبير على الفتاة، وكونهما قدوة لها سواء في التصرفات السوية أو الأعمال الصالحة فإن ذلك من أكبر وأعمق وسائل التربية للفتاة.

ويجب على الوالدين مداد الفتاة بالمعارف التي تتكلم عن الفروق بين الرجل والمرأة من ناحية التكوين والنفسيات والتصرفات، وكذلك من النواحي الشرعية في الواجبات والحقوق، وكيفية التعامل مع حماة المستقبل ووالد الزوج وأخته، والاستعداد لتربية الأبناء وتصور ذلك بشكل صحيح.
هذه بالنسبة لي هي الزوجة الصالحة للزواج والتي ننتظر منها التعامل مع زوجها وأهله وأولادها بشكل صحيح، والنتيجة ستكون بإذن الله أفضل ما يكون خصوصاً إذا كان الزوج تربي على نفس هذه المعاني ولكن بما يناسب الرجولة.

فاستعدوا بما يناسب الواقع، لا أن تربوا أولادكم على بعض ما يجب دون استكمال بقية الواجبات، ثم تنتظروا النجاح والفلاح.

#الأسرة_أمن_وأمان
👍112❤42👏28😢3
الزوجة: أنا مش ملزمة أحمل وأخلف، عاملني كملكة لو سمحت!

الزوج: طيب ما الملكة بتنجب وريث للعرش؟!

الزوجة: ليه هو انت مفكر نفسك ملك😑
أنا ملكة متجوزة واحد من عامة الشعب
ودا تفضّل مني عليك، فبلاش استعباط في موضوع الوريث ده😑

#أنا_مش_ملزمة
#حصار_الأفكار_الفالصو
😁117👍12😱9😢8🥰3
لما يكون الزوج خسيس والزوجة نسوية فلن تقوم لهذه الأسرة قائمة.

ولما يكون الزوج مستهتر ومش راجل والزوجة جيدة فهذه الأسرة قد تستمر بسبب الزوجة الصابرة ولكن النتاج سيكون عبارة عن مظلومية تعيش فيها الزوجة وأولاد لديهم عدم سواء نفسي في بعض التصرفات والتي ستجعل أسرته المستقبلية على المحك من أول عام زواج، هذا غير الفشل المتوقع في سلوكه في العمل وخارج العمل.

ولما يكون الزوج جيد والزوجة متربية غلط وند لزوجها وبتعلى صوتها بسبب وبدون سبب، وبتقوله اقنعني وناقشني في الصغيرة والكبيرة، فهذه الأسرة قد تستمر بسبب الزوج الصابر ولكن النتاج لن يختلف كثيراً عن المثال السابق، بل سيكون الأمر كارثياً بالنسبة للبنات اللاتي يخرجن من تحت عباءة هذه الأم المتمردة.

ولن ينصلح الحال إلا أولاً بتوفيق الله لنا، ثم وجود إرادة حقيقية من الدولة ومن الأسرة ومن الدعاة ومن المصلحين بتكاتفهم في هذا الأمر وإلا فالأمر أعمق وأعقد مما نتخيّل، ويكفينا هذا النتاج المليء بالثقوب والتعقيدات!

#الأسرة_أمن_وأمان
👍109❤34😢22👏13🔥1
يا شيخ أنا حاولت أحب مراتي زي الروايات اللي قرأت جزء منها، بس لقيت نفسي تايه خالص، لإنى باحب مراتي وأولادي ولها معزه في قلبي جامدة، فمثلاً أنا باكون راجع البيت وأنا مبسوط علشان هاشوفها هي والولاد، ولما باشترى حاجة ليها ببقى مبسوط علشان هي هتفرح بيها، ولو تعبت ببقى جنبها علطول لغاية ما ربنا يقومها بالسلامة.

وكمان أنا ماليش لا في الخصام ولا الضرب وعمرى ما استخدمت الحاجات دي معاها، بس في نفس الوقت مبعرفش اعمل زي الروايات واقعد أقولها شعر وغزل وحب وهيام، وهي ساعات بتضغط عليا وتقولي قولّي كلام جميل، وأول ما تقولي كده بحس إنى بقيت أخرس أو مشلول!
تقوم هي تزعل وأنا أزعل إنها مش فاهمه إنى بحبها فعلاً بالفعل مش بالكلام على الفاضي وخلاص!
اعمل إيه يا شيخ؟!

ج: الحب الحقيقي هو اللى انت بتعمله، وزوجتك ممتنة ليك جداً بده، لكن مينفعش نقف لغاية هنا لإن البيت الرائع لازم فيه شوية زينة حتى يزداد جمالاً، والزينة دي هى كلمات جميلة فيها مدح وحب وتقدير قولي، زي ما انت بتقوم بمجهود كبير جداً فلو زوجتك قالتلك ربنا يخليك لينا أو ليّ هتلاقي المجهود ده بقا بالنسبة لك حاجة محبوبة لإن فيه حافز اضافي لكده، طيب لو ما قالتش؟! أنت لن تتوقف ولكن لن تكون سعيداً!

حاول تتمرن، ولو لاقيت أي واحد صاحبك بيعرف يتعامل مع زوجته بالكلام الحلو، اعزمه على أكله حلوه وخليه يعلمك ويقف جنبك لغاية ما مراتك تقولك خلاص اكتفيت😑

وربنا يسعدكم ويعينكم على كل خير.

#الأسرة_أمن_وأمان
❤159👍75😁30🥰23👏17
ناس كتير أرسلوا لي رسائل عن المنشور الماضي الخاص بكيفية ابداء الكلام الحلو للزوجة خصوصاً عن الحب، إن زوجاتهم علطول بعتولهم المنشور وطلبوا منهم التنفيذ!
المشكلة مش في كده، المشكلة إن الغالبية العظمى منهم بتقولي: نحن هذا الرجل!
أي نحن هذا الرجل اللي مش عارف ينطق ويقول كلمتين حلوين لمراته مع إنه بيحبها فعلاً، حتى إنى بعد ما كتبت المنشور بنصف ساعة قابلني واحد في الشارع لا أعرفه، وقالي أنا متابعك كويس ومراتي لسه بعتالي حالاً منشورك ده وبتقولي: اسمع كلام الشيخ محمد😑
وهو قالي والله أنا زي الشخص ده بالضبط!!

المهم الموضوع ده محتاج شوية شغل كتير لإن فيه رسائل من الجنسين بخصوص هذا الموضوع، وبعضهم وافق على نشرها، وفيها من العبر والعظات الكثير، وفي انتظار الرسائل من هذا النوع لإفادة المتابعين، وأحب أن أبشركم أن رسالة واحدة فقط قد تنفع الآلاف وأنت تظن أن أحداً لن يقرأها أو يهتم بها!

فلا تدري لعل عظتك وعبرتك وموقفك يكون نوراً لظلمة أحدهم، أو جبراً لمكسور، أو عوناً لمهوم، وقد يغفر الله لك بسبب هذا وترى ذلك يوم القيامة.
المنشور أول تعليق.

‏
#الأسرة_أمن_وأمان
👍62❤12😁3🤔1
من رسائل القراء بخصوص موضوع الكلام الحلو من الزوج لزوجته

رسالة من امرأة
(بخصوص منشور حضرتك دا ياريت تقول للنساء اللي بيبعتولك وبيشتكوا قلة الكلام الحلو... أنت في نعمه عظيمه لا يشعر بها إلا من حرمت منها...هناك من الأزواج اللي شاطر جدا في الكلام قدام الناس ويحب يبين انه مثالي وكثير العهود وبيرسملي احلام لكن لا تتفيذ ولا فعل نهائيا ولا أبالغ والله عندما اقول ذلك... واكتشفت واقتنعت إن اللي بيتكلم كتير مبيعملش وان اللي بيعمل مبيتكلمش...كنت اتمنى أشوف الحب في عينه بأفعاله ومواقفه لكن لا أرى سوى الكلام والله المستعان)

رسالة من رجل
السلام عليكم ورحمة الله وبركاته
بفتكر دايما ان بيتي عامل زي الورد لو ما تسقاش بالكلام الحلو يدبل ويموت وبفتكر دايما اني لما بسمعهم كلام حلو اني بعفها طلباً للاجر وبعصمها عن الزلل وان هي ماتسمعهوش من غيري طلباً للاجر بفتكر كلام سيدنا النبي اللطيف لزوجاته وحسن عشرته فبقولهم كلام حلو حتى لو مش حاسس بيه ولو فيه بعض الكذب فبيتحول لجو لطيف وجميل فيه الرحمه والموده وبكون سعيد

تعليق اخر من امرأة

(سلام عليكم
المشكله مش انه مبيقولش كلام حلو المشكله انى طلبت منه يرسل لى اموشن ورده على الواتس او قلب ومعملش هو فى اسهل من انه يضغط على الاموشن ولا فيها كسوف ولا فيها صعوبة نطق اهى. . مفيش اسهل من كدا

والمشكله الاكبر ان الاموشنات دى بقى تتبعت لزميلات العمل او صديقات الفيس بوك مأساااااااه بجد ان اكون حلاله ومش لقياها والبنات التانيه غرقانييين فيها فى الحرام

ربنا يسامحه مسقع قلبى وسايب جوايا فراغ (( وقلت له كدا قبل كدا ولا فى اى فائده ))
اللهم اغننى بالحلال عن الحرام 😔

يعنى عديت مرحله الكلام الحلو خلاص فقدنا الامل فيه طيب
الاموشن مفيش اسهل منه اه الصعب انه يضغط عليه حتى ابقى زى الغريبه حتى

الحمد لله على كل حال
قلبت المواجع)

#الأسرة_أمن_وأمان
😢109👍32❤21
الشاب والفتاة اللي في ثانوي وجامعه، لازم يساهموا بقوة في تربية الأصغر منهم في البيت، يساعدوهم ويسمعوهم ويهادوهم ويصبروا عليهم، ولازم الأب والأم يعطوا الحشمة للكبار أمام الأصغر منهم علشان يقدروا يساعدوهم في التربية، واللي هيعمل كده من الولاد والبنات هيقدر يكوِّن أسرة جيدة في المستقبل، بل وجيدة جداً، فالحياة تعلّم وخبرات، فاستيعنوا بالله وقوموا بمهمتكم الآن قبل الغد، واللي هيتأخر هيخسر واللي هيسرع هيكسب، وفقكم الله لكل خير.

#الأسرة_أمن_وأمان
❤116👍91👏10
التلقائية بتبقى: إمّا طلقة حب، أو طلقة سذاجة أو طلقة رصاص😑

محمد سعد الأزهري
👍96❤35😁31🤔14😢6👎1
👍20🤔13❤2
👍28❤5
👍4😁2
جوزك بعد ما اتصرف غلط وتجاوب أو وقع واحدة في الغلط لازم نعترف بالآتي:

1- المعصية دي مش ليكى لكن لربنا، فهو عصى الله ولم يعص زوجته.

2- التصرف السريع والغاضب نتيجته ممكن تريحك لكن مش هتحل المشكلة.

3- سن الزوج وسابقة معاملاته معاكى ووقوعه أو عدمه في شيء شبيه بده في الماضي هيكون ليه دور في التعامل معاه في الحاضر.

4- طريقة هفضحهم وهخلي وهعمل هتنفع مع نوع من الرجالة وليس مع غالبهم، لإن التصعيد ممكن يؤدي للبجاحة وليس للحل.

5- الفضيحة هي أيضاً محرمة زي ما اللي عمله محرم، لكن التهديد مش محرم طالما لسه بيعملوا الغلط أو مش راضيين يعترفوا بيه.

6- الزوجة تراجع نفسها وكل حاجة، وتاخد بالها من نظافتها وأسلوبها وطريقة معاملتها مع زوجها، فالجزء ده مهم جداً ومش لازم يكون هو المشكلة ولكن تأمين الجبهة الداخلية واجب.

7- وهي الأهم: كل زوج بيقصر في طاعة ربنا وتقصيره بيطول يوم عن يوم، وزوجته لا بتذكّره بالله ولا بتهتم بتدين زوجها، هتتعاقب في النهاية بالحاجات اللي زي دي، وهو طبيعي هيتعاقب سواء بالفعل ده أو بغيره، لإن تضييع التدين هو تضييع للأسرة المستقيمة الدافئة.

8- الهدوء والطناش ينفع مع الزوج اللي بيحس، أما اللي معندوش دم فنعم الرأي!

9- الدعاء من أهم النقاط وكذلك الصدقة والعمل الصالح لإن الحاجات بتصعد للسماء والكريم هو اللي بيجازيكم عليها، ولما المجازاة متكونش على هواكم اعرفوا إن الكريم يرى الخير في شيء تاني انتم مش شايفينه خالص.

10- المصارحه مناسبه للشخصيات اللي حاسه إنها غلطانه ومش بتعاند، وعدم المصارحة بتناسب الشخصيات النرجسية والمعانده والمستهتره، والبديل هو سؤال الاستشاري عن كل شخصيه بما يحويها من تفاصيل.

11-انت قدوتنا، انت الزوج والأب والمعلم لينا كلنا، بلاش تقع في الغلط علشان ربنا يسترك، وبلاش سمعتك تضيع علشان نفسك ومراتك وأولادك، بلاش تمشي في السكة دي علشان ولادك يرفعوا راسهم دايماً في كل حته.
دي كلمات لازم الزوج يسمعها لما يحصل المواجهة، لازم يفهم هو مين ومكانته ايه وأثر تصرفاته بتبقا عامله ازاي.

12- لو عايز يتجوز تاني هيختار الطريق الصح من الأول، وأي ست فعلاً لو عايزه مصلحة أسرتها خصوصاً لما الولاد يكونوا في سن خطر، هتختار زواج زوجها ومش هتختار فضيحة زوجها وأولادها، وطبعاً مش كل الستات هيعرفوا يعملوا كده، لكن التفاضل عند ربنا مش بسهولة برضو.

13- تهديد الست التانية ممكن، اعتبارها إنها خطافة الرجالة حقيقي، لكن العيب الأول على الزوج مش على حد تاني، لأن الست التانية ممكن تكون عايزاه في الحلال وهو مش ناوى حلال ولا حاجة.

14- الزوجة اللي ممكن تطربق الدنيا على دماغ زوجها، أهم حاجة تاخد بالها هي عايزه إيه؟! لإن الطربقة ممكن تنجح في إبعاده عن الست دي، لكن مش هتنجح إنها ترجع الزوج لبيته مرة تانية، علشان كده فيه فرق بين الإصلاح وبين الانتصار!

15- كل واحد ممكن يُفتن فبلاش نعيّر بعض بعد الفتنة أو اثناءها، لكن ممكن نساعد بعض على تخطيها رغم الألم، لإن الصابر أجره كبير جداً لإنه بيقدم حب ربنا عن التشكى والحكايات والروايات مع الغير في هذا الموضوع!

تمت بحمد الله.

#الأسرة_أمن_وأمان
👍94❤90👏11🥰6🤔3👎2😐1
نصيحة للمتزوجات

ليس معنى إن جوزك بيكلم واحدة تانية في الحرام إنك وحشة أو قُليّلة أو ناقصك حاجة في نظافتك أو ما شابه ذلك، هو علشان تفهموا دماغ أغلب الرجاله اللي من النوع ده "مراته كويسه وهو بيلعب بديله" ان بعض الناس رغم وجود المحمّر والمشمّر والجاتوه بين ايديه، هتلاقيه يقولك ما تشوفيلي طبق مِشّ بدوده الله يكرمك!!
هو النوع دا كده، لازم شوية مِشّ بدوده علشان يحس إنه مستمخ ومبسوط لإن فيه جزء في حياته عايز يكمله!
وفعلاً تلاقيه بيكلم واحده ليست جميلة ولا بنت ناس، وسايب مراته الجميلة وبنت الناس من غير أي كلمة تجري ريقها!!
والله المستعان.

وفي الحديث الصحيح: " إِذَا أَبْصَرَ أَحَدُكُمْ امْرَأَةً فَلْيَأْتِ أَهْلَهُ فَإِنَّ ذَلِكَ يَرُدُّ مَا فِي نَفْسِهِ"
وفي روايه "فإن فيها ما فيها" يعني ما أعجبك في هذه المرأة سيؤدي في النهاية إلى جماعها، ولذلك فإن عند زوجتك ما عند هذه المرأة من حفظ نفسك وشهوتك ودينك، فكيف تذهب لما يؤذيك بالحرام وتترك ما ينفعك بالحلال؟!
والله أعلم.
❤97👍75👏8🥰7😢7
تعملوا إيه لو بنتكم في سن "من 14 إلى 17" مثلاً بتكلم ولد في سنها أو أكبر منها، ودي أول مرة، والمشكلة الأكبر إنها بتقول ألفاظ للولد ده مريعة، وحاجة كده مش موجودة في قاموس بيتكم ولا تربيتكم!
ولو فيه تجارب لمعارف ليكم فياريت تكتبوها علشان كلنا نستفيد.
اللهم استرنا بسترك الجميل.

تابعوا التعليقات واستفيدوا منها

https://m.facebook.com/story.php?story_fbid=pfbid02KLcUtDWJC68tX9GeRFwguVDyDsS7r1kCicMVHgJ92pZwpexEVPURhkqUMsXoFVRVl&id=100002111342856
😢21👍20🤔4👏3