⊶───────≺⋆≻───────⊷


من الحاجات البشعة بين الزوجين أن يخبر أحدهما الآخر عن رأي في شخص أو حكاية قديمة أو شعور ما، أو سر من الأسرار، فتجد الطرف الثاني ليس على مستوى الحدث وغير مسئول، لإنه بيعاير أو بيهدد أو بيستهزأ بيك علشان فضفضت معاه شوية!!
وكأنه يقول: إيّاك أن تثق بي مرة أخرى!
وإذا كانت المرأة هي التي أفشت السر، فلماذا تشتكي من عدم حديث زوجها معها؟!

علشان اتكلم معاك لازم أحسّ بإني مع نفسي مش مع العدو المحتمل!!


✍محمد سعد الأزهري


⊶───────≺⋆≻───────⊷

✿ ✿ ✿ ✿✶✶✶✶✶✶✶ ✿ ✿ ✿ ✿


المشاكل الأسرية وغيرها، كثرتها في النهاية تؤدي لمرحلة الانسداد، بالضبط زي الشرايين لما الدهون تملاها من كل حتة، فتلاقي مثلاً ست الستات لما تحب تحرّك جوزها شوية تكلمه في أي موضوع فمتلاقيش أي رد فعل، لإن الشرايين مش هتقدر تاخد كلام من دا تاني، فتضطر ست الستات إنها تتكلم بقوة وتزعق وتعمل مشكلة علشان تحرك جوزها شوية، فتلاقي رد الفعل هو ارتداد الكلام عليها بشكل أصعب لإن الشريان مسدود، وكل ما تضخي فيه بقوة فسرعة الارتداد هتكون أقوى!
والحل إننا نعمل عمليه تزيل الدهون والعقبات اللي عامله كل المشاكل دي!

يعني إيه؟!
يعني احنا لازم نشوف حلول ونعالج المشكلة ونتعامل مع الطرف الثاني وكإنه مريض محتاج مساعدة مش محتاج شخط ونطر وضغط وشقلبظات وخلافه، فكل ده مش هيجيب نتيجة بل هيزيد المبلة طين! "والكلام ده للرجالة قبل الستات".

طيب ازاي نعمل كده؟!
نقرأ ونستشير أهل الخبرة والتخصص ونستخير ثم نبحث عن أي ثقب صغير نمر منه ونصلح بيوتنا من خلاله، علشان كده الدعاء مهم جداً لإنه باب مفتوح طوال الوقت ويملكه أكرم الأكرمين.

فياريت نساعد بعض على تذويب الدهون وليس على تكثير الهموم وفرض العقوبات وتكرار الخناقات، فاللي عايز يعيش هيحل، واللي مش متعود على المسئولية هيدور على الانسداد ويقولك هذا هو الطريق!!

✍محمد سعد الأزهري

✿ ✿ ✿ ✿✶✶✶✶✶✶✶ ✿ ✿ ✿ ✿

•═════ °❀◎🛑◎❀°══════•


من يتصنّع لكِ في العمل، فإنه لا يتصنّع لزوجته في البيت، فلا يغرّنِك حنيته فكلهم واحد.

ومن تتصنَّع لك في العمل، فإنها لا تتصنَّع لزوجها في البيت، فلا يغرّنَك رقَّتها فكلهُّن واحد.

كلهم واحد يعني متقاربون في الصفات والأفعال.


✍محمد سعد الأزهري


•═════ °❀◎🛑◎❀°═════•