الدنيا هي أكبر أسباب الغفلة، وبدلاً من عبورها للآخرة فنحن فللأسف نتوطن على المعبر!

الأناني، صفاته وأسباب أنانيته وطريقة التعامل معه.

مهم جداً: سؤال وجواب حول عواقب الإساءة للأطفال، وأنها أعمق مما تتخيل، فهى تؤثر على شخصيته ومستقبله وتواصله ونجاحه وانفعالاته وأشياء أخرى!

تطبيق عملى لآثار الضرب والإساءة للأطفال، امرأة لديها عدة أولاد تحكى أزمتها العميقة مع والدها وكيف كان يؤذيها وهي صغيرة، وأثر ذلك عليها.

صفحة الأسرة أمن وأمان على الفيس بوك

https://www.facebook.com/الأسرة-أمن-وأمان-106107228187395/

مخاوف الأطفال، آثارها، ومصادرها، وأسبابها.

🥀🥀🥀🥀🥀🥀

اللي يقولك اضغط على ابنك الصغير 7 سنوات في الصيام والقيام وقراءة القرآن، علشان يتعود على الطاعات بدري بدري فكلامه غلط طبعاً، لإنه ممكن مرة في مرة مش هيحب الطاعة ويحس إنها ثقيلة على قلبه، لإنه مش فاهم المعاني الخاصة بالعبادة!
فالضغط في الحاجات دي مضر ومش مفيد!

والحل إنّك تحفزه بالكلام الجميل والثناء العظيم والهدايا والفلوس لغاية ما يقدر يقوم بالطاعات واحدة واحدة، ولما يكبر شوية بشوية هيبقا حاجة حلوه بجد.

واللي هيسيب ولاده لغاية ما يوصلوا لسن 13 او 14 ويحفزهم ساعتها على الصيام والقيام هيكون الوقت "في الغالب" فات، زي اللي بتقول لبنتها في السن ده ياللا علشان تلبسي الحجاب، تقوم البنت تبصلها كده بنظرة غريبة وتقولها: حجاب؟! حجاب إيه؟!

ربنا يحفظ أولادكم ويبارك لكم فيهم.

الخوف الزائد على الأولاد، وصفه، وأثره على المدى البعيد.

ما هو السن المناسب لنوم الطفل بعيداً عن أبويه؟!

قواعد لحماية ابناءنا من مخاطر العنف، ودور الوالدين والمعلّم والطبيب النفسي والدولة في ذلك.

لو ولادك معرفوش هما مخلوقين ليه هتبقى مُفرّط كبير قوى، وهتلاقي نفسك ضيّعت حياتك على الفاضي!

هتلاقي إنّك بتربي في ناس بتاكل وتشرب وتتعلم وتسافر وتضحك وتتألم وتمرض وتموت بدون أي فايده!

هتلاقي نفسك وقتك كله بتتعب فيه وتشقى وطالع عينك انت وأمهم في الانفاق والرعاية والسهر والصحيان بدري والمذاكرة والغسيل والشراء والفسح والدروس والمدرسة والذي منه، وبعديها تموت وهما لسه مش عارفين هما مخلوقين ليه؟!

هو مخلوق علشان احنا نأكله ونشربه ونكبره وبعدين هو يتجوز ويأكل ولاده ويشربهم وبكبّرهم؟!

مش ملاحظين إن فيه ناس كتير بتعمل كده!
وممكن بعضهم يعمل شوية حركات كده يبان منها إنه بيعمل خير!

فلازم وحتماً ولادك يعرفوا يصلوا ازاي وايه هو الحلال وايه هو الحرام؟!

وإيه الفرق بين تعظيم بقرة الهندوس وتعظيم الكعبة المشرفة!

وايه هو القضاء والقدر وهنتحاسب ازاي وإيه أصلاً اللي بعد الموت؟!

وإن ربنا خلقنا للاختبار وجعل بعد الاختبار جنة أو نار؟!
خلى للمتقين مكان جميل يليق بأعمالهم وجعل للكافرين مكان فظيع يليق بقسوة قلوبهم!

لازم ولادك يعرفوا إن الأصل هو طاعة ربنا وإن كل حاجة حلوه في الدنيا بنستخدمها علشان نعرف نطيع ربنا بأحسن حاجة.

ويعرفوا إن الصرمحة وقلة الأدب هتزول في يوم من الأيام وسيبقي حسابك في الآخرة سيتم وزنه يوم القيامة، إما مليء بالشر وإما مليء بالخير، علشان كده ربنا قال: "فمن يعمل مثقال ذرة خيراً يره ومن يعمل مثقال ذرة شراً يره"

من غير ما تعلم ولادك كده فلازم تعرف إنك بعيد قوى قوى قوى، ولازم تلحق نفسك علشان هتتحاسب على الفرصة الجميلة اللي انت بتضيعها مع إنك بتتعب جامد علشانهم!

(كلكم راعٍ وكلكم مسئول عن رعيته، فالرجل في بيته راعٍ ومسئول عن رعيته، والمرأة في بيتها راعٍ ومسئولة عن رعيتها).