❇️ Куп учраётган саволларга жавоб берамиз.

Онлайн олимпиадада иштирок этиш учун барча таълим муассасалари ўқувчилари oo.uzedu.uz сайт орқали рўйхатдан ўтишади ва рўйхатдан ўтган ўқувчи онлайн олимпиадаларни мувофиқлаштирувчи мактаб масъули томонидан тасдиқланади. Мактаб масъули томонидан тасдиқланмаган ўқувчилар олимпиадада иштирок эта олишмайди.

Баъзи ўқувчилар олдин рўйхатдан ўтган, лекин ҳозирда логин ва паролларини унутган бўлиши мумкин, бундай ҳолда ўқувчилар ўз таълим муассасаси масъулига мурожаат қилишлари керак бўлади. Масъуллар ўз таълим муассасаси номидан рўйхатдан ўтган ўқувчиларнинг логин ва паролларини аниқлаш имкониятига эга.

Онлайн олимпиадаларда барчага омад тилаймиз!

🌐 👉 olympiad.uzedu.uz, oo.uzedu.uz
📲👉@olimpdep

Onlayn olimpiadalar start olmoqda.

Eslatib o‘tamiz bugun 4,5,6-sinf o‘quvchilari uchun matematika fanidan oo.uzedu.uz tizimida onlayn olimpiada bo‘lib o‘tadi.

📊Olimpiada natijalari va QR-kodli ishtirokchi sertifikatlarini o‘quvchilar soat 20:00 dan keyin tizimda ko‘rishlari va yuklab olishlari mumkin bo'ladi. 📈🔖

🌐 👉 olympiad.uzedu.uz, oo.uzedu.uz
📲👉@olimpdep

Халқ таълими вазирлигида бюджет маблағларини самарали ва тўғри сарфланиши масалалари кўриб чиқилди

Жорий йилнинг 6 январь куни Халқ таълими вазирлигида соҳада бюджет маблағларини самарали ва тўғри сарфланишини назорат қилиш, бошқа органларнинг халқ таълими муассасалари фаолиятига асоссиз аралашувига, педагог кадрларнинг шаъни ва қадр-қиммати камситилишига, уларни мажбурий меҳнатга жалб этилишига йўл қўймаслик бўйича чораларни кўриш ҳамда тизимда ички назоратни, коррупцияга қарши кураш тадбирларини ташкил этишнинг янги тизимини жорий этиш масалалари кўриб чиқилди.

Айни вақтда юқорида келтириб ўтилган масалаларни мувофиқлаштириш ва ташкил этиш бўйича Халқ таълими вазирининг Назорат-ҳуқуқий хизмати ҳамда Ички аудит ва молиявий назорат бошқармаси ўз иш фаолиятини олиб бормоқда.

Йиғилишда Ички аудит ва молиявий назорат бошқармасига бюджет маблағларининг ноқонуний сарфланиши ва талон-торож қилиниши ҳолатларининг профилактикасини таъминлаш ва уларнинг олдини олиш йўналишларни кучайтириш каби қатор вазифалар топширилди. Келгусида амалга ошириладиган кўплаб масалалар белгилаб олинди.

Жумладан, январь-март ойлари ички аудит хизмати ходимлари учун долзарб уч ойлик деб эълон қилинди. Эндиликда ноқонуний харажатларни амалга ошириш хавфи мавжуд бўлган ҳудудлар бўйича алоҳида «қизил» рўйхат аниқ белгилаб олинади. Ушбу ҳудудларда иш ҳақининг молиялаштирилиши ҳамда қўшимча маблағ ажратилиши жараёнлари доимий назоратга олинади. Жорий молиявий йил учун тасдиқланган бюджет харажатларининг мақсадли самарадорлик индикаторларининг ижроси ҳаққоний баҳолаб борилади.

Шунингдек, Назорат-ҳуқуқий хизмати томонидан халқ таълими ҳудудий бўлимлари «қизил», «сариқ», «яшил» тоифаларга ажратилган ҳолда коррупциявий омиллар комплекс таҳлил қилинади. Ҳар бир идорага «ташхис» қўйиш ишлари амалга оширилади. Шу билан бирга, ҳар чоракда бўлиб ўтадиган ҳайъат йиғилишида давлат идорасининг марказий аппаратидан тортиб, энг қуйи бўғинидаги вакилигача қамраб олувчи танқидий муҳокамалар ўтказилади. Уларни бартараф этиш бўйича аниқ чоралар белгиланади. Жамоатчилик, ҳуқуқ-тартибот идоралари ва ҳокимлик вакилларини жалб этган ҳолда коррупция авж олган ҳудудларда «Коррупциясиз ҳудуд» лойиҳалари босқичма-босқич амалга оширилади.

Бюджет маблағларининг ноқонуний сарфланиши ва талон-торож қилиниши ҳолати профилактикаси таъминланиб, уларнинг олдини олиш борасидаги фаолиятига замонавий механизмлар жорий этилади.

Йиғилиш доирасида халқ таълими тизими муассасаларида аутсорсинг хизматлари, шунингдек, давлат харидлари, давлат мулки объектлари, давлат-хусусий шериклик соҳалари, «ишонч телефонлари», расмий веб-сайтлари ва бошқа долзарб масалалар бўйича амалга ошириладиган ишлар белгилаб олинди.

Бюджет қонунчилиги бузилишининг олдини олиш мақсадида ахборот технологияларидан фойдаланиш имкониятларини янада кенгайтириш ҳамда тегишли маълумотлар базалари билан интеграция қилиш бўйича комплекс чора-тадбирларни белгилаш бўйича топшириқлар берилди.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#BILASIZMI
#IMKONIYAT

⚡️Poliglot talabalar va oʻquvchi-yoshlar uchun yangi imkoniyat!

🔰 2022-yil 1-yanvardan eʼtiboran arab, xitoy, fransuz, rus, ispan, koreys, yapon, italyan, turk va nemis tillari bo‘yicha 13 ta xalqaro imtihon tizimida yuqori natijaga erishgan yoshlarning imtihon xarajatlarini kompensatsiya qilib berish tizimi ishga tushdi.

☝️Avvalroq (IELTS, TOEFL, GMAT, GRE, SAT) xalqaro imtihon tizimlarida yuqori natija qayd etgan yoshlarning imtihon xarajatlari Yoshlar ishlari agentligi tomonidan qoplab berilishi haqida ma’lumot berilgan edi.

🗓 2022-yil 1-yanvardan boshlab yoshlar uchun mana shunday imkoniyatlarning yana 13 tasi ishga tushib, ularning soni jami 18 taga yetdi. Endilikda ushbu xalqaro imtihon tizimlarida ham yuqori natija qayd etgan yoshlarning imtihon xarajatlari Yoshlar ishlari agentligi tomonidan qoplab beriladi.

➡️ Batafsil ma’lumot.

🇷🇺 Читать на русском
—
🔗 Telegram | Instagram | Facebook | YouTube

​​⚡️⚡️⚡️📣“Эл-юрт умиди” жамғармаси илғор хорижий давлатлар нуфузли университетлари ва илмий марказларида бакалавриат, магистратура ва докторантурада таълим олиш учун 2022 йилги 1-стипендия танловини эълон қилади!

⛔️Муддати: 2022 йил 10 январдан – 10 февралга қадар

📣📣“Эл-юрт умиди” жамғармаси Ўзбекистон Республикаси учун энг устувор соҳалар учун 420 ўринга мўлжалланган очиқ стипендия танловларини эълон қилади!

“Эл-юрт умиди” жамғармаси 2022-2023 ўқув йили учун энг нуфузли хорижий давлатларда:

-👩🏻‍🎓бакалавриат таълим дастури учун *120* нафар,
-🧑🏻‍🎓магистратура таълим дастури учун *180* нафар,
-👨🏻‍🎓докторантура таълим дастури учун *120* нафар стипендиялар ажратишини маълум қилади.

👨🏻‍🎓Барча таълим дастурлари бўйича ногиронлиги бўлган шахслар учун камида 20 та ўрин ажратилиб, бундай ёшларимизга алоҳида эътибор қаратилади.

⛔️Номзодларнинг ҳужжатлари 2022 йил 10 январдан – 10 февралга қадар, республиканинг барча ҳудудлари вакиллари учун ягона тартиб ва тенг имконият асосида, онлайн режимда ва электрон тарзда қабул қилинади.

🖌Саралаш босқичлари 2022 йил 10 февралдан – 10 мартга қадар давом этади.

📝👉🏻👉🏻👉🏻 Онлайн ҳужжат топшириш платформасида батафсил ёритиб берилган: http://admission.eyuf.uz/

Батафсил - https://eyuf.uz/site/view?id=630

🇬🇧🇺🇸“Эл-юрт умиди” жамғармаси юртимизнинг умиди, ишончи ва таянчи бўлган
сиз ёшларни кутиб қолади!!!
🇬🇧🇺🇸🇩🇪🇮🇹🇹🇩🇯🇵🇰🇷🇨🇦

@elyurtumidifoundation

Онлайн олимпиаданинг илк ғолиблари аниқланди

Хабарингиз бор, жорий йилнинг 6 январь куни 4-11-синф ўқувчилари ўртасида математика, физика, кимё ва биология фанларидан онлайн олимпиадага старт берилган эди.

4-5-6-синф ўқувчилари учун математика фанидан ўтказилган онлайн олимпиадада жами 56 626 нафар ўқувчи қатнашди.

Тест натижаларига кўра ҳар бир синф ва фан кесимида энг кам вақт сарфлаган ҳолда рейтингда энг юқори бўлган бир нафардан қуйидаги иштирокчилар ғолиб деб топилди.

Асила Рўзиева - Қашқадарё вилояти, Ғузор туманидаги 1-мактабнинг 4-синф ўқувчиси;

Моҳинисо Эгамбоева - Хоразм вилояти, Хива туманидаги 16-мактабнинг 5-синф ўқувчиси;

Жасур Олимов - Бухоро вилояти, Ғиждувон туманидаги 32-мактабнинг 6-синф ўқувчиси;

Ғолиб деб топилган ўқувчилар Халқ таълими вазирлиги томонидан замонавий планшетлар билан тақдирланади.

Бугун онлайн олимпиада 7-синф ўқувчилари ўртасида математика, физика, кимё, биология фанларидан давом этмоқда.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram

FARG‘ONALIK O‘QUVCHI YUQORI NATIJA BILAN IELTS SERTIFIKATINI QO‘LGA KIRITDI

Buvayda tumanidagi 1-umumiy o‘rta taʼlim maktabida isteʼdodli va iqtidorli o‘quvchilar ko‘pchilikni tashkil qiladi. Ulardan biri maktabning 10-«B» sinf o‘quvchisi Malohat Nabiyevadir. Barcha fanlardan aʼlo baholar bilan o‘qiyotgan isteʼdodli o‘quvchi yoshligidan ingliz tiliga juda qiziqib keladi. Yaqinda u xalqaro imtihon tizimi IELTS dan 8,5 ball olishga erishdi.

Malohatning bu yutug‘i siri nimada?

— 4-sinfda o‘qiyotganimda ingliz tili o‘qituvchisi bo‘lgan qo‘shnimizdan bu tilni o‘rganishni boshladim, — deydi biz bilan suhbatda Malohat Nabiyeva. — Unda oddiy so‘zlar, sanash, ranglar va kasblar nomi kabi ingliz tilidagi so‘zlarni o‘rganardim. Keyinchalik maktabda darslarda faol ishtirok etdim. Bilimlarimni yanada oshirish maqsadida qo‘shimcha mashg‘ulotlarga qatnadim...

Iqtidorli o‘quvchi kelajakda ingliz tili fani o‘qituvchisi bo‘lish niyatidagiligini aytdi.

Farg‘ona viloyati xalq ta'limi boshqarmasi axborot xizmati.

#Diqqat_tanlov

Qishki ta’til davrida o‘quvchilar o‘rtasida “Men eshitgan ertaklar” va “99-sahifa” respublika ko‘rik-tanlovlari o‘tkazilmoqda

✅Respublika bolalar kutubxonasi tomonidan o‘quvchilarning qishki ta'til davrida bo‘sh vaqtlarini mazmunli tashkil qilish maqsadida 3-10-yanvar kunlari “Qishki mutolaa zavqi” mavzusida kitobxonlik haftaligi e’lon qilingan.

Respublika bolalar kutubxonasi mutaxassislari tomonidan o‘quvchilarning qishki ta'til davrida mutolaa qiladigan badiiy adabiyotlar ro‘yxati shakllantirilib, hududiy bolalar kutubxonalariga yuborildi.

Kitobxonlik haftaligida o‘quvchilar uchun qiziqarli kitobxonlik tanlovlari, viktorina hamda vebinarlar o‘tkazish rejalashtirilgan. Jumladan, joriy yilning 5-yanvar kunidan boshlab Respublika bolalar kutubxonasining Facebookdagi sahifasida “99-sahifa” adabiy tanlovi e’lon qilindi.

Tanlov haqida batafsil

Bundan tashqari kutubxona tomonidan o‘quvchilarning og‘zaki hamda yozma savodxonligini yanada oshirish maqsadida “Yosh kitobxonlar” telegram kanalida “Men eshitgan ertaklar” mavzusida Respublika tanlovi tashkil etildi.

Mazkur tanlov Respublika bolalar kutubxonasi tashabbusi bilan yosh avlodning xalq og‘zaki ijodiga nisbatan qiziqishini shakllantirish, ularda og‘zaki va yozma ijodni yuksaltirishga ko‘maklashish, intellektual va ijodiy qobiliyatlarini rivojlantirish maqsadida umumta’lim muassasalari o‘quvchilari o‘rtasida o‘tkazilmoqda.

Men eshitgan ertaklar

❗️Respublika bolalar kutubxonasining rasmiy sahifalarini kuzatib boring 👇👇

Telegram| You tube| Facebook|Instagram |Web site

#Халқчил_ёндашув

Қорақалпоғистон Республикасида бунёд этилган янги мактаблар “Ўзбекистон 24” телеканалининг “Халқчил ёндашув” лойиҳасининг илк сони диққат марказида бўлди.

Унда Чимбой туманида янгидан қурилган 38-сонли умумтаълим мактабида яратилган шароитлар ҳақида сўз боради.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram

Taʼlimdagi duv-duv gap - yangi yilga yangi loyiha!

Biz shu vaqtga qadar o'qitib kelingan ta'lim tizimi xatomidi?
Endi oʻqituvchilar nima qiladi?!
Bolalarni savodsiz qilmoqchimiz...mi?

Tez kunda You Tube kanali orqali namoyish etiladi!

Kanalga obuna bo'lish:👇👇👇
Telegram | Facebook | Instagram | You Tube

Taʼlimning maqsadi — insondagi oʻziga xoslikni kashf qilish

Orzulari olamga sigʻmas bolakay maktabga chiqdi. U dunyoni begʻubor idrokida koʻrar, uning tasavvuri boshqalarnikiga o'xshamas edi. Bir kuni o'qituvchisi rasm chizishlari haqida eʼlon qildi. “Zoʻr-ku!” — deb o'yladi bolakay. Turli-tuman rasmlarni chizish uning jon-u dili edi. Gohida daraxt, gohida daryolar va tog'lar, mashina va kemalar chizib, o'zini shu manzillarda tasavvur qilardi. Hozir ham dengizda viqor bilan suzayotgan ulkan kema chizishni o'yladi, xursandligidan shosha-pisha qalamdonni qo'liga oldi, endigina chizishga chog'langan ham ediki, o'qituvchisi uni to'xtatib qoldi.

“Kutib turing! Hali men ruxsat bermadim, nima chizishni ham aytmadim”— dedi o'qituvchi buyruqomuz qarashda.
Bolakay noiloj hamma tayyor bo'lguncha kutdi. “Endi boshlashingiz mumkin. Bugun hammamiz gulning rasmini chizamiz,“ — dedi oʻqituvchi.

“Yaxshi!”— deb oʻyladi bolakay va rang-barang gullarni chizish uchun pushti, toʻq sariq va koʻk rangli qalamlarni qoʻliga oldi. Ammo oʻqituvchi uni toʻxtatdi. “Kutib turing! Men sizga qaysi gulni chizishni aytaman va uni qaysi rangga boʻyashni ham koʻrsataman.” Shunday deb oʻqituvchi gulbargi qizilga, poyasi yashilga boʻyalgan rasmni doskaga ildi. “Endi boshlashingiz mumkin.”

Bolakay ustozining guliga qaradi. U hamma gullar kabi bir xil edi, ammo u oʻylagan gulchalik jozibador emas. Tasavvuridagi gulni chizgisi kelsa ham, indamasdan oʻqituvchisi buyurgan gulbargi qizil, poyasi yashil gulni chizdi. Boshqa darsda ularga plastilindan narsa yasaydigan boʻlishdi. “Zoʻr-ku!”— deb oʻyladi bolakay. Plastilindan uyda fil, sichqoncha, ilon va hattoki qor odamni ham yasab koʻrgan edi. Hozir esa haqiqiysidan qolishmaydigan yuk mashinasini yasash uchun plastilindan chimdimlab yula boshladi.

“Kutib turing! Hammamiz birgalikda boshlaymiz,”— dedi oʻqituvchi. Bolakay besabrlik hammaning tayyor boʻlishini kutdi. “Bugun biz non tayyorlaymiz,“ —dedi oʻqituvchi. “Yaxshi!”— dedi bolakay. U oʻzi yaxshi koʻrgan kulchani tayyorlashni boshlaganida o'qituvchi uni to'xtatdi. “Kutib turing! Men sizga qanday qilishni koʻrsataman. Keyin boshlashingiz mumkin.” Va u hammaga plastilindan nonni qanday yasashni koʻrsatdi. Keyin hamma xuddi shunday non shaklini tayyorladi. Bolakay ham oʻzi boshlab qoʻygan kulchani dumaloqqa aylantirdi-da, hammaniki kabi non yasadi.

Shu taxlit bolakay oʻqituvchisiga taqlid qilishni oʻrgandi va borliqni oʻziga xos tasavvur qilishni unutdi. Oradan vaqt oʻtib u oilasi bilan boshqa shaharga koʻchib ketdi, yangi maktabga chiqdi. Maktabdagi yangi oʻqituvchi rasm chizishlarini eʼlon qildi. “Yaxshi!” — dedi bolakay. U qachon boshlashi mumkin, nima chizishi kerakligini bilish uchun oʻqituvchisini kutib turdi. Lekin oʻqituvchi hech narsa demadi. U shunchaki xonani aylanib yurar edi. Oʻqituvchi bolakayning oldiga keldi. Boshlashga ikkilanib turgan oʻquvchining holatidan hayron qoldi. “Rasm chizishni xohlamaysanmi?”, - so'radi.

“Xohlayman, lekin nima chizishim kerakligini bilmayapman,“— dedi kichkina bola. “Oʻzing xohlagan, tasavvuringdagi narsani chizishing mumkin.” “Bu sizga yoqmasa-chi?” — ikkilanib soʻradi bolakay. “Gap menga yoqish-yoqmasligida emas, muhimi uning oʻziga xosligi, boshqalarnikiga oʻxshamasligida,“ dedi oʻqituvchi.
Bolakay shundan soʻng qalamdonni ochdi, bir fursat oʻtib oppoq qogʻozga gulbargi qizil va poyasi yashil gul suratini chizdi.

©️Shuhrat Sattorov, Respublika taʼlim markazi direktori

Kanalga obuna bo'lish:👇👇👇
Telegram | Facebook | Instagram | You Tube

O'qituvchiga murojaat: "Ta'limdagi kishanlarni yechaylik!"

Qadrli ustozlar!

Dunyoga kelgan har bir inson oʻziga xos xususiyatlar bilan tugʻiladi. Afsuski bugungi “fabrikacha taʼlim” hammani bir xil fikrlashga, bir xil ishni qilishga oʻrgatadi. Bugun maktab taʼlimi mazmunidagi islohotlar “markazda -- oʻquvchi”, “oʻquvchining mustaqil faoliyatini qoʻllab-quvvatlash”, “oʻquvchi qiziqishlariga yoʻnaltirilgan taʼlim” yondashuvlariga asoslangan. Natijada biz taʼlim orqali oʻquvchilarga oʻzlaridagi oʻziga xoslikni, nostandart va ijodiy fikrlash qobiliyatlarini asrab qolishga yordam beramiz. Taʼlimning maqsadi universal odam yaratish emas, insondagi oʻziga xoslikni kashf qilishdir. Shuni har biringiz yodda tutishingizni soʻragan boʻlar edim.

©️Shuhrat Sattorov, Respublika taʼlim markazi direktori

Kanalga obuna bo'lish:👇👇👇
Telegram | Facebook | Instagram | You Tube

#Хабарнома

ҚИШКИ ТАЪТИЛ УЗАЙТИРИЛАДИ

Ҳурматли ота-оналар!

Халқ таълими тизимидаги директор, директорнинг ўқув ва маънавий-маърифий ишлар бўйича ўринбосарлари ҳамда педагог-ўқитувчиларнинг халқаро стандартлар асосида ишлаб чиқарилган Миллий ўқув дастурлари асосида малакаларини ошириш курсларини ташкил этиш, шунингдек, ўқувчи - ёшлар ўртасида мавсумий грипп касаллигининг кескин кўпайишининг олдини олиш мақсадида халқ таълими вазирлиги қишки таътил кунларини 2022 йил 24 январга қадар узайтирилганини маълум қилади.

Таътил кунлари давомида, ўқувчиларнинг бўш вақтларини мазмунли ташкил этиш мақсадида улар учун онлайн фан олимпиадалар, интеллектуал ўйинлар, китобхонлик маданиятини ривожлантиришга қаратилган беллашувлар ва турли танловлар ташкил этилади.

Бундан ташқари халқ таълимининг ижтимоий тармоқлари ҳамда Миллий телерадиокомпаниянинг телеканаллари орқали турли тўгараклар фаолияти йўлга қўйилади.

****

ЗИМНИЕ КАНИКУЛЫ ПРОДЛЕВАЮТСЯ

Уважаемые родители!

Министерство народного образования сообщает, что в целях организации курсов повышения квалификации для руководителей общеобразовательных учебных заведений и педагогов по новой Национальной учебной программе, а также предотвращения распространения сезонного гриппа среди учащихся зимние каникулы продлеваются до 24 января 2022 года.

В эти дни для эффективного использования времени учащихся будут организованы различные онлайн олимпиады, интеллектуальные игры, а также мероприятия, направленные на развитие культуры чтения книг.

Кроме того, в социальных сетях министерства и по телеканалам Национальной телерадиокомпании планируется трансляция различных кружков для школьников.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram