Ta’lim24.uz
101K subscribers
32.6K photos
7.88K videos
148 files
16.7K links
Download Telegram
ФАРҒОНА ШАҲАР ҲОКИМИ ЎҚУВЧИ ҚИЗГА ТИКУВ МАШИНАСИ СОВҒА ҚИЛДИ

Ўқувчи-ёшларни ўз қизиқишлари бўйича касб-ҳунарга йўналтириш бугуннинг долзарб вазифасидир.

Фарғона шаҳрида жойлашган 11-умумий ўрта таълим мактаби ўқувчиларининг ҳам келгусида қайси соҳанинг мутахассиси, қандай касб эгаси бўлиши аниқланиб, шаҳар халқ таълими бўлими кўрсатмалари асосида уларни касб-ҳунарга тўғри йўналтирилмоқда.

Фарғона шаҳар ҳокими Ҳамиджон Хабибидинов битирувчиларнинг бандлигини таъминлаш долзарб масала эканлигини айтиб ўтди ва ўз номидан уй таълимида таҳсил олувчи ўқувчи қиз — Аюбжонова Соҳиба Соибжон қизига «Чайка» тикув машинаси совға қилди.

Фарғона вилояти халқ таълими бошқармаси ахборот хизмати.
📊"Ustoz-2020" tanloviga 10 kun ichida 400dan ziyod ariza qabul qilindi.

Arizani to'ldirishdan avval ustozmukofoti.uz saytida tanlovning barcha qoidalari bilan tanishib chiqishingiz mumkin.

📌Tanlov shartlariga ko'ra quyidagi jihatlarga e'tiborliroq bo'lishingiz lozim:

-"MEHRIDARYO USTOZ" nominatsiyaga, uzoq yillar davomida inkoniyati cheklangan bolalarga dars berib kelayotgan ustozlar ariza topshiradilar.

-Insho hajmi 200 so'zdan kam bo'lgan taqdirda ariza qabul qilinmaydi.

-Rasmning hajmi 7 megabaytdan oshmasligi kerak. Hajmi katta rasm so'rovnomaga yuklanmay, sizga muammo keltirishi mumkin.

-2 daqiqalik videorolik sizning ijodkorligingiz va kasbiy mahoratingizni namoyon qilishi kerak. Unda o'quvchilaringiz bilan hamkorlikda loyiha va tadbirlar bo'lishi mumkin. Videoni YouTube dagi akkauntingizga yuklab, undan so'ng video havolasini(link) qoldirasiz.

-Arizani to'dirishda biron muammoga duch kelsangiz, bizga murojaat qiling.

Ro'yxatdan o'tish 13-noyabr kuni yakunlanadi.

Ariza to'ldirish

Telegram| Facebook| Instagram
This media is not supported in your browser
VIEW IN TELEGRAM
''Ustoz-2020'' Milliy mukofoti uchun tanlov jarayoni uch bosqichda amalga oshiriladi.

Agar tanlov mezonlari, saralash bosqichlari bilan tanishib chiqqan bo'lsangiz, birinchi bosqichda samarali faoliyatingiz aks etgan, 2 daqiqadan oshmaydigan, videoro'lik taqdim etishingiz lozim. Siz tayyor videoro'ligingizni Youtube tarmog'iga yuklashingiz ham talab etiladi. Ayni shu damda sizga yordamimiz kerak, deb o'yladik va materialingizni tarmoqqa joylash bo'yicha maxsus video-yo'riqnoma ishlab chiqdik.

Aytgandek, hali ham ro'yxatdan o'tmagan bo'lsangiz, shoshiling. Arizalar qabul qilish 13-noyabr kuni yakunlanadi.

Ariza to'ldirish

Telegram| Facebook| Instagram
Ижтимоий тармоқларда ўқувчини ураётган ўқитувчининг ҳолати акс этган видео юзасидан

МУНОСАБАТ

Мазкур видеода акс этган ҳолат анча олдин содир бўлганини ўқувчиларнинг барчаси ниқобсиз эканлигидан ҳам англаш мумкин. Видео қачон ва қайси мактабда содир бўлгани бўйича ўрганиш ишлари олиб борилмоқда.

Агарда кимда мазкур ҳолат бўйича аниқ маълумот бўлса, Халқ таълими вазирлигига юбориши мумкинлигини, ҳолат вазирлик томонидан қўшимча ўрганиб чиқилишини маълум қилади.

Шу ўринда эслатиб ўтамиз, Халқ таълими вазирлигининг “Умумий ўрта таълим муассасасининг ички тартиб ва одоб-ахлоқ қоидалари тўғрисида” 2020 йил 28 майдаги 131-сон буйруғига асосан, ўқитувчи-педагоглар жамоа аъзолари ва бошқаларнинг шахсиятини ҳамда қадр-қимматини камситиши, ўзгаларга нисбатан жисмоний куч ишлатиш ёки психологик тазйиқ ўтказиши қатъиян тақиқланади.
#Эътироф

Ота-оналарнинг «Онлайн мактаб» лойиҳаси доирасида ўқитувчиларимизнинг дарслари юзасидан билдираётган илиқ фикрлари давом этмоқда. Улардан бири Facebook ижтимоий тармоғида Эвелина Золотова-Бкзакова томонидан ёзиб қолдирилган. У ўз мурожаатида Евгений Суворовнинг дарсларини эътироф этиб, унга ҳамда вазирлигимиз номига ўз миннатдорлик сўзларини ёзиб қолдирган.
Евгений Александрович Суворов Чилонзор туманидаги 163-сонли умумтаълим мактабининг инглиз тили ўқитувчиси.

У бугунги кунда мактабнинг 1-9 синф ўқувчилари учун инглиз тили фанидан дарс берибгина қолмай “Онлайн мактаб” лойиҳасида лойиҳасида таълим рус тилида бўлган 5-синф ўқувчилари учун ўзининг бор маҳоратини ишга солиб инглиз тилидан таълим бермоқда.

Евгений Александрович ўзи ҳам ушбу мактабнинг собиқ битирувчиси. У иқтидорли, доимий равишда ўз устида ишлайдиган, изланувчан мутахассис. Ушбу лойиҳада ўзининг маъсулиятлиги ва талабчанлиги билан ажралиб туради.

Ўқитувчиларимизга машаққатли меҳнатлари учун миннатдорлик изҳор қиламиз.

@uzedu
#maktablarga_yordam

Қашқадарё вилояти, Китоб туманидаги 39-мактаб филиалида 2003 йилдан буён маҳалла аҳолисининг уйи мактабга мослаштирилиб, ўқувчиларга таълим берилаётган эди.

2020 йил мазкур филиал биноси инвестиция дастури асосида қуриб битказилди ва янги ўқув йилида фойдаланишга топширилди ҳамда ўқув хоналари замонавий жиҳозлар билан тўлиқ таъминланди.

Айни пайтга қадар пахса девордан қурилган бинода таълим олаётган ўқувчилар ҳозирда янги замонавий ўқув масканида дарс машғулотларини давом эттирмоқда.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram
Инглиз тилини ўрганмоқчи бўлган болажонларга ажойиб имконият!

Халқ таълими вазирлиги АҚШнинг Ўзбекистондаги элчихонаси билан биргаликда инглиз тилини ўрганмоқчи бўлган болажонлар учун учта анимацион шоу намойиш этмоқда.

Мазкур мультфильмларни “Онлайн мактаб” лойиҳаси доирасида Ўзбекистон телеканаллари орқали томоша қилиш мумкин, яъни бунинг учун ҳеч қандай интернет алоқаси талаб этилмайди. Бу эса ўз навбатида узоқ ҳудудлардаги ўқувчиларга инглиз тили кўникмаларини янада яхшилашга қўшимча имконият яратади.

📌АҚШда машҳур бўлган анимацион шоуларнинг намойиш вақти:

“Виви”, ундан сўнг “Гарри ва унинг динозаврлар тўлдирилган челакчаси”: соат 15:30, 18:00 ва 23:30 да (душанба, чоршанба ва жума кунлари);

“Йўлбарсча Даниэль ва унинг қўшнилари”: соат 15:30, 18:00 ва 23:30 да (сешанба, пайшанба ва шанба кунлари).

@uzedu
Forwarded from TA'LIM VA TARBIYA INFO
Media is too big
VIEW IN TELEGRAM
✅Янги Ўзбекистон остонаси мактабдан бошланади. Пойтахтимизда давлат-хусусий шериклик асосида таълимни ривожлантиришга алоҳида эътибор қаратилмоқда.

🎥Буни Шайхонтоҳур туманидаги 85-сонли умумий ўрта таълим ҳамда Ал-Беруний халқаро мактаблари фаолияти мисолида ҳам кўришимиз мумкин.

Марҳамат, бу ҳақда батафсил видеорепортажимиз орқали танишинг.

🖌Тошкент шаҳар ХТББ Матбуот хизмати

👉Каналимизга уланинг ва дўстларингизга улашинг: 👉 https://t.me/ToshkentshaharXTBB
ХАЛҚ ТАЪЛИМИ ВАЗИРИ ЎРИНБОСАРИ ЧОРТОҚ ТУМАНИДАГИ МАКТАБ ФАОЛИЯТИ БИЛАН ТАНИШДИ

Халқ таълими вазири ўринбосари Иброҳим Жўраев бошчилигидаги ишчи гуруҳ томонидан Чортоқ туманидаги 49-умумтаълим мактабига компьютер жамланмалари, спорт анжомлари топширилди.

Шунингдек таълим даргоҳининг йўлаклари билан жами 800 метр ҳудудда асфальтлаш ишлари олиб борилиб, мактаб юқори тезликдаги оптик толали интернет тизимига уланди.

Наманган вилоят халқ таълими бошқармаси Ахборот хизмати
#Сўраган_эдингиз

II чоракдан барча ўқувчиларнинг мактабга бориши мажбурий бўладими?

Бугун ота-оналар томонидан II чоракдан барча ўқувчилар тўлиқ анъанавий шаклдаги таълимга қайтадими деган саволлар келиб тушмоқда. Халқ таълими вазирлиги мазкур саволлар юзасидан қуйидагиларни маълум қилади:

Маълумки мактабларда жорий ўқув йили ота-оналарнинг ихтиёри асосида онлайн ҳамда анъанавий шаклда йўлга қўйилди. Бироқ афсуски, бугунги кунда мавжуд вазиятни тўғри тушунмасдан, айрим ота-оналар томонидан фарзандини мактабга юбормаслик билан бирга, “Онлайн дарслар” вақтида фарзандини дарс қилишини таъминлаш ўрнига, кўчада юришига йўл қўяётган ёки уни бошқа ишлар билан банд қилиб қўйиш ҳолатлари кузатилмоқда.

Айтиш жоизки, фарзандларимизнинг зое ўтаётган ҳар бир куни унинг эртанги келажагига ўзининг салбий таъсирини кўрсатмай қолмайди, боланинг мактабда таълим олишини ҳеч қандай энг замонавий технологиялар билан ҳам ўрнини босиб бўлмайди.

Шу сабабли ҳурматли ота-оналаримиздан, уйда боланинг телевидение орқали онлайн таълим олишига тўлақонли шароит яратишнинг имкони бўлмаса, фарзандларини мактабга юборишларини сўраб қоламиз.

Бугунги кунда Республикамиздаги 10008 та мактабларнинг деярли ҳаммасида анъанавий таълим олиш имконияти яратилган. Ўқувчилардан 4,6 млн. нафари, яъни 74% анъанавий, қолган 1,6 млн нафари, яъни 26% онлайн шаклда таҳсил олмоқда.

Халқ таълими вазирлиги ўқувчиларнинг таълим шакли тўлиқ анъанавийга ўтиш бўйича қарор қабул қилинган тақдирда вазирликнинг расмий манбалари орқали маълумот беради.

Эслатиб ўтамиз, онлайн таълим шакли тўлиқ бекор қилинган тақдирда ҳам “Онлайн мактаб” лойиҳаси доимий равишда давом эттирилиши кўзда тутилган, бу ўз навбатида чекка ҳудудлардаги ўқувчиларга сифатли қўшимча таълим олиш учун имконият яратади.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram
Forwarded from IT taʼlim
Tabiiy “SCIENCE ” fanlar boʻyicha Milliy oʻquv dasturi loyihasining taqdimoti boʻlib oʻtadi

Oʻzbekiston Respublikasi Xalq taʼlimi huzuridagi Respublika taʼlim markazi tomonidan yangi Tabiiy (SCIENCE) fanlar boʻyicha Milliy oʻquv dasturi loyihasi ishlab chiqildi.

Yurtimizdagi umumiy oʻrta taʼlim maktablarining oʻqituvchilari hamda ekspertlarini 4-noyabr, soat 15:00 da boʻlib oʻtadigan taqdimotda Zoom platformasi orqali ishtirok etishga taklif qilamiz.

🔹Videokonferensiyaga qoʻshilish uchun link: https://us02web.zoom.us/j/87985049447?pwd=cElYdUFNMzRsSEhWTjVXZ2s4Vy9pdz09

Eslatma: Hozirda dunyo miqyosida ZOOM konferensiyalariga xuruj qilish (konferensiyaga kirish va turli salbiy videomateriallarni uzatish) holatlari kuzatilayotganligini inobatga olib akkauntizga toʻliq ism-familiyangizni yozib qoʻyishingiz soʻraladi.

Kanalga obuna bo'lish:👇👇👇
Telegram|Facebook|Instagram
Таътилни фойдали ўтказинг — электрон таълим манбаларидан фойдаланинг

Бугундан бошлаб барча мактабларда кузги таътил кунлари бошланди. Таътил давомида ўқувчилар бўш вақтини мазмунли ўтказиши ва хавфсизлигини таъминлашга эътибор қаратиш муҳим ҳисобланади.

Шу муносабат билан, Халқ таълими вазирлиги томонидан таътил даврида ўқувчиларнинг бўш вақтини мазмунли ташкил этиш мақсадида қатор ишлар амалга оширилади.

Жумладан, таътил кунларида “Баркамол авлод” болалар мактабларида тўгараклар ўқувчилар ихтиёрида бўлади.

Шу билан бир қаторда, ўқувчилар “Онлайн мактаб” лойиҳаси доирасида телеканаллар орқали бериб борилаётган тўгараклар ва турли машғулотлар ёрдамида ўз билимини мустаҳкамлаб бориши мумкин.

Шунингдек, фарзандларимиз вақтини самарали ўтказиши ва билимини мустаҳкамлаб боришига қаратилган бир қанча фойдали электрон таълим ресурслари ҳам ишлаб чиқилган бўлиб, улар қуйидагилар...

Батафсил: https://bit.ly/3l0FihN


Халқ таълими вазирлигининг расмий саҳифаларига уланиш
Telegram | Youtube | Facebook | Instagram
#maktablarga_yordam

Самарқанд вилояти Нарпай туманидаги 30-умумий ўрта таълим мактабининг 320 ўринли биноси 1984 йилда қурилган бўлиб, ўтган йиллар давомида муассаса биноси таъмирлаш ишларига муҳтож ҳолга келиб қолган эди. Бу эса ўқувчи ва ўқитувчиларга қатор ноқулайликлар келтириб чиқараётган эди.

2020 йилда ушбу таълим муассасаси Инқирозга қарши курашиш жамғармаси маблағлари ҳисобидан мукаммал таъмирланди.

Айни пайтда 400 нафарга яқин ўқувчилар замонавий кўриниш, барча шароит ва кенг имкониятларга эга бўлган мактабда таълим-тарбия олишмоқда.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram