Ta’lim24.uz
101K subscribers
32.6K photos
7.88K videos
148 files
16.7K links
Download Telegram
Forwarded from Sherzod Shermatov
Юқори мақсад қўйиб, натижаларга эришаётган ёшларга ҳавас қилишга фарзандларимизни ўргатишимиз керак

Наманганда талайгина 11-синф ўқувчилари ўқув йили якунланмасидан АҚШ, Буюк Британия, Корея каби қатор чет эл давлатларининг университетларида грантга ўқиш ҳуқуқини қўлга киритишганини кўриб хурсанд бўлдим. Биргина вилоятда шунча битирувчи чет элдаги нуфузли университетларга кириши албатта мамлакатимиз мустақиллигининг 30 йиллигини ўзига хос нишонасидир. 5-10 йил аввал буни тасаввур қилиш қийин эди, 30 йил аввални гапирмаса ҳам бўлади, умуман ёпиқ давлат ичида яшар эдик.

Ҳурматли ота-оналаримиз ва ўқитувчиларимиз имкони борича, фарзандларимизни бу каби ёшларимизга ҳавас қилиб, ўз олдиларига юқори мақсадларни қўйиб, ўз устиларида доимий ишлашга ундашлари зарур. Аксинча, фақат хасад ва ғийбат билан чекланиб қолинса, ундай фарзандларимиз ҳаётда муваффақиятга эришишлари қийин бўлади.
This media is not supported in your browser
VIEW IN TELEGRAM
Диққат! Сизнинг фикрингиз инобатга олинди!

❗️Ҳурматли устозлар! А.Авлоний номидаги илмий-тадқиқот институтининг https://t.me/avloniyuz расмий телеграм каналида малака ошириш курсларида шаффофликни таъминлаш, коррупцион ҳолатларни бартараф этиш юзасидан ўтказилган сўровномадаги Сизнинг фикрингиз тахлилий натижасига кўра, коррупцион ҳолатларга сабаб бўлаётган омиллардан воз кечилди.

✅ПҚ-4963 сон қарорга мувофиқ, эндиликда малака ошириш курс тингловчилари оралиқ тест ҳамда малака иши ҳимоясидан озод этилади.

❇️Курс якунидаги якуний тест синови онлайн шаклда топширилади. Тестдан ўта олмаган тингловчилар учун қайта топшириш чекловларсиз амалга оширилади.

❇️Демак, тингловчилар турли хил босимлардан холис бўлиб, ўз устида ишлаш имкониятига эга бўлдилар.

⏩Тизимдаги ўзгаришлар ҳамда амалга оширилаётган ислоҳотларни бизнинг https://t.me/avloniyuz каналимиз орқали кузатишда давом этинг!

❗️А.Авлоний номидаги илмий-тадқиқот институтининг расмий саҳифаларини кузатиб боринг 👇👇

Telegram |Facebook |Website
5та фандан тест синовларига оид ҳозиргача маълум бўлган барча маълумотлар

👉 2021 йилда 5та фандан тест бўлади. Аслида бу тартиб 2020 йил бўлиши керак эди, аммо пандемия сабаб ортга сурилди. Агар Худо кўрсатмасин, келаси йил ҳам ўта катта форс-мажор ҳолат бўлмаса, унда 99,9% эҳтимол билан келгуси йил 5та фандан тест бўлади. Бу ҳақдаги қоида анча олдин Президент қарорида белгиланган;

👉 Ҳозирча бизга маълум бўлган қоидалар қуйидагилар:

Mажбурий фанлар блоки (барча учун тушади):

Она тили (ўзбек, рус ёки қорақалпоқ тили) - 15 та савол, ҳар бири учун 2.1 баллдан;
Mатематика - 15 та савол, ҳар бири учун 2.1 баллдан;
Ўзбекистон тарихи - 15 та савол, ҳар бири учун 2.1 баллдан.

Жами тўплаш мумкин бўлган балл – 94.5 балл.

Она тили ва Ўзбекистон тарихи фанидан 1 дақиқагача, математикадан - 1,5 дақиқагача вақт ажратилади.

👉 Tаълим йўналишига мос мутахассислик блокидаги фанлар (йўналишига қараб ўзгаради):

1-фан - 30 та савол, ҳар бири учун 3.1 баллдан;
2-фан - 30 та савол, ҳар бири учун 3.1 баллдан.

Жами тўплаш мумкин бўлган балл – 186 балл.

Асосий блокдаги 2 та фан учун жами 2 соат вақт берилади.

👉 балларни ҳисоблаш тизимида ўзгариш бўлмайди, аввал қандай бўлса, шундайлигича қолади. Яъни ҳар бир блокдан тўпланган баллар қўшилиб, умумий баллни ташкил этади ва абитуриентлар мана шу 5 та блокдан тўплаган бали бўйича ўзаро курашади (жорий йил 2та блокнинг умумий бали олинди). Энг максимал балл 280,5 балл бўлади;

👉 айрим йўналишларда мажбурий блокдаги фан билан махсус блокдаги фан бир хил бўлиб қолиши мумкин. Масалан, математика йўналишига ҳужжат топширган абитуриент мажбурий блокда ҳам, мутахассислик блокида ҳам математика фанидан тест ишлайди. Бу иккаласининг асосий фарқи —мажбурий блокдаги саволларнинг барчаси соддалаштирилган, энг осон даражада бўлади, мутахассислик блокидаги саволлар эса турли мураккабликда (осон, ўртача, қийин) бўлади;

👉 5та фандан тест бўлишга оид тартиб, фақат давлат ОТМларига тааллуқли. Шу пайтгача бўлгани каби, бу янги тартиб ҳарбий, диний, хусусий, нодавлат ва хорижий ОТМларга алоқадор эмас;

👉 3та мажбурий фан магистратура учун тааллуқли эмас;

👉 3+2 кўринишдаги ушбу тартиб бакалавриатнинг барча таълим шакллари (кундузги, сиртқи, кечки) учун бирдек қўлланади;

👉 мажбурий блокда она тили (ўзбек, рус ёки қорақалпоқ тили) фанидан тушадиган 15та савол ичида Адабиёт фанидан тест саволлари бўлмайди;

👉 мажбурий блокда Ўзбекистон тарихи фанидан тушадиган 15та савол ичида Жаҳон тарихидан тест саволлари бўлмайди;

👉 мажбурий блокда
Математика фанидан тушадиган 15та савол ичида Геометриянинг фақат 5-6-синф дастурларида бор мавзуларидан саволлар бўлади, 7-11-синфлар дарслигидан савол бўлмайди. Батафсил.

👉 Мутахассислик блокида эса Математикадан тушадиган 30 та савол ичида Геометриянинг барча синфлар учун мўлжалланган мавзуларидан саволлар бўлади;

👉 мажбурий блокда ҳам, мутахассислик блокида ҳам Математика фанидан тушадиган саволлар ичида информатикадан тест саволлари бўлмайди;

👉 мутахассислик блокдаги 2та фан учун жорий йилги тест синовларида қўлланган фанлар мажмуаси олиниши кутилмоқда. Масалан, тиббиёт йўналишлари учун биология ва кимё. Молия-иқтисод йўналишлари учун математика ва чет тили. Ва ҳ.к;

❌ келгуси йилда қайси йўналишда қайси фанлардан тест саволлари бўлиши ҳозирча расман тасдиқланмади;

✅ тест саволлари тушадиган дарсликлар рўйхати мана бу ерда эълон қилинди.


Манба: @xushnudbek
Тадбиркор Жиззахдаги эски мактаб биноси ўрнига 5 қаватли замонавий мактаб қуриб берди

Жиззах вилоятининг 18-мактаби эски биноси ва ер майдони хусусий тадбиркорга эгалик қилиш ҳуқуқи билан берилгани боис, тадбиркор эски бино ўрнига умумий қиймати 12 млрд. сўмлик, 660 ўринга эга 5 қаватли янги замонавий мактаб қуриб берди.

Айни дамда вилоят ҳокимлиги маҳаллий бюджет ҳисобидан ободонлаштириш ва хожатхона қуриш ишларини олиб бормоқда.

Мактаб 1898 йилда қурилган бўлиб, сўнгги марта 11 йил аввал таъмирдан чиққан. Эски бино 480 нафар ўқувчига мўлжалланган бўлиб, мактаб хожатхонаси кўчада, умуман талабга жавоб бермаган. Мактабда таълим олаётган ўқувчилар сони 900 нафарга етгани боис, навбатлилик коэффициенти 1,9 ни ташкил этган.

Халқ таълими вазирлиги мактабни фаоллар зали, кутубхона, тиббиёт хона, спорт зал, ошхона, фан хоналари ва методик хоналар ҳамда зарур жиҳоз ва ўқув анжомлари билан таъминлади.

Халқ таълими вазирлиги бу каби ташаббускор тадбиркорлар билан ҳамкорликка доим тайёрлигини маълум қилади.
Forwarded from Namangan viloyati ta'lim va ilm - fan boşqarmasi/ RASMIY (XTV Matbuot Kotibi Laylo Rustamova)
ХАЛҚ ТАЪЛИМИ ВАЗИРИ НАМАНГАН ШАҲРИДАГИ 26-СОНЛИ МЕҲРИБОНЛИК УЙИДА БЎЛДИ

Халқ таълими вазири Шерзод Шерматов Наманган шаҳридаги 26-сонли меҳрибонлик уйида бўлиб, ушбу даргоҳда тарбияланаётган ўғил-қизларнинг ҳаёти ҳамда уларга яратиб берилган шароитлар билан яқиндан танишди.

Ташриф асносида таълим-тарбия жараёнлари, информатика, кутубхона, ўқув, ижод ва тўгарак хоналари фаолияти ҳам эътиборда бўлди.

Ижодкор ўқувчилар билан суҳбатлашиб, уларнинг ижод маҳсули бўлган санъат намуналарини кўздан кечирди. Муассаса кутубхонасига бадиий адабиётлар тўпламлари ҳамда ёшларнинг спорт билан шуғулланишлари учун спорт жиҳозлари топширилди.

Вазир тарбияланувчиларнинг таклиф ва истаклари билан қизиқиб, уларнинг келгуси ҳаёти, ўқиш ва изланишларида омад ва муваффақиятлар тилади.

Тадбир сўнггида болажонлар томонидан куй-қўшиқлар тақдим этилди.

Наманган вилояти халқ таълими бошқармаси Ахборот хизмати
ДИҚҚАТ! «Обод мактаб» экологик онлайн кўрик-танлови эълон қилинади

Танловнинг асосий мақсади ўқувчи-ёшлар ўртасида меҳнатсеварлик, экологик маданият, табиатга эҳтиёткорона муносабатни шакллантириш, таълим муассасаларини кўкаламзорлаштириш ва ободонлаштириш орқали ўқувчи-ёшларнинг фаоллигини ошириш, улар томонидан амалга оширилаётган креатив ижодий ташаббусларни қўллаб-қувватлашдан иборат.

Танлов @obod_maktab телеграм манзили орқали уч босқичда онлайн тарзда ўтказилади.

Танловда умумтаълим муассасалари 20 мартдан – 20 апрель кунига қадар @obod_maktab телеграм манзилига 5 дақиқагача бўлган махсус ижодий ролик юбориши лозим бўлади.

Халқ таълими вазирлигининг Facebook ижтимоий тармоғидаги расмий саҳифасида жамоатчилик томонидан баҳолаш («Ёқтириш» (лайк) белгисини босиш) натижаларига кўра экологик ойлик давомида энг яхши «Обод мактаб» деб ҳисобланган 14 та (ҳар бир ҳудуддан 1 тадан) таълим муассасаси вазирликнинг эсдалик совғалари билан тақдирланади.

«Обод мактаб» онлайн кўрик-танловининг НИЗОМИ ушбу ҳаволада.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram
617 та мактаб директори лавозимларига номзодлар маҳаллий кенгаш депутатлари билан ҳамкорликда тайинланмоқда

Жорий йил бошидан бошлаб мактаб директорларини лавозимга тайинлаш ва лавозимидан озод этиш Қорақалпоғистон Республикаси Халқ таълими вазирлиги, вилоятлар бошқармалари ва Тошкент шаҳар бош бошқармаси томонидан тегишли халқ депутатлари туман (шаҳар) Кенгашлари билан келишилган ҳолда амалга оширилмоқда.

Натижалари бўйича "қизил" тоифага киритилган аксарият мактаб директорлари лавозимидан озод этилгани туфайли ҳозирги кунда халқ таълими тизимидаги 617 та (6,1 %) умумтаълим мактабларининг директор лавозимларига директорларни танлаш ва тайинлаш жараёни кечмоқда.

Танловда иштирок этишни истаган номзодлар ish.uzedu.uz (мактаб таълим жараёнини бошқариш тизими) сайти орқали рўйхатдан ўтиб вакант бўлган лавозимга сўралган ҳужжатларни электрон шаклда тақдим этиб борадилар.
Номзодлар ҳудудий халқ таълими бошқармаси бошлиғи номенклатурасига киритилган лавозимларга танлов ўтказиш бўйича комиссия томонидан суҳбатдан ўтказилиб маҳаллий Кенгаш депутатлари муҳокамасига тақдим қилиб борилмоқда.

Лавозимга тайинланган янги мактаб директорлари ҳар йили Кенгаш олдида ҳисобот бериб туради.

Мактаб директорларини лавозимга тайинлашнинг бу усули мактабларда замонавий бошқарув тизимини жорий қилиш мақсадида амалга оширилмоқда.

Халқ таълими вазирлиги маҳаллий кенгаш депутатларидан ҳамда жамоатчилик вакилларидан ушбу жараёнларни очиқлик, ошкоралик ва шаффофлик асосида ўтказилишига алоҳида эътибор қаратишларини ва барча жараёнларни видеога олиб, интернетга юклаб боришларини ҳамда ОАВ орқали ёритиб боришларини сўрайди.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram
‼️Жойлардаги масъулиятсизлик туфайли иш ҳақи тўловларида муаммо бўлса Халқ таълими вазирлиги молия департаментига бевосита мурожаат қилинг

Халқ таълими тизимидаги умумтаълим мактабларида фаолият юритаётган ходимларнинг иш ҳақи ва унга тенглаштирилган тўловлар туман (шаҳар) халқ таълими бўлимлари томонидан расмийлаштириб тўланади.

Ходимлар билан иш ҳақи бўйича ҳисоб-китобларни ўз вақтида ва тўлиқ ҳажмда амалга ошириш муҳим вазифалардан бири ҳисобланади.

Аммо мактаблар томонидан марказлаштирилган молия-бухгалтерия хизматларига ўз вақтида иш вақтини ҳисобга олиш табелларини тақдим этилмаганлиги, ҳисобчилар томонидан белгиланган вақтда ойлик иш ҳақларини ҳисобланмаслиги оқибатида айрим ҳолатларда иш ҳақи тўловлари кечикиб тўланганлигига йўл қўйилганлиги маълум бўлди.

Халқ таълими вазирлиги томонидан тезкор тарзда кўрилган амалий чоралар натижасида ушбу ҳолатлар бартараф этилиб, ходимларга тегишли ойлик иш ҳақлари тўлаб берилиши таъминланди.

Шу билан бирга, ҳозирги кунда жами халқ таълими тизимидаги 10 мингдан ортиқ мактабларда фаолият юритаётган 700 мингдан зиёд ходимларнинг январь ойи иш ҳақи ҳамда февраль ойи учун аванс тўловлари (18.02.2021 йил ҳолатига) тўлиқ амалга оширилди.

Шу муносабат билан, мактабларда иш ҳақи ва унга тенглаштирилган тўловлар бўйича узилишлар, кечикиш ва муаммоли ҳолатлар юзага келганда, уларни тезкор равишда ечиш мақсадида мазкур масалалар юзасидан Халқ таълими вазирлиги Молия департаментининг қуйида кўрсатилган телефон рақамларига мурожаат қилишингиз мумкинлигини маълум қиламиз:

☎️+99871-241-03-46,
☎️+99895-479-99-10


Халқ таълими вазирлигининг расмий саҳифаларига уланиш
Telegram | Youtube | Facebook | Instagram
Media is too big
VIEW IN TELEGRAM
Америкалик ўқитувчилардан бирини Тошкентда қолдиришдан мақсад “Онлайн мактаб” телевизион лойиҳасида инглиз тили дарсларини ўтиш

Яқинда Ўзбекистонга ташриф буюрган 27 нафар америкалик ўқитувчилардан бири “Онлайн мактаб” лойиҳасида қатнашиб, болаларга инглиз тилидан сабоқ беришни бошлади.

Эмма Биндрапнинг (Emma Bindrup) “Онлайн мактаб” лойиҳасидаги дарслари нафақат ўқувчилар, балки инглиз тили ўқитувчиларига ҳам “Маҳорат дарси” сифатида хизмат қилади. Инглиз тилини ҳақиқий тил эгасидан ўрганиш ўқитувчиларимиз учун ҳам фойдали.

Шунингдек Эмма Янгиҳаёт туманида жойлашган 329 – сон умумтаълим мактабига бириктирилган бўлиб, у ерда юқори синф ўқувчиларига дарс ўтиш билан бир қаторда мактаб ўқитувчиларига ўз тажрибасини улашмоқда.

Қолган 26 нафар мутахассислар ҳудудларга тақсимланган ҳолда ўз фаолиятларини олиб бормоқда. Уларнинг асосий мақсади ҳудудлардаги инглиз тили ўқитувчиларини малакасини ҳамда инглиз тили дарсларида таълим сифатини оширишдир.
#Директор_кундалигидан

Америкада ўқиб қайтган ёш директордан мактабни янги босқичга олиб чиқадиган 10 та стратегик режа

Фирдавс Наврўзов Бухоро шаҳридаги 15-мактабга раҳбар бўлиб келганига эндигина 3 ой бўлди. Шунга қарамай, оз фурсат ичида таълим муассасасида кўпгина ўзгаришларни амалга оширди.

Америкада ўқиб қайтган ёш педагог хориж стандартлари ва тажрибасини кўриб, мактаб ҳаётига янгича ишлаш методлари билан бир қаторда жуда кўп янгиликлар киритди.

Директор дастлаб, 10 босқичдан иборат бўлган ривожлантириш стратегиясини ишлаб чиқиб, мактаб ҳаётига татбиқ этди.


БАТАФСИЛ: https://bit.ly/3aLMImg


Халқ таълими вазирлигининг расмий саҳифаларига уланиш
Telegram | Youtube | Facebook | Instagram