Ta’lim24.uz
101K subscribers
32.6K photos
7.88K videos
148 files
16.7K links
Download Telegram
Халқ таълими тизимида “Educard” лойиҳаси жорий қилинмоқда

Мактаб ўқитувчилари, ўқувчи ҳамда уларнинг ота-оналарига қўшимча шарт-шароит ва қулайликлар яратиш мақсадида “Educard” лойиҳаси жорий қилинмоқда.

Лойиҳадан кўзланган асосий мақсад ўқитувчилар томонидан харид қилинадиган товар ва хизматларга турли кўринишдаги чегирма ва имтиёзлар (Cashback) ҳамда онлайн тарзда имтиёзли кредитлар ажратишдан иборат.

Шу билан бирга лойиҳа доирасида ёшларда иқтисодий маданият ҳамда молиявий саводхонликни ривожлантириш кўзда тутилган.

‼️Маълумот учун: Мазкур лойиҳани амалга ошириш бўйича Халқ таълими вазирлигига Ягона умумреспублика процессинг маркази (Uzcard) ҳамда “Universal Bank” АТБ томонидан таклифлар келиб тушди. Тажриба синов тариқасида лойиҳани амалдаги пластик карталар тўлиқ сақланган ҳолда Тошкент шаҳрининг Шайхонтоҳур ҳамда Учтепа туманларида амалга ошириш бўйича ҳамкорлик келишуви имзоланди.

🤝Ҳамкорлик бўйича таклифларни homiy@xtv.uz электрон манзилига юбориш мумкин.

Батафсил: 👉 https://bit.ly/2MmWaTO
Media is too big
VIEW IN TELEGRAM
🇺🇿2019 йилнинг май ойида Президентимиз Ш.Мирзиёевнинг Учтепа туманига қилган ташрифи давомида Учтепада эски, сиғими кичкина мактаблар ҳали кўплиги, хусуcан тумандаги 57 фоиз мактаблар таъмирталаб ҳолатда эканлиги, шу боис, янги мактаблар қуриш ва мавжудларини кенгайтиришга оид режалар муҳокама қилиниб, вазифалар белгиланган эди.

❓Хўш ўтган давр мобайнида Учтепада таълим соҳасида қандай ишлар амалга оширилди?

🎥Бу борадаги репортажимиз сизни бефарқ қолдирмайди деган умиддамиз.

Учтепа туман ҳокимлиги
Матбуот хизмати

👉https://t.me/uchtepahokimligi

Web-site |facebook | instagram | youtube
Forwarded from Rasmiy axborot
Матбуот котиблари фаолияти баҳоланди

Таҳлилий натижаларга кўра, 2020 йил сентябрь ойига қадар Агентлик ва унинг ҳудудий бошқармалари хулосалари асосида ахборот хизмати раҳбари лавозимига расман тасдиқланиб, фаолият юритиб келган республика даражасидаги 125 нафар матбуот котибидан 14 нафарининг иш натижалари юқори, 67 нафариники ўрта, 30 нафариники қониқарли, 17 нафарининг фаолияти паст даражада, дея баҳоланди.

Шу билан бирга, Президент қарорига асосан барча туман ва шаҳарларда ҳам ахборот хизматлари ташкил этилганди. Бу галги рейтингда биринчи марта туман ва шаҳар ҳокимликлари (жами 206 та) фаолияти ҳам инобатга олинди. Ҳокимликлар кесимида 190 нафар матбуот котибидан 6 нафарининг фаолияти юқори, 7 нафариники ўрта, 117 нафариники қониқарли, 60 нафариники эса паст даражада, деб топилди. 16 нафар матбуот котиби мазкур лавозим вакант бўлгани ёки матбуот котиби 6 ойдан кам фаолият юритгани сабабли баҳоланмади.

➥ Батафсил

@aoka_uz
#Yoshlarkelajagimiz

ЯНА БИР ЎҚУВЧИМИЗ БИРДАНИГА 7 ТА ХОРИЖИЙ ОЛИЙГОҲ ТАЛАБАСИ БЎЛДИ

Наманган вилояти Чуст туманидаги 49-ИДУМ ўқувчиси Дониёр Шукуржонов бирданига 7 та хорижий олийгоҳ талабалигини қўлга киритди.

У Saint Xavier University, University of Maine, New England College, Mitchell College, American International College, Millikin University, Webster University олийгоҳлари талабаси бўлди.

Шу билан бирга "MUN" глобал муаммолар тўғрисидаги онлайн конфренциясида ўз тақдимоти билан иштирок этиб, контракт тўлови учун 1000 евро соҳиби бўлди.

Ҳозирда Дониёр "Flex"- Language Exchange Programнинг финал босқчи натижаларини кутмоқда. Унга келгуси ўқишларида муваффақият ёр бўлишини тилаймиз.

Наманган вилоят халқ таълими бошқармаси Ахборот хизмати
25 нафар мактаб директори Шимолий Жоржия университети мутахассисларидан дарс олмоқда

А.Авлоний номидаги илмий-тадқиқот институти АҚШнинг Шимолий Жоржия университети профессорлари билан биргаликда мактаб раҳбарларининг лидерлик қобилиятларини ҳамда мактабларда STEM фанларни жорий этишда раҳбарнинг ҳиссасини оширишга қаратилган лойиҳани амалга оширмоқда.

Унга кўра 8 та модулдан иборат 10 ҳафталик малака ошириш курслари ташкил этилмоқда. Унда республиканинг барча ҳудудларидан инглиз тили билим даражаси юқори бўлган 25 нафар мактаб директорлари 2 босқичли суҳбат асосида сараланди ва ишдан ажралган ҳолда ўқув жараёнларини бошлади.

Курс февраль-июнь ойларида давом этиб, унинг сўнгида директорлар мактабни бошқаришнинг ноанъанавий усулини ишлаб чиқиши ва уни Жоржия университети профессор-ўқитувчиларининг амалий ёрдами билан ўз мактабларида жорий этиши кўзда тутилган.

Мазкур курсларнинг ўзбек тилидаги таржимаси А.Авлоний номидаги илмий-тадқиқот институтининг махсус электрон платформасига жойлаштирилади.
Ўзбекистонда илк бор 7-8 синф ўқувчилари ўртасида Ал-Хоразмий номидаги математика олимпиадаси ўтказилмоқда

27 февраль куни олимпиаданинг ҳудудий босқичига старт берилди.

Олимпиада топшириқлари Халқ таълими вазирлиги Фан олимпиадалари бўйича иқтидорли ўқувчилар билан ишлаш Департаменти томонидан тайёрланди.

Назорат материали 15 та ёпиқ (вариантлар орасидан танланадиган) ва 15 та очиқ (иштирокчилар томонидан ёзиладиган) тест саволларидан иборат бўлиб, топшириқларни бажариш учун иштирокчиларга 120 дақиқа вақт ажратилади.

Халқаро тажрибадан келиб чиққан ҳолда 7-8 синф ўқувчилари синфларига ажратилмасдан, тенг имкониятлар асосида топшириқ бажаради. Ҳар бир ҳудуддан энг юқори натижаларни қўлга киритган 6 нафар иштирокчи республика босқичида иштирок этиш имкониятини қўлга киритади.

Ҳудудий босқич олимпиада жавоблари бугуннинг ўзида эълон қилинади.

Олимпиаданинг Республика босқичи март ойида ўтказилиши режалаштирилган.

Халқ таълими вазирлигининг расмий саҳифаларига уланиш
Telegram | Youtube | Facebook |
Навоийлик 11-синф ўқувчиси олимпиадада иштирок этиб 49 миллион сўм пул мукофоти билан тақдирланди

Навоий шаҳридаги 11-алоҳида фанлар чуқур ўқитишга ихтисослашган мактабнинг 11-синфида таълим олаётган Ёрқинбек Турдибоев AKFA университети томонидан ташкил этилган 3 босқичли олимпиадада иштирок этиб, охирги босқичда биология фанидан 1-ўринни эгаллаб, 25 миллион, инглиз тили фанидан 5-ўринни ишғол этиб, 15 миллион, математика бўйича 6-ўринни қўлга киритиб, 9 миллион сўм мукофот билан тақдирланди. Мукофотларнинг умумий миқдори 49 миллион сўмга тенг.

Шунинг билан бир вақтда Ёрқинбек мазкур университетнинг тиббиёт факультетига контракт асосида ўқиш ҳуқуқини қўлга киритган. Шартнома асосида таълим олишнинг 58 миллион сўмга тенглиги ва 49 миллион мукофот пули чегириб қолиниши ҳам унинг оиласи учун катта ютуқ. Шу кунга қадар у 2 нуфузли университет талабаси. Бундан олдин ҳам АҚШнинг IOWA университети биология-медицина йўналиши гранти соҳиби бўлган.

Ёрқинбекка барча ишларида омад ёр бўлишини тилаб қоламиз.
Forwarded from IT taʼlim
Respublika taʼlim markazi faoliyatini takomillashtirish bo'yicha Hukumat qarori imzolandi

🔹Respublika taʼlim markaziga Milliy oʻquv dasturi, darslik va oʻquv-metodik majmualar, oʻqitish metodikasi va baholash, zamonaviy taʼlim muhitini tatbiq qilish boʻyicha tajriba-sinov ishlarini tashkil etish maqsadida Toshkent shahridagi umumiy oʻrta taʼlim maktablaridan birining Markazga biriktirilishi belgilandi.

Batafsil: https://telegra.ph/Respublika-ta%CA%BClim-markazi-faoliyatini-takomillashtirish-boyicha-Hukumat-qarori-imzolandi-02-27

Kanalga obuna bo'lish:👇👇👇
Telegram | Facebook | Instagram | You Tube
Forwarded from "TA'LIM" TVTIFB🇺🇿
✅Халқ таълими вазири бошчилигидаги ишчи гуруҳ Янгийўл туманида бўлди

Халқ таълими вазири Шерзод Шерматов Тошкент вилоятининг Янгийўл туманидаги 1-,15-,45-,51- ва 57-мактабларида бўлиб, таълим-тарбия жараёнининг ташкил этилганлиги ҳолати, ўқувчиларнинг таълим олиши ва ўқитувчиларнинг фаолияти учун яратилган шарт-шароитлар билан яқиндан танишди.

БАТАФСИЛ: https://bit.ly/3sBI6VQ

➖➖➖➖➖
📱 "Тошкент вилояти ХТБ" - каналига обуна бўлинг!👇

Telegram | Facebook | Youtube