Ta’lim24.uz
101K subscribers
32.6K photos
7.88K videos
148 files
16.7K links
Download Telegram
Forwarded from SIRDARYO YOSHLARI OVOZI.
⚡️Сирдарёда “Энг билимдон ўқувчилар” энди “Вилоят ҳокими стипендияси”га эга бўлади

✔️Сирдарёда иқтидорли ўқувчи ёшларни қўллаб-қувватлаш мақсадида вилоят ҳокимининг махсус қарори қабул қилинди.

✔️Қарорга кўра, ўқувчи ёшларни умумтаълим фанларидан билим олишга бўлган иштиёқини ошириш, республика ва халқаро фан олимпиадаларига тайёрлаш бўйича вилоятдаги умумтаълим мактабларининг 9-, 10-, 11-синф ўқувчилари ўртасида “Энг билимдон ўқувчи” фанлар олимпиадаси ташкил этилади.

✅Фанлар олимпиадаси математика, физика, кимё, биология, инглиз тили ва информатика фанларидан уч босқичда иккита шарт бўйича ўтказилади:

🔻I мактаб босқичи (15–20-март кунлари);
🔻II туман, шаҳар босқичи (1–10-апрель кунлари)
🔻III вилоят босқичи (10–15-апрель кунлари)

Ҳар бир босқич ғолиблари маҳаллий ҳокимликлар томонидан рағбатлантирилади.

📌Вилоят босқичида биринчи ўринни олган ўқувчиларга эса бир йил мобайнида ҳар ой вилоят ҳокимининг стипендияси (бир базавий ҳисоблаш миқдори) тўлаб борилади.

@sirdaryotumanpress
ЎЗБЕКИСТОН - ҚИРҒИЗИСТОН: ТАЪЛИМ ИСТИҚБОЛЛАРИ ЯНГИ БОСҚИЧДА

Қирғизистон Президентининг Ўзбекистонга ташрифи арафасида икки давлат таълим истиқболлари янги босқичга кўтарилаётгани қувонарли.Бу ҳамкорлик ёшларнинг билим олиб, касб кўникмаларини мустаҳкамлаш борасида икки қўшни мамлакат дўстона алоқалари янада мустаҳкамланишига хизмат қилади. Учқўрғон тумани халқ таълими бўлимига қарашли 1-сонли умумий ўрта таълим мактабининг 11-синф ўқувчилари ҳамда тумандаги иқтидорли ўқувчилари билан Қирғизистон Республикаси Жалолобод вилояти Шамалдисай туманидаги Фрунзе номидаги 8-сонли мактабнинг 11-синф ўқувчилари иштирокида кўп миллатли юртимизда миллатлар ҳамдўстлигини янада мустаҳкамлаш, келажакда ёш авлодни жамиятда муносиб ўрин топишида, юрт корига ярайдиган касб соҳиби бўлишларига қаратилган ZOOM дастури орқали “Келажакдаги касбим” мавзусида халқаро семинар ўтказилди. Мактаб директори Акбермет Азимқулова, ўқув ишлари бўйича директор ўринбосари Милена Кажормалиева, ташкилотчи Олеся Усенбаева, ижтимоий соҳа педагоги Токтобубу Качкинбаева, мактабнинг 10- ва 11-синф ўқувчилари ZOOM дастури орқали семинарда иштирок этишди.
Семинар давомида ўқувчиларимиз рус ва инглиз тилида суҳбат олиб бордилар, бир-бирлари билан фикр алмашдилар. Фан ва таълим соҳасида амалга оширилаётган изчил ислоҳотлар хусусида батафсил маълумот берилди. Мулоқот сўнгида қўшма лойиҳаларни амалга оширишни фаоллаштириш, келгусида икки томоннинг мавжуд салоҳиятидан унумли фойдаланиш ҳисобига ҳамкорлик кўламини янада кенгайтиришга келишиб олинди.

Наманган вилоят халқ таълими бошқармаси Ахборот хизмати
"QO‘QON OLIMPIADASI"ning Respublika bosqichi start oldi !

Joriy yilning 13-14-mart kunlari “Bilim insonni ulug’laydi” nomli shior ostida Qo‘qon universiteti tashabbusi bilan “Qorako‘l ziyo” nodavlat ta’lim muassasasi hamkorligida o‘quvchilar o‘rtasida matematika fanidan “Qo‘qon olimpiadasi”ning respublika bosqichi o’tkazilmoqda. Qo’qon olimpiadasi xususiy sektor vakillari tomonidan ilk marotaba tashkil etildi.
Yosh matematiklarning ushbu bellashuvida 5-6-7-sinf (I guruh), 8-9-sinf (II guruh) va 10-11-sinf, akademik litseylarning 1-2-kurs (III guruh) o'quvchilari ishtirok etmoqdalar. Umumiy hisobda respublikaning 14 ta hududidagi umumiy o'rta ta'lim maktablari, Prezident, ijod va ixtisoslashtirilgan maktablarni rivojlantirish agentligi tasarrufidagi maktablar, akademik litseylar hamda nodavlat ta'lim muassasalarining jami 350 nafarga yaqin o‘quvchilari qatnashmoqda.
Respublika bosqichiga qadar tuman (shahar) bosqichida 60 000 nafarga yaqin, hududiy (viloyat) bosqichida 6 100 nafar o'quvchi Davlat test markazi tomonidan maxsus tuzilgan test sinovlarida ishtirok etdi.

🌐 👉 olympiad.uzedu.uz oo.uzedu.uz
📲 👉@olimpdep
6 ёшли Дилшод 1 йил муддатга оилага тарбияга берилган

“Zoʼr tv” телеканали орқали эфирга узатилган «6 ёшли Дилшод қаерда?» номли лавҳада келтирилган ҳолат Халқ таълими вазирлиги масъул ходимлардан иборат ишчи гуруҳ ўрганаётгани ҳақида аввалроқ хабар бергандик.

6 ёшли боланинг тақдирини ўрганиш жараёнида вазирлик ишчи гуруҳи томонидан қуйидагилар аниқланди:

Дилшоднинг онаси 1980 йилда туғилган Е.С. асли самарқандлик бўлиб, Самарқанд шаҳридаги “Меҳрибонлик уйи”да тарбияланган, муқим яшаш жойига эга бўлмаган. 2003 йилдан бери Тошкент вилояти, Зангиота туманида истиқомат қилувчи фуқаро О.И.нинг хонадонида яшаб, унинг уй юмушларига қарашиб келган.

Е.С. 2014 йилда Дилшодни дунёга келтирган ва Зангиота тумани ФҲДЁ бўлими томонидан “ёлғиз она” сифатида қайд этилган.

2020 йилда фуқаро О.И “Тошкент” МФЙ раисига бир неча маротаба мурожаат қилиб, Дилшоднинг хулқидаги салбий ўзгаришлар, уйдан чиқиб кетиш ҳолатлари, болани тарбиялашда муаммолар юзага келаётганлиги ҳамда моддий томондан қийналаётганлигини билдириб, уни “Меҳрибонлик уйи”га жойлаш бўйича амалий ёрдам сўраган. Бу ҳақда 2020 йилнинг 25 август куни “Тошкент” МФЙ раиси ва ўринбосарлари иштирокида далолатнома расмийлаштирилган.

Юқоридаги ҳолатлар ва “Тошкент” МФЙ раисининг 2019 йил 28 ноябрдаги 62-сонли “Болани жойлаштиришда амалий ёрдам бериш тўғрисида”ги хатини инобатга олиб, 2020 йилнинг 13 октябрь куни вояга етмаган Дилшоднинг онаси иштирокида маҳалла раиси ва унинг ўринбосарлари ҳамда Зангиота туман ХТБ васийлик ва ҳомийлик органи мутахассиси иштирокида далолатнома тузилган. Далолатнома Дилшоднинг онаси томонидан ҳам имзоланган.

Ушбу далолатномага асосан Дилшод Ўзбекистон Республикаси Вазирлар Маҳкамасининг 1999 йил 12 апрелдаги 171-сонли қарори билан тасдиқланган Низом талабларига асосан Зангиота туман халқ таълими бўлими ва томонлар келишуви ҳамда Ўзбекистон Республикаси Вазирлар Маҳкамасининг 2019 йил 30 сентябрдаги 824 -сон қарори асосида қаровсиз қолган болалар биринчи навбатда оилага қайтариш чораларини кўриш, оила топилмаган тақдирдагина уни “Меҳрибонлик уйи” ёки “Болалар шаҳарчаси”га жойлаштирилишини инобатга олган ҳолда бир йил синов муддати билан оилага тарбияга (патронат) берилган.

Халқ таълими вазирлиги томонидан боланинг аввалги яшаш шароити унинг нормал ҳаёт кечириши учун талабга мос эмас деб топилганлиги ва онанинг соғлигида муаммо мавжудлиги сабабли унга нисбатан тиббий экспертиза тайинлаш мақсадида судга мурожаат қилинади.