Ta’lim24.uz
101K subscribers
32.6K photos
7.88K videos
148 files
16.7K links
Download Telegram
#Maktablarga_yordam

Жиззах шаҳрида ҳомийлик ёрдами асосида 640 ўринли янги мактаб биноси фойдаланишга топширилди

Жиззах шаҳридаги 18-мактаб 1910 йилда ташкил этилган бўлиб, муассаса биноси охирги 50 йил оралиғида мукаммал таъмирга тушмаган.

Мактаб биносининг эскилиги, ўқувчи ўринларининг етишмаслиги, моддий-техника базасининг замон талабларига жавоб бермаслиги таълим сифатига ўз таъсирини кўрсатмасдан қолмаётганди.

Энди эса 18-мактаб ўқувчилари бундай ноқулай шароитда эмас, ҳомийлик асосида барпо этилган 640 ўринли замонавий мактаб биносида таълим-тарбия олишади.

Бугун, 17 апрель куни ушбу янги мактабнинг очилиш маросими бўлиб ўтди.

БАТАФСИЛ: telegra.ph/jiz-tashrif-04-17

Халқ таълими вазирлигининг расмий саҳифаларига уланиш
Telegram | Youtube | Facebook | Instagram
Ўзбекистон ва Россия биргаликда ўқувчиларни Халқаро олимпиадаларга тайёрлайди

Халқ таълими вазирлигининг Россияга ташрифи давом этмоқда.

Бугун Ўзбекистон ва Россия муаллифлардан иборат ишчи гуруҳ томонидан янги ўқув йилидан жорий қилинадиган 2-синф рус тили дарслигини яратиш жараёни билан танишилди.

Айни дамда янги дарсликни яратиш билан биргаликда унга мос равишда электрон видеодарслар устида ҳам ишланмоқда. 20 нафар ўзбекистонлик ва 10 нафар россиялик муаллифлардан иборат ишчи гуруҳ томонидан қолган синф учун дарсликлар устида ишланмоқда.

Бундан ташқари Россияга ишчи ташриф чоғида ўзбекистонлик мактаб ўқувчиларини Халқаро олимпиадаларга тайёрлаш жараёни ҳам диққат марказда бўлди. Хусусан Герцен педагогика университетининг олимлари иштирокида Ўзбекистон терма жамоасини Халқаро мусобақаларга тайёрлашга жалб қилиш бўйича келишувга эришилди.
Bugun Fizika, Biologiya hamda Informatika va axborot texnologiyalari fanlaridan Xalqaro fan olimpiadalariga saralashning II bosqichiga start berildi.

Fizika va Biologiya fanlaridan Xalqaro olimpiadaga saralashning II bosqichi Toshkent shahar Olmazor tumani 224-sonli umumiy o‘rta ta'lim maktabida, Informatika va axborot texnologiyalari fanidan esa Toshkent shahar Olmazor tumani 191-sonli umumiy o‘rta ta'lim maktabida bo‘lib o‘tmoqda. Ishtirokchilarga fizika fanidan - yozma ish uchun 10 ta masala, Biologiya fanidan -10 ta topshiriq berildi. Informatika va axborot texnologiyalari fanidan - 7 ta masala berildi va onlayn portalda bo‘lib o‘tmoqda. Ishtirokchilarga topshiriqlarni bajarishlari uchun Fizika, Biologiya fanlariga 4 soat hamda Informatika va axborot texnologiyalari faniga 5 soat vaqt berildi .

Olimpiada yakuniga yetgach o‘quvchilarning ishlari Fan olimpiadalari bo'yicha iqtidorli o‘quvchilar bilan ishlash departamenti nazorati ostida hakamlar hay’ati tomonidan tekshiriladi.

Binoda Milliy gvardiya, Ichki ishlar vazirligi, Sog'liqni saqlash vazirligi tomonidan biriktirilgan maxsus xodimlar tomonidan navbatchilik tashkil etilgan. Olimpiada karantin qoidalariga to‘liq rioya qilingan holda o‘tkazilmoqda.

Barcha ishtirokchilarga O‘zbekiston Respublikasi Xalq ta'limi vazirligining esdalik sovg‘alari topshiriladi.

🌐 👉 olympiad.uzedu.uz, oo.uzedu.uz
📲 👉@olimpdep
Forwarded from Sherzod Shermatov
Samarqand viloyatidagi qator yoshlarimiz maktabni bitirmasdanoq dunyoning nufuzli universitetlari (Columbia va Duke ham bor orasida) ning talabalari bo’lishganiga guvoh bo’ldik. Bu esa harakat qiladigan yoshlar uchun hozir imkoniyatlar ko’pligidan dalolat beradi.

Yoshroq o’quvchilarimiz bilan uchrashuvda ularning dasturlash bo’yicha loyihalarini berilib tushuntirishlarini ko’rib, bu farzandlarimiz harakati ularni kelajakda yanada yuqoriroq marralarga erishishiga yordam beradi deb umid qilamiz. Ularning orasida telegram kanallari orqali dizayn uchun buyurtma olib, hozirning o’zida oyiga 3-5 mln so’m topayotgani ham bor ekan.

Yana bir bor, yoshlarimiz vaqtini behuda o’tkazmay, kimdir nimadir qilib berishi kerakligini kutib o’tirmay, internetdan imkoni boricha unumli foydalanib, kelajaklari uchun imkoniyatlarini kengaytirib borishlari kerak.

#Yoshlar_kelajagimiz #IT_nation #English_speaking_nation
#Хушхабар

АНДИЖОНЛИК ЎҚУВЧИ ТОКИОДА БЎЛИБ ЎТАДИГАН ОЛИМПИАДА ЎЙИНЛАРИГА ЙЎЛЛАНМАНИ ҚЎЛГА КИРИТДИ

Андижон шаҳридаги 4-умумтаълим мактаби 11-синф ўқувчиси Элдорбек Усмонов спортнинг сузиш йўналиши бўйича олимпиада ўйинларига йўлланма берувчи квалификацион турнирда ғолибликни қўлга киритиб, Токиода бўлиб ўтадиган Олимпиада ўйинларига йўлланмани қўлга киритди.

Элдорбек Усмоновнинг зафарли одимлари бардавом бўлишини тилаб қоламиз.

Андижон вилояти халқ таълими бошқармаси Ахборот хизмати