Ta’lim24.uz
101K subscribers
32.6K photos
7.88K videos
148 files
16.7K links
Download Telegram
Халқ таълими вазирлигида “Шахмат билан бир кун”

📌Мазкур шиор остида 20 апрель куни Халқ таълими вазирлиги ходимлари ўртасида шахмат бўйича мусобақа бўлиб ўтди. “Шахмат ойлиги” доирасида ўтказилган ушбу мусобақа Халқ таълими вазирининг “Халқ таълими тизимида шахматни янада ривожлантириш ва оммавийлаштириш чора-тадбирлари тўғрисида”ги буйруғига мувофиқ ташкил этилди.

🏅Қизғин баҳсларга бой тарзда ўтган мусобақада Жамоатчилик ва ОАВ билан алоқалар бўлими бош мутахассиси Ихтиёр Махматқулов ҳамда Ходимлар билан ишлаш бошқармаси бош мутахассиси Азамат Эшдавлатов финалга йўлланмани қўлга киритди.

🏆Финал иштирокчилари ўртасида бўлиб ўтган учрашув якунига кўра Ихтиёр Махматқулов мутлақ ғолибликни қўлга киритди.

🚲Финал иштирокчиларига бош соврин - велосипед, мусобақанинг бошқа иштирокчиларига эса эсдалик совғалар топширилди.

✅Ходимларнинг меҳнат унумдорлигини янада ошириш мақсадида бу каби спорт мусобақаларини келгусида тизимли ўтказиб бориш режалаштирилди.


@uzedu
МАЛАКА СИНОВЛАРИДАН 100 ФОИЗЛИК НАТИЖА ҚАЙД ЭТГАН ХОРАЗМЛИК ЎҚИТУВЧИЛАР СОНИ 12 НАФАРГА ЕТДИ

Малака тоифаси бўйича фан ўқитувчилари учун бўлиб ўтаётган малака синовларида бугунга қадар 12 нафар хоразмлик ўқитувчи 100 балли натижа билан энг юқори кўрсаткични қайд этди.
Хоразм вилояти Гурлан туманидаги 5-сонли мактабнинг математика фани ўқитувчиси Сардорбек Аллаяров иккинчи малака тоифасига, Қўшкўпир тумани 4-сон ихтисослаштирилган мактабнинг Маъмура Карриева, Қўшкўпир туманидаги 4-сон умумий ўрта таълим мактаби математика фани ўқитувчиси Музаффар Худойберганов, Хива туманидаги 37-сон умумий ўрта таълим мактаби тарих фани ўқитувчиси Гулнора Отажанова ҳамда Урганч туманидаги 5-сонли мактабнинг она тили ва адабиёт фани ўқитувчиси Куванч Маткулиева биринчи тоифага, Шовот тумани Ал-Хоразмий номидаги Халқаро физика ва математика мактаб-интернати тарих фани ўқитувчиси Фахриддин Наврўзов, Янгиариқ туманидаги 31-ИДУМнинг она тили ва адабиёт фани ўқитувчиси Малоҳат Алламова, Хонқа туманидаги 7-ИДУМнинг она тили ва адабиёт фани ўқитувчиси Гулжаҳон Ражабова, Урганч туманидаги 47-ИДУМнинг она тили ва адабиёт фани ўқитувчиси Феруза Яхшимуратова, Шовот туманидаги 28-сон мактабнинг она тили ва адабиёт фани ўқитувчиси Муқаддас Шихова, Урганч туманидаги 24-сон мактабнинг она тили ва адабиёт фани ўқитувчиси Зулайҳо Қутлимуратова ва Хива шаҳридаги Огаҳий ижод мактабининг тарих фани ўқитувчиси Назокат Алламова олий малака тоифасининг малака синови бўйича максимал баллни қўлга киритди. Аттестация жараёнлари ҳали давом этмоқда.

Хоразм вилояти халқ таълими бошқармаси ахборот хизмати
👉https://t.me/Xorazm_XTB
55-Xalqaro Mendeleyev kimyo olimpiadasi
➡️Xalqaro Mendeleyev kimyo olimpiadasi MDH, Boltiqbo‘yi va Janubiy-Sharqiy Yevropa davlatlarining iqtidorli o‘quvchilari ishtirok etib kelayotgan xalqaro olimpiadalardan biri hisoblanadi. Ushbu olimpiadada turli davlatlarning yuqori sinf o‘quvchilaridan iborat terma jamoalari ishtirok etadi. Batafsil 👉http://imcho55.chem.msu.ru/
✅ Mazkur olimpiada 1966-yildan boshlab har yili turli davlatlarda o‘tkazib kelinmoqda. Bugungi kunda dunyoning 30 mamlakatidan 200 nafar eng iqtidorli o‘quvchilar kimyo fanidan murakkab va nostandart masalalarni yechishda bellashishadi.
✅ Joriy yil yurtimizning 7 nafar iqtidorli yoshlari ushbu olimpiadada ishtirok etishi rejalashtirilgan. Bugun mazkur xalqaro olimpiadaning ochilish marosimi onlayn tarzda bo‘lib o‘tdi, 22-23-aprel kunlari ishtirokchilar 2 ta nazariy bosqichda o‘z bilimlarini sinovdan o‘tkazadilar. O‘quvchilarimizga omad yor bo‘lishini tilab qolamiz!

🌐 👉 olympiad.uzedu.uz, oo.uzedu.uz
📲 👉@olimpdep
55-Xalqaro Mendeleyev kimyo olimpiadasi ochilish marosimi

🌐 👉 olympiad.uzedu.uz, oo.uzedu.uz
📲 👉@olimpdep
110-мактабдаги ҳолат тўлиқ ўрганилди. Ота-оналардан бола мактабдан уйга олиб келаётган гапни тагига етмасдан, ўқитувчи ва мактабнинг обрўсини тўккандан кўра, унинг тарбиясига кўпроқ эътибор қаратишларини сўраймиз! (Тўлиқ видеони кўриб, хулоса қилинг!)

Афсуски, баъзи ота-оналар фарзандининг тарбияси билан шуғулланиш ўрнига уни ортиқча эркалатиб, ўқитувчи ва мактабни айблаб, айниқса бугун ўзи етарли бўлмаган эркак ўқитувчиларни ишига халал беришни афзал кўрмоқда. Блогер томонидан шов-шув қилиб кўтарилган ва тизим имижига жуда салбий таъсир қилган 110-мактабдаги ҳолат ўрганилди. Ҳолат жуда кенг муҳокамаларга сабаб бўлгани учун, ўша куни дарс вақтида юз берган синфдаги видеотасвир тўлиқ намойиш этилмоқда (болалар шахсини беркитиш учун тасвирнинг айрим жойлари хиралаштирилган). Марҳамат, кўриб, ўзингиз хулоса қилинг!

Видеотасвирдаги ҳолат 110-умумтаълим мактабининг чақирувга қадар бошланғич тайёргарлик фани ўқитувчиси ҳамда директор ўринбосари ўқувчининг телефон ўйнаб ўтирганини ҳамда ўқитувчига нисбатан ҳурматсизликни кўриб, синфга киришга мажбур бўлган вақтида юз берган. Телефон билан боғлиқ ҳолат муҳокама қилинганидан сўнг улар томонидан болалар тартибга чақирилган ҳамда ўқувчиларнинг ўзларини дарсда тутишлари, ўқитувчига ҳурмат, дарсга эътибор қилиш, жисмоний тарбия кийимида дарсда ўтирмаслик каби масалалар бўйича тушунтириш берилган. Видеотасвирдан бу ҳолат блогер айтганидек 20 дақиқа эмас, 9 дақиқа давом этгани кўриниб турибди. Ўзбек тили дарси бузилди деб жар солаётган ўзбек тили ҳимоячиси, ўқувчиларнинг ўзбек тили ўқитувчисини ва дарсни қанчалик беҳурмат қилаётганини ҳам ушбу видеодан холис ўрганиб, ота-оналарни ҳам ўз фарзандлари тарбиясига эътиборлироқ бўлишга чақиришини истаб қолардик.

Видеодаги ўқувчиларнинг юриш-туришидан тортиб, ўзини тутишигача хатти-ҳаракатлари ота-оналардан бола тарбиясига яна бир карра эътиборлироқ бўлиш лозимлигини талаб қилади.

Видеотасвирни диққат билан кузатадиган бўлсак, ўқитувчи томонидан дарс сўнггигача муҳокамаларга сабаб бўлган мавзу ҳақида сўз бормаганига гувоҳ бўлиш мумкин. Муҳокамаларга сабаб бўлган мавзу эса танаффусга қўнғироқ чалинганидан сўнг ўқитувчи томонидан ўқувчи қизнинг нега бундай кийимга эътибор қилаяпсизлар деган мазмундаги саволига жавоб тарзидаги шахсий фикри сифатида айтилганлиги маълум бўлди. Ўқувчиларнинг хатти-ҳаракатлари туфайли 2 нафар эркак ўқитувчи бироз қизишиб гапирган ва директор ўринбосар келгусида бундай ҳолатга йўл қўймаслик бўйича огоҳлантирилган. Лекин видеодан кўриниб турибдики, атайлаб шов-шув қилинган мавзу бўйича ўқитувчи кириб дарсда маъруза қилмаган ва болалар пайпоғини ўлчаб расмга олмаган. Бу бўйича вазирлик томонидан мактабларга ҳеч қандай топшириқ бўлмаганлигини ҳам аввал маълум қилганмиз.

Блогер ўз постида “қора пиар ҳам пиар” деб ўзи ушбу болалар учун кераги йўқ бўлган ҳамда бизнинг жамиятимизда муҳокама қилиниши зиддиятларни келтириб чиқарадиган мавзуда жуда катта резонансга сабаб бўлиб қолди, билибми ёки билмай, бу бизга қоронғу.

Ҳурматли блогерлар ва ОАВ вакилларидан фарзандларимиз тарбиясига салбий таъсир қиладиган ҳамда мактаб ва муаллим нуфузига путур етказадиган мавзуларни кўтаришда эҳтиёт бўлишларини сўраб қолардик. Зеро, бундай муҳокамалар, бу каби мавзуларни одатий ҳолга айланиб кетишига, оилавий қадриятларимизга ва фарзандларимиз тарбиясига путур етказишига сабаб бўлади.

Ушбу блогер ўзининг кейинги постида мактабларда эркак ўқитувчилар тобора камайиб бораётгани ҳақида сўз юритган. Видеода 2 нафар эркак педагогнинг