Ta’lim24.uz
101K subscribers
32.6K photos
7.88K videos
148 files
16.7K links
Download Telegram
#Bilasizmi

Фан олимпиадалари ғолиблари Ўзбекистонда қандай рағбатлантирилади?

Куни кеча 55-Халқаро Менделеев кимё олимпиадасида 7 нафар ўқувчи ғолибликни қўлга киритгани ҳақида хабар бергандик. Мазкур хабар айрим ижтимоий тармоқ фойдаланувчилари томонидан ғолибларнинг рағбатлантирилиши юзасидан саволларни келтириб чиқарди.

Хўш, Ўзбекистонда Фан олимпиадалари ғолиблари қандай рағбатлантирилади?

Ўзбекистон Республикаси Президентининг 2019 йил 3 майдаги “Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида”ги қарорига мувофиқ фан олимпиадалари ғолибларини рағбатлантиришнинг янги тизими жорий этилди.
Мазкур қарорга кўра фақатгина қуйидаги дунёда тан олинган нуфузли фан олимпиадаларида ғолибликни қўлга киритган ўқувчилар ва уларнинг ўқитувчилари бир марталик пул мукофотлари билан тақдирланади:

✅Халқаро математика олимпиадаси (International Mathematical Olympiad (IMO)),
✅Халқаро физика олимпиадаси (International Physics Olympiad (IPhO)),
✅Халқаро кимё олимпиадаси (International Chemistry Olympiad (IChO)),
✅Халқаро биология олимпиадаси (International Biology Olympiad (IBO)),
✅Халқаро информатика олимпиадаси (International Olympiad in Informatics (IOI))

🥇1-ўрин (олтин медаль) учун – ўқувчига базавий ҳисоблаш миқдорининг 500 баравар (122,5 млн. сўм), ўқитувчисига – 450 баравар (110,25 млн. сўм);

🥈2-ўрин (кумуш медаль) учун – ўқувчига базавий ҳисоблаш миқдорининг 300 баравар (73,5 млн. сўм), ўқитувчисига – 250 баравар (61,25 млн. сўм);

🥉3-ўрин (бронза медаль) учун – ўқувчига базавий ҳисоблаш миқдорининг 200 баравар (49 млн. сўм), ўқитувчисига –150 бараварида (36,75 млн. сўм).

Халқаро фан олимпиадалари ғолибларини тайёрлаган ўқитувчилар ва таълим муассасаси директорлари навбатдаги ўқув йили учун директор жамғармасидан қуйидагича қўшимча устама оладилар:

1-ўрин (олтин медаль) учун – 200%;
2-ўрин (кумуш медаль) учун – 175%;
3-ўрин (бронза медаль) учун – 150%.

Юқоридаги нуфузли халқаро олимпиадаларда медаль билан тақдирланган ўқувчилар Олий таълим муассасаларига имтиҳонларсиз имтиёзли равишда қабул қилинади.

‼️Таълим муассасаларида ўқитувчи бўлиб фаолият юритаётган халқаро олимпиадалар ғолиблари лавозим маошига 150 фоиз, асосий олимпиадалар республика босқичи ғолиблари лавозим маошига ҳар ой 100 фоизлик устама ҳақи тўланади.

Шунингдек, юқорида номлари қайд этилган нуфузли олимпиадалардан ташқари ўтказиладиган халқаро олимпиадалардаги ўқувчиларнинг иштироки ҳам рағбатлантириб борилмоқда. Хусусан 2021 йил давомида ўтказилган Халқаро Менделеев кимё олимпиадаси, Халқаро Жаутиков олимпиадаси ҳамда Кавказ математика олимпиадаларида ғолиб бўлган 21 нафар ўқувчининг барчасига яқин кунларда Ўзбекистон Республикаси Президенти совғаси сифатида моноблок, олтин медаль соҳибларига қўшимча равишда телевизорлар берилади.

Бундан ташқари Халқ таълими вазирлиги билан хамкорликда фаолият юритадиган ташкилотлардан ҳам қўшимча совғалар берилиши кўзда тутилган.

СУРАТЛАР: Халқ таълими вазирлиги томонидан 2020 йилнинг 27 август куни Халқаро фан олимпиадаларида ғолибликни қўлга киритган ўқувчилар ва уларнинг устозларини бир марталик пул мукофоти билан тақдирлаш маросимидан олинган.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram
#Хушхабар

Андижонлик ўқувчи Токиода бўлиб ўтадиган ёзги олимпиада ўйинларига йўлланмани қўлга киритди

Андижон вилояти Булоқбоши тумани 8-умумтаълим мактаби ўқувчиси Давронбек Ашуров спортнинг биатлон тури бўйича квалификацион мусобақаларда ғолиб бўлиб Токиода бўлиб ўтадиган ёзги олимпиада ўйинларига йўлланмани қўлга киритди.

Халқ таълими вазирлиги Давронбек Ашуров ҳамда унинг оила аъзоларини ушбу ютуқлари муносабати билан муборакбод этади.

Спортчи-ўқувчимизнинг зафарли одимлари бардавом бўлсин.

Андижон вилояти халқ таълими бошқармаси матбуот хизмати
Халқ таълими вазирининг биринчи ўринбосари Бўзатов тумани ўқувчилари билан учрашди

Халқ таълими вазирининг биринчи ўринбосари Усмон Шарифходжаев Қорақалпоғистон Республикасини комплекс ижтимоий-иқтисодий ривожлантириш бўйича идоралараро ишчи гуруҳ аъзоси сифатида Бўзатов туманида олиб борилаётган ишлар билан яқиндан танишди.

Ҳудуддаги ёшлар ва мактаб ўқувчилари билан суҳбатлашиб, уларни қизиқишлари, мактадан бўш вақтида спорт билан шуғулланиш, китоб ўқиш, ахборот-коммуникация технологиялари билан ишлаш бўйича шароитлари ўрганилди.

Шунингдек жорий йилда таъмирланиши кўзда тутилаётган мактаблар бўйича аниқ режалар белгилаб олинди.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram
МЕНДЕЛЕЕВ ОЛИМПИАДАСИДА ОЛТИННИ ҚЎЛГА КИРИТГАН ИЛК МАКТАБ ЎҚУВЧИСИ — У ЖАҲОН РЕКОРДИНИ ЯНГИЛАБ ЭНГ ЁШ АКАДЕМИК БЎЛИШНИ МАҚСАД ҚИЛГАН

17 ёшли Фирдавс тинимсиз китоб ўқийди. Навоий ғазалларини ўқишни, мумтоз мусиқа тинглашни яхши кўради. Ўзбекистон халқ артисти Муножат Йўлчиеванинг ашаддий мухлиси.

Фирдавснинг орзуларидан бири севимли санъаткори Муножат Йўлчиева билан кўришиш.

Шу кунгача Фирдавснинг Олимпиадалардаги ғалабаларидан олган пул кўринишидаги рағбати 62 миллион сўмни ташкил қилади.

Фирдавс Собировнинг ҳаётига назар солиб, унинг онасини суҳбатга тортдик...

БАТАФСИЛ: https://bit.ly/3tYi9Rt

Халқ таълими вазирлигининг расмий саҳифаларига уланиш
Telegram | Youtube | Facebook | Instagram
Бўзатов мактабларидаги ўзига хос тажриба ўрганилди

Халқ таълими вазирининг биринчи ўринбосари Усмон Шарифходжаев Қорақалпоғистон Республикасини комплекс ижтимоий-иқтисодий ривожлантириш бўйича идоралараро ишчи гуруҳ аъзоси сифатида Бўзатов туманидаги мактаблар фаолияти билан танишаётгани ҳақида аввалроқ хабар бергандик.

Ушбу ўрганиш натижасида Бўзатов мактабларида ўзига хос тажриба кузатилди. Мактабларнинг спорт залларида дарс вақтидан сўнг спорт мактаби мураббийлари томонидан турли тўгараклар ташкил қилинган бўлиб, бунда ушбу мактаб ёки қўшни туман мактаби ўқувчилари учун улардан бепул фойдаланиш ташкил қилинган. Айни дамда ўқувчиларда енгил атлетика, баскетбол, кураш, футбол, енгил атлетика, бокс, волейбол каби спорт турлари бўйича жами 20 га яқин тўгаракларда шуғулланиш имконияти мавжуд.

Бундан ташқари мактаб ҳудудида жойлашган бўш бинода мактаб филиалларида таҳсил олаётган олис ҳудуддан қатнайдиган иқтидорли ўқувчиларни асосий мактабга келиб таълим олиши учун ётоқхона ташкил этилиши белгиланди.
❗️ССВ: Мактаб ва боғча ходимлари ҳамда сурункали касаллиги бор фуқароларни ҳам коронавирусга қарши эмлаш бошланди

Юртимизда коронавирусга қарши эмланаётган аҳоли қатламлари қамрови кенгайди. Шу пайтгача 65 ёш ва ундан катта фуқаролар ҳамда тиббиёт ходимлари эмланаётган эди.

Кеча, 27 апрелдан бошлаб ўрта мактаб ўқитувчилари, мактабгача таълим муассасалари ходимлари ҳамда сурункали касаллиги бор фуқаролар ҳам вакцинация жараёнларига жалб қилинди.

Шу куннинг ўзида:
💉9343 нафар ўқитувчи,
💉5298 нафар мактабгача таълим муассасалари ходимлари,
💉2845 нафар сурункали касаллиги борлар
корнавирусга қарши вакцина қабул қилган.

Илк кунда мактаб ўқитувчиларининг 22 фоизи AstraZeneca, 78 фоизи ZF-UZ-VAC2001 билан эмланган бўлса, мактабгача таълим муассасалари ходимларида бу кўрсаткич мос равишда 11 ва 89 фоизни, сурункали касаллиги борларда эса 23 ва 77 фоизни ташкил этган.

Соғлиқни сақлаш вазирлиги
Жамоатчилик билан алоқалар бўлими.

▶️
@ssvuz
▶️
@ssvmatbuotkotibi
НАМАНГАНЛИК ЎҚУВЧИ БИЛИМИ ОРҚАЛИ БИР ОЙДА 5 МЛН СЎМ ДАРОМАД ТОПМОҚДА

Отабек Усмонов Наманган туманидаги 16-умумтаълим мактабининг 11-синфида таҳсил олади. Ўз олдига катта мақсадлар қўйган қаҳрамонимиз муддатидан аввал Жанубий Кореянинг “Songvon” университети талабасига айланди.

Корейс тилидан Тоpic 2 даражали сертификатга эга бўлиб, мазкур тил билан 3 йилдан буён мунтазам шуғулланиб келаётган ёш, интилувчан ўқувчи ўз атрофига умумтаълим масканидаги тенгдошлари, ука-сингилларини жамлаган. Дарсдан сўнг таълим маскани директори Анваржон Мирзалиев томонидан ажратиб берилган хонада корейс тилидан қўшимча сабоқлар беради.

Айни пайтда ўзининг 9 нафар синфдошини ҳам ОТМга кириш имтиҳонларига тайёрламоқда.

Биргина мактабнинг ўзида 50 дан зиёд ўқувчи ҳамда маҳалладошларига корейс тилидан сабоқ бермоқда.

Тинимсиз ҳаракатлари, интилиши ва билими унга ҳар ойда 5 млн сўм даромад келтирмоқда.


Наманган вилоят халқ таълими бошқармаси Ахборот хизмати
ХТВ ва Австрия делегацияси таълим соҳасида ўзаро ҳамкорлик масаласини муҳокама этдилар

27 апрель куни Австрия элчихонаси маслаҳатчиси Клеменс Махал, “АТС” компанияси директори Тино Терранео ҳамда “Bit media e-solution” компанияси вакили Стефан Дюсс таркибидаги делегация Халқ таълими вазирлигига ташриф буюрди.

Халқ таълими вазири ўринбосари Рустам Каримжонов ҳамда Инновация, технология ва стратегия маркази бош директори Абдували Хайдаров иштирокида ўтган учрашувда томонлар Ўзбекистон ва Австрияда ўрта таълим соҳасида амалга оширилаётган ислоҳотлар билан ўзаро танишдилар.

“Bit media e-solution” вакили Стефан Дюсс компаниянинг электрон таълим, электрон ҳукумат ва электрон ечимлар йўналишларидаги амалга оширилаётган лойиҳалар ҳақида маълумот берди. Шунингдек, Австрия ҳукумати томонидан ижтимоий лойиҳаларга ажратиладиган узоқ муддатли фоизсиз кредитлар мавжудлигини ва ҳамкорликда амалга оширилиши мумкин бўлган лойиҳаларни ушбу кредит асосида молиялаштириш таклифини билдирди.