Bizni kuzating:

Yangiqo‘rg‘on tumanidagi “Kelajak markazi” pedagogi Mavluda Sarmanova 40 yildan buyon to‘quvchilik bilan shug‘ullanib, o‘z tajribasini yosh avlodga o‘rgatib kelmoqda.

Bizni kuzating:

Yurtimizda umumiy o‘rta ta’lim muassasalariga munosib rahbar kadrlarni tanlash va samarali boshqaruvni yo‘lga qo‘yish maqsadida tashkil etilgan Direktorlar kengashi faoliyati o‘zining ijobiy natijalarini bermoqda. Xususan, Qumqo‘rg‘on tumanidagi 42-maktabning ma’naviy-ma’rifiy ishlar bo‘yicha direktor o‘rinbosari Gulmira Nuraliyeva maktab direktori lavozimi uchun Kengash tomonidan o‘tkazilgan ochiq suhbatda ishtirok etib, jarayon yuzasidan o‘z taassurotlari bilan o‘rtoqlashdi.

Bugungi kunda maktab direktori lavozimiga nomzodlar manager.uzedu.uz platformasi orqali ochiq tanlov asosida saralanmoqda. Kengash suhbatida ularning boshqaruv salohiyati, strategik fikrlashi va muammolarni hal etish qobiliyati har tomonlama baholanib, suhbatdan muvaffaqiyatli o‘tgan rahbarlar oldiga maktabni kompleks rivojlantirish bo‘yicha 3 yillik istiqbolli reja ishlab chiqish kabi muhim vazifalar qo‘yilmoqda.

Mazkur tizim yangi tayinlangan rahbarlarni “Ustoz–shogird” tamoyili asosida tajribali mutaxassislar tomonidan qo‘llab-quvvatlash va ularning faoliyatini muntazam monitoring qilib borish imkonini beradi. Bu esa o‘z navbatida, maktablarda zamonaviy boshqaruv madaniyatini shakllantirish, o‘quvchi hamda pedagoglar uchun munosib sharoit yaratish hamda umumiy o‘rta ta’lim sifatini izchil oshirishga xizmat qiladi.