📰📰📰📰📰📰📰

🔴 Maktabgacha va maktab ta’limi vazirligi va Respublika ta’lim markazi vakillari 26–29-avgust kunlari Koreya Respublikasi Seul shahrida bo’lib o’tayotgan 11-Global fuqarolik ta’limi xalqaro konferensiyasida ishtirok etishdi.

🌍“Beqaror dunyoda global fuqarolik ta’limi: sun’iy intellekt asrida insoniy qadriyatlarni asrash” mavzusida o’tayotgan mazkur konferensiyada 50 dan ortiq mamlakat vakili qatnashishdi.

✅Konferensiya davomida O’zbekiston umumiy o’rta ta’limi mazmuniga global fuqarolik ta’limi tamoyillarini integratsiya qilish yo’nalishida olib borilayotgan ishlar to’g’risida taqdimot qilindi.

🔰 Shuningdek, konferensiya davomida UNESCO Bosh direktorining ta’lim masalalari bo‘yicha yordamchisi Qun CHEN bilan uchrashuv o'tkazilib, O'zbekiston ta'lim tizimida olib borilayotgan islohotlar, xususan, ta'lim mazmunini xalqaro standartlar va global fuqarolik ta'limi tamoyillari asosida takomillashtirish masalalari yuzasidan fikr almashildi.

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

MTTlarda o‘zbek tilini o‘rgatish bo‘yicha 120 nafar milliy master-trener tayyorlandi

➖ “Milliy master-trenerlarda zamonaviy metodikalar, o‘quv-metodik majmualar, raqamli platformalar, til muhitini shakllantirish hamda pedagogik-psixologik yondashuvlar” maxsus o‘quv kursi ishtirokchilariga sertifikatlar topshirildi.

Bundan ko'zlangan maqsad - maktabgacha ta’lim tashkilotlarida o‘zbek tilini yanada keng va samarali joriy etish, shuningdek, bolalarning o‘zbek tilida erkin muloqot qilish ko‘nikmalarini rivojlantirishdan iborat.

Endilikda mazkur mutaxassislar tomonidan joriy yilning noyabr–dekabr oylarida hududiy trenerlarni kaskad usulida tayyorlash jarayonlari tashkil etiladi.

⏰ 2027-yil yanvar oyidan hududlardagi pedagogika yo‘nalishidagi OTM bazasida MTT tarbiyachilarini bosqichma-bosqich o‘qitish ishlari yo‘lga qo‘yiladi.

🌍🌍🌍🌍🌍🌍

Bizni kuzating
❤ Telegram          🌐 Facebook
🌐 Youtube           🌐 Instagram
🔎 Veb-sayt          😄 Linkedin

🇺🇸 Oregon shtati 1-sentabrni “O‘zbekiston Mustaqilligi kuni” deb e’lon qildi

📆 AQShning Oregon shtati gubernatori Tina Kotek 2026-yil 1-sentabrni shtat miqyosida “O‘zbekiston Mustaqilligi kuni” (Uzbekistan Independence Day) deb rasman e’lon qildi. Tegishli proklamatsiya Oregon davlat kotibi Tobias Rid tomonidan ham tasdiqlangan.

Mazkur qaror O‘zbekiston davlat mustaqilligining 35 yilligi munosabati bilan qabul qilingan. Proklamatsiyada mamlakatimizning suverenitetini mustahkamlash, boy madaniy merosini asrab-avaylash, tinchlik va farovonlikni ta’minlash, shuningdek, iqtisodiy va ijtimoiy islohotlarni izchil amalga oshirish borasidagi sa’y-harakatlari qayd etilgan.

Hujjatda O‘zbekistonning xalqaro maydondagi faolligi va Markaziy Osiyoda mintaqaviy hamkorlikni rivojlantirishdagi o‘rni, shuningdek, O‘zbekiston–AQSh munosabatlarining savdo, investitsiyalar, texnologiyalar, ta’lim, toza energetika, turizm va xalqlararo almashinuvlar yo‘nalishlarida kengayib borayotgani e’tirof etilgan.

O‘zbekiston Mustaqilligi kunining AQShning butun bir shtati miqyosida rasman e’tirof etilishi mamlakatimizga bo‘lgan xalqaro e’tibor va O‘zbekiston–AQSh munosabatlari tobora kengayib borayotganining muhim ifodasidir.

📌Ma’lumot uchun, Oregon AQShning Tinch okeani sohilidagi muhim iqtisodiy va texnologik markazlardan biri bo‘lib, shtat aholisi 4,3 milliondan ortiq. Shtatda yuqori texnologiyalar, xususan, yarimo‘tkazgichlar sanoati rivojlangan bo‘lib, Intel kompaniyasining yirik ilmiy-ishlab chiqarish majmuasi ham shu hududda joylashgan.

Prezident Administratsiyasi rahbarining shartnoma asosida jalb qilinadigan maslahatchisi, Prezident Administratsiyasining AQSHdagi vakili Komil Allamjonov ushbu tashabbus uchun amerikalik hamkorlarimizga samimiy minnatdorlik bildirdi.

Bizni kuzating
❤ Telegram          🌐 Facebook
🌐 Youtube           🌐 Instagram
🔎 Veb-sayt          😄 Linkedin