Қўриқлаш бош бошқармаси ходимларининг ойлиги оширилади

Президентнинг Миллий гвардия қўриқлаш хизматига оид қарори билан 1 июлдан бошлаб:

💵 қўриқлаш бош бошқармаси ходимларига ҳар ойда уларнинг лавозим маошига 20 фоиз миқдорда ойлик устама белгиланади;

☑️ ягона тариф сеткаси бўйича меҳнатга ҳақ тўлашнинг тасдиқланган разрядларига кўра Қўриқлаш бош бошқармаси ишчи ва хизматчиларининг лавозим маошларини белгилашда тариф коэффициентлари ўртача икки бараваргача оширилган миқдорда қўлланилади.


👉 @xushnudbek 👈

Танлов устуворлигини белгилаш нима дегани?
#abituriyent

Жорий йилда абитуриентларга рўйхатдан ўтишда давлат грантини устуворлик сифатида белгилаш имконияти яратилди.

👉 Бунда абитуриент устуворлик сифатида:

🔹 Давлат грантини танласа - танлаган барча таълим йўналишларида дастлаб давлат гранти, сўнгра тўлов-контракт асосида;

🔹 Давлат гранти ва тўлов-контрактни танласа - олдинги йиллардаги каби ҳар бир таълим йўналишида давлат гранти ва тўлов-контракт асосида кетма-кет танловда иштирок этади.

❗️Танлов абитуриент танлаган таълим йўналишларининг қатъий кетма-кетлиги бўйича у танлаган устуворлик (“Давлат гранти” ёки “Давлат гранти ва тўлов-контракт”) асосида амалга оширилади.

Aбитуриентлардан устуворликни белгилашда эътиборли бўлишларини сўраймиз, дейилади ДТМ хабарида.

👨🏻‍💻 Рўйхатдан ўтиш бўйича видеоқўлланма: https://youtu.be/v1bzwnBPaxI


👉 @xushnudbek 👈

Ҳарвард Университетида илмий тадқиқот қилган ўзбек олими билан суҳбат

Дунё кўрган, замонавий таълим нималигини моҳиятан яхши тушунадиган ва хориждаги нуфузли даргоҳларда амалий тажриба тўплаган инсонлар билан суҳбат қилиш мазза, мен сизга айтсам. Улар умуман бошқа дунё, уларнинг таълимга ва ўзи умуман жамиятга қарашлари бизникидан бошқача.

Ҳарвард Университетида илмий тадқиқот олиб борган, бир неча йил Нидерландиянинг Маастрихт Университети ва Германиянинг Кёльн Университетида профессор лавозимида ишлаган Одилжон ака Абдураззоқов билан бўлган суҳбатимиздан ҳам ана шундай озуқа олдим, ўзимга кўп нарсаларни кашф қилдим.

Сизларга ҳам кўришни тавсия қиламан.

Тўлиқ видео:
📹 https://youtu.be/EHmUo45FMDc


👉 @xushnudbek 👈

Давлат хизматчиларининг чет тилини ўқишлари қўшимча рағбатлантирилади

Президент қарорига мувофиқ давлат органларини юқори малакали ва рақобатбардош кадрлар билан тўлдириш мақсадида давлат хизматчилари хорижий тилларни ўзлаштиришига қўшимча имкониятлар яратилади.

❗️Унга кўра:

✅ 2021 йил 1 июлдан бошлаб давлат органлари таълим ташкилотлари ўқитувчиларини шартнома асосида жалб қилиб, ҳафтада камида бир маротаба ходимларни хорижий тилга ўқитиш амалиётини йўлга қўяди;

✅ 2022 йил 1 январдан бошлаб хорижий тиллардан миллий ва халқаро сертификатга эга давлат бошқарув идораларининг барча бўғинлари ходимларига (ташкилотларнинг бюджетдан ташқари ҳамда иш ҳақи фонди доирасида бюджет маблағлари ҳисобидан) лавозим маошига нисбатан 20 фоизгача қўшимча устама тўланади;

✅ 2022 йилдан бошлаб давлат органларига ишга қабул қилиш ва юқори лавозимга тайинлаш учун хорижий тилни билиш талабгорга қўйиладиган мажбурий малакавий кўникма сифатида белгиланади.


👉 @xushnudbek 👈

“UZREPORT TV” судда муаллифлик ҳуқуқига доир низо бўйича «Beeline»ни ютди

Маълум бўлишича «UNITEL» МЧЖ «Beeline TV» мобил иловасида бирор бир келишув ёки ҳуқуқ эгасининг розилигисиз “UZREPORT TV” ҳамда «FUTBOL TV» телеканаллари эфирларини трансляция қилиб, бунинг ортидан моддий манфаат кўриб келган.

Бунга жавобан “UZREPORT TV” телеканали «Beeline» устидан Тошкент туманлараро иқтисодий судига даъво аризаси киритган.

Суднинг 28 июндаги ҳал қилув қарори билан даъво талаблари тўлиқ қаноатлантирилган. Ҳал қилув қарорига мувофиқ «UNITEL» МЧЖга «Beeline» мобил иловасидан “UZREPORT TV” ҳамда «FUTBOL TV» телеканалларини олиб ташлаш, келгусида ушбу телеканалларни ҳуқуқ эгаси (“UZREPORT” МЧЖ ахборот агентлиги) билан шартнома тузмасдан намойиш этмаслик мажбуриятини юклаган.


👉 @xushnudbek 👈

Журналистика ва оммавий коммуникациялар университети ректори Шерзодхон аканинг таклифлари билан маданият вазири Озодбек Назарбеков билан шахмат ўйнаяпмиз.

Сизнингча, ким ютади? :)


👉 @xushnudbek 👈

Тошкент шаҳридаги Ўзэкспомарказ, “Ёшлик” спорт мажмуаси, Республика гимнастика саройида яна ковид-марказлари қайта очилмоқда.

Бу яхшилик аломати эмас. Демак, бу аҳоли орасида коронавирусга чалинганлар ва аҳволи оғирлар сони яна ошаётганининг исботи. Биздаги маълумотларга кўра, Зангиотадаги ковид-марказлари ҳам деярли тўлиб бўлган, у ерда ҳам янги захира ўринлари очиляпти.

Ўзингизни ва яқинларингизни эҳтиёт қилинг.

💉 Тезроқ вакцина олинг.


👉 @xushnudbek 👈

Ўзбекистон герби 29 ёшда

Бундан роппа-роса 29 йил аввал қабул қилинган қонун билан Ўзбекистон Республикаси Давлат герби тасдиқланган.

Ўзбекистон Республикаси Давлат герби Ўзбекистон Республикаси давлат мустақиллигининг рамзи ҳисобланади.


👉 @xushnudbek 👈

Тошкентни кўкаламзорлаштириш ва ободонлаштириш бўйича очиқ мулоқот бўлиб ўтди

Бугун Ўзбекистон Электрон оммавий ахборот воситалари миллий ассоциацияси ташаббуси билан пойтахт ҳудудини кўкаламзорлаштириш ва ободонлаштириш мавзусида очиқ мулоқот ташкил этилди.

Тошкент шаҳар ҳокимлиги, Маданият ва Транспорт вазирликлари, Экология ва Ўрмон хўжалиги қўмиталари, Тошкент шаҳар ободонлаштириш бошқармаси иштирокидаги мулоқотда 2023 йилга қадар пойтахтдаги яшил ҳудудлар кўлами кенгайтирилиши маълум қилинди.

2021-2022 йилларда:

🔸524 та маҳаллада яшил ҳудудларни суғориш учун 1500 та қудуқни бурғулаш;
🔸130 км пиёдалар ва 117 км велосипед йўлакларини қуриш;
🔸12 та боғ, 25 та яшил ҳудуд ва сайлгоҳлар ташкил қилиш;
🔸 умумий 140 г майдонга эга бўлган аттракционларсиз боғлар ва ҳар бир туманда кичик яшил боғлар ташкил қилиш режалаштирилган.


👉 @xushnudbek 👈

Халқ таълими вазири Шерзод Шерматов коронавирусга қарши ўзбек-хитой вакцинаси билан эмланди.

Эслатиб ўтамиз, вакцина олиш барчага бепул. Ўзингиз яшайдиган ҳудуддаги поликлиникаларга мурожаат қилсангиз, тартибини тушунтиришади.


👉 @xushnudbek 👈

⚡️Хориждан ўқишни кўчиришда ҳамма учун имтиҳон олинади

🅰️ талабалар ўқишини хорижий (шу жумладан, халқаро рейтингларда биринчи 1 000 та ўриндан бирини эгаллаган) ОТМлардан Ўзбекистон давлат ОТМларининг мос ва турдош таълим йўналишларига кўчиришда:

➖агар алоҳида иқтидор талаб этиладиган таълим йўналишлари бўлса касбий (ижодий) имтиҳонлар, қолганида тест синовлари ўтказилади. Касбий (ижодий) имтиҳонлар ОТМ томонидан, тест синовлари ДТМ томонидан ўтказилади;

➖ўтиш баллари жорий йил 25 июлга қадар, кейинчалик ҳар йили 15 июлга қадар белгиланади;

➖ўтиш балидан паст балл тўплаган талабалар табақалаштирилган тўлов-контракт асосида ўқишга қабул қилинади;

➖имтиҳон натижалари ДТМ ҳамда ОТМларнинг веб-сайтларида эълон қилинади.

🅱️ талабалар ўқишини хорижий ОТМлардан Ўзбекистон давлат ОТМларининг мос ва турдош бўлмаган таълим йўналишларига кўчиришга рухсат этилмайди.


👉 @xushnudbek 👈

Ўзбекистонда Twitter ва TikTok вақтинча блокланди

“Ўзкомназорат”нинг таъкидлашича, «Шахсга доир маълумотлар тўғрисида»ги Қонунининг 27-1-моддаси талабларига зид равишда Ўзбекистон фуқароларининг шахсга доир маълумотларига ишлов берилаётгани учун айрим ижтимоий тармоқлар 2021 йил 2 июлдан «Шахсга доир маълумотлар субъектлари ҳуқуқларини бузувчилар реестри»га киритилди ва Интернет тармоғида мазкур ресурсдан Ўзбекистон ҳудудида фойдаланиш ўрнатилган тартибда, аниқланган камчиликлар бартараф этилгунга қадар чекланди.

Хабарда айни қайси ижтимоий тармоқлар блоклангани айтилмаган. Аммо айни вақтда Ўзбекистонда Twitter ва TikTok саҳифалари очилиши жуда ҳам секинлашиб қолди, айримларда эса умуман очмаяпти.


👉 @xushnudbek 👈

❓САВОЛ: илгари фақат 3 та университетда юриспруденция йўналиши бор эди, бу йил шу кўпайган, вилоятларда ҳам юридик факультетлар очилган дейишяпти, шу ростми?

✅ ЖАВОБ: Ҳа, рост. Жорий йилда юриспруденция йўналиши бўйича 9 та олийгоҳ ўқишга қабул қилади, кундузги таълимга жами 1065 та ўрин (75 та бюджет, 990 та контракт) ажратилган, сиртқи таълимга эса жами 325 та ўрин (барчаси контракт) берилган.

Қайси олий таълим муассасаларига нечта жой ажратилганини қуйидаги ҳавола орқали кўришингиз мумкин.


👉 @xushnudbek 👈

🏆 Евро - 2020 кундалиги

Кеча - 2 июль куни чорак финал ўйинларига старт берилди ва илк ярим финалчилар аниқланди. Кечаги натижалар билан танишинг:

🇨🇭Швейцария 1️⃣:1️⃣ 🇪🇸Испания
Голлар: Шакири (68) — Закариё (8, автогол).
Пенальтилар серияси — 1:3.
❌Бускетс 0:1 ✅ Гавранович
✅ Ольмо 1:1 ❌ Шер
❌ Родри 1:1 ❌Аканжи
✅ Морено 2:1 ❌ Варгас
✅ Ойарсабаль 3:1

🇧🇪Бельгия 1️⃣:2️⃣ 🇮🇹Италия
Голлар: Лукаку (45, пенальти) - Барелла (31), Инсинье (44).

Шунда қилиб ярим финалда Испания ва Италия ўзаро куч синашадиган бўлди.

Бугунги ўйинлар тақвими:

21:00 - 🇨🇿Чехия - 🇩🇰Дания
00:00 - 🏴󠁧󠁢󠁥󠁮󠁧󠁿Англия - 🇺🇦Украина


👉 @xushnudbek 👈

Маданият вазири Озодбек Назарбеков Халқаро пресс-клубнинг жонли эфирида коронавирусга қарши вакцина олди.


👉 @xushnudbek 👈