Эртага, 14 июль куни соат 20:30 дан бошлаб каналимиз орқали Давлат тест маркази директори ўринбосари Сардор Ражабов билан овозли чат ташкил қилинмоқда.

Суҳбат давомида асосан қуйидаги мавзулар ҳақида суҳбатлашамиз:

— абитуриентлар учун қабул жараёнларига оид янгиликлар;

— тест ўтказиладиган ҳудуд ва саналар;

— Миллий тест тизимига оид масалалар;

— магистратура учун ўтказиладиган тестлар ва ҳ.к.

❗️ДТМ масъулига овозли чат давомида бевосита савол ёки таклиф бермоқчи бўлсангиз, унда ёки ушбу постга изоҳ қолдиринг, ёки @abituriyentguruh гуруҳида #savol хештеги билан саволингизни ёзинг (хештег эсдан чиқмасин).


👉 @xushnudbek 👈

Ўзбекистон Мусулмонлари идораси Қурбон Ҳайитининг биринчи куни 20 июль, сешанба кунига тўғри келиши ҳақида хулоса берди.

Бу ҳақда Идора раисининг биринчи ўринбосари Ҳомиджон Ишматбеков маълум қилди.


👉 @xushnudbek 👈

Косонсойга сел келиши ортидан 8 киши вафот этди

Бугун, 13 июль куни Қирғизистоннинг Жалолобод вилояти ҳудудида кучли ёмғир ёғиши натижасида сел оқимлари ҳосил бўлган. Ушбу сел оқимлари соат 13:35 ларда Наманган вилояти Косонсой тумани «Обод» МФЙ ҳудудидан ўтувчи «Косонсой» сойидан оқиб келган. Кучли сел билан бир вақтда дўл ёғиши ҳам кузатилган.

ФВВ маълумотига кўра, 8 кишининг жасади топилган, яна 6 киши жароҳатланган.

Ҳудудда ФВВ қутқарувчилари томонидан қидирув-қутқарув ишлари амалга оширилмоқда.


👉 @xushnudbek 👈

​Тез тиббий ёрдам хизматига мурожаатлар кўпаймоқда

Республика Шошилинч тиббий ёрдам илмий маркази Тошкент шаҳар тез тиббий ёрдам станцияси бош шифокори Дониёр БЎРИБАЕВнинг маълум қилишича, бутун республикада, жумладан Тошкент шаҳри аҳолиси орасида “COVID-19” инфекциясига гумон қилинган, пневмония ва коронавирус касаллиги тасдиқланган ҳамда бошқа юқумли хасталиклар билан касалланган фуқаролар томонидан “103” хизматига бўлаётган чақириқлар сони ҳам ортмоқда.

Айни пайтда шаҳар “Тез ёрдам” хизмати CALL-марказига бир кунда ўртача 5000-5100 нафар фуқаро мурожаат қилмоқда. Жумладан, сўнгги беш кун ичида (8 июлдан-12 июлгача) 26 минг 421 та чақириқ келиб тушган бўлса, шундан пневмония белгилари кузатилган, коронавирусга гумон қилинган ёки ташхиси қўйилган ва бошқа юқумли касалликлар билан икки минг уч юз қирқ нафарга яқин беморга сифатли тез тиббий ёрдам кўрсатилди.

— Кейинги вақтларда бир манзилга бир нечта жойдан қайта-қайта чақириқлар келиб тушмоқда. Яъни, битта беморга оила аъзолари, дўстлари, шунингдек, қўшнилари томонидан ҳам мурожаатлар қабул қилинмоқда. Айтиш лозимки, бу каби ҳолатлар пандемия даврида шундоқ ҳам тиғиз тартибда фаолият юритаётган тез тиббий ёрдам хизмати ишини янада қийинлаштириб, “103” бригадаларига юкламалар ортишига сабаб бўлаётир, - дейди Д.Бўрибаев.

Қолаверса, қайта чақириқлар туфайли битта манзилга бир вақтнинг ўзида иккита, учта, ҳатто, тўрттагача “Тез ёрдам” автомашинасининг бориб қолиш ҳолатлари кузатилмоқда.

«Шу боис, фуқароларимиздан бироз сабрли бўлишларини, шошқалоқлик билан қилинган нотўғри ҳаракат бошқа бир бемор ҳаётини хавф остига қўйиши мумкинлигини ёдда тутишларини истар эдим», - деган Дониёр Бўрибаев.


👉 @xushnudbek 👈

⚡️РАСМАН: 20 июль Қурбон Ҳайити байрами этиб белгиланди

Бу ҳақда ЎзА (@uzauz) хабар бермоқда.

Шунингдек, Президентнинг аввалги Фармонлари билан 2021 йил 21–22 июль кунлари ҳам дам олиш кунлари сифатида белгиланганлиги маълумот учун қабул қилинди.

Қарорнинг тўлиқ матни:
http://uza.uz/posts/284375


👉 @xushnudbek 👈

❓Қурбон Ҳайити кунлари ўзбекистонликлар неча кун дам олишади?

Президентнинг тегишли Фармон ва қарорлари асосида Қурбон Ҳайити арафасида ҳамда байрамдан кейин иш ва дам олиш кунлари ҳафтасига 5 кунлик ишлайдиганларга ҳам, 6 кунлик ишлайдиганларга ҳам бир хил бўлади. Тақвим қуйидагича кўриниш олади:

✅ 17 июль (шанба) — иш куни;
❌ 18 июль (якшанба) — дам олиш куни;
✅ 19 июль (душанба) — иш куни;
❌ 20 июль (сешанба) — Қурбон Ҳайити байрами;
❌ 21 июль (чоршанба) — дам олиш куни;
❌ 22 июль (пайшанба) — дам олиш куни;
✅ 23 июль (жума) — иш куни;
✅ 24 июль (шанба) — иш куни;
❌ 25 июль (якшанба) — дам олиш куни.

Маълумот учун:

5️⃣ ҳафтасига 5 кун ишлайдиганлар 17 июль (шанба) ҳамда 24 июль (шанба) кунлари ишга чиқишади, бунинг эвазига 21 июль ва 22 июль кунлари дам олишади. Яъни 5 кунлик ишлайдиганларда қўшимча дам олиш кунлари белгиланмаган, шунчаки уларнинг дам олиш кунлари кўчирилган;

6️⃣ ҳафтасига 6 кун ишлайдиганлар учун эса 21 июль (чоршанба) ва 22 июль (пайшанба) кунлари қўшимча дам олиш куни сифатида белгиланди. Бунинг эвазига улар бошқа дам олиш кунлари ишлаб беришлари шарт эмас.


👉 @xushnudbek 👈

Магистратура учун турдош йўналишлари рўйхати кенгайтирилди

Битирувчи ёшлар, уларнинг ота–оналари, кенг жамоатчилик ҳамда олий таълим муассасаларининг қўшимча таклифлари асосида қайта кўриб чиқилиб, республика давлат ОТМлари магистратурасига қабул бўйича турдош олий таълим йўналишларининг рўйхатига тегишли қўшимчалар ва ўзгартиришлар киритилди.

⚠️ 🩺 Тиббий соҳа бўйича турдош таълим йўналишлари рўйхати ихтисослик хусусиятларидан келиб чиққан ҳолда Соғлиқни сақлаш вазирлиги томонидан ишлаб чиқилган.


👉 @xushnudbek 👈

Бугун, 14 июль куни соат 20:30 дан бошлаб каналимиз орқали Давлат тест маркази директори ўринбосари Сардор Ражабов билан овозли чат ташкил қилинмоқда.

Суҳбат давомида асосан қуйидаги мавзулар ҳақида суҳбатлашамиз:

— абитуриентлар учун қабул жараёнларига оид янгиликлар;

— тест ўтказиладиган ҳудуд ва саналар;

— Миллий тест тизимига оид масалалар;

— магистратура учун ўтказиладиган тестлар ва ҳ.к.

❗️ДТМ масъулига овозли чат давомида бевосита савол ёки таклиф бермоқчи бўлсангиз, унда ёки ушбу постга изоҳ қолдиринг, ёки @abituriyentguruh гуруҳида #savol хештеги билан саволингизни ёзинг (хештег эсдан чиқмасин).


👉 @xushnudbek 👈

❓Абитуриентлар максимал балл олиши учун чет тилини қай даражада билиши керак?
#abituriyent

Вазирлар Маҳкамасининг 13.05.2019 йилдаги 395-сонли қарорининг 2-бандига кўра, 2020/2021 ўқув йилидан бошлаб қуйидаги даражалар акс этган сертификатлар бўлганда, чет тилидан энг максимал балл берилади ва абитуриент чет тилидан тест ишламайди:

инглиз тили учун — IELTS 5,5 (бунда Тошкент давлат юридик университети учун writing модулидан 5,5 балл), TOEFL IBT 72, CAE FCE ҳамда миллий сертификат бўйича B2 ва ундан юқори даража;

япон тили учун — JLPT №2 ёки миллий сертификат бўйича B2 ва ундан юқори даража;

немис тили учун — Goethe-Zertifikat, DSD, Test DAF ёки миллий сертификат бўйича B2 ва ундан юқори даража;

француз тили учун — DELF, TCF4 ёки ёки миллий сертификат бўйича B2 ва ундан юқори даража;

бошқа тиллар учун — миллий сертификат ёки халқаро имтиҳон тизимлари бўйича В2 ва ундан юқори даража.

Бундан пастроқ даража (масалан, IELTS 5) олган абитуриентларга максимал балл берилмайди, улар эл қатори тестга киришлари керак бўлади.


👉 @xushnudbek 👈

Ҳурматли оммавий ахборот воситалари вакиллари ва бошқа қизиқувчилар!

Сизларни “Ўзбекистонда экологик тоза энергетика тизимига ўтиш учун қайта тикланувчи энергия манбаларининг ривожланишини жадаллаштириш” мавзусидаги халқаро давра суҳбатида иштирок этишга таклиф этамиз.

Муҳокама Ўзбекистон ҳукумати, Европа тикланиш ва тараққиёт банки (ЕТТБ) ва Жаҳон банки гуруҳи (ЖБГ) ҳамкорлигида ўтказилмоқда.

Давра суҳбати 2021 йилнинг 14 июль куни онлайн тарзда ўтказилади. Рўйхатдан ўтиш Тошкент вақти билан соат 14:30да бошланади.

Давра суҳбати давомида қайта тикланувчи энергия манбалари лойиҳалари ва келгусидаги режалари, шунингдек стратегия, сиёсат, меъёрий ҳужжатлар, замонавий технологиялар, хусусий сектор иштироки ва инновацион молиялаштириш механизмлари бўйича энг яхши амалиётлар тақдим этилади.

Тадбирда рўйхатдан ўтиш учун қуйидаги ҳаволага киринг: https://us02web.zoom.us/webinar/register/WN_qlFC7cCSSj-PlmqsTxYo5A

Telegram | Facebook | Instagram | YouTube | Twitter

❓Кимё ва биология, информатика ва ахборот технологиялари йўналишини “қизил”га битирганлар магистратурага имтиҳонсиз кирадими?
#abituriyent

✅ ЖАВОБ: Ҳа, улар имтиҳонларсиз тўлов-контракт асосида қабул қилинади.

2020 йил 12 августдаги ПҚ-4805-сонли Президент қарори билан ОТМларнинг кимё ва биология таълим йўналишлари бўйича имтиёзли дипломга эга бўлган битирувчилари мазкур ОТМларнинг магистратура мутахассислигига қўшимча имтиҳонларсиз тўлов-контракт асосида қабул қилиниши белгиланган.

2020 йил 6 октябрдаги ПҚ-4851-сонли Президент қарори билан эса ОТМларнинг информатика ва ахборот технологиялари билан боғлиқ таълим йўналишлари бўйича имтиёзли дипломга эга бўлган битирувчилари мазкур ОТМларнинг магистратурасига кириш имтиҳонларисиз тўлов-контракт асосида қабул қилинади, дейилган.

Талабалардан шу бўйича саволлар келиб тушаётганлиги учун, мазкур масалага ойдинлик киритиш мақсадида Олий ва ўрта махсус таълими вазири Абдуқодир Тошқулов билан боғландик ва тегишли тушунтириш олдик.

Демак, ушбу имтиёзлар жорий йилдан амалга киритилади. Тартиби қуйидагича бўлади:

1️⃣ кимё ва биология, информатика ва ахборот технологиялари йўналишини имтиёзли дипломга эга бўлган талабалар ўзлари тугатган ОТМ магистратурасининг тегишли мутахассислигига ҳужжат топширади;

2️⃣ сўнгра улар белгиланган тартибда имтиҳонга киришади. Чунки юқоридаги имтиёзлар фақат тўлов-контракт асосида ўқишга кириш имкониятини беради холос. Ваҳоланки, ўша абитуриент балки ўз кучи билан давлат грантига ҳам кириши мумкин. Шу сабабли уни бундай имкониятдан маҳрум қилиш мантиқсизлик бўлади;

3️⃣ абитуриентнинг имтиҳон натижасига қаралади. Агар у давлат грантига кирган бўлса, унда давлат гранти асосида ўқийди ва ўз-ўзидан Президент қарорида белгиланган имтиёз қўлланмайди. Агар у тўлов-контрактга кирган ёки умуман имтиҳондан йиқилган бўлса ҳам, Давлат қабул комиссиясининг қарори билан у ўша магистратура мутахассислигига тўлов-контракт асосида қабул қилинади, яъни унга имтиёз қўлланади.

P.S.: ҳозир шу маълумотларни ёзиш асносида бошқа бир нарсани ўйлаб қолдим, ушбу имтиёз қўлланганда абитуриент квота ичида қабул қилинадими ёки қўшимча квота биланми? Президент қарорида қўшимча квота дейилмаган, демак катта эҳтимол билан улар квота доирасида қабул қилинади. Яна ҳам бу масалага аниқлик киритишга ҳаракат қиламиз.


👉 @xushnudbek 👈

🇺🇿🇫🇷14 июль, Франциянинг Миллий байрами муносабати билан Франциянинг Ўзбекистондаги элчихонаси Муваққат ишлар вакили жаноб Брис Рокфой томонидан Тошкент телеминорасига Эйфел минорасининг макети топширилибди.

Манба: Fransiyaning O‘zbekistondagi elchixonasi
Telegram, Facebook, Web, Bris Rokfoy

📹 Рўйхатдан ўтиш бўйича видео-қўлланма

❓Давлат тест маркази сайтида қандай қилиб онлайн рўйхатдан ўтиш мумкин?
❓Бу шунчалар қийин ишми?
❓Телефонда рўйхатдан ўтса ҳам бўладими ёки албатта компьютер керакми?
❓Кимдандир ёрдам сўрашим керакми ёки ўзим ҳам эплай оламанми?
❓Бешта йўналишни танлаш тартиби қанақа бўлади?
❓Тестга кириш учун тўлов қандай амалга оширилади?

Шу ва шу каби саволларга видео орқали жавоб олишингиз мумкин.


👉 @xushnudbek 👈

Бироздан сўнг, аниқроғи соат 20:30 дан бошлаб каналимиз орқали Давлат тест маркази директори ўринбосари Сардор Ражабов билан овозли чат уюштирилади.

Суҳбат давомида қуйидаги мавзулар ҳақида суҳбатлашамиз:

— абитуриентлар учун қабул жараёнларига оид янгиликлар;

— тест ўтказиладиган жой ва саналар;

— хориждан ўқишни кўчиришда ўтказиладиган тест синовлари;

— Миллий тест тизимига оид масалалар;

— магистратура учун ўтказиладиган тестлар ва ҳ.к.


👉 @xushnudbek 👈

Овозли хабаримиз бошланди. Қўшилиш учун ҳавола:

👉 https://t.me/xushnudbek?voicechat

Овозли чат худди кириш имтиҳонларига ўхшайди. Минг киши қўл кўтаради (ҳужжат топширади), фақат 20 кишига навбат (квота) етади, сўз ололмаган (ўқишга киролмаган) 980 киши эса канал админини (ДТМни) сўкади 😀

Наилож, чидаймизда (чидайсизда)...

Иштирок этган, бизни тинглаган барчага раҳмат!


👉 @xushnudbek 👈

Давлат тест маркази директори ўринбосари Сардор Ражабов билан овозли чатнинг тўлиқ файли.


👉 @xushnudbek 👈

Кеча “Ўзбекистон Республикаси халқ ўқитувчиси” фахрий унвони, “Эл-юрт ҳурмати” ва “Буюк хизматлари учун” орденлари соҳиби, машҳур “Қоракўл мактаби” асосчиси, устоз муаллим Тўхтамурод Жумаев вафот этди.

Раҳматли Тўхтамурод ака том маънода янги давр жадиди, ўзбек таълим тизими учун беқиёс ҳисса қўшган инсон эдилар. Мен ишонаман, буюк муаллимнинг умри барҳаёт бўлади, чунки у минглаб шогирдлари ва ўзидан қолдирган катта таълим мактаби сиймосида яшайверади.

Халқ таълими вазирлиги ҳузуридаги Жамоатчилик Кенгаши Тўхтамурод Жумаевнинг яқинларига, оила аъзоларига, шогирдлари ҳамда ҳамкасбларига чуқур ҳамдардлик изҳор қилади.

Инна лиллаҳи ва инна илайҳи рожиъун.


👉 @xushnudbek 👈