Меҳнат кодексига эмлашга оид ўзгариш киритилди

Бош давлат санитария врачининг қарори асосида аҳолини мажбурий профилактик эмлаш ҳамда ходим эмлашни рад этган тақдирда иш берувчи уни ишга қўймасликка ҳақли эканлигини кўзда тутувчи қонун кучга кирди.

Шавкат Мирзиёев қонунни имзолади, қонун матни расмий нашрларда эълон қилинди.


👉 @xushnudbek 👈

❓Абитуриентнинг паспорти йўқолган бўлса, нима қилиши керак?

❓Эски паспорт билан рўйхатдан ўтганлар, энди янги ҳужжат билан тестга кира оладими?

❓Фамилиясини ўзгартирганларда муаммо бўлмайдими?

Бу каби саволларга ДТМ директори ўринбосари Сардор Ражабов жавоб берди. Жавоблар юқоридаги аудиофайлда. Эшитиб кўришингиз мумкин.


👉 @xushnudbek 👈

Абитуриентлар учун тест синовларидан олдин овозли чат марафони

5 августдан юртимиз бўйлаб тест синовларига старт берилади. 1 миллиондан ортиқ абитуриентлар ва уларнинг яқинлари учун ҳаяжонли дамлар бошланади.

Жараёнлар бутун миллат келажаги учун муҳимлигини ҳисобга олиб, абитуриентларга мотивация ва руҳий далда бериш, тажрибали инсонлардан қимматли маслаҳатлар улашиш мақсадида 3-4 август кунлари каналимиз орқали овозли чат марафони ташкил қиляпмиз.

Марафонда иштирок этувчи спикерлар:

Шерзод Асадов – Президент Администрацияси раҳбарининг ўринбосари - Президент Матбуот котиби;

Абдуқодир Тошқулов – олий ва ўрта махсус таълими вазири;

Шерзод Шерматов – халқ таълими вазири;

Эркинжон Турдимов – Самарқанд вилояти ҳокими;

Алишер Саъдуллаев – Ёшлар ишлари агентлиги директори.

Бугун - 3 август кечки пайт Абдуқодир Тошқулов ҳамда Алишер Саъдуллаев билан, эртага – 4 августда эса қолган спикерларимиз билан суҳбат қиламиз.

Вақти ҳақида қўшимча маълум қиламиз. Бизни кузатишда давом этинг.


👉 @xushnudbek 👈

❓Тестга кириш учун вакцина олиш шартми?

Ушбу саволга ДТМ директори ўринбосари Сардор Ражабов овозли чатда жавоб берди.

✅ЖАВОБ: Йўқ, абитуриентлар тестга кириши учун вакцина олиши керак, деган талаб йўқ. Вакцина олмаган абитуриентлар ҳам тестга қўйилади.


👉 @xushnudbek 👈

❗️Ўзлари билан телефон олиб киришга уринадиганлар ҳам тест синовларидан четлатилади

Кечаги овозли чатда телефон ва шпаргалка олиб киришга уринадиган абитуриентлар ҳақида ҳам гаплашдик.

Шахсан менга қолса телефон ёки ҳар қандай шпаргалкаларни олиб киришга уринган абитуриентни ўша заҳоти тестдан четлатиш, ичкарига ҳам киритмаслик керак. Ва мана шундай қинғир йўллар билан қўлга тушганларни 2 йилга тест синовларидан четлатишни йўлга қўйишимиз керак. Яъни у нафақат ўша йили, балки кейинги йилда ҳам тестга умуман киритилмасин.

Ҳозир бунақа нарсаларга ўзбекчилик деб қараймиз ва кечирамиз. Мана шу кечиримлилик бизга жуда қимматга тушяпти.

Ривожланган давлатларда шпаргалка ишлатиш шармандалик ҳисобланади, бизда эса бу оддий ҳол, шпаргалка ишлатмаганлар "лох" деб ҳисобланади.

ДТМ директори ўринбосари Сардор Ражабов ҳам шунинг тарафдори эканлиги ва ДТМ бир неча бор қинғир йўллар билан қўлга тушганларни 3 йилга тестдан четлатиш таклифини берганини айтди.

❓Сизнинг фикрингиз қандай бу борада?


👉 @xushnudbek 👈

Тест саволларини ишлаш учун қанча вақт берилади?
#abituriyent

Ушбу саволга ДТМ директори ўринбосари Сардор Ражабов жавоб берди.

3 та мажбурий фанлар учун — 60 дақиқа (1 соат);

2 та мутахассислик фанлари учун — 120 дақиқа (2 соат).

Жами: 180 дақиқа (3 соат).

Агар кимдадир чет тили ёки бошқа фанлардан имтиёзли сертификати бўлса ва ўша фан учун тест синовидан озод қилинган бўлса, унда 60 дақиқа айириб ташланади. Агар ҳам 2 та мутахассислик фанидан ҳам имтиёзи бўлса, унда 120 дақиқа айириб ташланади ҳамда фақат мажбурий фанлар учун 1 соат вақт берилади.

Касбий (ижодий) имтиҳонлари бор йўналишларга топширган абитуриентлар учун фақат 3 та мажбурий фанга 1 соат вақт берилади.

Ушбу вақт ичига жавобларни белгилаш ҳам киритилган. Яъни бўяш учун алоҳида қўшимча вақт берилмайди.

Суҳбатнинг тўлиқ версияси:
https://t.me/xushnudbek/10487


👉 @xushnudbek 👈

Президент Шавкат Мирзиёев:

Пандемиядан имкон қадар йўқотишларсиз ўтишимиз ва кейинги тўлқинларга йўл қўймаслик учун, халқимиздан 3 та муҳим шартга қатъий амал қилиш талаб этилади:

1️⃣ Биринчидан, вирусдан ҳимояланиш ва уни енгишнинг энг муҳим шарти – бу албатта вакцинация. Қанчалик машаққатли бўлмасин, ушбу мақсадлар учун бугунги кунга қадар 4 турдаги 13 миллион доза вакцина олиб келдик. Қайси турдаги вакцина билан эмланиш бўйича аҳолида танлаш имконияти пайдо бўлди.

2️⃣ Иккинчидан, шахсий гигиена ва ижтимоий масофани сақлаш талабларига риоя қилиш, жамоат жойларида тиббий ниқобда юриш – касалликдан энг самарали ҳимоя эканини унутмаслик лозим. Афсуски, одамларимиз бу талабни унутиб, эсдан чиқариб қўйгани ҳам, айни ҳақиқат. Чекловларга қарамасдан, жойларда кўп кишилик тўйлар, турли хил маросимлар тўхтагани йўқ.

Шу билан бирга, жорий ҳафтадан олийгоҳларга кириш учун тест имтиҳонлари бошланади, бу тадбирларда республика бўйича кунига 100 мингга яқин абитуриент қатнашади. Ушбу тадбирларни ҳам карантин талаблари асосида ташкил этиш зарур.

3️⃣ Учинчидан, касаллик енгил кечаётган ва уй шароитида даволанаётган беморларни ўзбошимчалик билан, пала-партиш дори воситаларини истеъмол қилишини олдини олиш зарур.

Афсуски, беморлар уй шароитида нотўғри даволанишлари натижасида оғир оқибатлар келиб чиқмоқда.

Манба: Президент Матбуот котиби


👉 @xushnudbek 👈

Шавкат Мирзиёев раҳбарлигидаги видеоселекторда Бош прокурорга дорихоналарда коронавирусга қарши қўлланиладиган дори воситалари нархининг асоссиз ошиши ва уларнинг ноқонуний айланмаси бўйича кунлик назорат тадбирларини кучайтириш бўйича топшириқ берилди.


👉 @xushnudbek 👈

Ўқишни кўчиришга топширганларнинг шахсий кабинетида «Rad etilganlik sababi:» деган яна бир қатор чиқиб қолибди. Шунга ур-тўполон, ваҳима. "Нега бизни рад қилишди, нега унақа, нега бунақа" деган гаплар кўпайди.

Барака топгурлар, бу ёзув аризангиз рад этилганини англатмайди. Бу шунчаки алоҳида майдон (қатор)нинг номи холос. Худди юқоридаги «Fuqarolik:», «Pasport:», «Telefon:», «Ta'lim shakli:» каби ёзувлардек.

Ахир «Ariza holati:» деган жойда алоҳида рангда статуслар кўрсатиб қўйилганку. Агар «yangi» деган ёзув турган бўлса, демак ҳали аризангиз кўриб чиқилмаган. Агар ўша ерда «Rad qilindi» деган ёзув чиқса, ана шунда сизнинг аризангиз рад қилинган бўлади ва унинг пастидаги майдонга рад қилиш сабаблари ёзилади. Ҳозир эса у ер бўм-бўш турибди.

Ахир бу жуда ҳам оддий элементар нарса-ку, ўртоқлар.


👉 @xushnudbek 👈

🥇🇺🇿Ҳамюртимиз Акбар Жўраев олимпиада рекордини ўрнатган ҳолда олтин медални қўлга киритди! Урааааааа!!!!

Отангга раҳмат, Акбар!


👉 @xushnudbek 👈

🇺🇿Токиода иккинчи бор Ўзбекистон байроғи баланд кўтарилиб, Ватанимиз мадҳияси янгради.

Бунинг сабабчиси эса 21 ёшли полвонимиз, олимпиада рекордчиси — Акбар Жўраев!


👉 @xushnudbek 👈

Айни вақтларда бўлаётган видеоселектор йиғилиши чоғида Президентимизга Ўзбекистон олимпия терма жамоасининг иккинчи олтин медали тўғрисида хабар берилди.

Давлатимиз раҳбари барча ҳамюртларимизни ва жамоамизга иккинчи олтин медалини келтирган оғир атлетикачи Акбар Жўраевни, шунингдек, аввалроқ олимпия чемпионига айланган таэквондочи Улуғбек Рашитов ва бронза медали соҳиби Давлат Бобоновни табриклади.


👉 @xushnudbek 👈

Абитуриентлар учун тест синовларидан олдин овозли чат марафони

Суҳбатдошимиз:

Алишер Саъдуллаев - Ёшлар ишлари агентлиги директори

Бошланиш вақти: бугун, соат 20:15


👉 @xushnudbek 👈