Кўринг, ўқинг, фақат йиғламанг...

Бугун Баҳодирнинг куни, қанча гапирсак ҳақли. Ушбу видеони ҳам жуда таъсирли қилиб ишлашибди, одамни беихтиёр эти жимирлаб, қалби фахрга тўлади.

P.S.: кўпчилик аввалги постларимизда Баҳодирнинг отаси ҳақида ҳам сўрашганди.

Исомиддин аканинг ўзи ҳам полвон бўлган, самбо бўйича спорт устаси эди. Ёлғиз ўғли Баҳодирни болалигидан спортга олиб борди, у чемпион бўлиши учун борини берди.

Аммо 2015 йили Исомиддин ака оғир дардга чалинди, бош мия ўсмасининг энг оғир тури деб ташхис қўйишди.

2016 йил Баҳодир Хитойда 3 ой тайёрланиб, Осиё чемпионатида Олимпиада йўлланмасини қўлга киритди. Чемпионатда қўли жароҳат олгани сабаб операция қилинди. Aйнан ўша кун, тақдири азал ҳам ўз ҳукмини ўтказиб, Исомиддин полвон омонатини Ҳаққа топширди. Шифокорлар рухсат бермаса ҳам, Баҳодир ўша заҳоти отасини сўнгги манзилга кузатиш учун Ўзбекистонга қайтди.

Ўша йили оғир руҳий тушкинлик билан Рио Олимпиадасида қатнашган Баҳодир ғолиб бўлолмаганди.

Сўнгра Баҳодир 2019 йил жаҳон чемпиони, бугун Олимпиада чемпиони бўлди. Афсуски, Исомиддин ака бу кунларни кўра олмади.

Ўғлининг бугунги ғалабасидан раҳматли Исомиддин аканинг ҳам руҳлари шод бўлишидан умидвормиз, ҳақларига дуодамиз.

Қобил фарзанд ота-онаси тириклигида ҳам, вафотидан кейин ҳам раҳматлар олиб келади. Барчамизнинг фарзандимиз шундай бўлсин, илоҳим.

Отангга раҳмат, Баҳодир! Онангга раҳмат, Баҳодир!


👉 @xushnudbek 👈

Президент грантини олишга номзод энг максимал балл тўплаган абитуриентлар сони 10 нафарга етди.

Тестнинг учинчи кунида 3 нафар абитуриент энг максимал 189 балл олишга муваффақ бўлган. Кеча «189»ли бўлғуси тиббиётчилар сафига иқтисодчилар ҳам келиб қўшилган.

Баракалла!


👉 @xushnudbek 👈

Ички ишлар вазирлиги ахбороти

Тошкент шаҳрининг Олмазор туманида жойлашган кўп қаватли уйларнинг бирида, балконда тасвирланган одамлар икки фарзандли, расмий никоҳдаги оила, эр-хотин, чет эл фуқаролари бўлиб, Тошкент шаҳрида тадбиркорлик фаолияти билан шуғулланишади.

Мазкур хонадондан расмий ижарада фойдаланишган. Улар томонидан ҳеч қандай қонун бузилиш ҳолатлари аниқланмаган. Ушбу оиланинг шахсий ҳаёти тасвирланган видеолавҳани ижтимоий тармоқларда тарқалишига сабабчи бўлган фуқаронинг ҳаракатлари ҳуқуқий баҳоланади.

Видеолавҳани ясаб, ижтимоий тармоқларда тарқатиш орқали журналистни обрўсини тўкишга ҳаракат қилган фуқароларни аниқлаш бўйича тезкор тадбирлар давом этмоқда. Мазкур ҳолат юзасидан Ўзбекистон Республикаси Жиноят кодексининг 139 моддаси 3 қисми, “г” банди ҳамда 141 прим 2-моддаси 2 қисми, “в” банди бўйича жиноят иши қўзғатилган.

Иш якуни бўйича жамоатчиликка тўлиқ ахборот берилишини маълум қиламиз.

ИИВ Ахборот хизмати раҳбари Ш.К.Ғиёсов

Ижтимоий тармоқларда “Prezident sovg’asi” ёзуви ҳамда Токио-2020 Олимпиадаси логотипи туширилган Tahoe ва Trailblazer русумли машиналар видеоси тарқалди. Ҳойнаҳой, бу бугун кутиб олинадиган Олимпиада ғолиблари учун аталган совға бўлса керак.

Дарвоқе, бугун кечки пайт ғолиблар Тошкент шаҳрида кутиб олинади ва соат 21:00дан бошлаб шаҳар бўйлаб очиқ автобусда олиб юрилади. Маршрут мана бу ерда бор. Исталган одам чиқиши мумкин.


👉 @xushnudbek 👈

⚡️Янги ўқув йилида дарс жараёнларии гибрид шаклда олиб борилади

Халқ таълими вазирлиги 2021-2022 ўқув йилида мактабларда дарс жараёни гибрид шаклда давом эттирилишига тайёргарлик кўрилаётганини маълум қилди,

Юзага келадиган вазият ҳамда тегишли ваколатли органларнинг таклифи ва маҳаллий кенгашнинг қарорига асосан айрим мактаблар карантинга ёпилиши мумкин. Бундай ҳолатларда дарс жараёнлари вақтинча масофваий шаклда олиб борилади. ТВ орқали "Онлайн мактаб" дарслари эфирга берилишда давом этади.


👉 @xushnudbek 👈

“Янги Ўзбекистон” университети учун қабул давом этмоқда

Университет MIT, TU München, Cambridge University каби дунёнинг етакчи университетлари билан ҳамкорлик қилади.

Вақт оз қолди, Ўзбекистондаги етакчи университетлардан бирида таҳсил олиш имкониятини қўлдан бой берманг!

❗️Университетда давлат гранти асосида таҳсил олиш ҳам кўзда тутилган.

🗓 Қабул: 15 август 18:00га қадар

💻 Ҳужжат топшириш: https://newuzbekistanuniversity.uz/

☎️ Кол-марказ: +998 (55) 500 11 66

Telegram|Instagram|Facebook| YouTube

Ўртача балларнинг энг баланди Бухорода

ДТМнинг мандат сайтида тест синовига кириб чиққан абитуриентларнинг натижаси асосида ҳудудлар кесимида ўртача баллар кўрсатилмоқда. Уч кунлик тест синовларидан кейин энг юқори ўртача балл Бухоро вилоятида қайд этилган — 70,3 балл. 2-ўринда Фарғона (68,2 балл), 3-ўринда Наманган (66,9 балл). Кейинги ўриндаги Тошкент шаҳрида ўртача натижа 66,5 балл.

Қолган ҳудудлардаги ўртача баллар қўйидагича:

Самарқанд — 64,9;
Сурхондарё — 64,4;
Навоий — 64,2;
Хоразм — 64,1;
Қашқадарё — 63,8;
Жиззах — 63,4;
Андижон — 63,2;
Қорақалпоғистон — 63,0;
Сирдарё — 61,9;
Тошкент в. — 60,1.

❗️Ҳудуднинг ўртача бали қандай ҳисобланади? Масалан, Бухорода тестга кирган 16 минг абитуриент олган барча баллар қўшиб чиқилади ва 16 мингга бўлинади. Шунда ўртача арифметик кўрсатгич келиб чиқади. Бу ўртача балларнинг кириш балларига ҳеч қандай алоқаси йўқ.


👉 @xushnudbek 👈

Максимал 189 балл тўплаганлар ҳақида шахсий фикрим

12 дақиқалик аудиони эшитиш имкони йўқлар учун қисқа хулосам:

❗️Инсон ҳавас билан яшаши керак. Айниқса ўзгаларнинг илмдаги муваффақиятини кўрганда ич-ичидан «мени ва авлодларимни ҳам шундай хайрли илм билан сийлагин» деб дуо қилиб қўйишимиз ва бундай илмга эришишимиз учун ҳаракат қилишимиз керак.

👆Қолган гапларни юқоридаги аудиода айтганман.


👉 @xushnudbek 👈

Токиода бўлиб ўтган Олимпия ўйинларидан келаётган Ўзбекистон делегациясини кутиб олиш учун тайёргарлик кўрилмоқда. Бироздан сўнг спортчиларимиз чартер рейс билан учиб келишади.

Тумонат одам, журналист ва блогерлар, спортчиларнинг яқинлари ҳамда мутасаддилар жам бўлишган.


👉 @xushnudbek 👈

Ўзбекистон делегациясини ўз бортига олган Boeing-767 самолёти аэропортга келиб қўнди


👉 @xushnudbek 👈

Ўзбекистон делегациясини олиб келаётган самолёт ўзига хос удум (ритуал) билан кутиб олинди: самолёт устидан сув сепишди


👉 @xushnudbek 👈

Ўзбекистон делегация Баҳодир Жалоловнинг байроқдорлигида самолётдан тушиб келди. Тўй бошланиб кетди буёғига 😂


👉 @xushnudbek 👈

Баҳодир Жалолов финал жангининг 1-раундида кучли зарбани ўтказиб юборган вазияти ҳақида сўзлаб берди.


👉 @xushnudbek 👈