— Исминг нима?
— Шохюз
— Шохрухми?
— Шохюхмаааас, Шохюз! 😀


👉 @xushnudbek 👈

🎉 Metsenat.uz loyihasi 1 yoshda

✅ O’tgan vaqt mobaynida talabalar va yoshlar uchun turli grant va stipendiyalar e’lon qilindi.

Quyida Metsenat loyihasining 1 yillik natijasini ko'rishingiz mumkin:

- 13 ta turli yo’nalishlardagi ta’lim grantlari;
- 4 ta stipendiyalar;
- 1963 nafar talabalar uchun.

E’lon qilingan grant va stipendiyalarning umumiy miqdori 6 milliard 868 million so’m.

™️ Shuningdek, 2021-yil iyul oyida Metsenat.uz loyihasi “Tahsin” mukofoti bilan taqdirlandi.

Metsenat jamoasi kelgusi yillarda ham yoshlarga imkoniyatlar yaratib berishni o'z oldiga maqsad qilib qo'ygan.

Shu o’rinda loyihamiz orqali talabalarga moddiy ko’mak bergan barcha homiylarga hamda bizning axborot hamkorlarimiz — UzReport telekanli, Kun.uz, Daryo.uz, Xabar.uz, Zarnews.uz nashrlari, FM Avtoradio va xayrixoh blogerlarga minnatdorlik bildiramiz.

@metsenatuz

​Овоз берувчиларнинг 57,7 фоизи Маҳалла вазирлигини тугатиш керак, деган фикрда

Ёдингизда бўлса, Ҳукуматни ихчамлаштириш мавзусидаги муҳокамалар доирасида каналим орқали бир сўровнома ташкил қилган эдим. Унда юртимиздаги нақ 24 та (!) вазирликдан қайси бирини тугатиш, қайсиларини эса қўшиб юбориш керак, дея юзлангандик. Сўровномада жами 4 минг 648 нафар респондент иштирок этди.

Натижаларга эътибор қаратсак, овоз берувчиларнинг мутлоқ кўпчилиги, аниқроғи 57,7%и Маҳалла ва оилани қўллаб-қувватлаш вазирлигини тугатиш керак, деган фикрда. Шунингдек, Уй-жой коммунал хизмат кўрсатиш вазирлиги (46,8%) ҳамда Инновацион ривожланиш вазирлиги (43,1%)га ҳам тугатиш керак деган овозлар кўп берилган.

Берилган овозларга қарасак, 6 та вазирлик бошқаларига қараганда сезиларли равишда кам овоз тўплашган. Яъни овоз берувчиларнинг катта қисми Мудофаа (1,1%), Соғлиқни сақлаш (1,5%), Ташқи ишлар (1,7%), Молия (1,9%), Ички ишлар (2%) ва Адлия (2,2%) вазирликлари албатта бўлиши керак, деб ҳисоблайди.

Овоз берувчиларнинг 7,3 фоизи эса ҳеч қайси вазирликни тугатиш керак эмас, 24 таси қолаверсин, деган фикрда бўлган.

Қуйидаги рўйхатда тугатилиши ҳақида энг кўп овоз олган вазирликлар рўйхатини кўришингиз мумкин:

1. Маҳалла ва оилани қўллаб-қувватлаш вазирлиги 57,7%
2. Уй-жой коммунал хизмат кўрсатиш вазирлиги 46,8%
3. Инновацион ривожланиш вазирлиги 43,1%
4. Иқтисодий тараққиёт ва камбағалликни қисқартириш вазирлиги 41%
5. Сув хўжалиги вазирлиги 34,9%
6. Бандлик ва меҳнат муносабатлари вазирлиги 29,9%
7. Қурилиш вазирлиги 27%
8. Мактабгача таълим вазирлиги 24,7%
9. Инвестициялар ва ташқи савдо вазирлиги 21%
10. Туризм ва спорт вазирлиги 20,9%
11. Маданият вазирлиги 20%
12. Транспорт вазирлиги 17,9%
13. Ахборот технологиялари ва коммуникацияларини ривожлантириш вазирлиги 14,7%
14. Энергетика вазирлиги 13,6%
15. Қишлоқ хўжалиги вазирлиги 12,4%
16. Олий ва ўрта махсус таълим вазирлиги 10,6%
17. Халқ таълими вазирлиги 7,7%
18. Фавқулодда вазиятлар вазирлиги 7,5%
19. Адлия вазирлиги 2,2%
20. Ички ишлар вазирлиги 2%
21. Молия вазирлиги 1,9%
22. Ташқи ишлар вазирлиги 1,7%
23. Соғлиқни сақлаш вазирлиги 1,5%
24. Мудофаа вазирлиги 1,1%

Тез орада сўровномамизнинг иккинчи қисми, яъни қайси вазирликларни бир-бирига қўшиб юбориш керак, деган савол бўйича натижаларни эълон қиламиз.


👉 @xushnudbek 👈

1 декабрдан Тошкент метрополитенида жетонларни қабул қилиш тўхтатилади

Бу ҳақда Траспорт вазирлиги ахборот хизмати хабар бермоқда.

Айни вақтга келиб, Тошкент метрополитенининг барча бекатлари QR кодли чипта, транспорт ва банк карталари ҳамда NFC функциялари орқали тўловларни амалга ошириш имконини берувчи стационар валидаторлар билан жиҳозланган.


👉 @xushnudbek 👈

Тошкентда Италиянинг Пиза университети филиали очилади

Бу ҳақда Ҳукумат қарори қабул қилинди.

Қарорга кўра, филиалда геология бўйича юқори малакали мутахассислар тайёрланади.

Филиалда таълим 2022/2023 ўқув йилидан кундузги шаклда ўзбек, инглиз ва рус тилларида контракт асосида амалга оширилади.

Филиал битирувчиларига Пиза университети дипломи берилади.


👉 @xushnudbek 👈

Олий таълим вазирлигининг маълум қилишича, тўлов-контракт асосида талабаликка тавсия этилган абитуриентлар учун тўловларни амалга ошириш муддати узайтирилиши кутилмоқда.

Шу ўринда муддатни узайтираётган пайти вакцина олганларга бериладиган чегирма муддатини ҳам узайтириш керак. Аввалроқ 15 ноябрь деб айтилганди. Аммо амалиётда бу муддат вакцина олиш муддати эмас, ҳужжат топшириш муддати дея талқин қилинди. Яъни сентябрда охирги доза вакцина олган бўлса ҳам, 16 ноябрда сертификат олиб келса, қабул қилишмади. Бу умуман мантиққа зид.

Ҳали мен магистратура учун қўшимча қабул жавоблари худди атайин қилгандан кечикиб эълон қилингани ҳақида ҳеч нарса демаяпман.

Хуллас, гап аҳолининг вакцина олиши ва инсон саломатлиги ҳақида кетаётган экан, бюрократик муддатларни олиб ташлаш керак. Аслида қачон вакцина олса ҳам чегирма берилиши керак. Ҳеч бўлмаса, ҳозирги мантиқсиз ҳолатга чек қўйиб, 15 ноябргача вакцина олганларнинг барчасига чегирма бериш керак. Муддатни баҳона қилмасдан.


👉 @xushnudbek 👈

Талабаларга энг кўп контракт пулини тўлаб берган ҳокимликлар рейтинги эълон қилинди

Талабалар сони бўйича рейтингнинг энг юқори ўрни Шароф Рашидов тумани ҳокимлигига (242 нафар талабага 662,7 млн сўм) тегишли бўлса, миқдорига нисбатан Навоий шаҳри (176 нафар талабага 807,2 млн сўм) банд этган.

Ёшлар ишлари агентлиги раиси Алишер Саъдуллаевнинг хабар беришича, республикадаги 6 та туманда “Талабага мадад” лойиҳаси доирасида мурожаат қилган талабаларнинг бирортасига контракт пуллари тўлаб берилмаган. Бу бўйича тегишли чоралар кўрилиши айтилган.


👉 @xushnudbek 👈

IMEI-кодларини рўйхатдан ўтказиш осонлаштирилади

АКТни ривожлантириш вазири Шерзод Шерматов яқин келажакда амалга оширилаётган лойиҳалар қаторида мобил телефон рақамларини кўчириш тизими лойиҳаси ҳам борлигини маълум қилди.

«IMEI-кодларини рўйхатдан ўтказиш жараёнини истеъмолчилар учун янада осонлаштириш йўлларини топиш ва фуқаролар хизматлардан осон ва қулай фойдаланиш имкониятига эга бўлиши керак», – дейди вазир.

IMEI мавзусида бунгача ҳам жуда кўп чиқишлар қилганман (1, 2, 3, 4, 5, 6, 7, 8, 9, 10, 11, 12). Яна бир бор бу мавзудаги позициямни билдирмоқчиман:

➖ «Йўқолсин, IMEI тизим!» деган кўр-кўрона чақириқларга қўшилмайман. Чунки, тан олишимиз керак, IMEI тизимининг фойдаси катта. Телефонларни қонуний рўйхатдан ўтказиш, бюджетга солиқ тушумининг бир неча ўн баравар ошишига ёрдам бермоқда;

➖ Аммо бу тизим технологик тўғри йўлга қўйилмаган ва бюрократик чекловлар ҳамда ноқулайликлардан иборат. Аслида тизим ўта содда ва қулай бўлиши, шунчаки рўйхатдан ўтказиш принципида ишлаши керак. Бундан ташқари ушбу тизим натижасида чегарадан ўтган фуқароларнинг шахсий маълумотларини (паспорт нусхалари) сотиш бизнеси бошланиб кетди ва ҳалигача давом этмоқда. Бунга қарши бирор жиддий чора кўрилмади;

➖ Ва энг асосийси бу тизим текин бўлиши керак. Солиқчилар, чегарачилар, божхоначилар ва бошқа масъул ташкилотлар ўз ишини етарли даражада бажармаётгани учун халққа «Телефон cолиғи» солиш ҳеч бир мантиққа тўғри келмайди. Чунки IMEI тизими шундоқ ҳам бюджетга бир неча юз миллиард фойда олиб келяпти ва яна худди шунақа юз миллиард пул халқдан йиғиб олинмоқда. Сал инсоф бўлиши керак-ку.

Энг қизиғи [кўзбўямачилик учун очилган] «Менинг фикрим» порталига IMEI тизими тўловини бекор қилиш ҳақида петиция қолдирилган ва 25 мингга яқин овоз олган бўлса ҳам, лекин амалда ҳеч нарса ўзгармади.

Айрим депутатларимиз бу пулни оқлаб, «тўлов тадбиркорлардан олиняпти, халқдан эмас» деган кулгили мақолалар ёзиб юрган бўлса ҳам, лекин халқ аҳмоқ эмас. Телефон учун қўшимча харажат қилган тадбиркор бу харажатни харидорлар гарданига юклайди ва охир-оқибат барибир халқ тўлайди бу пулни. Бу оддий ҳақиқатга кўпчиликнинг ақли етади.

P.S.: албатта янги вазир тўловни бекор қилиш ёки камайтиришни ўйламаслиги ва бунга ҳаракат ҳам қилмаслиги мумкин. Чунки тайёр келиб турган юз миллиардлаб пул ҳаммага керак. Лекин барибир бу "солиқ" адолатсизлик. Фикрим шу.


👉 @xushnudbek 👈

Фуқародан 1,5 млн доллар талаб қилган ҳокимлик мансабдори қўлга олинди

Олмазор тумани ҳокимлигининг мансабдор шахсларидан бири ноқонуний даромад олиш мақсадида тадбиркорлик билан шуғулланмоқчи бўлган фуқарога пластик қувурлар ишлаб чиқарувчи завод қуриши учун Тошкент вилоятининг Зангиота туманидан 12 гектар ер олиб бериш эвазига 1 млн 560 минг АҚШ доллари талаб қилади.

Шундан сўнг улар Тошкент шаҳридаги ресторанлардан бирида аванс сифатида 50 минг АҚШ долларини олган вақтларида ашёвий далиллар билан ушланган.

Марказий банкнинг Тошкент шаҳар бошқармаси ходими эса фуқарони субсидия ҳисобидан уй-жой олувчилар рўйхатига киритиб қўйиш эвазига 2 минг доллар олаётганда ушланган.

Иккала ҳолат бўйича ҳам жиноят иши қўзғатилган.


👉 @xushnudbek 👈