“Эл-юрт умиди” жамғармаси 2022 йилдаги илк стипендия дастурини эълон қилди

Ушбу стипендия илғор хорижий давлатлар нуфузли университетлари ва илмий марказларида бакалавриат, магистратура ва докторантурада таълим олиш учун берилади.

Ариза топшириш муддати: 2022 йил 10 январдан – 10 февралга қадар

Квота: 420 ўрин

➖ Батафсил маълумот

Онлайн ҳужжат топшириш учун:
➡️ http://admission.eyuf.uz/


👉 @xushnudbek 👈

Айни пайтда Ўзбекистон Президенти, Қуролли Кучлар Олий Бош қўмондони Шавкат Мирзиёев раислигида Хавфсизлик кенгашининг кенгайтирилган йиғилиши бўлиб ўтмоқда.

Давлатимиз раҳбари Ўзбекистон Қуролли Кучлари ташкил этилганининг шонли 30 йиллиги муносабати билан йиғилганларни, Қуролли Кучларимиз сафларида хизмат қилаётган барча ҳарбийларимиз ва соҳа фахрийларини самимий табриклади.


👉 @xushnudbek 👈

Шавкат Мирзиёев Қозоғистондаги воқеаларга муносабат билдирди:

«Сўнгги кунларда биз учун яқин қўшни ва қардош бўлган Қозоғистон Республикасида содир бўлган воқеалар ҳаммамизни жиддий ташвишга солди.

Биз минг йиллар давомида қозоқ халқи билан яқин қўшни бўлиб, биргаликда ёнма-ён яшаб келганмиз. Бизни умумий тарих, урф-одат ва маданият боғлаб туради. Келажагимиз ҳам ўзаро чамбарчас боғлиқдир.

Шу кунларда мен Қозоғистон Президенти Қасим-Жомарт Тоқаев билан бир неча бор телефон орқали мулоқот қилдим. Ўзбекистон халқи номидан бутун Қозоғистон эли ва раҳбарига барқарорлик ҳамда фаровонликни таъминлаш борасидаги барча саъй-ҳаракатларини қатъий қўллаб-қувватлашимизни билдирдим.

Фурсатдан фойдаланиб, ушбу воқеаларда қурбон бўлганларнинг оила аъзолари ва барча яқинларига яна бир бор чуқур таъзия ва ҳамдардлик изҳор қиламан. Жабрланган инсонлар ҳам тез орада соғайиб кетишига тилакдошман.

Яратганга шукрки, қўшни мамлакатдаги вазият аста-секин ўз изига тушиб бормоқда, давлат тузилмалари ва ижтимоий муассасалар ўз фаолиятини қайта тикламоқда, одамлар осойишта ҳаётга қайтмоқда.

Ўз ўтмишида кўплаб мураккаб синовларни бошидан кечирган донишманд қозоқ халқи бу оғир кунларни ҳам тез орада мардона енгиб ўтишига ҳамда янада якдил ва ҳамжиҳат бўлишига ишонаман», — деди давлатимиз раҳбари.


👉 @xushnudbek 👈

Шавкат Мирзиёев бир гуруҳ ҳарбий хизматчилар ва ҳуқуқни муҳофаза қилиш органлари ходимларини давлат мукофотлари билан тақдирлади. Жумладан:

II даражали «Шон-шараф» ордени билан

Батиров Хасан Арзудинович — Ички ишлар вазирлиги Қоровул қўшинлари қўмондони

Рустамбаев Мирзаюсуп Хакимович — Жамоат хавфсизлиги университети бошлиғи

«Мардлик» ордени билан

Азизов Улуғбек Уктамович — Амир Темур номидаги Давлат хавфсизлик хизмати Академияси бошлиғи

Кулдашев Абдулла Хамидуллаевич — Фавқулодда вазиятлар вазирининг биринчи ўринбосари

Салиев Муталибджон Обиджонович — Давлат божхона қўмитаси раисининг ўринбосари

«Дўстлик» ордени билан

Атамухамедов Акбар Хамидович — Давлат хавфсизлик хизмати Чегара қўшинлари ашула ва рақс ансамбли бошлиғининг ўринбосари

«Содиқ хизматлари учун» медали билан

Аллабергенова Нилуфар Анваровна — Тошкент шаҳри Яккасарой тумани прокурори

Мамаюсупов Сарвар Дехканович — Миллий гвардия қўмондонининг ўринбосари

Рўзиев Учқун Холбоевич — Олий суд судьяси

Эргашев Восиджон Ёкубович — Давлат божхона қўмитасининг Божхона институти бошлиғи

Тўлиқ рўйхат мана бу ерда:
http://uza.uz/posts/337135

Шунингдек, Шавкат Мирзиёев Ўзбекистон Қуролли Кучлари ташкил этилганининг 30 йиллиги ва Ватан ҳимоячилари куни муносабати билан байрам табриги йўллади.


👉 @xushnudbek 👈

«Вообше дупл бўп қобманде»

Ўтган ҳафта Юнусободда ғирт маст фуқаро А.А. “Malibu”да ЙҲХ ходимлари талабига бўйсунмай, қочиб кетганди. Унга нисбатан ўқ-отар қурол ҳам қўлланганди.

Ушбу фуқарога нисбатан илгари 2 марта транспорт ҳаракати қоидаларини бузишга оид жиноят иши қўзғатилган экан. Аммо 2 сафар ҳам жазо берилмаган (бири ярашув, бири амнистия).

У ўтган йили қизилда ўтиш, рухсатсиз тонировка, нотўғри қувиб ўтиш каби кўплаб қоидабузарликлари учун 7,9 млн сўм жарима тўлаган.

Бу сафар унга ҳокимият вакилига бўйсунмаслик моддаси билан жиноят иши қўзғатилган. Ҳозирча жазо номаълум.

Никита Макаренко бу ҳолатга «биз дунёдаги энг либерал давлатмиз, ҳамма нарсани кечириб кетавермиз» деб сарказм қилмоқда. Унинг фикрича, маст рулга ўтирганларни 3 ёки 5 йилга ҳайдовчилик ҳуқуқидан маҳрум қилиш керак. Қоидабузарлик йиғилиб, охири узоқ муддатга "правани лишать" қиладиган тизим керак. Улар қайта ўқиб, имтиҳондан ўтишсин. Ҳозиргидек "пулни тўлаб, билганингни қил" деган принципни йўқотайлик, деяпти.


👉 @xushnudbek 👈

Президентнинг тегишли қарорига кўра, Самарқанд давлат университетига атоқли давлат ва жамоат арбоби Шароф Рашидов номи берилди, дея ЎзА хабар бермоқда.

Университет таркибида қуйидагилар ташкил этилди:

➖агрономия, биотехнология ва озиқ-овқат хавфсизлиги соҳаларида кадрлар тайёрловчи Агробиотехнологиялар ва озиқ-овқат хавфсизлиги институти;

➖ муҳандислик, автоматика, мехатроника, робототехника, рақамли электроника, электротехника, машинасозлик, материалшунослик ва янги материаллар технологияси соҳаларида кадрлар тайёрловчи Муҳандислик физикаси институти;

➖педагогика, ахборот технологиялари ва ҳудудда кадрларга эҳтиёж юқори бўлган бошқа соҳаларда кадрлар тайёрловчи Университетнинг Ургут филиали.

Самарқанд давлат университетида Трансформация офиси ташкил этилди ва у Университетни комплекс ривожлантириш ҳамда 2026 йилга қадар халқаро рейтингда биринчи 1000 талик рўйхатга киритишга масъул этиб белгиланди.


👉 @xushnudbek 👈

⚡️Шавкат Мирзиёев Лукашенконинг сўзларига жавоб берди:

«Куни кеча баъзи давлат раҳбарлари томонидан Ўзбекистон Республикаси Қозоғистонда бўлиб ўтган воқеалардан сабоқ чиқариши лозимлиги ҳақида асоссиз баёнот берилди.

Биз минтақадаги вазиятни, хавфсизликка бўлган барча хавф-хатарларни диққат билан кузатиб боряпмиз.

Ҳар қандай таҳдидга нисбатан муносиб жавоб қайтариш ва зарба бериш учун биз етарли куч ва салоҳиятга эгамиз», — деди давлатимиз раҳбари.


👉 @xushnudbek 👈

Бугун, 14 январь - Ўзбекистон Қуролли Кучлари ташкил этилганининг 30 йиллиги ва ватан ҳимоячилари куни!

Негадир шу кунни эркаклар байрамидек қабул қиламиз. Аслида бу кун жинсидан қатъи назар Ватанини жонидан ортиқ кўрувчи, юртининг шаъни, тотувлигини ҳимоя қилишга доим тайёр бўлган ҳар бир фуқаронинг байрамидир.

Шу ўринда юртимиз тинчлиги учун ҳормай-толмай хизмат қилаётган мард ва жасур ҳимоячи-ҳарбийларни байрам билан чин қалбдан табриклайман!

Сизлар борлигингиз учун кўнгилларимиз хотиржам, тунларимиз эса осуда. Раҳмат Сизларга!

Ура! Ўзбекистон Республикасига хизмат қиламан!


👉 @xushnudbek 👈

Шавкат Мирзиёевнинг Лукашенкога жавоби: “Етарли куч ва салоҳиятга эгамиз!”

Видео манбаси


👉 @xushnudbek 👈

​​16 февраль воқеаларида қатнашиб, қидирувда бўлган шахс 23 йилдан кейин ушланди

Ўзбекистон Республикаси ҳудудида террористик жиноятларни содир этганлиги учун 23 йилдан буён қидирувда бўлган “У.С.” хорижда ушланиб, мамлакатимизга олиб келинди.

Хусусан, 1967 йил Тошкент вилоятида туғилган “У.С.” 1998 йилда Чеченистонда жанговар тайёргарликдан ўтиб, 1999 йилнинг 16 февраль куни Тошкент шаҳрида амалга оширилган қўпорувчилик ҳаракатларида иштирок этади ва ўша йилнинг март ойида айланма йўллар орқали хорижга чиқиб кетади.

Шунингдек, “У.С.” иорданиялик Амир Хаттоб томонидан Чеченистонда ташкил этилган жангариларни тайёрлаш лагерларига “Туркистон ислом ҳаракати” халқаро террористик ташкилотининг Ўзбекистондан бўлган аъзоларини жўнатиш билан ҳам шуғулланган.

“У.С.” 2001 йилнинг ноябр ойида бошқа шахснинг номига расмийлаштирилган сохта ҳужжатлар асосида МДҲга аъзо давлатлардан бирининг фуқаролигини олиб, ўша мамлакат ҳудудида яшириниб юрган.

Ўзбекистон Республикаси Давлат хавфсизлик хизматининг чет эл махсус хизматлари билан ҳамкорликда олиб борган тезкор-қидирув тадбирлари натижасида “У.С.” ҳибсга олинди.

Ҳозирда унга нисбатан қўзғатилган жиноят иши доирасида тергов ҳаракатлари олиб борилмоқда.


👉 @xushnudbek 👈

2022 йилнинг январь, февраль ва март ойларида эмланганлик сертификатини олган фуқаролар ўртасида қимматбаҳо ютуқли ўйин (бош соврин — автомобиль) ташкил этилади. Бу ҳақда Соғлиқни сақлаш вазирлиги хабар берди.


👉 @xushnudbek 👈

Кўпчилик иш сўрайди. Менга маъқул бирор иш бўлса, айтарсиз, дейишади. Ҳа, тўғри, бугунги кунда иш топиш осон эмас, муносибини топиш ундан ҳам қийин. Лекин ҳаракат қилса, топиш мумкин.

Масалан, Президент ҳузуридаги Давлат хизматини ривожлантириш агентлигининг vacancy.argos.uz сайтида давлат ташкилотларидаги вакант жойлар ҳақида маълумотлар бор. Ушбу вакант жойларга онлайн ариза юбориш ҳам мумкин. Бугунги маълумот бўйича сайтда 1 минг 798 та вакант ўрни ҳақида эълон бор экан.

Мисол учун, мана бу саҳифада Иқтисодий тараққиёт ва камбағалликни қисқартириш вазирлиги эълон қилган 30 та вакансия ўрни ҳақида маълумот олишингиз ва маъқул келса, ҳужжат топширишингиз мумкин. Хусусан, Маҳаллабай ишлаш ва тадбиркорликни ривожлантириш агентлиги 12 та вакант жой эълон қилган, улардан 3 таси бошқарма бошлиғи, 4 таси шуъба мудири, 4 таси бўлим мудири, 1 та бош мутахассис лавозимига.

Шу портал орқали бугунгача 6 минг 526 киши ишга кирибди-ку, балки сизда ҳам ўхшаб қолар.


👉 @xushnudbek 👈

Ўзбекистон армиясида 194 та самолёт, 89 та вертолёт, 420 та танк, 1215 та ҳарбий зирҳли машиналар бор экан.

Манба


👉 @xushnudbek 👈

Муҳаммадиев Улуғбек Исломович Президентнинг фуқаролар ҳуқуқларини ҳимоя қилиш ва мурожаатлар билан ишлаш масалалари бўйича маслаҳатчисининг биринчи ўринбосари лавозимига тайинланди.

Шу муносабат билан Адлия вазирлиги ҳузуридаги Давлат хизматлари агентлиги директори лавозимидан озод этилди.


👉 @xushnudbek 👈