❗️Шавкат Мирзиёев Вазирлар Маҳкамасига уч кун муддатда импорт автомобиллари учун божхона божи ставкаларини 2 баробарга (30 фоиздан 15 фоизга) пасайтириш бўйича қарор лойиҳасини киритишга топшириқ берди.


👉 @xushnudbek 👈

Шоҳ ва шоир Заҳириддин Муҳаммад Бобур таваллудининг 539 йиллигига бағишлаб Бобур исмли юртдошларимиздан интервью сифат ролик ишлашибди.

Албатта, ролик 539 ёшли Бобур ҳақида))


👉 @xushnudbek 👈

Париж-2024 мусобақаларида олтин медал олган ўзбек спортчисига 200 минг доллар берилади

Президент қарорига кўра, 2024 йил Париж шаҳрида бўлиб ўтадиган XXXIII ёзги Олимпия ва XVII Паралимпия ўйинларида ғолиб ва совриндор бўлган спортчилари қуйидаги миқдорда бир марталик пул мукофоти билан рағбатлантирилади:

🥇олтин медали учун — 200 минг АҚШ доллари;
🥈кумуш медали учун — 100 минг АҚШ доллари;
🥉бронза медали учун — 50 минг АҚШ доллари.

Олимпия ва Паралимпия ўйинларига тайёргарлик қилиш жараёнида республика ҳудудида ўтказилаётган спорт мусобақалари, ўқув-машғулотлар йиғинларида терма жамоа аъзоларининг иштирокини таъминлаш учун вилоятлараро йўналишлар бўйича (темир йўл ва авиачипта) транспорт харажатларига 2022 йил 1 мартдан 2024 йил 1 сентябрга қадар чегирмалар жорий этилади.

Шунингдек, ушбу қарорда 2026 йил Милан шаҳрида бўлиб ўтадиган қишки, 2028 йил Лос-Анджелес шаҳрида бўлиб ўтадиган ёзги Олимпия ва Паралимпия ўйинларига тайёргарлик кўриш масалаларида ҳам топшириқ берилган.


👉 @xushnudbek 👈

Кеча, 13 февраль куни Германия Федератив Республикасининг амалдаги Федерал президенти Франк-Вальтер Штайнмайер ушбу лавозимга қайта сайланди.

Шу муносабат билан Шавкат Мирзиёев унга самимий табриклар ва энг эзгу тилаклар изҳор этилган мактуб йўллади.

P.S.: суратда жаноб Штайнмайер ва унинг рафиқаси Эльке хоним билан. 29.05.2019, Тошкент.


👉 @xushnudbek 👈

1 майгача автомобил харидидаги навбатлар тўлиқ бартараф этилади ҳамда "UzAuto Motors" автомобиллари учун олдиндан тўлов миқдорини 85 фоиздан 50 фоизгача пасайтирилади.

P.S.: ҳаммаси яхшику-я, лекин деярли бутун дунёда эркин бозор шартлари асосида фаолият олиб борадиган автомобилсозлик саноатига бизда ҳалигача президентнинг шахсан ўзи аралашишга ва одамларнинг навбатини ҳал қилиб беришга мажбур бўлаётгани соҳанинг аҳволини яққол кўрсатиб турибди.


👉 @xushnudbek 👈

📢 2022 йил 24-26 март кунлари Тошкент шаҳрида илк маротаба Тошкент халқаро инвестиция форуми бўлиб ўтади (ТХИФ).

ТХИФ – бу стратегик ташаббусларни амалга оширишни муҳокама қилиш ва халқаро бизнес хамжамиятига Ўзбекистоннинг инвестициявий имкониятларини намойиш этиш учун яратилаётган янги майдон.

👉 Форумда иштирок этиш учун www.iift.uz сайти орқали рўйхатдан ўтиш мумкин.

​❗️Эски “права”ни янгисига алмаштириш учун қайта имтиҳон топшириш шарт эмас

Айни кунларда Давлат хизматлари марказларига эски ҳайдовчилик гувоҳномасини янгисига алмаштириш учун ташриф буюрувчилар сони кескин ортган. Уларнинг аксариятида иккита хавотир мавжуд:

1️⃣-хавотир: “права”ни янгисига алмаштириш муддати жорий йилнинг 1 мартига қадар;

2️⃣-хавотир: “права”ни янгисига алмаштиришда қайта имтиҳон топшириш керак бўлади.

❌ Фуқароларнинг бу хавотирлари ўринсиздир.

❗️Чунки:

➖ эски намунадаги ҳайдовчилик гувоҳномасини янгисига алмаштириш, уларнинг берилган вақтига қараб (қуйида батафсил) 2022 йил 31 декабрга қадар давом этади;

➖ бунда қайта имтиҳон топшириш талаб этилмайди.

Маълумот учун, эски “права”лар қуйидаги муддатларда янгисига мажбурий алмаштирилади:

➖ 2010 йилгача берилганлари – 2022 йил 31 мартгача;
➖ 2010 – 2012 йилларда берилганлари – 2022 йил 30 июнгача;
➖ 2013 – 2015 йилларда берилганлари – 2022 йил 30 сентябргача;
➖ 2015 йилдан кейин берилганлари – 2022 йил 31 декабргача.

Қуйидаги суратда қайси ДХМлардан янги намунадаги ҳайдовчилик гувоҳномасини олиш мумкинлиги кўрсатилган.


👉@xushnudbek👈

Бош прокурорининг буйруғига асосан адлия катта маслаҳатчиси Жаҳонгир Жўраевич Ҳатамов Самарқанд вилояти прокурори лавозимига тайинланди.

У тайинловга қадар Наманган вилояти прокурори лавозимида ишлаган.


👉@xushnudbek👈

GazetaUz нашри Тошкент шаҳрининг Навоий кўчасида амалга оширилаётган таъмирлаш-ободонлаштириш ишлари юзасидан Президентга мурожаат қилибди. Нашрнинг фикрича, йўллар аввало пиёдалар учун қулай бўлиши керак. Таъмирлаш ишларидан сўнг Навоий кўчасида пиёдалар ўтиш йўллари камаяди, пиёдалар учун йўл узаяди, ҳаракат полосалари айрим жойларда кенгаяди, пиёдалар учун хавф ортади.

Ушбу мурожаатга мен ҳам тўлиқ қўшиламан. Негадир биз “йўлларни кенгайтирсак, муаммолардан қутуламиз” деган эскича ва нотўғри қарашдан воз кеча олмаяпмиз. Ривожланган давлатлар тажрибаси бунинг тескариси эканлигини аллақачон исботлаган. Йўқ, биз барибир қайта ва қайта Америка очишда давом этишимиз керак.

Шавкат Мирзиёев ҳам бир неча бор “Бизнинг йўлларда транспорт воситаларига кўп устуворлик берилган. Аслида пиёдалар ҳаракатини, одамларнинг ҳаловати, саломатлигини биринчи ўринга қўйиш керак” дея таъкидлаганди.

Хуллас, GazetaUz мақоласини ўқиб кўрсангиз, гап нимадалагини янада яхшироқ тушуниб оласиз.


👉 @xushnudbek 👈

230 кг героинни чегарадан олиб ўтишнинг олди олинди

Тошкент вилоятида жойлашган «Ойбек» чегара божхона постида (Тожикистон билан чегарадош) юк машинасидаги хуфя жойларда 232 дона ўрамда салкам 230 кг. героинни олиб киришга бўлган уриниш фош қилинди — Божхона қўмитаси.


👉@xushnudbek👈

‼️Ҳурматли талабалар!

Сиз ўқийдиган олийгоҳда амалиёт ва лаборатия ишлари учун етарли жиҳозлар, кўргазмали материаллар йўқми? Натижада бу етарли даражада билим олишингизга халақит беряптими?

Хўп, унда нимага сиз шу жиҳозларни кимлардир сотиб олиб келишини кутиб юрибсиз? Бунинг учун ўзингиз ташаббус кўрсатсангиз ҳам бўлади-ку!

openbudget.uz сайтига киринг ва «Ташаббусли бюджет» лойиҳасида ўз ташаббусингиз қолдиринг. Фуқаролар ўзлари танлаган 1 млрд сўмгача бўлган лойиҳаларга бюджетдан жами 1 трлн сўм маблағ ажратилмоқда. Батафсил.

Шунингдек, талабалар ўртасида ташаббуси энг кўп овоз олган 50 нафар ғолиблар қимматбаҳо совғалар билан тақдирланади. Батафсил.

❗️Муаммони кимдир ечиб беришини кутиб юрманг, ўзингиз ташаббускор бўлинг! Бу нафақат талабалар, балки барчага тааллуқли.

Ташаббусни қолдириш учун манзил:
📲 https://openbudget.uz/boards


👉@xushnudbek👈

Аллоҳ асрайман деса, ҳеч гап эмас.

Барчангизни турли балолардан Ўзи ҳимоя қилсин. Хайрли кун!


👉 @xushnudbek 👈

Чиноз ҳокимининг биринчи ўринбосари 40 минг доллар билан ушланди

Тошкент вилояти Чиноз тумани ҳокимининг биринчи ўринбосари Оққўрғон туманида жойлашган фермер хўжалигига тегишли суғориладиган 35 гектар ер майдонини боғдорчилик билан шуғулланмоқчи бўлган фуқаро номига танишлари орқали расмийлаштириб бериш эвазига 90 минг АҚШ доллари талаб қилади.

Ўтказилган тезкор тадбирда у сўралган пулдан 40 минг АҚШ долларини олган вақтида ушланган.


👉@xushnudbek👈

⚡️383 нафар талаба Президент ҳамда номдор давлат стипендиялари ғолиби бўлди

2021/2022 ўқув йили учун бакалавриат босқичи талабаларига Ўзбекистон Республикаси Президенти ва номли давлат стипендиялари тайинланди.

📃 Қуйида ушбу стипендияларга сазовор бўлган талабалар билан танишинг 👇🏻

Ўзбекистон Республикаси Президенти давлат стипендияси — 56 нафар;

Навоий номли давлат стипендияси — 136 нафар;

Ислом Каримов номли давлат стипендияси — 85 нафар;

Беруний номли давлат стипендияси — 64 нафар;

Улуғбек номли давлат стипендияси — 19 нафар;

Ибн Сино номли давлат стипендияси — 11 нафар;

Имом ал-Бухорий номли давлат стипендияси — 2 нафар;

Ибройим Юсупов номли давлат стипендияси — 4 нафар;

Тўлепберген Қаипбергенов номли давлат стипендияси — 6 нафар.


👉 @xushnudbek 👈

Мен шу мамлакатнинг, мана шу юртнинг фарзандиман. Бозорим ҳам, мозорим ҳам шу ер.<..> 3,5 йил ишлаган бўлсам, давлатнинг 1 сўм пулига ҳам хиёнат қилмадим — Ортиқхўжаев

Тошкент шаҳар ҳокимлигида GazetaUz да кеча чиққан мақола юзасидан ўтказилган учрашув якунида шаҳар ҳокими Жаҳонгир Ортиқхўжаев ҳам иштирок этди ва ҳомийлик маблағларидан фойдаланиш билан боғлиқ саволларга муносабатини билдирди.

Манба


👉 @xushnudbek 👈

Адлия катта маслаҳатчиси Бектош Рахимович Сайипов Наманган вилояти прокурори лавозимига тайинланди.

У бунга қадар Бухоро вилояти прокурорининг биринчи ўринбосари лавозимида ишлаган.


👉@xushnudbek👈

🎥 Ozodbek Yo'ldoshev hikoyasi | Yosh agrotadbirkor

🧑🏻‍🌾 23 yoshli qahramonimiz agrotadbirkor. Bugungi kunda u terak daraxtlarini yetishtirish bilan birga limonchilik va chorvachilikni ham yo'lga qo'yishga ulgurgan.

💸 Yosh agrotadbirkor birgina terak daraxtini yetishtirish ortidan yiliga o'rtacha 80 million so'mga yaqin sof daromad topmoqda.

O'zbekiston yosh fermerlari Kengashi tayyorlagan ushbu videoni ko'rish uchun quyidagi havolaga o'ting:
👉🏻 https://youtu.be/bPq6YpQTEwM

Yosh fermerlar ijtimoiy tarmoqlarda👇
Web | Telegram | Facebook | Instagram |YouTube

Маданий мерос объектларига зарар етказганлик учун жиноий жавобгарлик кучайтирилди

Президент томонидан имзоланган Қонун (ЎРҚ–754, 15.02.2022 й.) билан Жиноят кодексининг 132-моддасига ўзгартиришлар киритилди.

Унга кўра, давлат муҳофазасига олинган моддий маданий мерос объектларини нобуд қилиш, бузиш ёки уларга шикаст етказиш:

➖ такроран ёки хавфли рецидивист томонидан;
➖ кўп миқдорда зарар етказган ҳолда;
➖ бир гуруҳ шахслар томонидан олдиндан тил бириктириб содир этилган бўлса, 5 йилгача озодликдан маҳрум қилиш жазоси қўлланиши мумкин.

Ўша ҳаракатлар жуда кўп миқдорда зарар етказган ҳолда содир этилса, 7 йилгача озодликдан маҳрум қилиш билан жазоланади.

Шунингдек, Маъмурий жавобгарлик тўғрисидаги кодексга ҳам ўзгартириш киритилиб, маданий мерос агентлиги ва унинг ҳудудий бошқармалари кўрсатмаларини бажармаганлик учун маъмурий жавобгарлик белгиланди.

Бу каби ҳуқуқбузарлик:
➖ фуқароларга БҲМнинг 3 бараваригача (810 минг сўмгача);
➖ мансабдор шахсларга эса 5 бараваригача (1 млн 350 минг сўмгача) миқдорда жарима солишга сабаб бўлади.


👉@xushnudbek👈

Жума куни, соат 21:30 да “Заковат”нинг қишки мавсумида навбатдаги ўйин эфирга кетади. Унда Жобир Аҳмедов жамоаси ўйнайди.

Кўриб ўтирманглар, барибир ютқазганмиз😀 Ёки ютганмидик… Эсимда йўқ :)


👉 @xushnudbek 👈

❗️Мактабларда қишки таътил 24 январга қадар узайтирилганлиги сабабли 1-синф ўқувчилари учун февраль ойида белгиланган қўшимча бир ҳафталик таътил берилмайди — Халқ таълими вазирлиги.


👉 @xushnudbek 👈

Талабалар томонидан энг кўп берилаётган саволларга жавоб берувчи help.edu.uz платформаси ишга тушди

Эндиликда ўзингизни қизиқтирган саволларга Олий ва ўрта махсус таълим вазирлигининг ушбу платформаси орқали осон ва қулай жавоб топишингиз мумкин.

Саволлар вазирликнинг 1006 ишонч телефони ва Call-марказ (71-203-64-64) орқали ҳамда фуқаролар томонидан юборилган онлайн мурожаатлар асосида доимий равишда бойитиб борилади.


👉 @xushnudbek 👈