Ўзбекистон Республикасининг Украинадаги Элчихонаси Киевдан вақтинча Львов шаҳрига кўчирилди — ТИВ расмий вакили


👉 @xushnudbek 👈

Ўзбекистон ва Германия Президентлари телефон орқали мулоқот қилдилар.

Президентлар халқаро кун тартибининг долзарб масалалари, шу жумладан Украина атрофида юзага келаётган вазият юзасидан фикр алмашдилар.

Давлат раҳбарлари дипломатик муносабатлар ўрнатилганининг 30 йиллиги муносабати билан бир-бирини табриклаб, самимий истакларини билдирдилар.


👉 @xushnudbek 👈

Ассалому алайкум, азизлар. Биз Умра сафарини якунлаб, юртимизга соғ-омон қайтиб келдик, Аллоҳга шукр. Барчангизга дуоларингиз учун раҳмат. Мен ҳам яқинларим қаторида каналимизнинг барча обуначилари ҳаққига ҳам дуолар қилдим. Чунки сизлар ҳам аллақачон мен учун қадрдонсизлар.

Сафар давомида ибодатлардан ортиб, вақтимиз ва имконимиз бўлмаганлиги учун Умра ҳақида кўп ёза олмадим. Энди сафар таассуротлари ҳақидаги айрим маълумотларни Сизлар билан ўртоқлашиб боришга ҳаракат қиламан.


👉 @xushnudbek 👈

Россиянинг “Биринчи канал”и жонли эфирида телеканал муҳаррири Марина Овсянникова урушни тўхтатишни ва пропагандага ишонмасликни сўраб плакат кўтариб чиқди.

Ҳозирда у қўлга олинган ва сўроқ қилинмоқда.


👉 @xushnudbek 👈

❓Наврўз байрамида барча ўзбекистонликлар кетма-кет 5 кун дам оладими?

✅ ЖАВОБ: Йўқ, барча эмас. Фақат 5 кунлик иш ҳафтасидагилар кетма-кет 5 кун дам олишади. Ҳафтасига 6 кун ишлайдиганларга эса кетма-кет 4 кун дам олиш куни бўлади.

Изоҳ:

“2022 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги Президент қарорига асосан 22-23 март кунлари иш ҳафтасининг туридан қатъи назар барча ходимлар учун қўшимча дам олиш кунлари этиб белгиланган.

Шунга кўра, Наврўз байрами муносабати билан:

➖ 5 кунлик иш ҳафтасида ишлайдиган ходимлар 5 кун;
➖ 6 кунлик иш ҳафтасида ишлайдиган ходимлар 4 кун дам олишади.

Бунда қуйидагича бўлади:

19 март, шанба — 5 кунликларга дам олиш, 6 кунликларга иш куни;
20 март, якшанба — барча учун дам олиш куни;
21 март, душанба — Наврўз байрами, барчага дам олиш куни;
22 март, сешанба — барча учун қўшимча дам олиш куни;
23 март, чоршанба — барча учун қўшимча дам олиш куни.


👉@xushnudbek👈

Туркманистонда навбатдан ташқари бўлиб ўтган президентлик сайловида Арқадағнинг ўғли Сердар Бердимуҳамедов 72,97 фоиз овоз тўплаб, 7 йилга президент этиб сайланди.


👉 @xushnudbek 👈

Ўзбекистонда коронавирус аниқлангани расман эълон қилинганига 2 йил тўлди.

2020 йил 15 март куни Франциядан қайтган юртдошимизда коронавирус аниқлангани маълум қилинган ва 16 мартдан боғча, мактаб, лицей, ОТМларга таътил берилган, Ўзбекистонга кириш ва чиқиш тақиқланган эди.

Ҳозир эсласак, худди тушга ўхшайди. Ҳаммаёқ тақа-тақ ёпилганди, уйдан чиқишга қўрқиб ўтирардик. Ўша пайтда қилган айрим ишларимиз ҳозир ҳатто кулгили туюлади. Лекин у пайтда ҳеч ким ҳазиллашмасди, ҳамма ҳаёти учун кўринмас душманга қарши курашганди.

Шунақа нарсаларни ўз кўзимиз билан кўрдига, товба?

❓Коронавирус Ўзбекистонга кириб келгани ва карантин эълон қилинганини айтишганда, сиз қандай ҳолга тушгансиз? Пандемия ҳаётингизга қандай ўзгаришлар олиб келди?

Келинг, шуларни биргаликда ёдга оламиз.


👉 @xushnudbek 👈

⚡️Украинадан қайтган талабалар ўқишини 15 мартдан эътиборан соддалашган тартибда кўчириш бошланди

Украинадан қайтган талабаларнинг ҳужжатлари ҳудудий ишчи гуруҳлар томонидан қабул қилинмоқда.

Бу жараёнда талабалар яшаш ҳудудларида ташкил этилган ишчи гуруҳларга (иловада) мурожаат қилишлари ва батафсил маълумот олишлари сўралади.


👉 @xushnudbek 👈

Шавкат Мирзиёев Туркманистон Президенти Гурбангули Бердимуҳамедовни муҳим сиёсий тадбир - Президент сайлови муваффақиятли ўтказилгани, Туркманистоннинг сайланган Президенти Сердар Бердимуҳамедовни эса сайловда қозонган ишончли ғалабаси билан табриклади.


👉 @xushnudbek 👈

Олий ва ўрта махсус таълим вазирлиги матбуот котиби Мўмин Ибодовнинг маълум қилишича, бугунги кунда Украинада ўқиётган 500 нафарга яқин талабалар ўқишини Ўзбекистонга кўчириш бўйича мурожаат қилган. Ҳудудларда ташкил этилган ишчи гуруҳлар томонидан мурожаатлар ўрганилмоқда.


👉 @xushnudbek 👈

🇫🇷🇺🇿Франция элчихонаси, Сampus France ва «Эл-юрт умиди» жамғармаси ўртасидаги қўшма грантларни молиялаштириш учун 50 та ўринга мўлжалланган очиқ стипендия танловларини эълон қилди

5️⃣0️⃣ 2022-2023 ўқув йили учун энг нуфузли хорижий давлатларда:

👩🏻‍🎓бакалавриат таълим дастури учун 10 нафар;

🧑🏻‍🎓магистратура таълим дастури учун 30 нафар;

👨🏻‍🎓докторантура таълим дастури учун 10 нафар стипендиялар ажратилди.

➖ Танловда иштирок этиш учун аризалар 15 мартдан – 15 майга қадар admissionfrance.eyuf.uz сайти орқали онлайн қабул қилинади.

➖ Номзодларнинг ўзбек, француз ва инглиз тилларини билиш даражаси махсус комиссия томонидан баҳоланади. Хорижий тил билиш даражаси — CEFR B2.

➖ Май-июнь ойларида номзодлар билан мотивация ва мутахассислиги бўйича суҳбат ўтказилади.

➖ Ўқиш жорий йилнинг сентябрь ойидан бошланади.

Батафсил - https://eyuf.uz/site/view?id=686


👉 @xushnudbek 👈

Шавкат Мирзиёев жорий йил 18 март куни соғлиқни сақлаш соҳаси вакиллари билан очиқ мулоқот ўтказади. Бу ҳақда Президент матбуот котиби Шерзод Асадов маълум қилди.

Бундай тадбир мамлакатимиз тарихида илк маротаба ўтказилмоқда, учрашувда соҳанинг барча бўғинларидан 10 минг нафардан зиёд ходим иштирок этиши кутилмоқда.

Очиқ мулоқотга тайёргарлик доирасида тиббиёт ходимлари ва аҳолидан 25 мингдан ортиқ мурожаат ва таклифлар келиб тушган. Улар таҳлил қилиниб, тиббий хизмат кўрсатиш самарадорлиги ва сифатини оширишга қаратилган чора-тадбирлар ишлаб чиқилди.


👉 @xushnudbek 👈

Ўзбек театр ва кино санъатининг йирик намояндаси, Ўзбекистон халқ артисти Тўти Юсупова 86 ёшда вафот этди.

Бу ҳақда @uzauz хабар бермоқда.

Инна лиллаҳи ва инна илайҳи рожиъун.


👉 @xushnudbek 👈

Ўзбекистон 16 мартдан хорижий сайёҳларга очилмоқда

Республика махсус комиссияси қарорига кўра, 2022 йилнинг 16 март кунидан бошлаб Ўзбекистонда:

➖ эмланганлик сертификатига эга бўлган хориж фуқаролари ПЗР тест натижасисиз Ўзбекистонга кириши мумкин. Бундай сертификат бўлмаган тақдирда, камида 72 соат олдин топширилган коронавирус инфекциясига манфий ПЗР тест натижаси керак. Агар на вакцина, на тест маълумотномаси бўлса, унда чегара ўтиш пунктларида экспресс-антиген тест топшириши талаб этилади;

➖ Ўзбекистоннинг Қозоғистон билан чегарасида жойлашган ўтказиш пунктлари орқали икки мамлакат фуқароларининг ҳаракатланишига доир вақтинча чекловлар бекор қилинди;

➖ Ўзбекистоннинг Тожикистон билан чегарасида жойлашган ўтказиш пунктлари орқали Томонлар фуқароларининг ҳаракатланишига доир вақтинча чекловлар бекор қилинди ҳамда барча ўтказиш пунктлари фаолияти қайта тикланмоқда.

✅ Шунингдек, Ўзбекистон Республикасига кириш учун хорижий фуқароларга электрон визани расмийлаштириш ва бериш тизими (E-VISA) фаолияти қайта тикланиб, ишга туширилмоқда.


👉 @xushnudbek 👈

Баъзан ҳаётда мувозанатни йўқотиб, йиқилишинг мумкин, бундан ҳеч ким кафолатланмаган. Ўшанда кимлардир сени устингдан сакраб ўтиб кетишади, балки аллакимлар сени оёғи билан босиб ўтиши ҳам мумкин. Аммо бу - ҳаёт тугади, дегани эмас.

Йиғлаб, ўксиниб ётавермасдан, ўзингни қўлга ол, ўрнингдан тур ва аввалгидан ҳам кучлироқ бўл. Шунда маррага биринчи бўлиб келасан. Умидингни сўндирма.

Ҳаракатда баракат, деб бежиз айтишмаган.


👉 @xushnudbek 👈

Пенсия ёшига тўлганлиги муносабати билан ишдан бўшатиш тартиби бекор қилиниши мумкин

Амалдаги қонунчиликка кўра, ходимнинг пенсия ёшига тўлганлиги у билан меҳнат шартномасини иш берувчининг ташаббусига кўра бекор қилишга асос бўлади. Иш берувчининг бу ҳуқуқи Меҳнат кодексининг 100-моддаси иккинчи қисми 7-бандида белгиланган.

Шавкат Мирзиёев кеча, 15 март куни имзолаган қарорга мувофиқ ходимнинг пенсия ёшига тўлганлиги муносабати билан у билан тузилган меҳнат шартномасини иш берувчининг ташаббуси билан бекор қилиш тақиқланиши кутилмоқда.

Бандлик ва меҳнат муносабатлари вазирлигига икки ой муддатда Меҳнат кодексининг ушбу бандини бекор қилишни назарда тутувчи тегишли қонун лойиҳасини ишлаб чиқиш вазифаси юклатилди.

Бу нима дегани?

Аслида ходимларнинг пенсия ёшига етгани учун иш берувчи томонидан бўшатиб юборилишига оид тартиб 2010 йилда қонунчиликка киритилган. Бунақа тартиб илгари бўлмаган. Буни киритишдан мақсад, шу йўл билан тезроқ янги иш ўринларини бўшатиш ва шу орқали "фалон кишини ишга жойлаштирдик, янги иш ўрни очдик" деган статистикани яхшилаш бўлган. Ўзи умуман 2010 йилларда бюджет пулини иқтисод қилиш учун пенсионерлар, ҳомиладор аёллар, ногиронлар ва кам таъминланганларга қарши "уруш" очилган ва ўша даврда кўплаб адолатсиз қарорлар қабул қилинган эди.

Ходимнинг ёшини рўкач қилиб, ишдан бўшатиш айнан мана шундай адолатсиз қарорлардан бири бўлган. Бунинг номини меҳнат соҳасида камситиш дейишади.

Албатта, бу ерда жамият 2 қутбга бўлинади. Кимлардир пенсионерлар ёшларга ўрин берсин, бўлди-да энди, дейишади. Кимлардир эса, шунчаки пенсия ёшини (эркаклар учун 60, аёллар учун 55 ёш) рўкач қилиб, катта тажриба ва малакага эга бўлган кадрларни йўқотиб қўямиз, уларнинг ўрнига ҳали ҳеч вақони билмайдиганлар келяпти, дейишади. Иккала томоннинг фикрида ҳам жон бор аслида.

Аммо Меҳнат кодексининг 6-моддасида ходимнинг ёшига қараб меҳнатга оид муносабатларда камситиш тақиқланиши аниқ ёзиб қўйилган. "Сиз пенсия ёшига етдингиз, демак энди ишлашга ҳаққингиз йўқ, сизни ишдан бўшатдим" дейиш ҳам айнан ходимни ёшига қараб камситиш ҳисобланади.

Меҳнат кодексидаги бу камситиш хорижий экспертлар томонидан ҳам кўп бора таъкидланган ва Ўзбекистонга берилган тавсияларда буни бекор қилиш кераклиги айтилар эди.

Кўпчиликда савол туғилиши табиий: ушбу қоида бекор қилинса, энди ходим 90-100 ёшга кирганда ҳам ишлаб юраверадими, уни ишдан бўшатишга ҳеч кимнинг ҳаққи йўқми?

Бу ерда ходимнинг ёшига эмас, қай даражада ўз ишига лаёқатли эканлигига эътибор қаратилади. Агар ходим кексайгани сабабли ўзига юклатилган вазифани бажара олмаётган бўлса, унда уни бемалол ишдан бўшатиш мумкин. Буни ҳеч ким тақиқламайди. Аммо ўз вазифасини лозим даражада уддалаётган ходимни шунчаки ёшини сабаб қилиб, ишдан бўшатиш нотўғри, албатта.

Хуллас, 2010 йилда киритилган ва Меҳнат кодекси талабларининг ўзига зид бўлган ушбу банд тез орада бекор қилиниши мумкин.


👉 @xushnudbek 👈

🚗🚕Ҳайдовчилар диққатига!

❓31 мартгача эски ҳайдовчилик гувоҳномасини ҳамма алмаштириши керакми?

✅ ЖАВОБ: Йўқ, ҳамма эмас! Фақат 2010 йилгача “права” олганлар 31 мартгача алмаштириши керак. 2010 йилдан кейин олганларга ҳали бемалол вақт бор.

Муддатлар қуйидагича:

➖ 2010 йилгача берилганлари — 2022 йил 31 мартгача;
➖ 2010 – 2012 йилларда берилганлари — 2022 йил 30 июнгача;
➖ 2013 – 2015 йилларда берилганлари — 2022 йил 30 сентябргача;
➖ 2015 йилдан кейин берилганлари — 2022 йил 31 декабргача.

Бу ерда яна ҳам батафсил

❗️Аммо кўпчилик 31 мартгача ҳамма алмаштириши керак ўйламоқда ва натижада катта навбатлар ҳосил бўляпти. Агар иложи бўлса, ҳозирча 2010 йилдан кейин эски “права” олганлар алмаштириш учун бормай туришса, яхши бўларди. Бу шунчаки тавсия.

‼️Ҳайдовчилик гувоҳномасини янгисига алмаштириш учун қайта имтиҳон топшириш шарт эмас. 31 мартдан кейин ҳам шарт бўлмайди. Агар кимдир “31 мартдан кейин имтиҳон олишаркан, ўшанчун улгуриб қолиш керак”, деган бўлса бекорларни айтибди.


👉@xushnudbek👈

Олий ва ўрта махсус таълим вазири ўринбосари Раҳимжон Ҳакимов докторантлар учун ҳам худди талабалардек ижара тўловларининг бир қисмини давлат томонидан қоплаб бериш, аввал мавжуд бўлган “аспирантлар уйи” тизимини яна қайта тиклаш каби таклифларни билдирди.


👉 @xushnudbek 👈