Ўзини трейдер-блогер деб таништирган 1995 йилда туғилган шахс "Realnaya investitsiya" МЧЖга асос солган. У Телеграм ва Инстаграмда мижозларнинг ишончига кириб, 15 минг АҚШ долларидан 200 минг АҚШ долларигача бўлган миқдорда пул маблағларини қабул қилиб олган ҳамда уларга ҳар ойда камида 10% дан фойда беришни ваъда қилган. Ваъда қилинган фойдани янги жалб қилинган фуқароларнинг пул маблағлари ҳисобидан тўлаб келган.

"Тадбиркор"нинг айтишича, 500 дан ортиқ мижозлар билан олди-берди қилган ва бугунги кунда 2,5-3 млн АҚШ доллари атрофида қарзи бор. Ноқонуний йўл билан топилган даромадларини бир нечта кўчмас мулклар ва қимматбаҳо автомашиналар харид қилиш орқали легаллаштирган.

Ҳозирда айбланувчиларга нисбатан Жиноят кодексининг бир нечта моддаси билан жиноят иши қўзғатилган ва қамоққа олинган.

Товба, пул топиб, ақл топмаганларга Аҳмадбой воқеаси ҳам дарс бўлмас экан-да. Танимаган, билмаган одамига шунақа катта суммани қўш-қўллаб топширишганига қойил. Мен бунақа одамларга фақат қойил қоламан.


👉 @xushnudbek 👈

16 апрель, шанба.
Саҳарлик вақти: 04:21 (Тошкент вақти билан)

#TasadduqYoRasululloh

29-қисм. Қибланинг ўзгариши. «Тасаддуқ, ё Расулуллоҳ» туркумидан.

Муаллиф: муфтий Нуриддин домла Холиқназаров


👉 @xushnudbek 👈

Хориждан ўқишни кўчириш учун қалбаки ҳужжат тайёрловчи жиноий гуруҳ фаолиятига чек қўйилди

Давлат хавфсизлик хизмати Самарқанд вилояти бошқармаси ҳамда вилоят ИИБ ходимлари ҳамкорликда ўтказган тезкор тадбир олиб борилди, дея хабар бермоқда ЎзА.

Самарқанд шаҳридаги ўқув марказларидан бирининг раҳбари, 2000 йилда туғилган Р.Ҳ ва “Агробанк” ходими, 2000 йилда туғилган Х.Ф. 5 минг АҚШ доллари эвазига маҳаллий фуқарони Украина олийгоҳининг 1-курсида ўқиганлиги тўғрисида ҳужжат тайёрлаб, кейинчалик ўқишини Самарқанд иқтисодиёт ва сервис институтига кўчириб беришни ваъда қилиб, сўралган пулнинг 2500 АҚШ долларини олаётган вақтида қўлга олинди.

Ҳозирда, ушбу шахсларга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.


👉 @xushnudbek 👈

❗️Ўқишни кўчириш мавзусида овозли чат

Бугун, 16 апрель куни соат 15:00 дан бошлаб каналимиз орқали Олий ва ўрта махсус таълим вазирлиги бош бошқарма бошлиғи Абдували Холиқов билан овозли чат ташкил қилинмоқда.

Суҳбат давомида хориждан ва Ўзбекистондаги нодавлат ОТМлардан ўқишни кўчиришда талаб этиладиган ўтиш баллари, имтиҳон тартиби ва бошқа шунга оид масалаларни муҳокама қиламиз.

Олий таълим вазирлиги масъул ходимига овозли чат давомида бевосита савол ёки таклиф бермоқчи бўлсангиз, изоҳларда фикрингизни ёзиб қолдиринг.


👉 @xushnudbek 👈

Халқимиз орасида "Эшонбобо" номи билан машҳур бўлган диний уламо, Нурота тумани “Чашма” тарихий-меъморий мажмуаси директори Атоев Насриддинхон Мубинжон ўғли кеча, 15 апрель куни, муқаддас Рамазон ойининг муборак Жума кунида 64 ёшида вафот этди.

Шу муносабат билан Ўзбекистон мусулмонлари идораси Уламолар кенгаши ҳамда Дин ишлари бўйича қўмита жамоаси таъзия изҳор қилди.

Инна лиллаҳи ва инна илайҳи рожиъун.

Эшонбобо жуда нурли инсон эдилар. Бир неча марта Нуротада уйларида меҳмон бўлгандик, дуоларини олгандик. Нафақат диний, балки дунёвий илмлари ҳам юқори эди, соатлаб суҳбатлашса ҳам одам тўймасди. Кўп хайрли ишларга бош-қош бўлдилар. Аллоҳ ўз раҳматига олган бўлсин, яқинларига сабр тилайман.


👉 @xushnudbek 👈

❓Хориждан ва Ўзбекистондаги нодавлат ОТМлардан ўқишни кўчиришда белгиланган ўтиш бали неча баллга қиёсан олинган?

Хабарингиз бўлса керак, Олий ва ўрта махсус таълим вазирлиги томонидан хориждан, шунингдек Ўзбекистондаги нодавлат ва хорижий (филиаллар) олийгоҳлардан давлат ОТМларига ўқишни кўчириш учун белгиланган ўтиш баллари эълон қилинди.

Шу ўринда бир савол туғилмоқда: жорий йилда кириш тест синовларида максимал балл 280,5 балл бўлиши кутилмоқда. шунга кўра, ушбу кўрсатилган баллар қайси баллга қиёсан олинган, 189 баллгами ёки 280,5 баллгами?

✅ ЖАВОБ: юқоридаги суратда кўрсатилган ўтиш баллари 189 баллга нисбатан олинган.

P.S.: ўқишни кўчиришга оид яна қандай саволларингиз бор? Бугун соат 15:00 да каналимиз орқали бўладиган овозли чатни ўтказиб юборманг.


👉 @xushnudbek 👈

❗️Хориждан ва Ўзбекистондаги нодавлат ОТМлардан ўқишни кўчириш бўйича овозли чатимиз бошланди!

Қуйидаги ҳавола орқали тинглашингиз мумкин:

📲 https://t.me/xushnudbek?livestream


(Телеграм версияси эски бўлса уланмаслиги мумкин, дастурни янгилашингиз сўраймиз)

Ўқишни кўчиришга оид овозли чатнинг тўлиқ аудиоси.

Имкон қадар ҳам овозли чатдагиларга, ҳам изоҳда савол қолдирганларга навбат беришга ҳаракат қилдик. Кимнидир саволи жавобсиз қолган бўлса, узр сўраймиз.

«Ички перевод» бўйича кейинроқ алоҳида суҳбат қиламиз, Худо хоҳласа.


👉 @xushnudbek 👈

16 апрель, шанба.
Ифторлик вақти: 19:06 (Тошкент вақти билан)

#TasadduqYoRasululloh

30-қисм. Бадр жангининг сабаби. «Тасаддуқ, ё Расулуллоҳ» туркумидан.

Муаллиф: муфтий Нуриддин домла Холиқназаров


👉 @xushnudbek 👈

17 апрель, якшанба.
Саҳарлик вақти: 04:19 (Тошкент вақти билан)

#TasadduqYoRasululloh

31-қисм. Фаришталар бир сафда. «Тасаддуқ, ё Расулуллоҳ» туркумидан.

Муаллиф: муфтий Нуриддин домла Холиқназаров


👉 @xushnudbek 👈

Шавкат Мирзиёев:

“Буларнинг ҳаммаси халқнинг пули. Инфраструктурага жавоб берадиган — газ, свет ва ҳоказо, ўшалар жуда катта порахўрлик билан шуғулланяпти.

Банклар жуда катта порахўрлик билан шуғулланяпти. Менда кўп маълумот бор”.

“Менимча” кўрсатувидан парча.


👉 @xushnudbek 👈

"Менимча" дастурида 10 минг қадам пиёда юрганларни рағбатлантириш тўхтаб қолгани айтилди

Жумладан, шундай дейилади:

"Ўтган йили ҳар куни 10 минг қадам юрган одамга 3 минг сўмдан мукофот бериладиган “Соғлом турмуш тарзи” платформаси ишга тушганди. Тонгда ва кечки таомдан сўнг пиёда юрувчилар кўпайиб қолганди. Кейинчалик бу платформа такомиллаштирилиши, бунинг учун давлат бюджетидан 100 миллиард сўм ажратилиши, шу йилнинг мартидан ҳар ҳафта 100 миллионлик пул ва ютуқли ўйинлар ташкил қилишини айтилди-ю, аммо тинчиб кетди. Мана апрель ойи ҳам ярмидан ўтди, лекин лойиҳа ҳақида шу пайтгача янгилик йўқ.."

P.S.: 1hls тақдири ҳақида мана бу ерда ўзим билганимча видео-тушунтириш берган эдим.


👉 @xushnudbek 👈

Хабарингиз бор, Соғлиқни сақлаш вазирлиги томонидан соғломлаштириш акцияси ўтказилмоқда. Бу сафар ССВ вазири Беҳзод Мусаев ҳамда Сурхондарё вилояти ҳокими Тўра Боболов вилоятда муаммоли масалаларда келган мурожаатчиларни қабул қилишган.

Акция доирасида Сурхондарё вилоятининг Термиз шаҳридаги «Соҳил» болалар оромгоҳида бошланган сайёр тиббий қабул бўлиб ўтяпти. Худди ўтган сафарги Чироқчи туманидагидек.

Саломатлигидан шикояти борлар электрон рўйхат асосида республика ихтисослаштирилган тиббиёт марказлари раҳбарлари ва шифокорлари кўригига йўналтириляпти.

Шунингдек, юқори технологик амалиётлар талаб этиладиганларга эса шу ернинг ўзида ордер расмийлаштириляпти.

Бундан ташқари, ҳозиргача вилоятда 100 нафарга яқин оғир беморларда давлат ҳисобидан мураккаб операциялар ўтказилибди.


👉 @xushnudbek 👈

17 апрель, якшанба.
Ифторлик вақти: 19:07 (Тошкент вақти билан)

#TasadduqYoRasululloh

32-қисм. Ҳазрати Алининг хонадонида порлаган қуёш. «Тасаддуқ, ё Расулуллоҳ» туркумидан.

Муаллиф: муфтий Нуриддин домла Холиқназаров


👉 @xushnudbek 👈

Айтганча, куни кеча каналимда “Заковат” қишки мавсумнинг финал ўйинида ўзбек халқининг ақл-фаросати ҳақидаги саволи энг яхши деб топилган олтинкўллик Насиба Маъруфхўжаева 25 млн сўм мукофот қўлга киритгани ҳақида айтгандим.

Ўша саволнинг видеосини кўрмаганлар бўлса, марҳамат, томоша қилишингиз мумкин.

Сиз савол жавобини топдингизми? Фақат ростини айтинг :)


👉 @xushnudbek 👈

18 апрель, душанба.
Саҳарлик вақти: 04:17 (Тошкент вақти билан)

#TasadduqYoRasululloh

33-қисм. Маънавият сепи. «Тасаддуқ, ё Расулуллоҳ» туркумидан.

Муаллиф: муфтий Нуриддин домла Холиқназаров


👉 @xushnudbek 👈

Барчага хайрли кун, хайрли ҳафта.

Ютубда бир видео кўриб қолдим ва сиз билан ҳам қувонч, ҳам бироз қайғу аралаш улашгим келди.

https://youtu.be/oH4Hf0XDOAI

Бир гуруҳ саховатпеша юртдошларимиз республика бўйлаб “Жаннатдаги қасрлар” хайрия лойиҳасини амалга оширишмоқда ва эҳтиёжманд оилаларга ҳашар йўли билан уй қуриб беришяпти. Юқоридаги роликда Тошкент вилояти Бўка туманидаги айни шундай акциядан лавҳалар акс этган.

Қувончли томони шундаки, яхшилик йўлида юзлаб юртдошларимиз бирлаша олган, ҳаёт синовларида муаммоларга дуч келган муҳтож ватандошларимизга ёрдам қўлини чўзишган, умуман олганда жуда бир катта ва гўзал натижа кўрсатишган. Қойил. Шу ишга бош қўшган барча барака топсин.

Мен учун қайғули томони эса, бундан бехабар қолганим ва шундай яхши ташаббусга ҳисса қўша олмаганимдир. Аллоҳ насиб, кейинги хайрия-ҳашар акцияларида фаол иштирок этишга, сизларни ҳам бохабар қилишга ҳаракат қиламан.


👉 @xushnudbek 👈