Президент Шавкат Мирзиёев Сергели туманида барпо этилган 16 қаватли уйни бориб кўрди.

Замонавий стандартлар асосида зилзилага бардошли қилиб қурилган уй 2-3 хонали 80 та хонадондан иборат бўлиб, кам таъминланган ва муҳтож оилаларга топширилган.

Давлатимиз раҳбари Шарофиддин ва Шаҳноза Жўрабоевлар хонадонида бўлиб, улар билан суҳбатлашди. Бу оила 14 йилдан бери ижарада яшаб келаётган эди.

❗️Уй олаётганлар диққатига: замонавий бўлинг, ўзингизни ортиқча қийнаманг

Шу кунларда прописка очилгани муносабати билан жуда кўпчилик уй сотиб олмоқда. Бу ёки янги уйлар ёки бировларнинг номида турган ўзининг уйи.

Ва ўз-ўзидан баъзан нотариусларда навбатлар ҳақида эшитиб қоляпман. Ёхуд мулк солиғи ва коммунал тўловлардан қарздорлиги борлигини нотариусга борганда билиб қолиб, қаерда тўласам экан деб овора бўлаётганлар ҳам учраб турибди.

Шу сабабли Сизларга электрон давлат хизматларидан фойдаланишни тавсия қиламан. Ахир яратилган имкониятдан фойдаланишни ҳам билиш керак-да! Боз устига карантин шароитида кўчада юргандан кўра, онлайн барчасини осонгина ҳал қилганингиз соғлиғингиз учун хавфсизроқ ҳам бўлади. Булар қуйидагилар:

1️⃣. Кўчмас мулкни ҳадя этиш ёки айирбошлаш ҳамда олди-сотди бўйича мурожаат йўллаш
https://my.gov.uz/uz/service/25

Бу жуда зўр хизмат. Сиз ушбу саҳифа орқали нотариусда кўрсатиладиган хизматни деярли 80%ини ўзингиз онлайн осонгина амалга оширсангиз бўлади. Агар мол-мулкда қарз бўлса ёки тақиқ бўлса, бу ҳақда маълумот берилади. Қарзларни онлайн тўласангиз ҳам бўлади.

Нотариал ҳаракатни амалга ошириш имкони бўлса, Сизга махсус код беради. Ўша код билан нотариусга борсангиз, ишингиз жуда ва жуда тез битади. Батафсил жараён пастдаги видеода кўрсатилган.

Энг асосийси ушбу хизмат мутлақо бепул. Агар нотариусни ўзида қилсангиз, пул тўлашингизга тўғри келади.
Электрон имзо талаб этилмайди.

== • == • == • == • ==

2️⃣. Нотариус қабулига ёзилиш
https://my.gov.uz/uz/service/32

Бу ҳам зўр хизматлардан бири. Иссиқда соатлаб навбатда турмайсиз, туманни ва нотариусни ўзингиз танлайсиз, куни ҳамда вақтини белгилаб, онлайн қабулга ёзиласиз. Айтилган вақтда борасиз ва навбат қанча бўлишидан қатъи назар, нотариус аввал Сизни қабул қилади. Бошқача айтганда бу “живой навбат” пайти навбатдан ташқари киришнинг замонавий усули.

Уй-жой олди-сотди қилиш учун кадастр рақами, никоҳ гувоҳномаси ҳамда харидорнинг маълумотларини олдиндан киритиб қўйсангиз, ишингиз янада осон ва силлиқ битади.

Ўзи умуман бизда ҳам худди ривожланган давлатларда бўлгани каби нафақат нотариус, балки бошқа жойларга ҳам (масалан, шифокор қабулига) олдиндан онлайн навбатга ёздириб, кейин боришга секин-аста ўрганишимиз керак.

Хизмат бепул.
Электрон имзо талаб этилмайди.

== • == • == • == • ==

3️⃣. Кўчмас мулк объектларига бўлган ҳуқуқларни давлат рўйхатидан ўтказишга ариза юбориш
https://my.gov.uz/ru/service/248

Уй олди-сотди бўлгандан кейин уни кадастр органларидан рўйхатдан ўтказиш керак бўлади. Бунинг учун ҳам кадастр органларига бориш шарт эмас, онлайн ариза юборасиз, маълум муддат ичида кўриб чиқилиб, электрон гувоҳнома оласиз.

Электрон имзо талаб этилмайди.

== • == • == • == • ==

4️⃣. Кадастр паспортини шакллантириш
https://my.gov.uz/uz/service/294

Агар уйнинг кадастр ҳужжатлари йўқолган бўлса, унда ушбу хизмат орқали кадастр паспортини шакллантириш учун онлайн ариза юборишингиз мумкин.

Белгиланган тўлов мавжуд, онлайн тўласа бўлади.
Электрон имзо талаб этилмайди.

== • == • == • == • ==

5️⃣. Электрон рақамли имзони онлайн олиш
https://e-imzo.uz/

Аслида аксарият давлат хизматлари учун ЭРИ талаб этилмайди. Аммо мабодо Сизга ЭРИ керак бўлиб қолса, унда осонгина онлайн олишингиз мумкин. Бунинг учун фақат паспортингизни ушлаб расмга тушиб юборсангиз бўлди. Тахминан 1 соат ичида ЭРИни уйдан чиқмасдан олишингиз мумкин.

Хизмат пулли – 15 минг 610 сўм. Онлайн тўлаш имкони бор.

== • == • == • == • ==

Шунингдек, қуйидаги хизматлар ҳам керак бўлиб қолиши мумкин:

• Ижро ҳужжати бўйича қарздорликни текшириш
• Кўчмас мулк ва ер солиғидан қарздорликни текшириш
• Коммунал тўловлардан қарздорликни текшириш

Қиссадан ҳисса шуки, замонавий имкониятлардан фойдаланишни ўрганинг. Бунинг ортидан ҳам вақтингизни, ҳам нақдингизни тежайсиз, ортиқча асаббузарликка йўлиқмайсиз, кимларнингдир эшигида диққат бўлиб кутмайсиз, хуллас имконият борми, нима учун ундан фойдаланмаслигингиз керак? А, лаббай?


👉 @xushnudbek 👈

❗️Республика махсус комиссиясининг қарорига биноан, амалдаги карантин талаблари 2020 йил 15 июнга қадар узайтирилди.

👉 Шу билан бирга 2020 йил 1 июндан бошлаб қуйидаги фаолият турларига ҳам рухсат берилмоқда:

🔴 "қизил" ҳудудларда:

➖ риэлторлик фаолияти;

➖ реклама ва маркетинг фаолияти;

🟡 "сариқ" ҳудудларда "қизил" ҳудудларга қўшимча равишда:

➖ автомототранспорт воситалари ҳайдовчиларини тайёрлаш ва қайта тайёрлаш билан шуғулланувчи ташкилотлар фаолияти (бунда, назарий машғулотлар масофадан туриб (онлайн) ўқитиш орқали амалга оширилиши, амалий машғулотлар эса санитария талабларига қатъий риоя қилган, шу жумладан, тиббий ниқоб, тиббий қўлқопдан фойдаланган ҳамда автотранспорт воситаларини дезинфекция қилган ҳолда ташкил қилиниши лозим);

➖ давлат ташкилотларида аутсорсинг асосида овқатланиш хизматларини кўрсатувчи тадбиркорлик субъектлари фаолияти;

🟢 "яшил" ҳудудларда "сариқ" ҳудудларга қўшимча равишда:

➖ санаторийлар, пансионатлар, болалар оромгоҳлари, меҳмон уйлари, бошқа дам олиш масканлари ва жойлаштириш воситалари фаолияти (хостеллар бундан мустасно);

➖ спорт секциялари, тўгараклари, спорт заллари ва фитнес клублар фаолияти;

➖ оилавий тантана, тўй, маърака ва маросимларни ўтказиш.

☝️Бунда оилавий тантана, тўй, маърака ва маросимларни фуқароларнинг уй-жойи ва ҳовлисининг ўзида 30 кишидан кўп бўлмаган (фақат яқин қариндошлар ва ушбу туман ҳудудида истиқомат қилувчи бошқа қариндошлар) ҳамда санитария ва гигиена талабларига қатъий риоя этган ҳолда ўтказишга рухсат берилади.

❌ Ўз навбатида карантин даврида оилавий тантана, тўй, маърака ва маросимларни ўтказишнинг белгиланган талабларини бузган шахслар эпидемияларга қарши кураш қоидаларини бузганлик учун маъмурий жавобгарликка тортилади.


👉 @xushnudbek 👈

⚽️ 2020 йил 5 июндан бошлаб Ўзбекистон профессионал футбол лигаси чемпионатларини ТОМОШАБИНЛАР ИШТИРОКИСИЗ давом эттиришга рухсат берилди.

Шунингдек, футбол бўйича халқаро ва ички мусобақаларга юқори даражада тайёргарлик кўриш ҳамда уларда қатнашиш мақсадида профессионал футбол клубларига ўз ўқув машғулотларини санитария қоидалари, нормалари ва гигиена нормативларига мувофиқ ҳолда бошлашга рухсат берилди.


👉 @xushnudbek 👈

Қуйидагилар жорий йилнинг 1 СЕНТЯБРИГА ҚАДАР УЗАЙТИРИЛДИ:

👉 хорижий фуқароларга ва фуқаролиги бўлмаган шахсларга берилган виза муддатлари;

👉 муайян муддатга визасиз ва электрон виза билан кириш ҳуқуқига эга хорижий давлатлар фуқаролари ва фуқаролиги бўлмаган шахсларнинг Ўзбекистон Республикасида бўлиш муддати;

👉 Ўзбекистон Республикаси ҳудудига олиб кирилиб, 2020 йил ҳисобидан қайтариб олиб чиқиш муддати тугайдиган хорижий автотранспорт воситаларини республикамиз ҳудудидан қайтариб олиб чиқиш муддати.

❗️Шахсий автотранспорт воситаларининг вилоятлараро ҳаракатланишига йўл қўйилмаслиги (Тошкент шаҳридан Тошкент вилоятига ҳамда Тошкент вилоятидан Тошкент шаҳрига кириб-чиқиш бундан мустасно) талаби устидан қатъий назорат ўрнатиш белгиланди.

✅ "Яшил" ҳудудларда жойлашган санаторий, пансионат, болалар оромгоҳлари ва бошқа дам олиш масканларига фуқароларни марказлаштирилган тартибда ташиш учун карантин қоидаларига риоя қилган ҳолда вилоятлараро автобуслар, шу жумладан туристик ташкилотлар автобуслари қатновини йўлга қўйишга РУХСАТ БЕРИЛДИ.

❗️Тошкент шаҳрида аҳоли орасидан 9 кишида коронавирус аниқланди

30 май соат 17:00 ҳолатига кўра, Ўзбекистонда коронавирус инфекцияси қайд этилганлар сони 3523 (+10) нафарни ташкил этмоқда.

🔴 Янги касалланиш ҳолатларининг 9 нафари Тошкент шаҳрида аҳоли орасидан, яна 1 нафари эса Карантин марказидаги хориждан келган фуқаролар орасидан аниқланган.

🟢 Айни пайтда юртимизда 2783 (+55) нафар коронавирус инфекциясига чалинган фуқаролар соғайган.

🟡 Ҳозирда мамлакатимизда 726 нафар бемор даволанмоқда.

Соғлиқни сақлаш вазирлиги
Жамоатчилик билан алоқалар бўлими


👉 @xushnudbek 👈

Ўзбекистонда хизмат кўрсатган артист Севара Назархон ижросидаги «Улуғимсан, Ватаним!» таронаси ижтимоий тармоқларда челленджга айланди

Видео: 17 МБ

Доимий рўйхатга фақат ўз оиласи бўлмаган фарзандларни олиб кириш мумкинми?

Кўп жойларда эшитиб қоламиз, Тошкентдан уй сотиб олган фуқаролар кейинчалик фақат оиласи бўлмаган фарзандларинигина доимий рўйхатга (кейинги ўринларда тушунарли бўлиши учун - "прописка") кирита олади, агар оиласи бўлса, киритолмайди, дейишади. Бу гап мутлақо нотўғри.

Эътибор бериш керакки, фақат ўз оиласига эга бўлмаган фарзандинигина пропискага олиб кириш мумкинлиги ҳақидаги қоида 5-бандга ҳамда 9 - 12-бандларга тааллуқли.

Яъни эри хотини орқали (ёки аксинча) доимий пропискага кирса, унда ўша 5-банд билан прописка олган эр ўзининг барча фарзандларини пропискага олиб киролМАЙди, фақат ўз оиласига эга бўлмаган фарзандларинигина 2-банд билан пропискага олиб кириши мумкин.

Худди шу қоида 9, 10, 11 ва 12-бандларига ҳам тааллуқли. Улар ҳам фақат ўз оиласи бўлмаган фарзандларини олиб кириши мумкин.

Лекин кўпчилик буни барча бандларга тааллуқли деб ўйлайди ва адашади.

Тошкентдан уй сотиб олган фуқаро (у хоҳ янги, хоҳ иккиламчи бозордан бўлсин, фарқи йўқ) 1-банд билан пропискага киради.

Шундан сўнг, улар ўзининг тўғри шажара бўйича биринчи ва иккинчи даражадаги БАРЧА қариндошларини 2-банд билан пропискага олиб кириши мумкин.

Асос: Қонун билан тасдиқланган рўйхатнинг 2-банди (у ерда барча қариндошлар назарда тутилган)

Яъни Тошкентдан уй сотиб олганлар ўзларининг барча фарзандларини, уларнинг ўз оиласи бор ёки йўқлигидан қатъи назар, 2-банд билан пропискага олиб кириши мумкин.

Масалан, 80 ёшга кирган отахоннинг номига Тошкентдан уй олишса, ўша отахон ўзининг барча фарзандларини (уларнинг ёши 60 да бўлса ҳам фарқи йўқ) ҳамда барча набираларини (уларнинг сони 30 нафардан кўп бўлса ҳам фарқи йўқ) 2-банд билан пропискага олиб кириш ҳуқуқига эга.

👆ТАВСИЯ: шу сабабли ҳам агар зарурият бўлса, ва асосийси ишонсангиз ҳамда келгусида мулкий низо чиқмаслигига кўзингиз етса, Тошкентдан олинаётган уйни имкон қадар ота-онангиз ёки бобо-бувингиз номига олинг. Шунда кўпчилик пропискага кира олади. Масалан, уйни ота-онангизнинг номига олсангиз, ўзингиз, фарзандларингиз, ака-ука ва опа-сингилларингиз, уларнинг фарзандлари ҳам бемалол пропискага киради. Агар уйни бобо-бувингиз номига олсангиз, унда ўзингиз, ака-ука, опа-сингилларингиз билан бир қаторда ота(она)нгиз, амаки-амма (тоға-хола) ва уларнинг фарзандлари ҳам 2-банд билан пропискага кира олади.

❗️ЭСЛАТМА: амалиётда илгари ИИВ Миграция бошқармаси бошлиғининг қонунга хилоф кўрсатмаси асосида паспорт столлар буни рад қилиб келишганди. Аммо саъй-ҳаракатларимиз натижасида фуқаролар айни шу масала бўйича судлашиб, ички ишлар органлари устидан ғолиб чиқишган ва кейинчалик ноқонуний кўрсатма бекор қилинган.

Батафсил: t.me/xushnudbek/2597

Шунга кўра, балки ҳозир ҳам замондан орқада қолган айрим масъуллар 1-банд билан пропискага кирган фуқарога фақат оиласи йўқ фарзандингизни пропискага олиб кира оласиз, деб нотўғри айтаётган бўлиши мумкин. Ким шундай деса, ишониб қолманг. Ҳаққингизни талаб қилинг. Қонунни яхши билмайдиганларга қонунни тушунтиринг.


👉 @xushnudbek 👈

30 май соат 23:00 ҳолатига кўра, Ўзбекистонда коронавирус инфекцияси қайд этилганлар сони 3546 (+23) нафарни ташкил этмоқда.

🔴 Янги касалланиш ҳолатларининг 4 нафари Самарқанд вилоятида аҳоли орасидан аниқланган.

Шунингдек, 19 нафари Карантин марказидан, жумладан, Санкт-Петербург – Тошкент йўналишидаги чартер рейси орқали келган 14 нафар, 26 май куни Москва – Тошкент йўналишидаги чартер рейси орқали 2 нафар, 26 май куни Қозоғистон ва худди шу куни Россия – Қозоғистон орқали мамлакатимиз ҳудудига кириб келган яна 3 нафар фуқарода қайд этилди.

❗️Айни пайтда юртимизда 2783 (+55) нафар коронавирус инфекциясига чалинган фуқаролар бутунлай соғайди.

❗️Ҳозирда мамлакатимизда даволанаётган 749 нафар бемор даволанмоқда.

Соғлиқни сақлаш вазирлиги
Жамоатчилик билан алоқалар бўлими


👉 @xushnudbek 👈

Иккинчи уриниш: Тарихий парвозга гувоҳ бўлинг

Бироздан кейин, аниқроғи Тошкент вақти билан 00:22 да "SpaceX" компанияси космосга икки фазогирни учиришга яна бир бор уриниб кўради. 27 май куни об-ҳаво ноқулай келгани учун парвоз бугунга қолдирилган эди, деб ёзмоқда “Вашингтон кундалиги” канали.

Эслатиб ўтамиз, бу миссия иккита сабаб билан катта тарихий аҳамиятга эга:

Aввало, AҚШ 2011 йилдан бери космосга одам учириш имкониятига эга бўлмай келаётган эди. Чунки шу йили фазогирларни Халқаро фазо стансиясига жўнатиш билан шуғулланган "Space Shuttle" дастури тўхтатилган. Ўтган қарийб 10 йил давомида AҚШ астронавтлари космосга Россиянинг "Союз" кемасида учмоқда. Aгар бугунги парвоз муваффақиятли амалга ошса, AҚШ космосга одам жўнатиш бизнесига расман қайтади.

Воқеанинг иккинчи тарихий аҳамияти шундаки, инсоният илк бор космосга одамзотнинг хусусий компания томонидан учирилишига гувоҳ бўлмоқда. Тарихда бунақаси бўлмаган.

Нафақат одам жўнатиш, умуман, фазога ракета учириш билан хусусий компаниялар шуғулланиши мумкинлиги 10-15 йил олдин ҳеч кимнинг тасаввурига ҳам сиғмас эди. Бу иш билан фақат қудратли ва саноқли давлатларгина шуғуллана олган. Бугун бу ўзгарди. Технологик инновациялар бўйича хусусий компаниялар ҳатто космик тадқиқотлар учун масъул давлат ташкилотларидан ўзиб кетди.

NASA учун одам жўнатиш бу хусусий космик туризмнинг фақат бошланиши. "SpaceX" компанияси асосчиси Элон Маскнинг энг катта орзуси Марс сайёрасида одамлар доимий яшовчи колония қуриш. У бу мақсадга тириклик пайтида етишига ишонади ва умрининг сўнгги кунларини Марсда ўтказишни хоҳлайди.

Насиб қилса, бу воқеаларга биз ҳам гувоҳ бўламиз, балки ҳатто бу жараёнларнинг иштирокчисига айланишимиз мумкин.

Тарихий парвозни жонли томоша қилинг:

https://youtu.be/bIZsnKGV8TE

Об-ҳаво учиш учун маъқул деб топилди. Ракета учишига ярим соатдан камроқ вақт қолди.

Ракета учди!

👉 @xushnudbek 👈

АҚШнинг 2 фазогири ўтирган “Crew Dragon” капсуласини космосга учирган “Falcon 9” ракетаси Атлантика океанидаги “Of Course I Still Love You” платформасига қайтиб келиб қўнди. Даҳшат!


👉 @xushnudbek 👈

Ракета учди. Бу тарихий воқеани дронлар "запрет"да бўлган давлатдан туриб томоша қилдик.

Бугунги тарихий воқеага атаб кичик ролик тайёрлашибди. Менга фазогирлардан бири уларни кузатиб қўйишга чиққан фуқаро билан масофадан қучоқлашиб кўришган жойи ёқди 👍

Отангга балли, Маск!

P.S.: Трампнинг гердайиб туришини қаранглар :)


👉 @xushnudbek 👈

31 май соат 10:00 ҳолатига кўра, Ўзбекистонда коронавирус инфекцияси қайд этилганлар сони 3554 (+8) нафарни ташкил этмоқда.

🔴 Янги аниқланган касалланиш ҳолатларининг 3 нафари Карантин марказидаги фуқаролар орасида, 1 нафари Тошкент шаҳрида карантинда бўлган фуқарода, 4 нафари эса Бухоро вилоятида аниқланган бўлиб, шундан 3 нафари Шофиркон туманида коронавирус аниқланган ҳайдовчи билан мулоқотда бўлиб, карантинга олинган фуқаролар, яна 1 нафари халқаро юк ташувчи автомашина ҳайдовчиси.

🟢 Айни пайтда юртимизда 2783 нафар коронавирус инфекциясига чалинган фуқаролар соғайган.

❗️Сўнгги соатларда Тошкент тиббиёт академияси кўп тармоқли клиникасида даволанаётган 3 нафар беморда ўткир нафас етишмовчилиги кузатилганлиги учун реанимация бўлимига олинган.

🟡 Ҳозирда мамлакатимизда 757 нафар бемор даволанмоқда. Улардан 9 нафар бемор оғир, 1 нафар бемор эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими


👉 @xushnudbek 👈

Тошкентдан уй сотиб олиб, лекин доимий рўйхатга қўймасдан қариндошларни доимий рўйхатга олиб кириш мумкинми?

Кўпчилик шу савол билан ҳам мурожаат қилмоқда. Яъни Тошкентдан уй сотиб олсаму, лекин доимий рўйхатимни (кейинги ўринларда тушунарли бўлиши учун – “прописка”) вилоятда қолдирсам бўладими, ёки албатта Тошкентда сотиб олган уйимга пропискамни кўчиришим керакми?

Бу саволнинг давоми ҳам бор. Агар мабодо пропискамни вилоятда қолдириш ҳуқуқига эга бўлсам, унда Тошкентда сотиб олган уйимга қариндошларимни пропискага кирита оламанми?

Бугун ушбу масалага тушунтириш бермоқчиман.

Прописка тизимини ислоҳ қилишга оид янгиликларнинг энг муҳимларидан бири қуйидагилар:

1) Тошкентда пропискаси йўқ бўлган фуқароларга хоҳ янги қурилиш бўлсин, хоҳ иккиламчи бозордан бўлсин, уй сотиб олишга рухсат берилди. Айтайлик пропискаси Самарқандда бўлган фуқаро бемалол Тошкентдан уй сотиб олиши мумкин, бунинг учун албатта пропискасини Тошкентга кўчириш шарт эмас.

Асос: 22.04.2020 йилдаги ПФ-5984-сон Президент Фармонининг 2-банд “а”-кичик банди.

Ва энг асосийси бирорта қонун ҳужжатида уй сотиб олгандан кейин пропискани ўша уйга қўйиш шарт деган талаб йўқ. Бундан келиб чиқадики, пропискаси йўқ фуқаролар Тошкентдан уй сотиб олган тақдирда, хоҳласа пропискасини Тошкентга кўчиради (1-банд билан), агар хоҳламаса пропискасини вилоятда қолдираверади. Бу фуқароларнинг мутлоқ ихтиёри.

2) Прописка тизимидаги иккинчи яхши янгилик биринчисининг мантиқий давоми. Яъни эндиликда фуқаролар ўзларининг номидаги уйларга, гарчи ўша уйда ўзи пропискада турмаса ҳам, қариндошларини пропискага олиб киришга рухсат берилди.

Асослар: 1) Қонун билан тасдиқланган рўйхатнинг 2-банди;
2) 22.04.2020 йилдаги ПФ-5984-сон Президент Фармонининг 1-банд 3-хатбошиси.

Илгари қоидалар бошқача эди, яъни қариндошларни Тошкентдаги бирор уйга пропискага олиб кириш учун олиб кираётган одамнинг пропискаси албатта ўша уйда бўлиши талаб этиларди. Аммо ҳозир бу талаб бекор қилинди. Энди шунчаки уй номида бўлса кифоя, пропискаси Тошкентда ёки ўша уйда бўлиши шарт эмас.

Қиссадан ҳисса: юқоридаги иккита ўзгаришни умумлаштириб, хулоса қилсак, жавоби қуйидаги чиқади:

1) Тошкентда уй сотиб олганлар пропискасини Тошкентга кўчириш шарт эмас, вилоятда қолдирса ҳам бўлади;

2) Пропискаси вилоятда бўлган фуқаро Тошкентдан уй сотиб олса, ўша уйга тўғри шажара бўйича биринчи ва иккинчи даражали қариндошларини (уларнинг рўйхати мана бу ерда) 2-банд билан пропискага олиб киришга ҳақли. Бунинг учун олиб кираётган фуқаро албатта пропискасини Тошкентга кўчириши шарт эмас.

Ушбу хулосаларни Ички ишлар вазирлиги Миграция ва фуқароликни расмийлаштириш бош бошқармаси вакили ҳам тасдиқлади.

ТАВСИЯ: амалиётда фуқаролар паспорт столларга борганида юқоридаги масалалар бўйича тушунмовчилик келиб чиқиш эҳтимоли йўқ эмас. Яъни бу янги қоида бўлгани учун барча ходимлар ҳам буни тўла англаб етмаганлиги натижасида “йўқ, мумкин эмас, пропискани Тошкентга кўчиринг” деган жавобни беришлари ҳам мумкин. Бу янги тартиб қабул қилинганда юз бериши мумкин бўлган табиий ҳол.

Ана шундай вазиятда Сизларга қуйидагиларни тавсия қиламан:

1) ўша паспорт столдаги ходимга юқорида келтирилган қонуний асосларни кўрсатинг ва у адашаётганини муомала билан тушунтиришга ҳаракат қилинг;

2) агар 1-банд фойда бермаса, унда паспорт стол бошлиғига киринг, ҳар ҳолда 11 та туман раҳбарлари бу ўзгаришлардан аллақачон хабардор бўлишлари керак;

3) агар 2-банд фойда бермаса, унда Тошкент шаҳар ИИББ МваФРБга 71-230-38-16 телефони орқали мурожаат қилинг;

4) агар 3-банд ҳам фойда бермаса, унда Сиз мурожаат қилаётган паспорт стол бошлиғидан аризангизга ёзма рад жавоби беришни талаб қилинг, ёзма рад жавобни олгач, судга мурожаат қилиш ҳуқуқига эга бўласиз.

Лекин умид қиламанки, амалиётда 4-бандга мутлақо эҳтиёж бўлмайди, барчаси дастлабки босқичлардаёқ фуқаролар учун ижобий ҳал бўлади.

❗️Ушбу ўзгаришлар бугун ҳам қонуний кучга эга, 1 сентябрдан кучга киради, деган гаплар асоссиз.


👉 @xushnudbek 👈

31 май куни Қирғизистоннинг Боткен вилоятига туташ, Фарғона вилояти таркибидаги Сўх туманида жойлашган Чашма қишлоғида сув учун катта жанжал рўй берган.

Интернетда тарқалган видеоларда томонлар бир-бирини тошбўрон қилгани, чегара симтўсиқларини кўчириб олишга уринганини кўриш мумкин.

ДХХ Чегара қўшинлари матбуот хизмати ушбу ҳодиса бўйича муносабат билдирди.

Қайд этилишича, юзага келган вазиятни бартараф этиш учун Ўзбекистон ва Қирғизистон маҳаллий маъмуриятларининг масъул раҳбарлари воқеа жойида учрашган.

«Ҳозирда вазият тўлиқ назоратга олинган. Можаронинг сабаб ва оқибатларини бартараф этиш бўйича тегишли чоралар кўрилмоқда», дейилади ДХХ Чегара қўшинлари хабарида.

​Бугун коронавирусга чалинган беморлар орасида ўн бешинчи ўлим қайд этилди

1957 йилда туғилган пойтахтлик Х. да шу йилнинг 30 май куни “Covid-19” аниқланиб, Тошкент тиббиёт академиясининг кўп тармоқли клиникасига ётқизилган эди. 63 ёшли (аёл) бемор шу йилнинг январь ойида бош мия қон айланишининг ўткир бузилиши (инсульт) ташхиси билан даволанган.

Ўтказилган реанимацион муолажаларига қарамасдан сунъий нафас олиш аппаратида бўлган бемор бош мия қон айланишининг ўткир бузилиши, ўпка-юрак етишмовчилигидан вафот этди.

Юртдошимизни Аллоҳ ўз раҳматига олган бўлсин. Қолган беморларга ўзи шифо берсин.