#abituriyent

Қарши шаҳридаги «Насаф» футбол жамоасининг машғулот майдонларида ўтаётган тест жараёнларидан лавҳа. Лепота!

Фото: Умид Нормуратов


👉 @xushnudbek 👈

Қашқадарё вилояти Миришкор тумани ҳокими Ғайрат Бегалиев вафот этди. Марҳумда коронавирус инфекцияси аниқланиб, даволанишда бўлган. Ушбу маълумотни вилоят ҳокимлигининг матбуот хизмати ЎзАга тасдиқлади.

Ғайрат Бегалиев 2020 йил 4 март куни Миришкор тумани ҳокими этиб тайинланган эди.

6 сентябрь куни Миришкор тумани ҳокимининг ўринбосари Мансур Раҳмонов ҳам вафот этгани хабар қилинганди.

ЎзА жамоаси марҳумларнинг оила аъзолари ва яқинларига чуқур ҳамдардлик билдиради.


➡️ @uzauz

Роппа-роса 3 йил олдин, айнан шу бугун, яъни 8 сентябр куни Ўзбекистон ва дунё тарихида илк маротаба 8 тонналик ош дамланганди ва Ўзбек палови Гиннесснинг рекордлар китобига киритилган эди.

Комил Алламжонов ушбу мега-лойиҳа ҳақидаги хотиралари билан ўртоқлашди:
https://t.me/allamjonov_ki/464

Бу тадбирдан жуда ширин хотиралар қолган, бир имкон бўлганда сизларга сўзлаб бераман.

​​Гиннес оши ҳақида қисқагина

Кўпчиликка қизиқ бўлгани учун, ушбу лойиҳа ҳақида қисқагина сўзлаб бермоқчиман.

Гиннес оши лойиҳаси дастлаб моҳир ошпаз, қадрдон дўстим ва акам Баҳриддин Чустий томонидан ишлаб чиқилган эди. 2011 йилда у Россияда ишларди. Ўшанда бу лойиҳаси ҳақида менга сўзлаб берган ва ташкилий жараёнлар қандай бўлиши тўғрисида маслаҳат солганди. Бугун ўша хотираларни эслаб, MailRu почтамдаги хатларни очиб кўрдим, 2011 йил 14 июнь куни лойиҳа ҳақида хат юборган экан.

Ўшандан кейин биргаликда ишга киришдик, мен Гиннес билан боғландим, уларнинг тартиб-қоидаларини, рекорд қайд этиш шартларини ўргандим. 6 йил давомида жуда кўп инсонлардан, амалдорлардан, бизнесменлардан, турли ташкилотлардан ёрдам сўраганмиз. Лекин ҳеч ким бу лойиҳага бош қўшишни истамади.

Аммо Чустий барибир қачондир ушбу орзуси амалга ошишига қаттиқ ишонарди. Ва ўша кун 2017 йилда насиб қилди. Комил Алламжонов лойиҳани амалга ошириш ва молиялаштиришга рози бўлди.

Бу орада Чустий жуда кўп савдоларни бошидан кечирди, кўпчиликнинг маломатларига қолди, яна кўпчилик унга ишонмади, айрим яқин инсонлари орқадан пичоқ ҳам урди, аммо барибир у ортга қайтмади. Бу ишни уддалай олишига қаттиқ ишонди ва жамоадагиларни ҳам бунга ишонтира олди.

2017 йил 8 сентябрда Чустий иккаламизнинг 6 йиллик орзумиз биз ўйлаганимиздан ҳам зиёдроқ бўлиб амалга ошди!

Ушбу лойиҳа ҳақида ҳалигача пичинг қиладиганлар топилади. Ўзбеклар фақат ош қилишни билади, овқат деса томдан ташлайди, бировлар коинотни эгаллаётган, илмда Нобель олаётган пайти биз 8 тонна ош қиламиз ва ҳ.к., ва ҳ.к. Лекин биздан Нобель оладиган олимлар чиқмаётганига ошпазларнинг айби йўқку. Улар ўз ишини бажаришди, бажарганда ҳам ортиғи билан, бутун дунёни қойил қилиб уддалашди.

❗️Агар юртимиздаги ҳар бир касб эгаси, у хоҳ олим, деҳқон, спортчи, ўқитувчи, тадбиркор бўлсин, худди Чустий ва бошқа ошпазлар каби ўз соҳасида энг катта марраларни режа қилиб, бу йўлдаги машаққатларга чидаб, унга интилса ва амалга оширса, юртимиз анча ривожланиб кетиши аниқ. Яъни қанақадир оламшумул тараққиёт стратегиясини ишлаб чиқиш шарт эмас, шунчаки ҳамма ўз ишини қойиллатиб, сидқидилдан бажарса бўлди, шунинг ўзи ёрқин келажак дегани.

Бугун Чустий коронавирусга қарши даволанмоқда. Шукрки, аҳволи яхшиланиб боряпти, доимий алоқада бўлиб турибмиз. Ундан хавотир олган, унинг ҳаққига дуода бўлиб турган барчага катта раҳмат. Оғир дамлар ортда қолгани рост бўлсин. Аллоҳ ўзи тезроқ шифо берсин, илоҳим.

Баҳриддин ака, бўлди, ётавермасдан, тезроқ шифохонадан чиқинг энди, Сиз билан биргаликда қиладиган қанчадан-қанча лойиҳаларимиз кутиб турибди ахир.


👉 @xushnudbek 👈

⚡️⚡️⚡️7 сентябрдаги тест синовларининг натижалари эълон қилинди, дея хабар бермоқда ДТМ.

Тест натижаларини қандай кўришни мана бу ерда тушунтирганмиз:

https://t.me/xushnudbek/6902

https://t.me/xushnudbek/6914

Кеча тестга кирганлар ўз натижаси билан ушбу пост тагида изоҳ сифатида ёки махсус ташкил қилинган @abituriyentguruh гуруҳида ўртоқлашишлари мумкин.


👉 @xushnudbek 👈

❓Test javoblarini qanday ko'rish mumkin?

❗️Test javobini bilish juda oson, bunga ishoning. Birovlardan yalinib yurish shartmas, sal harakat qilsangiz o'zingiz ham ko'ra olasiz. Faqat ozgina xohish bo'lsa bo'ldi. "Tushunmayman" deb bahona qilmang, boshqalarda bor aql, sizda ham bor. O'zingizga ishoning.

1️⃣ Javoblaringizni ko'rish uchun abituriyent ruxsatnomasi pastidagi "Natijani ko'rsatish uchun havola" degan yozuv tagidagi QR-kod rasmini quyidagi botlardan biriga yuboring.

@QRcodegen_bot
@QRCodeRoBot
@QRcodeScanBot
@CodeScanBot

2️⃣ Yoki mana bu programmani telefoningizga skachat qilib oling va QR-kodni kamera orqali o'qitib ko'ring:
https://play.google.com/store/apps/details?id=tw.mobileapp.qrcode.banner&hl=en_US

3️⃣ Yoki abitur.dtm.uz saytidagi shaxsiy kabinetingizga kirib, test natijasini ko'rib oling.

4️⃣ Yoki quyidagi saytlarga kirib, QR-kod rasmini yuklang yoxud telefon kamerasi orqali QR-kodni o'qitib ko'ring:

https://www.ginifab.com/feeds/qr_code/qr_code_scanner.html
https://pageloot.com/qr-code-scanner/#upload
https://webqr.com/
https://www.qrstuff.com/scan

‼️ Mana shuncha yo'llar orqali ham bila olmasangiz uyat bo'ladi.


Abituriyentlar guruhiga a'zo bo'lish:
👉 @abituriyentguruh

Коронавирусдан вафот этганлар сони дунё бўйича 900 минг нафардан ошиб кетди.

Вирусга чалинганларнинг умумий сони эса 28 млнга яқинлашди.


👉 @xushnudbek 👈

Пахта йиғим-теримига оид Ҳукумат қарори қабул қилинди

Вазирлар Маҳкамасининг «2020 йил пахта ҳосилини йиғиб-териб олиш ишларини уюшқоқлик билан ташкил этиш чора-тадбирлари тўғрисида»ги қарори қабул қилинди. Бу ҳақда ЎзА (@uzauz) хабар бермоқда.

Унга кўра:

👉 қўлда терилган ҳар бир килограмм пахта хомашёси учун биринчи теримда - 1 000 сўмдан, иккинчи теримда - 1 400 сўмдан кам бўлмаган миқдорда меҳнат ҳақи тўланади;

👉 пахта териш машиналари билан териб олинган ҳар бир тонна пахта хомашёси учун 920 000 сўмдан кам бўлмаган хизмат ҳақи тўлаш;

👉 пахта-тўқимачилик кластерлари ва кооперацияларига юқорида тавсия этилаётган нархлардан кам бўлмаган ҳолда мустақил нарх белгилаш ҳуқуқи берилди;

👉 пахта хомашёси учун меҳнат ва хизмат ҳақи ҳар беш кунда, зарурат бўлганда, ҳар куни тўлаш тавсия этилди;

👉 ишсиз ҳамда вақтинчалик банд бўлмаган аҳолидан иборат терим отрядлари раҳбарлари билан мавсумий ишга қабул қилиш бўйича фуқаролик-ҳуқуқий шартномалар тузилади ҳамда терим отрядлари раҳбарларига пахта хомашёси йиғим-терими якунига қадар 2 миллион сўмдан кам бўлмаган миқдорда меҳнат ҳақи тўланади. Шунингдек, ушбу харажатлар Бандлик ва меҳнат муносабатлари вазирлиги ҳузуридаги Жамоат ишлари жамғармаси маблағлари ҳисобидан қопланади;

👉 пахта-тўқимачилик кластерлари ва кооперацияларига пахта хомашёсини териб олиш учун йиллик 16 фоиз ставкада (шундан 1 фоиз банк маржаси) кредит ажратиш мақсадида уч ой муддатда қайтариш шарти билан “Агробанк” АТБ депозитига 1,3 триллион сўмгача маблағлар жойлаштирилади;

👉 Жиззах, Қашқадарё, Сирдарё ва Тошкент вилоятларида пахта йиғим- терим мавсумида жалб қилинадиган пахта териш машиналари томонидан терилган ҳар бир тонна пахта хомашёсини йиғиб-териб олиш хизмат баҳосининг 30 фоизи Молия вазирлиги томонидан қоплаб берилади;

👉 пахта-тўқимачилик кластерлари ва кооперациялар ҳамда фермер хўжаликлари томонидан хориждан олиб келинадиган юқори унумли пахта териш техникалари, уларнинг бутловчи буюмлари ва эҳтиёт қисмлари, истисно тариқасида, 2021 йил 1 сентябргача божхона тўловларидан (қўшилган қиймат солиғи ва божхона расмийлаштируви йиғимларидан ташқари) озод қилинади ва “эркин муомалага чиқариш” божхона режимига жойлаштирилган санадан бошлаб қўшилган қиймат солиғини 270 кунгача бўлган муддатга кечиктириб тўлашга рухсат берилади;

👉 Қуйидаги туманларда қўлда терилган ҳар бир килограмм пахта хомашёси учун тавсия этилган тариф ставкасига давлат бюджетининг қўшимча манбалари ҳисобидан 200 сўмдан устама ҳақ тўланади:

➖ Жиззах, Сирдарё ва Тошкент вилоятларининг барча туманлари;
➖ Қорақалпоғистоннинг Қонликўл, Қораўзак, Кегейли, Қўнғирот, Тахтакўпир, Хўжайли, Шуманай, Чимбой ва Нукус туманлари;
➖ Қашқадарё вилоятининг Косон, Муборак, Миришкор, Нишон, Касби, Қарши туманлари;
➖ Сурхондарё вилоятининг Қизириқ, Бандихон, Музработ ва Шеробод туманлари.

👉 Қорақалпоғистон Вазирлар Кенгаши, вилоятлар ва туманлар ҳокимликлари таълим, соғлиқни сақлаш ташкилотлари ва бошқа бюджет ташкилотлари ходимларини ҳамда таълим муассасалари ўқувчилари ва талабаларини пахта хомашёси йиғим- теримига жалб қилиш ҳолатларининг олдини олиш ва бунга чек қўйиш юзасидан шахсан масъул эканликлари белгилаб қўйилди.


👉 @xushnudbek 👈

Айтишларича, полковник Мўминов Aбдураҳим Aбдурасулович Президентнинг фуқаролар ҳуқуқларини ҳимоя қилиш ва мурожаатлар билан ишлаш масалалари бўйича маслаҳатчисининг биринчи ўринбосари лавозимига тайинланган.

У бунга қадар Фавқулодда вазиятлар вазирининг ўринбосари сифатида фаолият юритиб келаётган эди.

А.Мўминов аввалроқ Давлат хизматлари агентлиги директори лавозимига тайинланган Улуғбек Муҳаммадиевнинг ўрнини эгаллаган.


👉 @xushnudbek 👈

Самарқанддаги маҳалла раиси журналистни ўз уйига олиб бориб, ўғлига интервью бердиргани кенг муҳокамаларга сабаб бўлганди.

Кеча Маҳалла ва оилани қўллаб-қувватлаш вазири Раҳмат Маматов ўша маҳаллада йиғилиш ўтказибди.

Хабар қилинишча, ўша маҳалла раиси ўз хоҳишига кўра лавозимидан озод этилибди. Шунингдек, Паст Дарғом тумани Маҳалла ва оилани қўллаб-қувватлаш бўлими бошлиғига “ҳайфсан” берилибди.


👉 @xushnudbek 👈

Ким ҳақ: қоидабузар ҳайдовчининг видеосини юбориш сотқинликми?

«Юридик клиника» лойиҳасида айтилган фикрларни қисқа-қисқа савол-жавоб тарзида эълон қилиб боришга қарор қилдик.

https://youtu.be/YrfDB9UQjBQ

#сўраган_эдингиз

«Заковат» интеллектуал кўрсатувида иштирок этган блогерлар жамоаси ўйинини кўпчилик кўра олмай қолгани учун YouTube'га жойлаштирилишини сўрашганди. Сўраганлар қуйидаги ҳавола орқали томоша қилишлари мумкин:

https://youtu.be/lNsQo-pTH8A

Божхоначилар мобил қурилмаларни Uz IMEI тизимидан ноқонуний рўйхатдан ўтказиш билан шуғулланувчи жиноий гуруҳни фош этишди
 
Сўнги вақтларда мобил қурилмаларни Uz IMEI тизимидан рўйхатдан ўтказиш билан боғлиқ муаммоли ҳолатлар ижтимоий тармоқларда долзарб мавзуга айланди.

Ушбу муаммоли масала юзасидан бошқа мутасадди вазирлик ва идоралар қаторида Давлат божхона қўмитаси томонидан ҳам бир қатор чоралар амалга оширилди.

Олиб борилган тадбирлар натижасида рўйхатдан ўтмаган мобил қурилмаларни Ўзбекистон Давлат чегараси орқали ҳаракатланган фуқароларнинг номларига ноқонуний йўллар билан рўйхатга қўйиш, шахсларга доир маълумотларни қонунга хилоф равишда йиғиб, сақлаб, улардан ғаразли ниятларда фойдаланиб келаётган жиноий гуруҳ фаолияти фош этилди.

Аниқланишича, Ўзбекистон фуқароси О.А. шериклари М.Б. ва Т.Р.лар билан тузган ўзаро жиноий режага кўра қўшни давлатларга ўтишиб, у ерда Ўзбекистонга кириб келаётган Ўзбекистон фуқароларининг паспорт маълумотларини телефон ёрдамида расмга тушириб, “Телеграм” ижтимоий тармоғи орқали юбориб, белгиланган тартибда рўйхатдан ўтказилмаган мобил қурилмаларни Uz IMEI тизими орқали ушбу фуқаролар номига рўйхатдан ўтказиш билан шуғулланиб келишган.

Биргина фуқаро Б.М.нинг уяли алоқа воситаси кўздан кечирилганида, телефон хотирасида Ўзбекистон фуқароларининг 200 га яқин паспорт расмлари борлиги, у ушбу паспорт маълумотларни йиғиб, жиноий шериги О.А.га етказиб берганлиги учун ҳар бир паспортга 5 АҚШ доллардан ҳақ олганлиги маълум бўлди.

Мазкур холат юзасидан Давлат божхона қўмитаси томонидан Жиноят кодексининг 141-2-моддасининг 2-қисми “а” ва “в” бандлари билан жиноят иши қўзғатилиб, тергов органига юборилди.

Давлат божхона қўмитаси
Ахборот хизмати


👉 @xushnudbek 👈

​​❓Хотин-қизларга берилган имтиёз қандай ҳисобланади?

#abituriyent

Кўпчилик шу савол билан мурожаат қилаётгани учун аниқ мисол билан тушунтирмоқчиман.

Жуда кўп хотин-қизлар "тавсиянома олдим, энди аниқ ўқишга кираман" деб ўйлаяпти. Аммо бу хато. Тавсияномадан ташқари улар юқори балл ҳам тўплаш керак, яъни билим ҳам муҳим.

Тавсиянома берилган хотин-қизларга республика бўйлаб кундузги таълимга давлат гранти асосида жами 940 та қўшимча квота ажратилган. Сиртқи ва кечки таълимда имтиёз берилмайди.

Квоталар ҳудудлар кесимида бўлиб чиқилган. Батафсил квота мана бу ерда:
t.me/xushnudbek/6372

Ҳисоблаш тартиби

Келинг, Самарқанд мисолида кўриб чиқамиз. Самарқанд вилоятида яшайдиган ва тавсиянома олган хотин-қизлар учун жами 104та қўшимча квота ажратилган. Хўш, бу нимани англатади? Имтиёз қандай қўлланади?

Бунинг тартиби қуйидагича:

➖ тушуниш осонроқ бўлиши учун Самарқанд вилоятига 5та квота берилган деб, тасаввур қиламиз;

➖ айтайлик Самарқанд вилоятида жами 40 нафар хотин-қизларга тавсиянома берилди;

➖ пастдаги 1-расмга қарасангиз, тавсиянома олган 40 нафар хотин-қизлар республиканинг исталган ОТМларига ҳужжат топширган (бу ерда осонроқ тушунарли бўлиши учун ОТМлар номларини олдим, йўналишларга бўлиб ўтирмадим);

➖ абитуриентлар турлича балл тўплашди;

➖ Самарқанддан тавсиянома олган барча хотин-қизлар орасида энг юқори балл олган 5 нафар абитуриентлар грант асосида қўшимча квотага қабул қилинади (2-расмда яшил ранг билан берилган);

➖ расмга қарасангиз, грантга кирган хотин-қизлар турли ҳудудлардаги ОТМларни танлаганини кўриш мумкин.

➖ қолган хотин-қизлар ўзининг бали билан умумий, эл қатори танловда иштирок этади, яъни бали етса киради, етмаса киролмайди.

Қиссадан ҳисса шуки, Самарқанд вилоятида жами айтайлик минг нафар хотин-қизларга тавсиянома берилган бўлса, улар орасидан энг кўп балл тўплаган 104 киши грант асосида қўшимча квотага қабул қилинади.


‼️Бешта йўналишни танлаганда, тавсиянома фақат 1-йўналишга ўтади. 2 ва ундан кейинги йўналишларда қўшимча квота берилмайди, умумий тартибда танловда қатнашилади.

Хуллас, тартиби шунақа.


👉 @xushnudbek 👈

«Коррупциясиз соҳа»

Бош прокуратура ҳузуридаги Иқтисодий жиноятларга қарши кураш департаменти ва ДХХнинг Қўқон шаҳар бўлимлари томонидан ўтказилган тезкор тадбирда, Қўқон давлат педагогика институти ёшлар етакчиси Б.Х. ва факультет декани В.Х.лар фирибгарлик йўли билан даромад орттириш мақсадида олдиндан тил бириктириб, фуқаро З.С.нинг ишончига кириб, унинг таниши А.ни мазкур институтга ўқишга киритиб қўйиш эвазига 3 минг АҚШ доллар олган вақтида ашёвий далил билан ушланган.

Департаментнинг Шайхонтоҳур туман бўлими томонидан Тошкент шаҳар ИИББ ходимлари билан ҳамкорликда ўтказилган тезкор тадбирда, фуқаро Ж.П. фуқаро Б.Х.нинг ишончига кириб, унинг ўғлини юқори лавозимда ишловчи танишлари орқали Ўзбекистон Миллий университетига ўқишга киритиб қўйиши эвазига 8 минг АҚШ доллар талаб қилиб, шундан, 3 минг долларини олган вақтида ашёвий далил билан ушланган.

Департамент ва ИИБнинг Самарқанд шаҳар бўлимлари томонидан ўтказилган тезкор тадбирда, Самарқанд давлат университети проректори ёрдамчиси У.Э. университет талабаси С.нинг ишончига кириб, унинг ўқишини вазирликда юқори лавозимларда ишловчи танишлари орқали, Урганч давлат университетига кўчириб бериши эвазига 800 долларни фирибгарлик йўли билан олган вақтида ашёвий далил билан ушланган. Аммо Самарқанд давлат университети ушбу хабар раддия билдириб, бунақа инсон университетда ишламаслиги ва бундай лавозим ҳам йўқлигини, Бош прокуратура хабарида нотўғри маълумот берилганини эълон қилди. Ушбу ҳолатга аниқлик киритилмоқда.

Юқоридаги ҳолатлар юзасидан Жиноят кодексининг 168-моддаси ва 28, 211-моддалари билан жиноят ишлари қўзғатилиб, тергов ҳаракатлари ўтказилмоқда.


👉 @xushnudbek 👈

1-синф ўқувчиларига "Президент совғаси" пандемия шароитидан келиб чиқиб босқичма-босқич тарқатилади

Халқ таълими вазирлигининг маълум қилишича, мактабда ўқувчилар ва ота-оналарнинг тўпланиб қолишларнинг олдини олиш мақсадида мактаб маъмурияти “Президент совғалари”ни тарқатишни босқичма-босқич ташкил этиши мумкин. Аниқроқ қилиб айтиладиган бўлса “Президент совғалари” айнан 14 сентябрь куни эмас, вазиятга қараб, баъзи мактаблар кечроқ очилса, кечроқ топширилиши мумкин.

Ушбу жараёнда мактаб маъмуриятлари ва ота-оналардан ўзаро ҳамкорликда касаллик тарқалишининг олдини олиш чораларини кўриш сўралади.

❗️Ҳурматли ота-оналар!

"Президент совғаси" ҳозирланаётганда ҳар бир 1-синф ўқувчиси ҳисобга олинган, шу сабабли ҳеч бир бола "Президент совғаси"сиз қолмайди. "14 сентябрь куни олмасам, совға бизга етмай қолади" деган хавотирга ўрин йўқ, сиздан фақат карантин талабларига риоя қилган ҳолда совғани қабул қилиб олиш сўралади.


👉 @xushnudbek 👈

⚡️РАСМАН: Асосий фоиз ставкаси 14 фоиз этиб белгиланди

Бу ҳақида Марказий банкда бошланган матбуот анжуманидан ЎзА мухбири хабар қилмоқда.

Марказий банк бошқаруви асосий фоиз ставкани бир фоиз пасайтириб, йиллик 14 фоиз даражасида белгилади.

— Ушбу қарор инфляциянинг янада секинлашиши, пандемия шароитида инфляцияни пасайтириш ва иқтисодий фаолликни қўллаб-қувватлаш мақсадлари ўртасидаги мувозанатни таъминлайди, – дейди Марказий банк раиси Мамаризо Нурмуродов. – Биз 2023 йилга қадар инфляциянинг беш фоизлик доимий кўрсаткичга эришиш чораларини кўрамиз.


➡️ @uzauz

Пандемия баҳонасида олий таълимда нималар ўзгариши керак?

Коронавирус пандемияси жуда кўп соҳаларда бўлгани каби таълим тизимида ҳам қотиб қолган стереотипларни парчалаб ташлади. "Бунинг иложи йўқ" дея қаршилик кўрсатилган кўп ишлар ўз-ўзидан амалга ошиб кетди.

Биргина онлайн ҳужжат қабул қилиш тизимини мисол келтириш мумкин. Бакалаврга ҳам, магистрга ҳам, коллеж-техникумлардан тортиб мактаб-лицейларга ҳам, ўқишни кўчиришу иккинчи мутахассисликка ҳам онлайн ҳужжат қабул қилинди. Айрим камчиликларни айтмаса, ҳеч бир муаммо бўлгани ҳам йўқ.

Хўш, шундай экан, яна бошқа масалаларни ҳам кўриб чиқиш пайти келмадимикин? Масалан, мен қуйидагиларни таклиф қиламан:

1️⃣ Мажбурий формани бекор қилиш — пандемия пайтида ҳамма уйда ўқияпти ва талабалар уйида исталган кийимида юришибди. Бундан келиб чиқадики, кийим талабанинг билимига таъсир ўтказадиган фактор эмас. Оқ кўйлак, қора шим, галстук ва узун пайпоқ кийса ақлли талаба ёки шуларни киймаса аҳмоқ талабага айланиб қолмаслигини ўз кўзимиз билан кўрдик. Эрталабдан эшикни тагида турволиб, галстуги йўқ ёки кўйлагининг ранги бошқача талабаларни тўхтатиб, тушунтириш хати олиб ўтирадиган маънавият замдеканларнинг иши ҳам таълим сифатига бирор фойдаси тегмаслигини тушундик.

Бас, шундай экан, бутун олий таълим тизимида мажбурий формани бекор қилсак нима бўлади? Нима ўзгаради? Ҳеч нарса!

Албатта, мажбурий формани бекор қилиш деганда, айримлар дарров кўрпани ўзига тортиб, ваҳимани бошламасин. Талабалар ҳаддидан ошмаслиги учун кийимга қўйилган айрим чекловлар барибир сақланиб қолади, бу барча жойда бор. Аммо бу чеклов мантиқий ва кичик бўлади ва талабада эркинлик кўпроқ бўлиши керак.

2️⃣ Мажбурий давоматни бекор қилиш — масофавий дарслар кўрсатиб турибдики, талаба жисмонан бирор дарсда бўлмаслиги жуда катта фожиа эмас. У мустақил ўзи ўрганиб, дарс материаллари билан танишиб, берилган мавзуни ўзлаштириши ҳам мумкин. Талабанинг бурнидан ип ўтказиб, аудиторияга мажбуран михлаб қўйиб, уни ўқитишга уриниш анчайин замондан орқада қолган методлардан эканлигини пандемия исботлаб қўйди. Аксинча мустақил таълимга катта урғу бериш, ўқитувчилар асосан тўғри йўналишни кўрсатиши лозимлиги, яъни талабага муайяан муаммонинг тайёр ечимини айтиш эмас, балки ўша муаммони қандай қилиб ечиш йўлларини ўргатиш кераклигини тушуняпмиз.

Хўш, шундай экан, нима учун олий таълим тизимида мажбурий давомат тизимини бекор қилмаймиз? Анъанавий ўқишлар бошлангандан кейин, ким истаса дарсга келсин, истамаса онлайн ўзи мустақил ўқисин, лекин асосийси оралиқ ва якуний назоратларни топширишига кўзи етса бўлди, десак нима бўлади? Таълим тизимимиз барбод бўладими? Ёки бирор фожиа рўй берадими? Ҳеч нарса бўл-май-ди!!! Бу ҳаммаси қуруқ гап, қуруқ сафсата.

3️⃣ Ҳафтасига беш кунлик ўқиш тизимига ўтиш — яна ўша юқоридаги гап. Талабалани мажбурлаб бутун ҳафта давомида университетда ушлаб ўтириш нотўғри ва эскирган метод. Бугунги замон бошқа, талаблар бошқа.

Масалан, барча олий таълим тизими беш кунлик режимга ўтса ва ўқув режаларини шунга мослаштирса, нима ўзгаради? Ёки талабаларимизнинг билими пасайиб кетадими (бундан ортиқ яна қаёққа пасайиши мумкин, ҳайронман)? Кимдир шу саволга аниқ, фактлар билан жавоб қайтара оладими? Аниқ ишонч билан айта оламанки, бу ҳам таълиминг тепасида турганларнинг асоссиз қўрқуви холос.

4️⃣ Конспект талаб қилиш — ортиқча изоҳ беришим шартмас, шунчаки ҳозир 2020 йил эканлигини эслатиб қўймоқчиман холос.

5️⃣ Ўқув йилини октябрь ойидан бошлаш — бу муаммоли масала эмас, шунчаки таклиф. Пандемия сабаб тест синовлари кечикиб ўтказилмоқда ва 1-курслар учун янги ўқув йили октябрь ойидан бошланадиган бўлди. Хориж тажрибасидан маълумки, академик ўқув йили одатда айнан октябрь ойидан бошланади. Бу кўп томондан қулай ва ўқув йилининг бундай юкламаси ҳам маъқул дея қабул қилинган. Шу сабабли бизда ҳам олий таълим муассасаларида барча курслар учун ўқув йилини октябрь ойидан бошласак зўр бўларди.

❓Сизда қандай таклифлар бор? Олий таълим тизимида таълим сифатига бевосита таъсир ўтказмайдиган яна қандай ортиқча талаб ва чекловларни олиб ташлаш ёки янги нарсалар қўшиш керак, деб ўйлайсиз?


👉 @xushnudbek 👈

⚡️⚡️⚡️9 сентябрдаги тест синовларининг натижалари эълон қилинди, дея хабар бермоқда ДТМ.

Тест натижаларини қандай кўришни мана бу ерда тушунтирганмиз:

https://t.me/xushnudbek/6902

https://t.me/xushnudbek/6914

Кеча тестга кирганлар ўз натижаси билан ушбу пост тагида изоҳ сифатида ёки махсус ташкил қилинган @abituriyentguruh гуруҳида ўртоқлашишлари мумкин.


👉 @xushnudbek 👈

​​Ниҳоят онлайн дарсларда асосий муаммолардан бири — интернет трафиклари масаласига алоқа операторларидан ечим таклиф қилиняпти.

UZTELECOM GSM мобил алоқа абонентлари учун талаба ва ўқитувчиларга мўлжалланган “ТА'LIM” тариф режасини ишлаб чиқибди.

Талабалар ва ўқитувчилар энди атиги 34 минг 900 сўм эвазига:
— 8 000 МБ интернет трафик;
— “TA’LIM” тариф режасидаги қўнғироқларга 1000 дақиқа, Ўзбекистон бўйлаб қўнғироқлар учун 300 дақиқа;
— 500 SMS олишлари мумкин.⠀

Бундан ташқари, “TA’LIM” тарифига уланганлар учун 5000, 8000 ва 12000 МБ пакетларга 20% гача, ZiyoNET хизматига абонент тўлови учун эса 50% чегирма ҳам бериляпти экан.

Компания вакилларининг айтишича, “ТА'LIM” тариф режасида талабалар ва профессор-ўқитувчилар масофавий таълим олиш учун Ўзбекистон ОТМлари, вазирликлар, идоралар, илмий-услубий марказларининг 100дан ортиқ ўқув ва ахборот платформаларига шу билан биргаликда веб-сайтларига интернет-трафикни сарф қилмасдан мутлақо бепул киришлари мумкин бўлади.

Мана шуниси жуда яхши иш бўлибди!


Website | Facebook | Instagram | Telegram

Ҳаётий анекдот

Бир куни пахта даласига ТВдан съёмкага келишибди. Далада фермернинг ўғли бор экан холос. Дадасига телефон қилибди.

- Дада, ТВдан келишибди.
- Муддаолари нима экан?
- Пахтага қачон селитра соласизлар, деяпти.
- Начальник мелисани чақиртир, селитрага у жавоб беради.
- Дефоляцияни қачон қиласизлар, деяпти.
- Прокурорни чақиртир, жавобгар ўша.
- Теримга қачон тушасизлар, деб сўрашяпти.
- Ҳокимни чақиртир 😊

Твиттердан олинди

P.S.: бунга кулиш керакми ёки йўқ, бунисини ўзингиз ҳал қила қолинг.


👉 @xushnudbek 👈