Фарғонада январь—апрелда бўлган авариялар оқибатида 64 киши ҳалок бўлган. Май ойининг қандайдир бир ҳафтасида эса шу кўрсаткичнинг учдан бири қайд этилди — бир ҳафтада вилоят йўлларида 20 киши қурбон бўлган. Бу 20 нинг орасида етти ойлик чақалоқ бор.

Ангрен ва Хоразмдаги бир кунда бўлган даҳшатли авариялар кунлик ЙТҲ қурбонлари статитистикасини ҳам даҳшатли қилиб юборган — Ўзбекистонда бир кунда юз берган бешта авария оқибатида 15 киши ҳалок бўлган. Уларнинг қанчаси болалар.

Даҳшатми? Даҳшат. Коронавирусдан хавфлироқ эпидемия, таъбир жоиз бўлса. Расман, албатта.

1 июндан ёшларга қўшимча имтиёзлар амал қила бошлайди

Президентнинг тегишли фармони билан шу йил 1 июндан бошлаб:

✅ Тадбиркорлик фаолиятини бошлаш учун бино ва иншоотларни ижарага олган «Ёшлар дафтари»га киритилган ёш тадбиркорларга 1 йиллик ижара харажатларининг 30 фоизи, аммо кўпи билан 6 млн 125 минг сўмгача «Ёшлар дафтари» жамғармалари ҳисобидан компенсация қилинади.

✅ Профессионал таълим ташкилотларида (лицей, коллеж ва техникум) таҳсил олаётган «Ёшлар дафтари»га киритилган ёшларга амалиёт ўтаган вақтида (олти ойдан кўп бўлмаган муддатда) таълим ташкилотлари томонидан Давлат бюджети маблағлари ҳисобидан БҲМнинг икки баравари (490 минг сўм) миқдорида ҳар ойлик субсидия ажратилади.


👉 @xushnudbek 👈

Минимал истеъмол харажатлари эълон қилиниши кутилмоқда

Бугун соат 12:00 да АОКАда бўлиб ўтадиган матбуот анжуманида Ўзбекистонда минимал истеъмол харажатлари қийматининг дастлабки ҳисоб-китоблари тўғрисида маълумот берилади.

Матбуот анжуманида:

🎙Илҳом Норқулов
Иқтисодий тараққиёт ва камбағалликни қисқартириш вазирининг биринчи ўринбосари
🎙Жамшид Абруев
Молия вазири ўринбосари
🎙 Умид Алиев
ЮНИСЕФ эксперти
🎙Винаяк Нагараж
Жаҳон Банки эксперти

иштирок этади.

Матбуот анжумани UzReport TV ва O‘zbekiston 24 телеканаллари ҳамда АОКАнинг Youtube ва Facebookдаги тармоғи орқали онлайн ёритилади.

Иқтисодчи ва блогер Отабек Бакиров айтганидек, ижтимоий сиёсатни инсонийлаштириш йўлидаги илк муҳим қадам ташланмоқда. Бу қадамга осонлик билан келингани йўқ, албатта.

Минимал истеъмол харажатлари миқдори ҳозирча номаълум, лекин дастлабки босқичда Ўзбекистон тарихида илк марта ушбу миқдорларнинг расман тасдиқланишининг ўзи қувонарли воқеа.

Ҳали бу мавзуга яна қайтамиз.


👉 @xushnudbek 👈

Жорий йил 1-2 июнь кунлари Шавкат Мирзиёевнинг Сурхондарё вилоятига ташрифи кутилмоқда.

Бу ҳақда Президент матбуот котиби Шерзод Асадов маълум қилди.


👉 @xushnudbek 👈

⚡️Дастлабки ҳисоб-китобларга кўра, Ўзбекистонда минимал истеъмол харажатларининг миқдори киши бошига бир ойда 440 минг сўм миқдорида чиқибди.

Бу миқдорни ким белгилаган?

Ушбу рақам республиканинг ҳар бир ҳудудидан танлаб олинган фуқароларнинг сарфлаган харажатларидан келиб чиққан. Яъни буни кимдир белгиламаган, балки тадқиқотлар натижасида келиб чиққан.

Бу миқдор ҳаммага тааллуқлими?

Йўқ. Киши бошига бир ойга 440 минг сўмлик харажат бу МИНИМАЛ, яъни энг кам миқдори ҳисобланади. Бу миқдор фақат энг камбағал қатламнинг энг кам харажатлари миқдоридир. Бу миқдор масалан менга тааллуқли эмас. Балки сизга ҳам тааллуқли эмасдир.

Бу нима дегани?

Агар бирор оилада киши бошига бир ойда 440 минг сўмдан кам пул топилса, демак ўша оила ўта ночор ва иқтисодий инқироз ҳолатида ҳисобланади. Масалан, бир оилада 4 киши бўлса (эру хотин ва 2 фарзанд), ўша оила ойига 1 млн 760 минг сўмдан кам пул топаётган бўлса, демак ўша оила инқироз ҳолатида деб қабул қилинади.


👉 @xushnudbek 👈

Сенат Ўзбекистон фуқаролигига оид қонунни маъқуллади.

Қонунда узоқ йиллардан буён Ўзбекистонда яшайдиган, лекин ҳалигача Ўзбекистон фуқароси бўла олмаган айрим шахслар учун яхши ўзгаришлар бор:

Биринчидан, 2005 йил 1 январга қадар Ўзбекистон ҳудудида доимий яшаш жойи бўйича рўйхатга олинган ва муқаддам чет давлат фуқаролигига эга бўлмаган шахслар;

Иккинчидан, 15 йил давомида Ўзбекистон ҳудудида фуқаролиги бўлмаган шахс мақомида яшаб келаётган шахслар Ўзбекистон фуқароси сифатида тан олинади.


👉 @xushnudbek 👈

Бугун, 31 май - Бутунжаҳон тамакидан воз кечиш куни.

Жаҳон соғлиқни сақлаш ташкилоти ҳар йили ушбу кун арафасида #CommitToQuit шиори остида кашандаликка қарши курашиш, тамакидан воз кечиш, унга қарамликдан қутилиш бўйича акциялар ўтказади.

Шахсан мен ҳам ушбу акцияни қўллаб-қувватлайман ва тамакининг ҳар қандай турига қарши эканимни маълум қиламан.

Чекишни ташлаш қай даражада қийин иш, аниқ бирор нарса дея олмайман, чунки ўзим умримда чекмаганман ва ўз-ўзидан уни ташлаб ҳам кўрмаганман. Аммо ишонаманки, чекишни ташлашга ҳар қандай инсоннинг иродаси бемалол етади. Фақат бунга хоҳиш бўлса кифоя.

Чекишни ташланг, тамакидан узоқроқ юринг, саломатлигингиз энг аввало ўзингизга ва яқинларингизга керак.


👉 @xushnudbek 👈

Коронавирусга қарши вакцина оладиганлар рўйхати кенгайди

Бугун, яъни 31 майдан бошлаб, Ўзбекистонда қуйидаги тоифа шахслар коронавирусга қарши эмланиши мумкин бўлди:

✅ чет элга ўқишга борадиган талабалар;
✅ журналистлар, блогерлар, ёзувчилар;
✅ телерадиокомпания ходимлари.

Бунга қадар 65 ёшдан ошган кексалар, фуқаролар билан бевосита ишлайдиган давлат хизматчилари, тиббиёт ходимлари, мактаб ўқитувчилари, боғча тарбиячилари ва сурункали касаллиги бор инсонлар эмланаётган эди.


👉 @xushnudbek 👈

❓Контрактни 100% тўламадинг, деб якуний назоратга киритмаслик мумкинми?

Бугунги кунда талабалардан тўлов-контракт масаласида кўплаб саволлар келиб тушмоқда. Жумладан, айрим ОТМлар талабалардан контракт пулини 1 июнга қадар 100% тўлашни талаб қилаётгани, агар тўламаса якуний назоратларга киритилмаслигини айтишаётгани, бу қанчалик тўғри эканлигини сўрашмоқда.

❗️Бу - нотўғри!

2020/2021 ўқув йилидан бошлаб олий таълим муассасаларида тўлов-контракт асосида таҳсил олаётган талабалар ўқиш учун тўловларни тенг улушларда тўрт бўлиб тўлашга рухсат берилди.

Бунда контракт миқдорининг 100 фоизини 1 июлгача ёки ОТМ ректорлари томонидан узайтирилган муддатларгача тўлаш ҳуқуқи белгиланди.

Шундан келиб чиқилса, 1 апрелга қадар контрактининг камида 75%ини тўлаган талабалар қолган 25%ини 1 июлгача тўлаши мумкин. ОТМлар ўз талабаларидан контракт миқдорини вақтлироқ амалга оширишларини сўраши, тарғиб қилиши мумкин, аммо буни талаб қилиб, тўламагани учун турли кўринишдаги жазо чоралари (масалан, имтиҳонга киритмаслик) белгилаш мумкин эмас.

💬 Агар қайсидир ОТМда ана шундай талаб қўйилаётган бўлса, изоҳларда ёзиб қолдиришингизни сўрайман. Биз албатта нотўғри талаб қўяётган ОТМ ҳақида вазирликка етказамиз ҳамда муаммони бартараф этишга ҳаракат қиламиз.


👉 @xushnudbek 👈

10 июнгача инглиз тилидан «Ибрат тиллар оромгоҳи»га ҳужжатлар қабул қилинади

Бу ҳақда Ёшлар ишлари агентлиги директори Алишер Саъдуллаев эълон қилди.

Унинг айтишича, ёшлар ўртасида ўтказилган сўровномада яққол устунлик қилгани учун «Ибрат тиллар оромгоҳи»нинг илк мавсуми инглиз тилидан бўлиб ўтади.

Бунда 16 ёшдан 25 ёшгача бўлган, инглиз тилидан камида B1 даражага эга барча йигит-қизлар жорий йилнинг 10 июнь санасига қадар рўйхатдан ўтишлари лозим.

Ариза юбориш учун бот:

📲 @ibratcamp_bot

Aриза юборганингиздан сўнг, онлайн шаклда суҳбат бўлиб ўтади. Энг яхши иншо ёзган ва суҳбатдан мувафаққиятли ўтган ёшлар оромгоҳда инглиз тилидан чуқурлаштирилган шаклда малака ошириш имконига эга бўлади.

Ўзига ишонадиган ва янги билимли дўстлар орттириш ниятида бўлган ёшларга ажойиб имкониятдан фойдаланиб қолишни маслаҳат бераман.

Батафсил маълумот: @ibratcamp_uz


👉 @xushnudbek 👈

Бугун Президент қуйидаги лойиҳалар билан танишди:

✅ Тошкент халқаро аэропорти олдида айланма шаклидаги кўприк қурилади. Унинг узунлиги 650, эни 30 метр бўлиши мўлжалланган.

✅ Чирчиқ дарёси бўйида замонавий уй-жойлар, дам олиш масканлари, ишлаб чиқариш ва хизмат кўрсатиш иншоотлари барпо этилади.

✅ Афғонистоннинг Ҳирот шаҳридаги Алишер Навоий мақбараси таъмирланади ва тикланади, унинг атрофи ободонлаштирилади. Кириш қисмида саккиз бурчакли масжид бунёд этилади.


👉 @xushnudbek 👈

Шавкат Мирзиёев ҳудудлар иқтисодиёти, аҳоли турмуш шароитлари билан яқиндан танишиш мақсадида Сурхондарё вилоятига жўнаб кетди.

ЙТҲ ва болалар ўлими

❗️2021 йилнинг 4 ойида болалар иштирокидаги:
➖ йўл-транспорт ҳодисалари 25,3 фоизга;
➖ уларда ҳалок бўлган болалар сони 64,5 фоизга ошган.

🚦Мактабларга етакловчи йўлларда пиёдалар светофорларини чақирув мосламасига ўтказиш зарур бўлган 185 та замонавий пиёдалар ўтиш жойлари етишмайди.

🚶2731 жойда тартибга солинмаган пиёдалар ўтиш жойини сунъий ёритиш тизими мавжуд эмас.

👮‍♂️Мактабларда ўқувчиларга йўл ҳаракати қоидаларини ўргатиш талаб даражасида йўлга қўйилмаган. Бу йўналишда алоҳида дарслар ташкил этилмаган. Дарслар фақат бошқа фанлар ҳисобидан, етарли малакага эга бўлмаган ўқитувчилар томонидан олиб борилади.


👉 @xushnudbek 👈

⚡️Бу йил 5та фандан имтиҳон бўлиши аниқ, касаллик кўпайиб кетсагина буни қайта кўриб чиқиши мумкин

Бу ҳақда ДТМ Бош бошқарма бошлиғи Фарҳод Мирзаев маълум қилди.

Унинг айтишича, норматив ҳужжатлар бўйича, 3та мажбурий фан ва 2та мутахассислик фанидан имтиҳон олиниши аниқ. Максимал балл – 280,5 балл қилиб белгиланган.

"Бош вазир ўринбосари Беҳзод Мусаевнинг 5та фандан имтиҳон олиниши аниқмас, деган гапи турлича талқин қилинди. Мусаев пандемия шаротидан келиб чиқиб, деган маънода гапирганди. Ўтган йили ҳам 5та фан бўлса-да, пандемия сабаб фанлар 2тага туширилганди. Лекин ҳозир пандемия ҳолати барқарор.

Aгар касаллик кўпайиб кетсагина, унда Қабул комиссияси ҳолатни кўриб чиқади. Ҳозирча 5та фандан имтиҳон олиниши аниқ", деди Фарҳод Мирзаев.

Аввалроқ каналимда ҳам 5 та фандан тест бўлишининг ҳуқуқий асослари ҳақида маълумот бергандим. Ва 2 та фандан тест бўлишига қаршилигимни доим айтиб келаман. Бундай кутилмаган ўзгариш ўқиган ва тайёрлаган абитуриентлар учун адолатсизлик бўлади.


👉 @xushnudbek 👈

Президентимиз Шеробод туманидаги "Каттабоғ" маҳалласида бўлиб, авлоддан-авлодга ўтиб келаётган касб - анорчилик билан шуғулланаётган Каримовлар оиласи билан дилдан суҳбатлашди.
—
Президент посетил махаллю Каттабог в Шерабадском районе и искренне побеседовал с семьей Каримовых, которая на протяжении нескольких поколений занимается выращиванием граната.

Facebook|Instagram|Twitter

Президент «Aнгор Сурхон ғурури» кластери даласида ғалла ўриш комбайнини ҳайдади.

Манба


👉 @xushnudbek 👈

Ўзбекистонда уруғсиз қора тарвуз нави етиштирилди

Қашқадарё вилоятининг Чироқчи туманида россиялик харидорларнинг тавсияси билан Style навли уруғсиз қора тарвуз етиштирилди. Бу ҳақда Давлат божхона қўмитаси матбуот хизмати хабар берди.

Чироқчининг «Ўтамайли» ҳудудида ҳар йили май ойининг биринчи ўн кунлигида қовун ва тарвузлар мамлакатда биринчи бўлиб пишиб етилади ҳамда экспортга жўнатилади.

Бу йил тарвуз етиштиришда яна бир янгиликка қўл урилган — деҳқонларнинг тинимсиз изланишлари ва меҳнати натижасида уруғсиз қора тарвузлар етиштирилган.


👉 @xushnudbek 👈

❗️Йўл ҳаракати соҳасидаги муаммоларни бартараф этиш бўйича идоралараро ишчи гуруҳи тузилди

Республикада йўл ҳаракати соҳасидаги муаммоларни комплекс ўрганиш ва амалий муаммоларни бартараф этиш бўйича идоралараро ишчи гуруҳи тузилди.

Гуруҳ таркибига Ҳукумат, ички ишлар, транспорт, молия вазирликлари, автомобиль йўллари қўмитаси ва бошқа мутасадди идоралар ва ташкилотларнинг раҳбар ва малакали мутахассислари киритилган.

Гуруҳ томонидан йўлларда ҳаракат хавфсизлигини таъминлаш ва йўл-транспорт ҳодисаларининг олдини олишнинг бугунги кундаги ҳолати комплекс равишда ўрганилиб, илғор хорижий тажрибаси ва илмий ёндашувларни қўллаш асосида норматив-ҳуқуқий ва манзилли ташкилий-амалий чоралар ишлаб чиқилади.


👉 @xushnudbek 👈

“Lyubaya biznes xorosha”, “Plati-leti”, “S 707” ва бошқа МЧЖлар мансабдор шахсларига нисбатан қўзғатилган жиноят иши (ЖКнинг 179, 184, 189-моддалар) юзасидан тергов ҳаракатлари олиб борилмоқда.

Терговга аралашиш ва тўсқинлик қилиш ҳолатларининг олдини олиш мақсадида бошқа тафсилотлар ошкор қилинмайди, дейилади Бош прокуратура хабарида.


👉 @xushnudbek 👈