❌ “Rinotin kids” biologik faol qo‘shimchasiga berilgan ruxsatnomalar bekor qilindi

Ijtimoiy tarmoqlarda “Rinotin kids” siropi sifati haqida tanqidiy postlar e’lon qilinganidan so'ng Sanitariya-epidemiologiya qo‘mitasi holat bo'yicha o‘rganish olib bordi.

Unga ko'ra, aholi orasida ovqatdan zaharlanishning oldini olish maqsadida sirop mahsulotlariga berilgan ruxsatnomalar bekor qilindi.

Bundan tashqari, “CYNERGY PHARMCO” MCHJga respublika hududlaridagi barcha dorixonalardagi “Rinotin kids” siropini qaytarib olish topshirig‘i berildi. Hozirgacha korxona tomonidan 28 ta dorixonalardagi mahsulotlar qaytarib olingan.

“Rinotin kids” siropi dori vositasi emas, balki biologik faol qo‘shimcha bo‘lib, Italiyada ishlab chiqariladi. Mahsulot O‘zbekistonga “Gricar Chemical S.R.L kompaniyasining ishonchnomasiga ko'ra olib kiriladi. Shuningdek, “CYNERGY PHARMCO” MCHJga 2022-yil 29-aprelda ruxsatnoma berilgan.


👉 @xushnudbek 👈

❗️Muhim xabar: Uzbekistan Airways aviaqatnovlariga ro‘yxatdan o‘tish vaqti o‘zgardi

Toshkent xalqaro aeroportida endilikda Uzbekistan Airways xalqaro aviaqatnovlariga ro‘yxatdan o‘tish vaqti qatnov joʻnashiga 40 daqiqa emas, 1 soat qolganda tugatiladi.

Parvoz qilmoqchi bo’lgan yurtdoshlarimiz ushbu o’zgarishni inobatga olib qo’yishlari maqsadga muvofiq.


👉 @xushnudbek 👈

Ekologiya xodimlariga tazyiq bo‘yicha tekshiruv olib boriladi

Rasul Kusherbayev o‘z telegram sahifasida “Yashil makon” doirasidagi ko‘zbo‘yamachilik va bosimlar haqida yozgan. Unga ko‘ra, poytaxtda “Yashil makon” platformasiga kiritilib, haqiqatda ekilmagan 41 mingdan ortiq ko‘chatlarni ekologiya xodimlari tasdiqlashmagan. Natijada esa Toshkent shahrining Yakkasaroy, Uchtepa va Shayxontohur tumanlarida hokimliklar, IIB va prokuratura tomonidan ekologiya xodimlariga bosim o‘tkazilgan.

Bosh prokuratura ushbu xabar asosida tekshirish boshlanganini ma’lum qildi.

Tekshirish davomida xabardagi har bir holat o‘rganilib, unda e’tirof etilgan davlat organlari mansabdor shaxslarining xatti-harakatlariga huquqiy baho berilishi ta’minlanadi, - deyiladi Bosh prokuratura xabarida.


👉 @xushnudbek 👈

Toshkent shahrida 2 ta marafon o‘tkazilishi munosabati bilan 21-aprel kuni ertalab soat 04:30 dan 14:00 ga qadar quyidagi ko‘chalarda avtomobillar harakati vaqtincha cheklanadi:

➖ Afrosiyob ko‘chasi Islom Karimov shoh ko‘chasi bilan chorrahasidan, Oybek ko‘chasigacha;

➖ Oybek ko‘chasi Afrosiyob ko‘chasi bilan chorrahasidan Nukus ko‘chasi bilan chorrahasigacha;

➖ Nukus ko‘chasi Oybek ko‘chasi bilan chorrahasidan Abdulla Qodiriy ko‘chasi bilan chorrahasigacha;

➖ Abdulla Qodiriy Nukus ko‘chasi bilan chorrahasidan Qorasaroy va Zarqaynar ko‘chalari bilan kesishgan joyigacha;

➖ Abdulla Qodiriy ko‘chasi Qorasaroy va Zarqaynar ko‘chalari bilan kesishgan joyidan Shahrisabz ko‘chasi kesishgan chorrahasigacha;

➖ Shahrisabz ko‘chasi Abdulla Qodiriy ko‘chasi bilan chorrahasidan Amir Temur shoh ko‘chasi bilan kesishgan joyigacha;

➖ Afrosiyob ko‘chasi Oybek ko‘chasi bilan chorrahasidan Sharof Rashidov shoh ko‘chasi bilan chorrahasigacha;

➖ Sharof Rashidov shoh ko‘chasi Afrosiyob ko‘chasi bilan chorrahasidan Islom Karimov shoh ko‘chasi bilan kesishgan chorrahasigacha;

➖ Islom Karimov shoh ko‘chasi Sharof Rashidov shoh ko‘chasi bilan kesishgan chorrahasidan Afrosiyob ko‘chasi bilan kesishgan chorrahasigacha.


👉 @xushnudbek 👈

15-aprel kuni Jizzax viloyati G‘allaorol tumanida Gentra haydovchisi ikki nafar o‘quvchini urib yuborgan.

Voqea tumanning Oqtom mahallasi hududidan o‘tgan yo‘lda, Baxmal tumanidan bo‘lgan 26 yoshli haydovchi avtomashinasida yuqori tezlikda harakatlanib, rul boshqaruvini yo‘qotgani sabab sodir bo‘lgan.

U qarama-qarshi yo‘nalishda maktabga ketayotgan 5 va 7-sinf o‘quvchilarini urib yuborgan va oqibatda bolalar vafot etgan. Shuningdek, mashina yo‘l chetida bog‘lanib turgan qoramolni ham urib ketgan va u ham nobud bo‘lgan.

Surishtiruv davomida haydovchi 2023-yilning dekabr oyidan shu kungacha 11 marotaba yo‘l harakati qoidalarini buzgani aniqlangan. Hozirda hodisa yuzasidan Jinoyat kodeksining tegishli moddasi bilan jinoyat ishi qo‘zg‘atilib, haydovchiga nisbatan qamoq ehtiyot chorasi qo‘llangan.


👉 @xushnudbek 👈

“Lolazor” podkasti tanaffusdan qaytmoqda.

2-mavsumning 1-sonini (#17) yakshanba kuni tomosha qilishingiz mumkin.


👉 @xushnudbek 👈

DXX tomonidan 19.7 kg sintetik narkotik moddalar musodara qilindi

➖ Qibray tumanida yashovchi fuqaroning xonadonidan sotish uchun tayyorlangan 4 kg 824 gr “Mefedron”, 3 kg 274 gr “Spays” va 2 kg 130 gr “Alfa-PVP” sintetik giyohvandlik vositalari topildi. Ular Qozog‘istondan olib kelingan.

➖ Rossiyadan yuk avtomashinasida 3 dona avtomobil ehtiyot qismi ichiga yashirilib, yuborilgan 3 kg 780 gr “Mefedron” sintetik giyohvandlik vositasini Zangiota tumanida qabul qilib olgan 3 kishi ushlandi.

➖ Sirdaryolik fuqaroning Toshkent shahar Yangihayot tumanidagi vaqtincha yashash xonadonidan 5 kg 687 gr “Pregabalin” kuchli ta’sir qiluvchi moddasi topilgan. Ular Rossiyadan keltirilgan.

Barcha hollarda jinoyatchilar narkotik moddalarni kichik bo‘laklarga bo‘lib, internet tarmog‘ida sotishni rejalashtirgan.

Hozirda ularga nisbatan jinoyat ishlari qo‘zg‘atilib, qamoq ehtiyot chorasi qo‘llanilgan.


👉 @xushnudbek 👈

Shavkat Mirziyoyevning Tojikistonga davlat tashrifi bo‘yicha Tojikiston Prezidentining matbuot xizmati tayyorlagan rolik.

Ushbu fikrlarga qo‘shilgan holda aytishim mumkin, darhaqiqat, O‘zbekiston Prezidentining davlat tashrifi qardosh tojiklar tomonidan juda muhim ahamiyatli voqea sifatida qabul qilindi.

Sababi tushunarli, Moskva shahridagi teraktda tojik fuqarolari ayblangandan so‘ng xalqaro maydonda Tojikiston va uning fuqarolariga nisbatan yovqarash paydo bo‘ldi.

Bunday og‘ir pallada O‘zbekiston o‘z pozitsiyani hammaga ochiq bildirdi: "Sizlar qanday o‘yinlar o‘ylab topsangiz ham, biz qardosh qo‘shnilarimiz bilan birgamiz" deyildi.

Va bu pozitsiya shunchaki og‘zaki emas, balki rasmiy hujjat shaklida muhrlandi. Avval xabar berganimizdek, O‘zbekiston va Tojikiston Prezidentlari Ittifoqchilik munosabatlari to‘g‘risidagi shartnomani imzoladi.

Ya’ni O‘zbekiston xalqaro maydondagi vaziyat fonida Tojikiston bilan munosabatlarini yana bitta pog‘onaga ko‘tarib, eng yuqori shaklga olib chiqishini ma’lum qildi. Bungacha O‘zbekiston faqat 2 ta davlat (Rossiya, Qozog‘iston) bilan ittifoqchilik munosabatlarini o‘rnatgan edi xolos.

Shavkat Mirziyoyev va Emomali Rahmonning yuzma-yuz muzokarasi 3 yarim soat davom etdi. Kamdan kam vaziyatlarda Prezidentlarning yakkama-yakka suhbatlari bunchalik uzoq bo‘ladi. Demak, ikki davlat yetakchilari juda ko‘p nozik masalalarni yopiq eshiklar ortida muhokama qilgan. Muzokaralarda xalqaro maydondagi holatlar fonida qanday yo‘l tutish, o‘zaro hamkorlikni mustahkamlash, bir-birini qo‘llab-quvvatlash, voqealar rivojiga qarab "A", "B", "C" rejalar haqida gap ketgan bo‘lishi tabiiy. Bundan tashqari suv, energetika, chegara, savdo masalalari bo‘yicha ham o‘ta muhim masalalar muhokama qilingan.

Yuzma-yuz muzokaradan keyin Prezidentlarning kayfiyati juda yaxshi edi, demak, kelishuvlar ijobiy bo‘lganini taxmin qilish mumkin.

Markaziy Osiyo davlatlarining do’stligi bardavom bo’lsin. Qudratli kuchlar oldida faqat birlashuvgina bizni halokatdan qutqarib qoladi.


👉 @xushnudbek 👈

O‘zbek va tojik tilidagi nutqlar

Ha, aytgancha, avvalgi postning mantiqiy davomi sifatida yana bir gap.

Diplomatiyada doim ham pozitsiyalar ochiq-oshkor aytilmaydi. Odatda o‘ta nozik ishoralardan foydalaniladi.

Masalan, Tojikistonga qilingan davlat tashrifi davomida Shavkat Mirziyoyev ham, Emomali Rahmon ham barcha rasmiy tadbirlarda, jumladan, kengaytirilgan tarkibdagi ikki tomonlama muzokaralarda ham, OAV uchun brifingda ham o‘z ona tillarida nutq qilishdi.

Agar xotiram pand bermayotgan bo‘lsa, avvalgi safarlarda ikkala Prezident ham rus tilida nutq qilgan edi.


👉 @xushnudbek 👈