​​«Сардоба» сув омбори фожиасида жабрланган фуқароларга ёрдам бериш мақсадида GoFundMe платформасида ташкил этилган махсус акцияда саховатли инсонларнинг ёрдамлари билан салкам 19 минг АҚШ доллари йиғилди.

https://www.gofundme.com/f/support-70k-people-whose-homes-were-taken-by-flood

Ушбу акция давом этмоқда ва турли давлатларда истиқомат қилувчи юртдошларимиз биз билан боғланиб, ёрдам бериш истагида эканликларини айтишмоқда. Уларга минг раҳмат.

ЭСЛАТМА: биз Ўзбекистон ичида бундай хайрия акцияси ўтказмаяпмиз. Агар Сизда миллий валютамизда очилган пластик карталар орқали пул ўтказиш ёки ҳисобдан ҳисобга пул кўчириш нияти бўлса, унда расмий ташкилотлар томонидан эълон қилинган ҳисоб рақамларга эҳсон қилишни тавсия қиламиз.

Масалан, Тошкент шаҳар ҳокимлиги ёки "Юксалиш" умуммиллий ҳаракати эълон қилган акцияларга қўшилишингиз мумкин.

Реквизитлар:

1️⃣ Тошкент шаҳар ҳокимлиги

1. Юридик шахслар учун:

23120000900001172001
МФО 01172
ИНН 207290120
Poytaxt bank

2. Жисмоний шахслар нақд пул ўтказишлари учун:

23116000400001172001

3. Payme, Click ёки шу каби онлайн пул ўтказмали учун:

8600 6029 4977 3501
SARDOBAGA MEHR ULASHIB

2️⃣ "Юксалиш" умуммиллий ҳаракати (Адлия вазирлиги билан бирга)

Юридик шахслар учун ҳисоб рақами: 20212000100981895003
МФО-00451, СТИР-207290818
ТИФ Миллий банки

Payme: «Хайрия» бўлими — «BizBirgamiz» логотипи (фақат жисмоний шахслар учун).

Click: «Хайрия» бўлими — «BizBirgamiz» логотипи (фақат жисмоний шахслар учун).

Акция ташкилотчилари пул маблағларининг йиғилиши ва сарфланиши бўйича шаффофликни таъминлашни ўз зиммасига олади.


👉 @xushnudbek 👈

Олий Мажлис Қонунчилик палатаси депутатлари Бош Вазирнинг ижтимоий ривожлантириш масалалари бўйича ўринбосари лавозимига шу пайтгача Давлат Солиқ қўмитасининг раиси лавозимида фаолият олиб борган Мусаев Беҳзод Анварович номзодини маъқуллади.

Давлат Солиқ қўмитасининг раиси лавозимига шу пайтгача Президентнинг давлат хизмати ва ҳокимият вакиллик органлари билан ҳамкорлик қилиш масалалари бўйича маслаҳатчиси сифатида фаолият олиб борган Қудбиев Шерзод Давлятович номзоди маъқулланди.


👉 @xushnudbek 👈

Самарқандда 34 кишига коронавирус юқишига сабабчи бўлган шифокорга нисбатан жиноят иши қўзғатилди

Самарқанддаги тиббий муассасаларнинг бирида бўлим мудири вазифасида ишлаётган фуқаро Х.Д. жорий йилнинг 20 апрель кунидан соғлиғида ўзгариш бошланиб, ўзида йўтал, тана ҳароратининг 39С гача кўтарилиши, нафас қисиши каби коронавирус инфекцияси белгиларини ҳис қилгани ҳолда уй шароитида даволана бошлагани аниқланган.

Оқибатда Х.Д. у билан доимий мулоқотда бўлган турмуш ўртоғи ва бошқа қариндошлари, ўзи даволаган бемор ва ҳамкасбларидан 11 нафарига, улар орқали яна 23 нафар шахсга COVID-19 инфекцияси юқишига сабабчи бўлган, дея хабар бермоқда “Zarnews” нашри.

2020 йил 12 май куни Х.Д.га нисбатан ЖКнинг 257-1-моддаси 1-қисми (санитарияга оид қонун ҳужжатларни ёки эпидемияга қарши кураш қоидалари бузиш) билан жиноят иши қўзғатилиб, тергов ҳаракатлари олиб борилмоқда.

Х.Д. орқали касаллик юқтирган жами 34 нафар шахснинг барчаси карантинга олиниб, вилоят юқумли касалликлар шифохонасида даволанмоқда.


👉 @xushnudbek 👈

⚡️Ўн биринчи ўлим: коронавирусга чалинган самарқандлик эркак вафот этди

Тойлоқлик Ў. исмли эркак шу йилнинг 9 май куни бурнидан қон кетиши ва умумий аҳволи оғирлиги кузатилганлиги сабабли Республика шошилинч тиббий ёрдам илмий марказининг Самарқанд вилоят филиали реанимация бўлимига ётқизилган. Ўтказилган диагностик таҳлиллардан сўнг беморда “Covid-19” инфекцияси ҳам аниқланган.

Ушбу бемор (эркак) сурункали бўйрак етишмовчилиги ва анемия оғир даражаси ташхиси билан диспансер назоратида бўлган. Унга иккинчи гуруҳ ногиронлик ҳам белгиланган. Шу йилнинг 28 апрелидан 5 майигача у юқорида келтирилган ташхис билан тиббиёт муассасасида даволанган, мунтазам режали диализ сеансларини олиб келган.

Бироқ ўтказилган муолажаларга қарамасдан бемор ўткир нафас ва юрак қон-томир етишмовчилигидан вафот этди.

Юртдошимизни Аллоҳ ўз раҳматига олган бўлсин. Қолган беморларга ўзи шифо берсин.


👉 @xushnudbek 👈

⚡️Карантин чекловлари енгиллашади

“Яшил” ва “сариқ” ҳудудларда санитария-гигиена талабларига қатъий амал қилган ҳолда хизмат кўрсатиш турларига босқичма-босқич рухсат берилади. Бу ҳақда бугун Президент Шавкат Мирзиёев ҳузурида бўлиб ўтган йиғилишда маълум қилинган.

Олис ҳудудларнинг пойтахтимиз билан транспорт алоқасини тиклаш жуда долзарб масала бўлиб турибди. Шу боис Тошкент шаҳридан Нукус, Урганч, Термиз шаҳарларига авиақатновларни тиклаш, Самарқанд, Навоий, Бухоро, Қарши шаҳарларига “Афросиёб” тезюрар поезди ҳамда Фарғона водийсига поезд қатновини қайта йўлга қўйиш режалаштирилмоқда.

Шунингдек, шаҳарлар ичида шахсий автомобиллар ҳаракати бўйича чекловларни бекор қилиш масаласи ўрганилмоқда. Транспорт, Ички ишлар ва Соғлиқни сақлаш вазирликларига булар бўйича Республика комиссиясига таклиф киритиш вазифаси қўйилди.

Маълумки, касаллик юқиши хавфидан келиб чиқиб, тўловлар нақдсиз шаклга ўтказилган эди. Аҳоли, айниқса, пенсионерларнинг мурожаатларини ҳисобга олиб, иш ҳақи, нафақа ва пенсиялар карантин қоидаларига тўлиқ амал қилган ҳолда, нақд пулда тарқатилиши белгиланди.


👉 @xushnudbek 👈

Шавкат Мирзиёев: Карантин ҳали тугагани йўқ

“Умуман, коронавирус хавфи йўқолганидан кейин ҳам халқимиз карантин пайтидаги айрим қоидаларни ўзининг одатий турмуш тарзига айлантириши керак. Жумладан, шахсий гигиенага қатъий амал қилиш, қўлни тез-тез совунлаб ювиш, дезинфекция қилиш, турли тўй-маросимларни жуда чекланган таркибда ўтказиш, юқумли касал бўлса маска тақиш одатий қоидага айланиши зарур”.


👉 @xushnudbek 👈

Андижон, Наманган ва Фарғона вилоятларида жорий қилинган аҳолига якка тартибда уй-жой қуриш ва таъмирлаш учун кредит бериш тажрибаси Тошкент шаҳрида ҳам татбиқ этилади. Шу орқали пойтахтда қарийб 10 мингта мавсумий иш ўринлари яратилади.


👉 @xushnudbek 👈

⚡️Ваниҳоят! Пропискага оид қонун имзоланди

Шавкат Мирзиёев "Тошкент шаҳри ва Тошкент вилоятида доимий прописка қилиниши лозим бўлган шахслар — Ўзбекистон Республикаси фуқаролари тоифаларининг рўйхати тўғрисида"ги Қонунга ўзгартириш ва қўшимчалар киритиш тўғрисидаги қонунни имзолади.

Қонунга кўра:

👉 «прописка» тушунчаси бекор бўлиб, ўрнига «рўйхатга олиш» тушунчаси киритилди;

👉 эр-хотиннинг никоҳдан кейин бир йил давомида биргаликда яшаш шарти ва бир йил ичида никоҳ бекор қилинганда прописка йўқотилиши ҳақидаги қоидалар чиқариб ташланди;

👉 иш жойидан доимий рўйхатга олинганлар ишдан кетгандан кейин ҳам пропискасини йўқотмайдиган бўлди;

👉 Тошкентда жойлашган давлат ташкилотларида 5 йил муддат мобайнида узлуксиз меҳнат фаолиятини юритаётган мутахассислар (техник, хизмат кўрсатувчи ва ишлаб чиқариш ходимларидан ташқари) мазкур ҳудудларда доимий яшаш жойи бўйича рўйхатга олинадиган бўлди.

Изоҳ: пропискасиз фуқаролар иккиламчи бозордан уй сотиб олиш ҳуқуқи 1 апрелдан кучга кирган.


👉 @xushnudbek 👈

#РамазонТуҳфаси

Ankabut (46 - 69), Rum, Luqmon, Sajda va Ahzob (1 - 30) suralari | 21 - pora | Xatmi Qur'on | Ramazon Tuhfasi

👉 https://youtu.be/AtbaINzgJMY

Ўзбек тилида маънолар таржимаси билан.

1 - pora
2 - pora
3 - pora
4 - pora
5 - pora
6 - pora
7 - pora
8 - pora
9 - pora
10 - pora
11 - pora
12 - pora
13 - pora
14 - pora
15 - pora
16 - pora
17 - pora
18 - pora
19 - pora
20 - pora

Алишер Усмонов ажратган маблағ сув тошқинидан жабр кўрган сирдарёликларга тарқатилади

Россиялик тадбиркор Алишер Усмонов томонидан ажратилган маблағ яқин кунларда «Сардоба» сув омбори бузилишидан жабрланган аҳолига тенг қийматда бўлиб берилади. Бу ҳақда президент Шавкат Мирзиёев 13 май куни бўлиб ўтган видеоселектор йиғилишида айтиб ўтган.

Kun.uz манбаси хабарига кўра, Алишер Усмонов ажратган хайрия маблағи ҳозирда Республика Маҳалла фонди ҳисоб рақамида турибди. Маблағлар Рамазон ҳайитига қадар тарқатилиши кутилмоқда. Бунга қўшимча тарзда Ўзбекистон ҳукумати томонидан ажратилаётган маблағлар ҳам жабрланган аҳоли учун очилган пластик карталарга ташлаб берилади.

Йиғилишда Шавкат Мирзиёев тадбиркор Алишер Усмонов нафақат ўз ҳамюртларига, балки офатдан жабр кўрган қозоғистонликларга ҳам ёрдам берганини таъкидлаб, унга миннатдорчилигини билдирган.


👉 @xushnudbek 👈

Шавкат Мирзиёев сардобаликларга тезроқ ҳовли қуриб бериш кераклигини таъкидлади

Президент кеча бўлиб ўтган йиғилиш давомида мутасаддиларга аҳоли учун қуриладиган уйлар сифати ва муддати борасида ҳам алоҳида топшириқ берган.

«Уй қурилишини бир йилга чўзманглар, барча жабр кўрган инсонлар икки ойда янги, ҳовлисига райҳон ва мевали дарахтлар экиладиган сифатли уйларга кўчиб ўтиши керак», деган Шавкат Мирзиёев.

Топшириқ бўйича 14 майдан бошлаб вилоят ҳудудида қурилиш ишлари бошланади.

Яқин кунларда президент Сирдарё вилоятига бориши кутилмоқда.


👉 @xushnudbek 👈

Сўраган эдингиз

Ўзбекистон Республикаси қонуни
(13.05.2020 йилдаги ЎРҚ-616-сон)

«Тошкент шаҳри ва Тошкент вилоятида доимий прописка қилиниши лозим бўлган шахслар – Ўзбекистон Республикаси фуқаролари тоифаларининг рўйхати тўғрисида»ги Ўзбекистон Республикаси Қонунига ўзгартишлар ва қўшимча киритиш ҳақида

Қонун ҳақида маълумот бу ерда

Қонун расмий эълон қилинган кундан, яъни бугундан кучга киради.


👉 @xushnudbek 👈

Кеча EFFECT.UZ сайтининг ходимларига Фарғона вилоятининг Қува туманида номаълум шахслар томонидан ҳужум қилинган ва тан жароҳатлари ҳамда машинасига шикаст етказилган эди.

Бош прокуратура матбуот котиби Хаёт Шамсутдинов мазкур иш бўйича расмий баёнот берди. Ушбу ҳолати юзасидан ЖКнинг 166-моддаси (Талончилик) билан жиноят иши қўзғатилган.

Жиноят иши буйича 4 нафар шахс гумонланувчи тариқасида жалб қилинди.

Тергов ҳаракатлари олиб борилмоқда. Воқеалар ривожини биргаликда кузатиб борамиз.


👉 @xushnudbek 👈

Ўзбекистонда ««Freelance истиқболи» онлайн форумининг 4-қисмида иштирок этганим ҳақида аввалроқ хабар бергандим.

Онлайн форум давомида интернет тезлиги ҳақида ҳам савол берилди ва бу бўйича ўз фикрларим билан ўртоқлашдим.

Кўпчилик муштарийлар интернет тезлиги ва нархи ҳақида каналимда ҳам муносабат билдиришимни сўраб, мурожаат қилишаётгани сабабли онлайн форумда айтган айрим фикрларимни бироз қисқартирган ҳолда эълон қиляпман.

Тўлиқ видеони мана бу манзилдан томоша қилишингиз мумкин:
https://youtu.be/BJwyshHBYWU

Сизнинг бу борада фикрингиз қандай?
Юртимиздаги интернет тезлиги ва нархи Сизни қониқтирадими?

Фикрларингизни изоҳларда қолдиришингиз мумкин.


👉 @xushnudbek 👈

Масофавий таълим сифати бўйича талабалардан сўровнома

Ҳурматли талабалар!

Олий таълим муассасаларида олиб борилаётган масофавий таълим сифати юзасидан ўз фикрингизни билдиринг. Сизнинг фикрингиз биз учун жуда ҳам муҳим!

Сўровномада исм-шарифингиз сўралмайди. Сизнинг фикрингиз фақат умумлаштирилган ҳолда кўриб чиқилади ва барча маълумотлар сир сақланиши кафолатланади.

Сизнинг тўғри ва самимий жавобларингиз учун миннатдорчилик билдирамиз!

Сўровномага қуйидаги ҳавола орқали киришингиз мумкин:
https://bit.ly/2Z3hlhR

Таълим сифатини назорат қилиш
давлат инспекцияси


👉 @xushnudbek 👈

18 май кунидан бошлаб қуйидагиларга РУХСАТ БЕРИЛАДИ:

✈️ Тошкент шаҳридан Нукус, Урганч, Термиз шаҳарларига авиақатновларни (бориш ва қайтиш) тиклаш;

🚆 Тошкент шаҳридан Навоий, Бухоро, Қарши шаҳарларига “Афросиёб” тезюрар поезди ҳамда Фарғона водийсига темир йўл қатновини (бориш ва қайтиш) қайта йўлга қўйиш.


👉 @xushnudbek 👈

⚡️«Сариқ» ҳудудларда ҳам кун давомида стикерсиз ҳаракатланишга рухсат берилди

Республика махсус комиссиясининг қарори асосида шахсий автомобилларнинг ҳаракати бўйича чекловларни 2020 йил 18 майдан бошлаб босқичма-босқич БЕКОР ҚИЛИШ юзасидан қуйидаги тартиб жорий этилмоқда:

🟢 “яшил” тоифадаги ҳудудларда ➖ автотранспорт воситаларининг махсус рухсатномасиз (стикерсиз) ҳаракатланишига рухсат берилган;

🟡 “сариқ” тоифадаги ҳудудларда ➖ соат 06.00дан – 22.00 га қадар бўлган вақт оралиғида автотранспорт воситаларининг махсус рухсатномасиз (стикерсиз) ҳаракатланишига рухсат берилди. Бунда автотранспорт воситаларининг салонида 4 кишидан ортиқ бўлмаслиги лозим;

🔴 “қизил” тоифадаги ҳудудларда ➖ автотранспорт воситаларининг махсус рухсатномасиз (стикерсиз) ҳаракатланишига фақатгина куннинг муайян вақтида (07.00 дан – 10.00 гача, 17.00 дан – 20.00 гача) фуқароларнинг иш жойига бориб-келиши, тиббий буюмлар, дори воситалари, озиқ-овқат ва биринчи галдаги маҳсулотларни харид қилиш учун ҳаракатланишига рухсат берилади.


👉 @xushnudbek 👈

#РамазонТуҳфаси

Ahzob (31 - 73), Saba', Fotir va Yasin (1 - 27) suralari | 22 - pora | Xatmi Qur'on | Ramazon Tuhfasi

👉 https://youtu.be/Mg__rp3i70w

Ўзбек тилида маънолар таржимаси билан.

1 - pora
2 - pora
3 - pora
4 - pora
5 - pora
6 - pora
7 - pora
8 - pora
9 - pora
10 - pora
11 - pora
12 - pora
13 - pora
14 - pora
15 - pora
16 - pora
17 - pora
18 - pora
19 - pora
20 - pora
21 - pora

👉 Пропискаси йўқ фуқаролар иккиламчи бозордан уй сотиб олса, ўша уйга доимий рўйхатга (пропискага) кириши мумкинми ёки фақат мулк ҳуқуқи берилади холосми?

👉 5 йилдан ортиқ иш стажига эга, лекин бир эмас, бир нечта давлат органида ишлаган фуқаролар доимий рўйхатга кира оладими?

👉 5 йиллик иш стажига эга ходимлар доимий рўйхатга кириш учун қандай ҳужжатлар топширади?

👉 Уй-жой майдонининг ижтимоий нормаси нима дегани? Бу доимий рўйхатга киришда қандай аҳамиятга эга?

❓Шу ва шу каби саволларга жавоб олишни истайсизми?

❗️Унда Ички ишлар вазирлиги вакили билан қилган суҳбатимизни томоша қилинг. Суҳбат бугун соат 10:00 да YouTube каналимизда эълон қилинади.

Унгача каналимизга обуна бўлишни унутманг:
✅ http://youtube.com/xushnudbekxudoyberdiyev?sub_confirmation=1

Ички ишлар вазирлиги Миграция ва фуқароликни расмийлаштириш бошқармаси бўлим бошлиғи Руслан Каримов билан пропискага оид ўзгаришлар ҳақида суҳбат қурдик. Ўзингизни қизиқтирган кўплаб саволларга жавоб топишингиз мумкин.

Суҳбатни тўлиқ томоша қилиш:

https://youtu.be/jl3vDORQNvU