Рэакцыі, спойлеры, пераклады і QR-коды

Чытаць арыгінальны допіс па-англійску
Рэакцыі, спойлеры, пераклады і QR-коды

Дванаццатае абнаўленне Telegram у гэтым годзе уводзіць рэакцыі, пераклад паведамленняў, тэматычныя QR-коды, схаваны тэкст (спойлеры) і шмат чаго яшчэ.

Рэакцыі

Telegram стаў першым месенджарам, які дадаў анімаваныя і інтэрактыўныя эмодзі, адкрываючы карыстальнікам небывалыя дагэтуль спосабы самавыражэння ў чатах. А сёння некаторыя з эмодзі змогуць паказваць вашы рэакцыі, што дапаможа вам выказваць падтрымку і іншыя пачуцці – і паведамленні пры гэтым адпраўляць не трэба.

Двойчы націсніце паведамленне, каб адправіць рэакцыю 👍. Каб убачыць больш рэакцый кшталту 😁 🎉 😱 🔥 👎, націсніце на паведамленне (або націсніце і ўтрымлівайце на iOS). Кожная рэакцыя мае сваю ўнікальную анімацыю.

Вы можаце змяніць вашу рэакцыю па змаўчанні на іншы эмодзі. Android: Налады чатаў > Хуткая рэакцыя. iOS: Стыкеры і эмодзі > Хуткая рэакцыя.

У асабістых чатах рэакцыі заўсёды ўключаны. У суполках і каналах кіраўнікі могуць вырашаць, ці уключаны рэакцыі і якімі эмодзі яны могуць быць выказаны. Гэта адкрывае безліч магчымасцяў для зваротнай сувязі – ад простых «падабаек» ❤️ да сістэм галасавання 👍👎 і далей!

Кіраўнікі могуць наладзіць рэакцыі ў сваёй суполцы або канале праз старонку звестак > Рэдагаваць > Рэакцыі. Каб пашырыць магчымасці сувязі з аўдыторыяй, паспрабуйце таксама каментарыі для каналаў і апытанні.

Спойлеры

Каб пагутарыць за лёсы Цыры або Пітэра Паркера, не руйнуючы іншым асалоду дазнацца пра гэта самастояна, выберыце любую частку тэкста падчас уводу і дастасуйце новае фарматаванне «Спойлер». Такім чынам вы схаваеце абраную частку паведамлення ў чаце, а таксама ў спісе чатаў і ў апавяшчэннях.

Калі набярэцеся духу ўбачыць, што ж там схавана, націсніце спойлер, каб паказаць яго тэкст.

Пераклад паведамленняў

Ужо больш за палову мільярда людзей ва ўсім свеце карыстаюцца Telegram не толькі каб заставацца на сувязі з сябрамі, але і каб шукаць новыя знаёмствы ў публічных суполках, і каб глядзець мемы на каналах – на кожнай мове, якая толлькі існуе. А цяпер вы можаце перакласці любое паведамленне проста ў праграме!

Уключаючы Пераклад у Наладах > Мова вы дадаеце кнопку «Перакласці» у кантэкстнае меню пры выбары паведамлення. Вы таксама можаце выключыць тыя мовы, якімі валодаеце – і тады кнопка будзе схаваная для паведамленняў на гэтых мовах.

Пераклад даступны для ўсіх прылад на Android, якія падтрымліваюць Telegram, але патрабуе iOS 15+ для прылад Apple. Спіс даступных моў для перакладу залежыць ад аперацыйнай сістэмы вашай прылады.

Тэматычныя QR-коды

Вы можаце згенераваць QR-коды для любога карыстальніка з публічнай спасылкай. Гэта таксама працуе з суполкамі, каналамі і ботамі, што дазваляе вам лягчэй запрашаць людзей у ваш любімы блог ці фан-клуб.

Націсніце новую іконку QR-кода побач з імем карыстальніка (або на старонцы звестак чата), выберыце колеры і ўзор, які вам больш падабаецца, а потым можаце друкаваць, перадаваць ці іншым чынам дзяліцца вашым кодам з людзьмі і праз праграмы.

QR-код для вашага асабістага імя карыстальніка можна атрымаць у Наладах.

Новыя меню для macOS

Мы зрабілі новы дызайн для усіх кантэкстных меню ў Telegram для macOS – дадаючы новыя падказкі для скаротаў і прыгожыя анімаваныя іконкі для кожнага пункту меню ў праграме.

Новыя інтэрактыўныя эмодзі

Нашыя аніматары дадалі інтэрактыўныя версіі для эмодзі 🔥 😁 🤩 😢 😭 😱 ❄️. Адпраўце любы з іх у асабістых чатах, а потым даткніцеся да яго, каб, разам са суразмоўцам, пабачыць анімаваны эфект.

Дзякуй вам усім за неверагодны год. Зычым усім і самім сабе, каб 2022 быў нават лепшым. 🎉


30 снежня 2021
Каманда Telegram

Other News

Захаваныя паведамленні 2.0, аднаразовыя галасавыя і відэапаведамленні, і яшчэ 8 новых магчымасцей

На працягу студзеня мы дадалі 10 новых магчымасцей у Telegram – сярод якіх палепшаныя захаваныя…
Jan 31, 2024

Палепшаныя выклікі, эфект распылення і новы функцыянал ботаў

Дзясятае абнаўленне Telegram у 2023 дадае абноўленыя выклікі з лепшай прадукцыйнасцю і меншым спажываннем зараду батарэі, новы эфект распылення…
Dec 31, 2023

Налады выгляду каналаў, адпраўка допісаў у гісторыях і шмат чаго яшчэ

З сённяшнім абнаўленнем любы карыстальнік зможа апублікоўваць допісы з каналаў як гісторыі, каналы атрымаюць пашыраныя налады выгляду,…
Dec 23, 2023

Падобныя каналы, публікацыя гісторый іншых аўтараў і яшчэ 9 іншых магчымасцей

Сённяшняе абнаўленне дадае новыя магчымасці для пошуку каналаў на адну і тую ж тэму, публікацыі гісторый іншых аўтараў і для запісу ві…
Nov 30, 2023