Браўзер Telegram, крама міні-праграм, Зоркі ў падарунак і шмат чаго яшчэ
Чытаць арыгінальны допіс па-англійску
Сённяшняе абнаўленне прыносіць новы ўбудаваны браўзер, які падтрымлівае некалькі ўкладак і робіць Web3 даступным для амаль мільярда карыстальнікаў, краму міні-праграм, магчымасць дарыць «Зоркі» сябрам – і шмат чаго яшчэ.
Браўзер Telegram
Старонкі, якія вы адкрываеце з убудаваным браўзэрам, цяпер можна згарнуць і адкрыць зноў з ніжняй панэлі, што дазваляе свабодна перамяшчацца паміж вашымі паведамленнямі і вэб-сайтамі, артыкуламі імгненнага прагляду і міні-праграмамі.
Браўзер Telegram падтрымлівае дэцэнтралізаваныя вэб-сайты, размешчаныя на TON — ва ўсіх праграмах для мабільных тэлефонаў і камп'ютараў. Гэта робіць Web3 адразу даступным для амаль аднаго мільярда нашых штомесячных карыстальнікаў.
Проста на ўсялякі выпадак, калі вы хацелі пазнаёміцца з крыптасветам. 
Цяпер, калі вы атрымліваеце апавяшчэнне падчас чытання артыкула, прагляду вэб-старонкі або гульні, вы можаце праверыць свае паведамленні — і вярнуцца на тое ж месца, каб працягнуць. Вы таксама можаце дадаваць закладкі, каб вярнуцца на старонку пазней.
Распрацоўшчыкі могуць даведацца больш пра дэцэнтралізаваныя сайты TON, наведаўшы ton.org — або адкрыўшы getting-started.ton у апошняй версіі Telegram.
Крама міні-праграм
Больш за 500 мільёнаў з 950 мільёнаў карыстальнікаў Telegram ўзаемадзейнічаюць з міні-праграмамі кожны месяц.
Мы дадалі новую ўкладку «Праграмы» ў Пошуку, якая паказвае спіс праграм, якія вы выкарыстоўваеце і спіс папулярных міні-праграм. Цяпер вы можаце хутка атрымаць доступ да ўсіх вашых гульняў і сэрвісаў — або знайсці нешта новае.
На ўсялякі выпадак, калі ваш свет большы за катоў і хамякоў.
Цяпер распрацоўшчыкі могуць загружаць відэадэманстрацыі і здымкі экрана, каб прадставіць свае міні-праграмы, а карыстальнікі ведалі, чаго чакаць.
На ўсялякі выпадак, калі вы не хочаце хаваць ката ў мяху.
Міні-праграмы, якія выкарыстоўваюць Зоркі Telegram, цяпер маюць шанец быць паказанымі ў раздзеле «Папулярныя праграмы». Распрацоўшчыкі могуць даведацца больш пра міні-праграмы на гэтай старонцы.
Абагульванне з міні-праграм у гісторыі
Міні-праграмы цяпер могуць падрыхтоўваць кантэнт для гісторый — напрыклад, відэа, створаныя штучным інтэлектам, дасягненні або здымкі табліц лідараў – а карыстальнікі могуць стварыць гісторыю ў Telegram не выходзячы з праграмы. Гэта дазваляе ствараць новыя віды праграм — і дапамагае існуючым распаўсюджвацца сярод кантактаў іх карыстальнікаў.
На ўсялякі выпадак, калі вашым катам ёсць што расказаць.
Распрацоўшчыкі могуць перайсці сюды для атрымання дадатковай інфармацыі аб даданні гэтай функцыі ў свае міні-праграмы.
Зоркі як падарунак сябрам
Зоркі Telegram дазваляюць вам купляць лічбавыя тавары у міні-праграмах або атрымліваць доступ да платнага кантэнту у каналах. З гэтым абнаўленнем вы можаце купляць Зоркі ў падарунак для вашых кантактаў.
На ўсялякі выпадак, калі ў вашых сяброў ужо ёсць Premium.
Каб падарыць зоркі, перайдзіце ў Налады > Мае Зоркі (на iOS гэтае меню будзе даступнае толькі ў тым выпадку, калі вы раней куплялі зоркі для сябе).
Карыстальнікі, якія святкуюць свой дзень нараджэння, будуць адлюстроўвацца ў верхняй частцы спісу ў спецыяльным раздзеле. А Зоркі, адпраўленыя ў падарунак, з'явяцца ў чаце з прыгожай анімацыяй каробачкі з падарункам.
Падсветка пры запісе відэапаведамленняў
Відэапаведамленні цяпер дазваляюць выкарыстоўваць пярэднюю ўспышку, каб асвятліць экран дадатковым святлом пры запісе ў цемры.
На ўсялякі выпадак, калі табе спатрэбіцца cвятло ў цемры, калі ўсе іншыя агні пагаснуць.
Націсніце на значок мікрафона ў панэлі паведамленняў, каб пераключыцца на запіс відэа. Затым націсніце і ўтрымлівайце значок камеры, каб запісаць відэапаведамленне. Пракруціце ўверх, каб працягваць запіс, і націсніце на значок успышкі ў ніжнім левым куце.
Віджэт надвор'я ў гісторыях
Цяпер карыстальнікі могуць падзяліцца надвор'ем у сваіх гісторыях, дадаўшы анімаваны віджэт да ўсяго, ад сонечных сэлфі да лыжных схілаў.
На ўсялякі выпадак, калі спытаюцца, як там у цябе надвор'е.
Віджэт аўтаматычна пераключаецца паміж градусамі Цэльсія і Фарэнгейта ў залежнасці ад налад на вашай прыладзе – так што вам не спатрэбіцца турбавацца тым, каб гэта наладзіць. А ў бясхмарныя ночы віджэт будзе паказваць фазу месяца.
Вы таксама можаце дадаць музыку, спасылкі або месцазнаходжанне у сваю гісторыю з раздзела «Стыкеры».
Вокладкі гісторый
Калі вы размяшчаеце відэагісторыю на сваім профілі, вы можаце выбраць, які кадр будзе выкарыстоўвацца ў якасці вокладкі.
На ўсялякі выпадак, калі вы судзіце пра гісторыі па іх вокладках.
Укладкі браўзера і міні-праграм на MacOS
Перш чым вы пойдзеце, паглядзіце, як цудоўна выглядае новы браўзер на Telegram для macOS. Яго новыя ўкладкі падтрымліваюць усё: гульні, міні-праграмы, старонкі імгненнага прагляду і нават Web3 TON-сайты.
На выпадак, калі цешыцеся жангліраваннем.
На ліпень на гэтым усё. Пойдзем шукаць жнівеньскае абнаўленне сярод нашых адкрытых укладак.
31 ліпеня, 2024
Каманда Telegram