طول ما أنت ((مبتكتبش)) الحاجات اللي وراك
(كل يوم)؛ اتحمّل بقى!
اتحمّل اللخبطة في حياتك
واتحمّل قلّة البركة في يومك
واتحمّل تراكم المهام وعدم الإنجاز
واتحمّل الضغط النفسي اللي هتبقى فيه…..
هتقولي لا لا متخافش أنا بفتكر كل اللي عايز أعمله في يومي من غير ما أكتب..
هقولك استحالة!
يا أخي ده أنت بتكون بتكلّم واحد صاحبك في التليفون وتقول جواك أنا بعد المكالمة هعمل
(كذا مثلاً)..ومجرد ما تقفل معاه تلاقي نفسك نسيت (كذا) اللي كنت هتعمله!! صح ولّا لأ؟
(فكتابة المهام) شئ أساسي متتخلّاش عنه..
وده اللي هيخليك تغتنم وقتك وتتجنب إهدار عُمرك..وتطبّق كلام نبيك ﷺ: "اغتنم خمساً قبل خمس..."، ومنها "فراغك قبل شغلك"..
#فاكتب_الحاجات_اللي_عايز_تعملها_كل_يوم
#وداوم_على_كتابتها_يوميا_عشان_تنجز
#والمهم_إنك_تداوم
#أدومه_وإن_قل