╭┅═ঊ🌺🌺🌼🌺🌺ঊ═┅╮
                                 دولاب بهشت کردستان
╰┅═ঊ🌺🌺🌼🌺🌺ঊ═┅╯
دۆڵاو......

ساوە سوورەکێ خــــــــەرمانوو خەمان
به نامـێ بەرزەت خـــــــــەمەکێم ڕەمان

حەرکەس تۆش هەنی وەشیش تەیارەن
وەشڵەی پا کەسیــــــــە چەنی تۆ یارەن

باڵامبۆت وەش بۆ چوون ئاسکی خوتەن
کیوەرەت تۆزی غــــــــــەریویم شتـــەن

هانە ڕەحمانت به ڕەحمـــــــوو خودٚای
ئاوانیش ڤســــــتەن مەزراکـــەو گەدٚای

دەرەو نەزەریت نــــــــــەزەرەش باشه
پەی قەتڵی خەمان دەس جە سەر ماشه

هانـــــەی دارووبن خــەم کەنــۆ جە بن
جوان کـــــــــــــەرۆوە کوهەنساڵی سن

هانەتۆفانە و خــــــــــــوڕنەمله و تاشت
چارگای چــــنوورگا هــــــــەم کوڵاڵاشت

چەنی پســــــــــــــــــەلارێ غەم ڤزا لاره
کەڕەگۆشه و گوڵکین، چنارێــــــــز،نساره

کەماجــــەڕێت جەڕنـــــــۆ باڵوو هەژاری
ڕەزەرەت یاروو نـــــووم و شالیـــــــــاری

هانــــــــــەزیویەت یاخودٚا بــــێ وەی بۆ
هانەرەت تۆڕۆ زینـــــــــــــەتوو ڕەی بـــۆ

شەلەگــەورەت گەوره،بنجــۆت بەرقەرار
ملــــەت مل بەرز و ســەردەرەت سەردار

خولاســـــــــــــە دۆڵاو لەولاوی سەدٚ لەق
هەر گەورە مانـــــــی نەشێویەی جە دەق

باخ و کـــــــەش و کۆت جه وەشی شنیۆ
غەم و پــــەژارەت رێخـــــەنه کنیـــــــــۆ

با "رێبوار"بتـــــــاوۆ دوور وەڵاتــــــــــەره
شێعـــــــــــــرەکان چنـــــۆ بە باڵاتــــــەره

واچـــــــۆ سوورەساو خەرمانوو خــــەمان
بە نامــــــــێ بەرزەت خــــــەمەکێم ڕەمان

     رێبوار 1403/11/3

با تشکر از شاعر خوش ذوق روستا #دکترنصرالله_کنعانی 👈 #رێبوار

              🌼 باماهمراه باشید 🌼
    🍁 👇دولاب بهشت کردستان 👇 🍁
╭┅═ঊ🌺ঊ═┅╮
🆔 @Doolab94
╰┅═ঊ🌺ঊ═┅╯