‎‌‌‎‌‌‍‌‌‌‎‌‎‌‎‌‎‌‌‎╭┅═ঊ🌺🌺🌼🌺🌺ঊ═┅╮
                              دولاب بهشت کردستان
╰┅═ঊ🌺🌺🌼🌺🌺ঊ═┅╯

(ڕجا)

هۆرێزە جە خاو، سوەیل سەرکەردەن
واڎەی سەحەرەن، شەوگار ویەردەن

تەنین و سەڎای ئەڵاهوو ئەکبەر
ئیماندارانش ڪەردەن باخەبەر

ئەر تۆیچ ئاشقنی و ئیماندارەنی
پەی وەسڵوو یاری بێ قەرارەنی

هۆرێزە،سا دەی واڎەی دیڎارەن
واڎەی دیڎاری  پەروەردگارەن

بە ئێخلاسەوە گێرە دەس و دیم
ڕووبنیە نە ڕووی دەرگانەی کەریم

بە ئیمانێ پاک بە بە سافی سینەی
جە دڵ بەر کەرە حەسەد و کینەی

نییەتێ بارە بە تەرتیبێ خاس
بووانە سوورەی ئەلحمەد و ئێخلاس

بەدلێوی ساف، چنی شەوگاری
ڕجا کەر ئەو لاو پەروەردگاری

جەلا دەر جامی دڵەی ژەنگاوی
لاڵیەوە بە دڵ تا وا کە تاوی

بە جا باوەرە ڕەویەو تاعەتی
تا چراوێ بۆ پەی شیفاعەتی

بەش مۆستەجاب بۆ ڕجاو سەحەری
بەخشۆما حاکم ساراو مەحشەری

#سۆهراب_مورادنیا


              🌼 باماهمراه باشید 🌼
    🍁 👇دولاب بهشت کردستان 👇 🍁
╭┅═ঊ🌺ঊ═┅╮
🆔 @Doolab94
╰┅═ঊ🌺ঊ═┅╯