‍ ╭┅═ঊ🌺🌺🌺🌺🌺🌺🌺ঊ═┅╮
دولاب بهشت کردستان
╰┅═ঊ🌺🌺🌺🌺🌺🌺🌺ঊ═┅╯

#شعر_حشمت_علیجانی

سڵام ئازیزاو هام وەڵاتـــــــــــیا
جوانوپیرێ،ئـــەێ ژەنو پـــــــیا

جارێ تەر، ڕۆزگار، چـــەرخش وەردەوە
هاۆماڵێ خاسش،جیا کــــــــــەردەوە

تە ڵچنێ تەر کەرد،عەجەب تەڵچنێ
پیەێ تەری پاسە، کەمتەر دەس گنێ

زامو زام داراش، ئاوەردوە،ســـــۆ
کۆلیەێوە،زامێ کۆنێ،تۆدەر تـــــــۆ

هاڵی بی،پەشتەۆ دەگاۆ دۆڵاۆێ
لیاقـــــە تی بێ،پسە،نورو چراوێ

شێوەۆ رەوشتی مەعدومیش لابێ
جەگرد قەومو خێش ئەۆ ماسێوابێ

جە لاو خواێوە،کەرم سکــــــاڵا
بە جەننەت شاڐبۆ کاکە شۆکرەڵڵا

جە گەرماێ هامن قرچەش وس،جەرگی
حەزرەتی قافز،مەسئولو مـــــــەرگی

بەڵێ، مەعدومیەێ،ئازیەت بارێنێ
خەڵکودۆڵاوێچ خــــەفەت بارێنێ

هەوماڵێ خاس بێ،بێ وردە شیشە
پشتوانوکاریو ،فکرو ئــــەندیشە

هەر ئانەش وەسن،بێ دڵێ پەڕۆش
مەردم پەێ مەرگیش،دڵش ئامان جۆش

خاس پاسەنە،مەرگش خەمنا کـــەن
لاۆ گرد کەسیوە،حەساوش پاکـــەن

بەڵام بەڐکەردار ‌مەرگش جەژنــەنە
لێ تایفەو هەوماڵ،هەم وە تـــەنە نە

بەشکەم چی مەرگەێ گێرم عێبرەتێ
بمێ مایەێ خەێر قەۆمو مێلـــــەتێ

حێشمەت تەسلیەت ماچۆ،مەعدومیان
مەڵا میزائیو،فەڵەک نــــــازیــــــــان

خولاسە گردو هام وەڵاتیـــــــەکام
جە وەشی وسەیری بیاوان بەکام
۲۷/٤/۹٦

👤ارسالی.حشمت علیجانی

👇باماهمراه باشید👇
💐دولاب بهشت کردستان💐
╭┅═ঊ🌺🌺ঊ═┅╮
🆔 @Doolab94
╰┅═ঊ🌺🌺ঊ═┅╯

‍ ╭┅═ঊ🌺🌺🌺🌺🌺🌺🌺ঊ═┅╮
دولاب بهشت کردستان
╰┅═ঊ🌺🌺🌺🌺🌺🌺🌺ঊ═┅╯

#شعر_حشمت_علیجانی
ئەناعەکسەکەم چەنی سڵامێ گەرم
کیاستم خزمەت پەێ نێشانەێ،تەرم

هەروەختێ مەرڐان جەخاکی وەتە ن
ئەسپەرڐەم کەردێ پەنەم ڕەحە تەن

باڕۆحم جە لای قۆدرەتی یەزدان
بەین بەێنێ کەرۆ سەیری ئەۆ هەردان

جە حەفت عاوەڵان قۆلەێ چـــــاڐەرگا
وەتـــەنی وە شی بکـــــەرۆ نێگــــــا

گۆش دەرۆ داڵو،هــەلیانە داڵــــــی
نۆشۆ فێنکی ئەۆ،گۆزەڵاڵـــــــی

هانەو داروبنی کەرۆیاگە بنـــــــە
بەێنەوە یاڐش قولەێ حەمە دنـــە

شانەۆ تەپووڵەێ بنجۆ جوە گەۆرێ
چەنی پەپولان بڐەۆنە، دەۆرێ

تەۆنەۆسەعاتێ حەتا میانارۆ
تەوەنوبنچک خڕی نەۆیـــــــارۆ

بلۆ بەڕمەڕان،بەنەۆڵەۆ قەجەر
کەمەرەسیاوەێ تەێ کەرۆ یەکسەر

ملە گانێشۆ کیمرۆهەر پاســــــە
کەوکۆسان کەننە گێڵۆ بەتــــاسە

لەۆلاۆ بانێڵێ دەرەۆ نێزە ری
ئاخڕگاچ وەشەن نەزەرێ کــــەری

بلۆنە تەکیە ۆ دەرە ئاســـاوی
گردوچنارێزی تامێــــاۆ ئاوی

نەسارەۆ گۆڵکین،هەتا چاڵــــەوان
بەرزیبانەرە هەواکەش دەوان

بەێۆە سەرو ملەێ،سەردەرەێ وەشبۆ
دۆڵیەو دۆڵاجێ،شەوە بۆ یاڕۆ

یانەگەێۆ سۆڵە تا پەشتە ۆبانان
ویەسور ڕواسە وڵێ،وەردەگاۆیانان

کەرۆ ئەوەسوە،بۆنـــەو شالـــــیار
وارێزوێ چەرە هەواراو هەوار

سەرپشک هەتاکە دەشتەۆ ماڵەگەێ
قەڐیم هەوارومزەفەرو سەێفڵەێ

حەمەشوانەرە،تاشێرە ســـــانە
باخو ڤلەسورێ،دانە بەدانــــــە

باگردین گێڵۆ ئەۆ ڕۆحی ئازاد
هەسارگاۆنومی،دەۆرێشان بە شاد

بلۆ سەرسۆڵان چەۆدمەێ،باڵامبۆ
جەهە نگەژاڵە،کەرۆ گۆفتو گۆ

بەهەشتش ئانەن حشمەت دۆڵاوی
ڕازیەنان ئەێ خۆا بەچۆڵە چراوی

فامیلم ئیسە عەلی جانیـــــەن
نازناۆ دۆڵاوی ،عەین دۆڵاویەن

۲۷/٤/۱۳۹٦ یه ره شمه

👤ارسالی.حشمت علیجانی

👇باماهمراه باشید👇
💐دولاب بهشت کردستان💐
╭┅═ঊ🌺🌺ঊ═┅╮
🆔 @Doolab94
╰┅═ঊ🌺🌺ঊ═┅╯

‍ ╭┅═ঊ🌺🌺🌺🌺🌺🌺🌺ঊ═┅╮
دولاب بهشت کردستان
╰┅═ঊ🌺🌺🌺🌺🌺🌺🌺ঊ═┅╯

#شعر_حشمت_علیجانی

سڵام بەڕێزان قەۆمانـــــــو خۆێشان
هیچ وەخت نەنێشدێ خاتری پەریشان

سڵامێوە حەزین ،بۆ وەش چون گۆڵان
چون هەزبێ جەتاش،هەم کۆرەێ سۆڵان

پسە لارە سێوەر،هەرەشەل و تــــــــــاش
ژەرەژە خاڵێ،ئاگــــەنــــــە،مــــــــاواش

ئاسورە چوە،پاش چینەێ کە بکــــــــەن
هۆنەۆ فێنکیش ، بە باقەو چەپکـــــەن

شاوەێ شنــە واش،پانکەێ سێ پەڕەن
گەرماۆ گەرمیان ، لاشوە بێ فەڕەن

شروی بە لەنجە ، بە نازو عێشــــــــــوە
بە کڵاوو چەتفــــە،سەروینی،کێشـــــوە

هەرجنیو گەوەن ، شاوەێ پوشی زەرد
بەڵێ خەم گینەن ،تەسکینەن پەێ دەرد

فڕەۆ ژەرەژێ،جەبار وەش کــــەرە
دەنگ مەڐەوە یو ، بەنەۆڵەۆ ، دەرە

بلمێ لاوقۆلتان،کـــــەمەرە ســـــــیاوە
درەختێۆ ، بنچکێ ، با بلەر یـــــــــاوە

قۆلەۆ ژەرەژ خانی ، جا تەختی قەجەر
شنەش،مەرهەمەن،کەمـــەراو کـــەمەر

پلەۆ،ئوسا مــــەڐی،چـــەنی دسوادەس
خاکش ، بەهەشتەن ، نمەڐەیمش ،بەکەس

ئاشێخ مامەنە،هەتا بەوا گـــــەڕ
دەشتەۆ شەفێ ، تادەرە قەشقەڕ

گردۆڵە ، گردش ناحیەێ ،کەۆکۆسان
ماواێ قەۆموخۆێش،مەسکەنودۆسان

خاکوخۆڵو،تۆزو کــــــەمـــــــەرش
سرەنگاێ وەشەن ، سەربنیەی سەرش

چاڵەۆ مامۆسەێ ، هەتا کەلو چــــیەێ
نمواڕونەشۆە،چــــــەنی گرد دنیـــــەێ

نەسیم نەسارە ، یا هانە مێڵـــــــــۆی
لەرەۆ هەرجنێۆ،براڵوە،کـــــــێڵــــۆی

تەۆنەۆ کەوەێ ، هەم سینەۆ سەنگان
تەۆنەۆ هەوشەکێچ ئیسە بێ دەنگان

چاڵەۆانەکێ،کا حەمە یــــــــاۆێ
وەهارێ پەڕ مەۆ ئاوەو ، وەرواوێ

جەلام وەشە ویس هەم مەحبوبەنــــە
پسە نۆ وەوێ، وەش تەرتــــــیبەنـــــە

زاخە زاخەکێ یانەۆ ڕەحمــــــانـــــی
تەۆنەۆ ڕۆسەمو ، بەل بەلوجــــــانی

خڕەکەو پێڕزی تاسەلە واتــــــــــە
خرمانگا وملە، پسەنێ بــــــەراتــــــە

جاعەولە شەلێ ،تاهانەۆ خەێرەێ
تەۆنە سۆحانی ، وەزەۆ گەلەڕەێ

تەقە خڕەکەۆ زاڵە کۆشی تەۆنین
چەنی ژەرەژان،ئامێتەن،ڕەنگیـــــن

تەۆنماۆ مەجی،چا مەڕەۆ گــــاوان
تەۆنەکێ بەکان ، سەرمایەێ باوان

قولەۆ قاولمەێ ، سەرسۆڵانی بەرز
هەمروەکەۆ مەجی ،سڵام کەروعەرز

تەۆنە گردەڵێ،وهانە قالـــــــــۆرە
تەۆنە قتێو دیارگا ، گردی چنــــورە

پەشتەۆ هۆزەنێ،هەم سینەۆ مڵان
مازیەکەو ساجی ، گەڵاڵەۆ گۆڵان

پەشتەۆ سەێ عەلی ، کۆشکڵێۆ مەڕشکێ
کەنوڵەێ کۆنە،گردهـــــــەردو درکـــــێ

سەرو کەنان و مەما غەنیمــــــــە تێ
چاڵەۆ ئەرخوانان،بوەری شەربەتــــــێ

تەۆنەۆ تەپڵێرە،تاهەنگە ژاڵــــــــە
کەمەرە تەنگەو دوڕا چـــــایاڵــــە

ئاخڕگاچ وەشەن،تابار وەش کـــەرە
حەمەشوان بازە،بێ هیچ خەتـــــەرە

سەختە وەشەکەو،هــــانە زیویــــەێ
ژەرەژی موانان پەێ ژەنو پیــــــەێ

پەچەۆ مەڵائەحمەڐی ، هەم هانە حسەێن
چاڵەو غەفورەێ ،سەێرانگاۆ دنیـــــەێن

تەۆنەۆ کۆڵمەێ،تاکە لو یـــــــــۆرتی
ساویو پسە لارە ، یاگێ حۆرمەتــــــی

شەتو شویت،گردش،تاکۆڕێ هەورێشان
خۆڕنە ملەو، مەڕە ، سڵام چـــــەنە شان

تاشو هەلیان داڵ، مەڕەو مـــــراوەسی
وەشەن ئادەورە ، دوربۆ جــــــە پیسی

ناوانو سیچکێ ، حەمە کۆڵێنانــــــــی
قۆلەکەو پیری کریەو،مێــــــــمانــــی

چاڐرگاو لۆجەڕ، جا تەۆنە چـــــەرمێ
وەزی حمە خەجێ چایەێوە بوەرمێ

شانەۆ تەپوڵەێ،هانەۆ داروبنــــــی
وەشەن وەهارێ پوینەکەش مــەچنی

ئاخرم ئەۆرد کەلام کۆۆ و هەردەرە
دەشتو نەسارو ، لاپاڵــــــو دەرە

نواچدێ وڕاجەن،برا ئـــــازیـــــزان
ڕەنگم زەرد بیـــەن،چون گەڵاڕێزان

حشمەت چەمەڕاێ لۆتفی یەزدانەن
شێتوئاوارە، هەرجە هەردانـــــــەن
۱۰/٥/۱۳۹٦
👤ارسالی.حشمت علیجانی

👇باماهمراه باشید👇
💐دولاب بهشت کردستان💐

╭┅═ঊ🌺🌺ঊ═┅╮
🆔 @Doolab94
╰┅═ঊ🌺🌺ঊ═┅╯