╭┅═ঊ🌺🌺🌺🌺🌺🌺🌺ঊ═┅╮
دولاب بهشت کردستان
╰┅═ঊ🌺🌺🌺🌺🌺🌺🌺ঊ═┅╯
#شعر_سەیێد_ڕەحمان_مەحموودی
دەی وەسێن سیروان! وەسێن داخت وەسێن
خەیرەت پەی کێ بی وەسێن زامت وەسێن
تۆ دڵت تاریفوو گێجاوێ مەدٚۆ
تاموو تۆ ژەحرەن مەزەو ئاوێ مەدٚۆ
هەرچی مەی سەر چوون کەمەر سەرسەختەنی
بێ خیاڵوو عاجزا و بەدٚ بەختەنی
دڵ ڕەقی تۆ ساڵهان سابت بیەن
زۆڵەنی؛ فێڵبازەنی؛ ڕەحمت نیەن
تۆ هساریوەو سوهەیلیت دا بە خەم
شەربەتوو ئاوێت سەراپا بی بە سەم
پاو سەرەیش وستێ سەروو ڕاو تۆ؛ هەتیم!
وەختە بێ گیانش بدٚۆ پاو تۆ ؛ هەتیم!
لێڵە بی بەش لێ چەمانت بۆ شەوێ
ساتێ ئارامش جە لاو تۆ هەر نەوێ
دیم فەڵەک مەخوۆ پەنەم حرسم لوا
تووڕەئی واتم پەنەش ؛ واتم خودٚا؛
ڕوو ڕەشی بووزۆ چەمانت هۆ فەڵەک!
تۆیچ سەرەت بگنۆ خەمات ؛هۆ فەڵەک!
چن هەناسێ داخێ وستێت لێ دڵان
بوڵبوڵوو هێجرانت وستەن سەرچڵان
بدٚیە دەورت زانە هیچت کەم نیەن
شیوەنوو دەوروو هەسارات جەم بیەن
هەر هەسارێنێ مەگێڵانێ و مەیا
کوڵ پەشێویانێ چەنی یۆی دێویا
ئاسمان دیاوەو چڵەکیارە جە وەرم
دیا هەسارانش چەمش وست نەرم، نەرم
شیوەنش سەردا فەڵەک هۆشش نەمەن
قێڕنێ واچێ هەسارێوەم کەمەن
هەی فەڵەک چێشەن؟بواچە چێش بیەن؟!
ماتەموو نازاروو باڵاو کێت دیەن؟!
کز پەنەش واتان هەسارێوەم گمەن
ڕۆشنایی لێ چەمانم کوڵ تەمەن
شێعرەکێم ئاما جواو واتش پەنە
ئەی فەڵەک دیسان پەنەم تانێت شەنە
چێش مەوۆ با تۆیچ هەسارێوەت نەوۆ!
کەی بە وێش زانوۆ وڵاتت؟! کەم مەوۆ!؟
تووڕە بی واتش وەسێن ڕاوێ مەدٚەی
باسوو شەوق و بەرق و لێڵاوێ مەدٚەی
تۆ مەزانی کام هەسارەم کەم بیەن؟
ماتەمێ دەوروو هەسارا جەم بیەن؟
بێ سوهەیل شەوقوو هەسارام هیچ نیەن
ڕاحەتی وەرموو هەسارا سەرشیەن
سینەکەم سەردەن ؛ هەژارەن ؛عاجزەن
بۆ بە وارانوو هەسارا هەر کزەن
جا پەنەم وات تۆ هەسارەت لوا سەفەر
تاموو شیرینی دوعای داشۆ خەوەر
بێ سوهەیل ئاسمان نمەکریۆش؛ نا جەڕا
هەرچی زووتەر مەیوە ماوا ئیشەڵڵا
تا دوعاو خەڵکی جە مزگی دەس بدٚۆ
خوا رەئووفەن ؛خەم مەدٚۆ و شادٚی مەدٚۆ
👤ارسالی.کپی کانال شعر هورامی
👇باماهمراه باشید👇
🌷دولاب بهشت کوردستان🌷
╭┅═ঊ🌺🌺ঊ═┅╮
🆔 @Doolab94
╰┅═ঊ🌺🌺ঊ═┅╯
دولاب بهشت کردستان
╰┅═ঊ🌺🌺🌺🌺🌺🌺🌺ঊ═┅╯
#شعر_سەیێد_ڕەحمان_مەحموودی
دەی وەسێن سیروان! وەسێن داخت وەسێن
خەیرەت پەی کێ بی وەسێن زامت وەسێن
تۆ دڵت تاریفوو گێجاوێ مەدٚۆ
تاموو تۆ ژەحرەن مەزەو ئاوێ مەدٚۆ
هەرچی مەی سەر چوون کەمەر سەرسەختەنی
بێ خیاڵوو عاجزا و بەدٚ بەختەنی
دڵ ڕەقی تۆ ساڵهان سابت بیەن
زۆڵەنی؛ فێڵبازەنی؛ ڕەحمت نیەن
تۆ هساریوەو سوهەیلیت دا بە خەم
شەربەتوو ئاوێت سەراپا بی بە سەم
پاو سەرەیش وستێ سەروو ڕاو تۆ؛ هەتیم!
وەختە بێ گیانش بدٚۆ پاو تۆ ؛ هەتیم!
لێڵە بی بەش لێ چەمانت بۆ شەوێ
ساتێ ئارامش جە لاو تۆ هەر نەوێ
دیم فەڵەک مەخوۆ پەنەم حرسم لوا
تووڕەئی واتم پەنەش ؛ واتم خودٚا؛
ڕوو ڕەشی بووزۆ چەمانت هۆ فەڵەک!
تۆیچ سەرەت بگنۆ خەمات ؛هۆ فەڵەک!
چن هەناسێ داخێ وستێت لێ دڵان
بوڵبوڵوو هێجرانت وستەن سەرچڵان
بدٚیە دەورت زانە هیچت کەم نیەن
شیوەنوو دەوروو هەسارات جەم بیەن
هەر هەسارێنێ مەگێڵانێ و مەیا
کوڵ پەشێویانێ چەنی یۆی دێویا
ئاسمان دیاوەو چڵەکیارە جە وەرم
دیا هەسارانش چەمش وست نەرم، نەرم
شیوەنش سەردا فەڵەک هۆشش نەمەن
قێڕنێ واچێ هەسارێوەم کەمەن
هەی فەڵەک چێشەن؟بواچە چێش بیەن؟!
ماتەموو نازاروو باڵاو کێت دیەن؟!
کز پەنەش واتان هەسارێوەم گمەن
ڕۆشنایی لێ چەمانم کوڵ تەمەن
شێعرەکێم ئاما جواو واتش پەنە
ئەی فەڵەک دیسان پەنەم تانێت شەنە
چێش مەوۆ با تۆیچ هەسارێوەت نەوۆ!
کەی بە وێش زانوۆ وڵاتت؟! کەم مەوۆ!؟
تووڕە بی واتش وەسێن ڕاوێ مەدٚەی
باسوو شەوق و بەرق و لێڵاوێ مەدٚەی
تۆ مەزانی کام هەسارەم کەم بیەن؟
ماتەمێ دەوروو هەسارا جەم بیەن؟
بێ سوهەیل شەوقوو هەسارام هیچ نیەن
ڕاحەتی وەرموو هەسارا سەرشیەن
سینەکەم سەردەن ؛ هەژارەن ؛عاجزەن
بۆ بە وارانوو هەسارا هەر کزەن
جا پەنەم وات تۆ هەسارەت لوا سەفەر
تاموو شیرینی دوعای داشۆ خەوەر
بێ سوهەیل ئاسمان نمەکریۆش؛ نا جەڕا
هەرچی زووتەر مەیوە ماوا ئیشەڵڵا
تا دوعاو خەڵکی جە مزگی دەس بدٚۆ
خوا رەئووفەن ؛خەم مەدٚۆ و شادٚی مەدٚۆ
👤ارسالی.کپی کانال شعر هورامی
👇باماهمراه باشید👇
🌷دولاب بهشت کوردستان🌷
╭┅═ঊ🌺🌺ঊ═┅╮
🆔 @Doolab94
╰┅═ঊ🌺🌺ঊ═┅╯