👉የሪቴንሽን (Retention) ገንዘብ፡ ዓላማ፣ የገንዘብ መጠን ገደብ እና አወጣጥ

በፌዴራል የመንግሥት ግዥና ንብረት አስተዳደር ኤጀንሲ የጨረታ ሰነድ (SBD-Works) መሠረት፣ የሪቴንሽን (Retention) ገንዘብ ማለት ኮንትራክተሩ የገባውን ውል በትክክል መፈጸሙን ለማረጋገጥ እና የመጨረሻ ሂሳብ ከመወራረዱ በፊት ለሚታዩ ጉድለቶች እንደ ዋስትና እንዲያገለግል አሰሪው (Employer) ከእያንዳንዱ ክፍያ ላይ ቀንሶ የሚያስቀረው የገንዘብ መጠን ነው።

የቅናሽ አሰራር (GCC Clause 61)
በGCC አንቀጽ 64.1 (ሐ)መሠረት፣ በኮንትራክተሩ የሚቀርቡ የእያንዳንዱ ጊዜያዊ የክፍያ ሰርተፊኬቶች (Interim Payment Certificates) በGCC አንቀጽ 61 በተጠቀሰው መሠረት የሪቴንሽን ቅናሽ ይደረግባቸዋል። ይህ አሰራር አሰሪው በሥራው ሂደት ውስጥ የፋይናንስ ዋስትና እንዲኖረው ያስችለዋል።

የተቀናሽ መጠን ገደብ (based on SCC)
በውሉ ልዩ ሁኔታዎች (SCC) ላይ የሚቀነሰው መቶኛ የሚወሰን ቢሆንም፣ አብዛኛውን ጊዜ ከእያንዳንዱ ጊዜያዊ ክፍያ (IP) ላይ 5% የመቀነስ አሰራር የተለመደ ሲሆን፣ በ GCC አንቀጽ 61 መሠረት ግን የሚጠራቀመው ጠቅላላ የሪቴንሽን መጠን በማንኛውም ሁኔታ ከጠቅላላ የውል ዋጋው 10% መብለጥ እንደሌለበት በጥብቅ ተደንግጓል።

የሪቴንሽን (Retention) ገንዘብ መች ይለቀቃል??

1⃣First release፦ጊዜያዊ ርክክብ (Provisional Acceptance) ተፈጽሞ የምስክር ወረቀት ሲሰጥ፣ የተጠራቀመው የሪቴንሽን ገንዘብ 50 በመቶው (ግማሹ) ለኮንትራክተሩ ይለቀቃል።

2⃣Final Release፦በGCC አንቀጽ 89 መሠረት የመጨረሻ ርክክብ (Final Acceptance) ተፈጽሞ የምስክር ወረቀት ሲሰጥ እና የኮንትራክተሩ ግዴታዎች በሙሉ ሲጠናቀቁ ቀሪው 50 በመቶ ይለቀቃል።


በባንክ ዋስትና (Bank Guarantee) መተካት በውል ልዩ ሁኔታዎች (SCC) ላይ ከተፈቀደ፣ አሰሪው ኮንትራክተሩ ሁለተኛውን 50 በመቶ የሪቴንሽን ገንዘብ ያለምንም ቅድመ ሁኔታ በሚቀርብ የባንክ ዋስትና (Unconditional Bank Guarantee) እንዲተካ ሊፈቅድ ይችላል። ይህም ኮንትራክተሩ የተያዘበትን ገንዘብ አስቀድሞ በማውጣት ለሥራ ማስኬጃ እንዲጠቀም ይረዳዋል።

#ContractAdministration #ConstructionEngineering #EthiopianConstruction #RetentionMoney #FPPA #SBD #NCB #ContractLaw #EngineeringTips #ProjectFinance

@etconp