Elyor Haydar
130 subscribers
224 photos
94 videos
24 files
202 links
Huvillab yotibdi qoraçiqlarim,
Hayhot, men ularni töldirolmadim.
Jangga tayyor turgan najotkor qalbni
Şe’rdan boşqasiga köndirolmadim!

Çori AVAZ
Download Telegram
Tilimizni faqat bayramda qadrlaymizmi?

Har yili oktyabr keldi degunça til haqida bong uramiz. Kamina ham şunday qilyapti. Bu eldan oşib qayoqqa ham borardim? Taşkilotlar qöşa-qöşa tadbirlar taşkil etadi, tabriklarlar yoziladi, tanlovlar ötkaziladi. Televideniye va radio esa 21-oktyabr munosabati bilan yuqoridan belgilangan reja va smetalarni bajariş uçun körsatuv, tok-şoular taşkil etadi. Ammo şu tadbirlarning qay birida çin samimiyat bor? Qay birida tilga muhabbatni sözlovçining nigohidan, ovozidan, yuragidan his qiliş mumkin?

Tilga muhabbatni balandparvoz jumlalar bilan ifodalaş oson. Uning nomiga «ona» sözini qöşib, tantanavor ohangda takrorlaş ham qiyin emas. Lekin şu sözlarning zamirida qanday tuyğu bor? Biz tilni çindan sevamizmi yoki uni seviş kerakligini eslatişgani uçungina sevgandek körinamizmi?

👉Batafsil

@Elyor_Haydar
❤2🔥2
Forwarded from Mashhura Alimardon
Aprel — o‘n sakkiz yosh qizdan-da go‘zal,
Kipriklari uzun sochlari xushbo‘y.
Erkalab bag‘rida o‘ynab shamolni
O‘ttiz kun borliqqa tortiq etar to‘y.

Aprel — sohibjamol, yashil kelinchak,
Bahorning olamga go‘zal tortig‘i.
Maysalar shiviri, musicha sasi,
Yuragim ohangdan ketar hapriqib!

Aprel — muhabbatning baland torlari
Avjida yafroqdan olingan bo‘sa!
Har sahar
Har oqshom
Har bitta lahza,
Osmonga termulib daraxtlar o‘sar!

Aprel — tovlanar uzun teraklar,
Boshida suzadi oppoq kemalar.
Aprel — bir o‘t, hayrat,
Yurak-yurakdan
ming yonib, to‘lg‘onib seni seni sevaman!

Aprel...

Elyor Haydarov

https://t.me/mashhuraabdurayimova
👍2🥰2❤‍🔥1❤1
Klassika, tuproqqa ko‘milib yotgan ildiz. Baribir qaytaveramiz!

@Elyor_Haydar
❤5🔥1🥰1🍓1
***

Tikanakka tölgan hovlimni
Tozalab bosarman hovrimni.
Bilmaymam qay lahza sovrildi,
Tinglayman yuragim şovrini!

Har parça yer uçun kuraş avjida
Savaşlar keçadi ona tuproq deb.
Jon berar ösimlik jim hovuçimni
Naştarida tilib ketar qonatib.

Baribir kuraşga töymayman, jasur
Ötga otib borgum begona ötni.
Tomirda alamin tiğda jam etib
Xuş körmas kamina devona yotni.

U ham ne desin şu yer vatani,
Tomirin hayotga eltgan tuproqdir.
Şum taqdir bir közda körmas barçani,
Kimdir xazon ketar kuzgi yaproqdek.

Yana bahor kelar, nişlar kökarib,
Kuç olar kuraşim avjiga çiqar.
Yurakda Qon yangliğ ruhni kötarib,
Kimdir mağlum ölsa, kim zafar quçar.

Har parça yer uçun kuraş avjida!

13.10.2026

@Elyor_Haydar
🔥3⚡1👍1
Bolaligimda çapaqay edim, öng qölda yozişga harakat qilardim, yozuvim xunuk çiqar, heç çiroyli yozolmasdim. suratdagi esa şaxsiy arxiv. Onam kundaligimni saqlab yurardi va hozir nostalgik kayfiyat beryapti bu!

Vaqt şoşqin, lahzalar ötaverar, odamlar kelib-ketaverar. Hozir kundaligimga termulib bolaligimni öylayapman. Bolaligimda esa bugunni öylardim, qiziq. Olam biz öylagançalik murakkab emas. Faqat ongimizda aqlbovar qilmas bir nimalarni yaratib olamiz. Xöş, hayot şu kundalik kabi beş bölmoqdami? Yöq. Muhimi köngil ozoda bölsin, ozordamas. Maqsad ulkan bölsa, uyoğini köraveramiz!

@Elyor_Haydar
👍4❤2🔥1
Kecha bog'da (UzHits.Net)
Botir Zokirov

Barg aro boqqan o‘shal yulduz qo‘nar ko‘zlarimga!


@Elyor_Haydar
❤3👍1
"UYGʻONISH ILHOMLARI" KOʻRIK-TANLOVINING VILOYAT BOSQICHI OʻTKAZILDI

Qarshi shahridagi Jurnalistlar uyida ijodkor yoshlar oʻrtasida "Uygʻonish ilhomlari" koʻrik-tanlovining viloyat bosqichi boʻlib oʻtdi.
Tanlovda 16 ta shahar va tumanlardan 18 yoshdan 30 yoshgacha boʻlgan ijodkorlar ishtirok etdilar. Ishtirokchilar nazm va nasr yoʻnalishi boʻyicha bilimlarini sinovdan oʻtkazishdi.
Ijodkorlarning chiqishlarini O‘zbekiston Yozuvchilar uyushmasi aʼzosi, "Sharq yulduzi" va "Zvezda vostoka" jurnallari bosh muharriri o‘rinbosari Aziz Said, uyushma aʼzosi Nasrullo Ergash, viloyat bo‘limi rahbari G‘ulom Abdiyevlardan iborat hakamlar hayʼati tomonidan tinglanib, saralandi.

​Nazm yoʻnalishi boʻyicha:
​1-oʻrinni Muborak tumanidan Saidmurodov Abdulloh,
​2-oʻrinni Qarshi tumanidan Haydarov Elyor,
​3-oʻrinni Ko‘kdala tumanidan
Sattorova Hulkaroy egalladi.

​Nasr yoʻnalishi boʻyicha:
​1-oʻrinni Ko‘kdala tumanidan Laylo Sobir qizi,
​2-oʻrinni Kasbi tumanidan O‘ngboyev Ramazon,
​3-oʻrinni Kitob tumanidan Omonova Gulasal qoʻlga kiritdi.
​Gʻoliblar Oʻzbekiston Yozuvchilar uyushmasi tomonidan sertifikat va pul mukofotlari bilan taqdirlanib, Respublika bosqichiga yoʻllanma oldilar.

​Oʻzbekiston Yozuvchilar uyushmasi Qashqadaryo viloyat boʻlimi
https://t.me/qashqadaryo_adabiyoti
​
🔥2🕊1
Yölin yöqotsa odam – muhabbatga suyangay,
Ğussaga botsa odam – muhabbatga suyangay,
Çorasiz qotsa odam – muhabbatga suyangay,
Men kimga suyangayman, birinçi muhabbatim,
Faqat eslab yongayman, birinçi muhabbatim.

Abdulla Oripov
❤4🔥1😢1
Hayot kitobimni bexos varaqlab,
Men o‘tgan umrga achinmay qo‘ydim.
Tabassum o‘rnida kuldim charaqlab,
Suyish kerak bo‘lsa — telbacha suydim.

Zulfiya Isroilova
🔥7❤2
This media is not supported in your browser
VIEW IN TELEGRAM
🔥3
This media is not supported in your browser
VIEW IN TELEGRAM
🔥2
Forwarded from Shavkat Rahmon
ЁШ ЎЗБЕК ШОИРЛАРИГА

Сўзларни қайрайлик,
обдон тоблайлик,
идрок-ла совутиб тағин қайрайлик,
Ўзбекнинг қоракўз болаларига
битта дунё қолсин ҳайратлик.
Битта дунё қолсин мустаҳкам,
эшилган пўлатдай дарёлар қолсин,
чақилмас тошлардай бир тоғлар қолсин,
мусаффо хаёллар,
самолар қолсин.
Сўзларни қайрайлик,
дўстлар, жўралар,
ғафлат тўшагида ётмай, шошайлик:
яшамоқ, курашмоқ, ўлмоқ сирларин
болакайлар учун очайлик.
Битта дунё қолсин мустаҳкам,
унга посбон бўлсин ўткир шеъримиз,
токим бу дарёлар бемалол оқсин,
болаларга қолсин жаннат еримиз.
Сўзларни қайрайлик,
тағин қайрайлик,
токим кескир бўлсин бамисли олмос.
Ўткир сўз қолмаса шоирларидан,
ўткир сўз қолмаса...
ҳеч нарса қолмас.

Шавкат РАҲМОН
❤2
* * *

Bu elga g‘am emas, yomg‘irlar yog‘sin,
Bahor yomg‘irlari, kuz yomg‘irlari,
Sevinch yomg‘irlari, ishonch yomg‘irlari,
Yog‘sin-ey, mayliga, sog‘inch yomg‘irlari,
Sog‘inib-sog‘inib kelgan bu elga,
Suyanib-surinib kelgan bu elga,
So‘kilib-sovrilib kelgan bu elga,
Suqlanib-sarg‘ayib kelgan bu elga,
Yog‘sin-ey, mayliga quvonchlar yog‘sin.

Borini berib ham, bo‘htonlar olgan,
Zorini aytib ham, zorlanib qolgan,
Somonday sarg‘ayib, har yon sochilib,
Tola-tola bo‘lib, toliqib tolgan
Bu elga quvonchlar, ishonchlar yog‘sin!
Bu qanday zamondur, bu qanday davron,
Umrim, o‘z holingga o‘zingsan hayron,
Ne xatolar qilding, aytsang-chi, axir,
Ko‘ngil-da vayrondir, imon-da vayron.

Sarg‘aygan qamishday sarg‘aygan go‘dak,
Sendan qadrlimi bir dona ko‘sak?
Dardim daryo bo‘lib oqizmas meni,
Yelkamda ko‘tarib ketsam men seni.
Seni qanday asray, ko‘zi qaroliq,
Qo‘llarim cho‘zarman, qo‘llarim bog‘liq,
Bu dunyo gumrohdir, gumroh odamlar,
Jilmayib boqarlar, yuraklar dog‘liq!

Ko‘klikdan ko‘karmay, sarg‘aygan sohil,
Ummoning qaydadir, gumoning qayda,
Seni ham kul qildi, kul bo‘lgan hosil,
To‘foning qayda hey, suroning qayda?!
Oh urib, ohimni men kimga aytay,
Qani, u tush bo‘lsa, jimgina yotay.
Lek, ruhim tirmalib, sanchilar sanchiq,
Qarog‘im qichqirsa, men qanday yotay!

Bu elga g‘am emas, yomg‘irlar yog‘sin,
Bahor yomg‘irlari, kuz yomg‘irlari.
Bahorday borliqni quvonchga qorsin,
O‘zlik yomg‘irlari, o‘z yomg‘irlari…

Tilak JO‘RA
❤4👍1
Yomg‘irlar begona, men-da begona.
❤3🥰1