رسول اللہ ﷺ نے فرمایا:

«كَيْفَ بِكَ يَا سُرَاقَةُ إِذَا لَبِسْتَ سِوَارَيْ كِسْرَى؟»

“اے سراقہ! اُس وقت تمہارا کیا حال ہوگا جب تم کسریٰ کے دونوں کنگن پہنو گے؟”

یہ واقعہ ہجرت کے سفر میں پیش آیا، جب سراقہ بن مالکؓ نبی ﷺ کا تعاقب کر رہے تھے۔ بعد میں حضرت عمرؓ کے دورِ خلافت میں کسریٰ کے خزانے سے کنگن لائے گئے اور سراقہؓ کو پہنائے گئے، یوں نبی ﷺ کی پیش گوئی پوری ہوئی۔

معانی اور مطلب👇

بڈّھے بلوچ کی نصیحت بیٹے کو
ارمغانِ حجاز

غیرت ہے بڑی چیز جہانِ تگ و دو میں
پہناتی ہے درویش کو تاجِ سرِ دارا

معانی: غیرت: اپنی عزت یا عزت نفس برقرار رکھنے کا جذبہ ۔ جہان تگ و دو: یہ دنیا جہاں زندگی گزارنے کے لیے بڑی دوڑ دھوپ کرنی پڑتی ہے ۔ درویش: خدا سے لو لگائے ہوئے دنیاوی سازوسامان سے بے گانہ شخص ۔ تاج سردارا: دارا کے سر کا تاج، دارا ایران کا ایک بادشاہ گزرا ہے ۔
مطلب: انسان کے لیے اصل سرمایہ دنیا کا سازوسامان اور آرائش و آسائش نہیں بلکہ اپنی عزت اور عزت نفس کو برقرار رکھنا ہے ۔ یہ وہ جذبہ ہے جو خدا مست اور دنیا سے بے نیاز شخص کو دارا کا تاج پہناتی ہے ۔ وہ بوریا نشیں ہو کر بھی تخت نشیں ہوتا ہے اس لیے تو اسے علاقے میں دلی اور بخارا جیسی رونق نہ ہونے کو دیکھ بلکہ یہ دیکھ کہ جو عزت نفس تو یہاں ملحوظ خاطر رکھ سکتا ہے وہ ان شہروں میں نہیں ہے ۔

معانی اور مطلب👇

غزل
نالہ ہے بلبلِ شوریدہ ترا خام ابھی

بانگِ دا

بے خطر کود پڑا آتشِ نمرود میں عشق
عقل ہے محوِ تماشائے لبِ بام ابھی

معانی: بے خطر: بے خوف ہو کر ۔ آتشِ نمرود: حضرت ابراہیم کے زمانے کے بادشاہ نمرود کی بھڑکائی ہوئی آگ جس میں آپ کو ڈالا گیا تو وہ حکم خدا سے گلزار بن گئی ۔ عشق: اشارہ ہے حضرت ابراہیم کی طرف جو محبوب حقیقی کے عشق سے سرشار تھے ۔ محو: مصروف، ڈوبی ہوئی ۔ تماشائے لبِ بام: چھت پر نظارہ کرنے کا عالم ۔
مطلب: اس کا ثبوت یہ ہے کہ حضرت ابراہیم عشق الہٰی کے طفیل انجام کی پرو اکیے بغیر نمرود کی آگ میں کود پڑے ۔ اس کے برعکس اگر یہ عمل عقل و دانش تک محدود ہوتا تو وہ پہلے تمام حالات کا احتیاط سے جائزہ لیتے اور فوری عمل سے گریز کرتے ۔

لگتا نہیں ہے دل مرا اُجڑے دیار میں
بہادر شاہ ظفر ؒ
-------------
لگتا نہیں ہے دل مرا اُجڑے دیار میں
کس کی بنی ہے عالمِ ناپائدار میں

بُلبُل کو باغباں سے نہ صَیَّاد سے گلہ
قسمت میں قید لکّھی تھی فصلِ بہار میں

کہہ دو اِن حسرتوں سے کہیں اور جا بسیں
اتنی جگہ کہاں ہے دلِ داغدار میں

ایک شاخ گل پہ بیٹھ کے بلبل ہے شادمان
کانٹے بچھا دیے ہیں دل لالہ زار میں

عُمْرِ دراز مانگ کے لائے تھے چار دن
دو آرزو میں کٹ گئے دو انتظار میں

دِن زندگی کے ختم ہوئے شام ہو گئی
پھیلا کے پاؤں سوئیں گے کُنجِ مزار میں

کتنا ہے بدنصیب ظفر دفن کے لیے
دو گز زمین بھی نہ ملی کوئے یار میں

والد کی وفات پر - ندا فاضلی

اپنے والد کی وفات پر کہی گئی ایک بہت ہی جذباتی نظم

تمہاری قبر پر
میں فاتحہ پڑھنے نہیں آیا

مجھے معلوم تھا
تم مر نہیں سکتے

تمہاری موت کی سچی خبر جس نے اڑائی تھی ، وہ جھوٹا تھا

ظریفانہ
بانگِ درا

جان جائے ہاتھ سے جائے نہ ست
ہے یہی اک بات ہر مذہب کا تت
چَٹّے بَٹّے ایک ہی تھیلی کے ہیں
ساہُو کاری، بِسوہ داری، سلطنت

ست: سچ یا صداقت۔
تَت: نچوڑ یا اصل حقیقت
چٹے بٹے ایک ہی تھیلی کے ہیں: سب ایک ہی قماش اور فطرت کے حامل ہیں
۔اہُو کاری، بِسوہ داری، سلطنت: سود خور (ساہوکار)، زمیندار/جاگیردار (بسوہ دار)، اور حکمران طبقہ (سلطنت)۔

ترجمہ: انسانی جان چلی جائے لیکن سچ (ست) ہاتھ سے نہ جانے پائے، تمام مذاہب کا نچوڑ یہی صداقت ہے۔سرمایہ دارانہ نظام کے سود خور، جاگیردار اور حکمران—یہ سب عوام کا استحصال کرنے میں ایک ہی جیسے ہیں۔ ان میں کوئی فرق نہیں۔

❤️ شریکِ حیات صرف زندگی کا ساتھی نہیں، دل کا سکون بھی ہوتا ہے۔

اچھا شریکِ حیات وہ ہے جو خوشی میں ساتھ دے، مشکل وقت میں حوصلہ بنے، اور ایک دوسرے کو اللہ کے قریب کرنے کا ذریعہ بنے۔ 🤍

اپنے شریکِ حیات کی قدر کیجیے، کیونکہ محبت صرف الفاظ سے نہیں، رویّے سے بھی ظاہر ہوتی ہے۔

#شریک_حیات #ازدواجی_زندگی #میاں_بیوی #محبت #نکاح اسلامی_باتیں اسلامی_ویڈیو خاندانی_زندگی نصیحت Deen IslamicReminder

تم عشق میں بہکتی ہوئی زلیخا کو دیکھ کر رشک کرتے ہو
کیا تم نے رب کے عذاب سے ڈرتا حضرت یوسف نہیں دیکھا

حیا نہیں ہے زمانے کی آنکھ میں باقی
خدا کرے کہ جوانی تری رہے بے داغ

مبتلائے درد کوئی عضو ہو روتی ہے آنکھ
کس قدر ہمدرد سارے جسم کی ہوتی ہے آنکھ

جلالِ پادشا ہی ہو کہ جمہوری تماشا ہو
جُدا ہو دیں سیاست سے تو رہ جاتی ہے چنگیزی
ڈاکٹر علامہ اقبال .

ایک قطرہ ہی سہی مجھے ایسی صفت دے
مولا
کوئی پیاسا جو دیکھوں تو دریا بن جاؤں

خودی کا نشیمن ترے دل میں ہے
فلک جس طرح آنکھ کے تِل میں ہے

شرح
آنکھ کی پتلی ایک ننھا سا نقطہ ہے مگر پورا آسمان اسی میں سما جاتا ہے۔ اقبال کہتے ہیں کہ خودی کا ٹھکانا بھی انسان کا دل ہے۔ دل جسم کے لحاظ سے چھوٹا ہے مگر اس میں وہ وسعت ہے جو افلاک کو اپنے اندر سمو لے۔
یہ تشبیہ دو باتیں سکھاتی ہے۔ پہلی یہ کہ خودی کو باہر نہیں ڈھونڈنا، وہ انسان کے اپنے باطن میں ہے۔ دوسری یہ کہ ظاہری چھوٹا پن حقیقی چھوٹے پن کی دلیل نہیں۔ ساقی نامہ میں اس شعر کے فوراً بعد اقبال خبردار کرتے ہیں کہ خودی کے نگہبان کے لیے وہ روٹی زہر ہے جس سے اس کی آبرو جاتی رہے۔ یعنی جو چیز دل میں اتنی وسعت رکھتی ہے اس کی حفاظت بھی اتنی ہی ضروری ہے۔

کتاب: بالِ جبریل | منظومات | نظم: ساقی نامہ

پیر نصیر الدین نصیر گیلانی رحمتہ اللہ علیہ 🤍🥀
.

خودی میں ڈوب جا غافل! یہ سِرِّ زندگانی ہے
نکل کر حلقۂ شام و سحَر سے جاوداں ہو جا

شرح
غافل وہ ہے جو اپنی حقیقت سے بے خبر ہو۔ اقبال اسے پکارتے ہیں کہ خودی میں ڈوب جا کیونکہ زندگی کا بھید یہی ہے۔ ڈوبنا یہاں گہرائی میں اترنے کا استعارہ ہے، سطحی زندگی سے نکل کر اپنے باطن کی تہ تک پہنچنا۔
دوسرا مصرع اقبال کے فلسفۂ وقت کی طرف اشارہ کرتا ہے۔ حلقۂ شام و سحر وہ وقت ہے جو گھڑی سے ناپا جاتا ہے، دن رات کا چکر جس میں انسان قید رہتا ہے۔ تشکیلِ جدید کے دوسرے خطبے میں اقبال اسی ناپے جانے والے وقت اور خالص دوام میں فرق کرتے ہیں، اور مسجدِ قرطبہ میں "سلسلۂ روز و شب" کا ذکر اسی پس منظر میں ہے۔ جو خودی میں ڈوب جاتا ہے وہ اس چکر سے بلند ہو کر دوام کا حصہ بن جاتا ہے۔

کتاب: بانگِ درا | منظومات، حصّہ سوم | نظم: طلوعِ اسلام

عالمى مجلس اقبال

جو عالم ایجاد میں ہے صاحب ایجاد
ہر دور میں کرتا ہے طواف اس کا زمانہ