Yaqinda tayinlangan Yaponiyaning O‘zbekiston Respublikasidagi Favqulodda va Muxtor elchisi janob Hirata O‘zbekistonda faoliyat yuritayotgan JICA ko‘ngillilari va ekspertlarini Elchi qarorgohiga taklif qildi hamda har bir loyiha bilan yaqindan tanishib chiqdi.

Ushbu tadbirning menga ayniqsa yoqqan jihati shundaki, 2025-yil dekabr oyida Prezidentimizning Yaponiyaga bo‘lgan tashrifi doirasida qariyb 75 ta kelishuvga erishilgan va ikki tomonlama e’lon qilingan kelishuv deklaratsiyasida “JICA” so‘zi 35 marta tilga olingan.

Bu raqamlarning o‘ziyoq O‘zbekiston va Yaponiya o‘rtasidagi aloqalarni mustahkamlash yo‘lida JICA ning qanchalik muhim rol o‘ynayotganini yaqqol ko‘rsatib turibdi.

Bugun men birga ishlayotgan insonlarni yana bir bor yangidan kashf qildim.
Ular — har bir sohada jonkuyar, o‘z ishining chinakam professionali, O‘zbekistonni samimiy sevadigan insonlar ekan.

Ikki davlat o‘rtasidagi aloqalarning rivoji — aynan shu aloqaga daxldor har bir insonning kundalik fikri, mas’uliyati va harakatiga bog‘liq.

Bir-birimizdan o‘rganib, birga rivojlanishda davom etamiz.

🚀Telegram📷 Instagram 🔵Facebook

Yaponiyada Viza va Yashash Ruxsatnomasi (Zairyu) To‘lovlari Oshiriladi!

Yaponiyada yashayotgan yoki kelishni rejalashtirayotgan vatandoshlar diqqatiga! Yaponiya hukumati 2026-moliya yilidan (2026-yil aprelidan) viza va yashash hujjatlarini rasmiylashtirish to‘lovlarini sezilarli darajada oshirishni rejalashtirmoqda.
Aniq qaror Yanvar yoki Fevral oyida bo'lib o'tadigan yillik budjet taqsimoti deputatlar yig'lishi vaqtida aniq bo'ladi.

Ushbu o‘zgarishlar 1978-yildan beri birinchi marta amalga oshirilmoqda. Maqsad — viza tekshiruvlarini kuchaytirish va xizmat sifatini G7 davlatlari darajasiga ko‘tarishdir.
Kutilayotgan yangi narxlar (taxminan):
🔹 Viza (O'zbekistondan viza oladganlarga ta'sir qiladimi hali aniq emas. Ayni vaqtda O'zbekistondan bir martalik qisqa muddatli viza olish tekin):
Bir martalik (Single) viza: ~3,000 iyendan → ~15,000 iyengacha.
Ko‘p martalik (Multi) viza: ~6,000 iyendan → ~30,000 iyengacha.
🔹 Yaponiya ichida (Nyukan to‘lovlari):
Vizani uzaytirish (Koshin) yoki o‘zgartirish (Henko): 6,000 iyendan → 30,000 - 40,000 iyen atrofida.
Doimiy yashash (Eijyu) ruxsati: 10,000 iyendan → 100,000 iyendan yuqori bo‘lishi kutilmoqda.
Nima uchun oshirilmoqda?
Yaponiya hukumati ushbu mablag‘lar hisobidan noqonuniy migratsiyaga qarshi kurashish va immigratsiya tizimini raqamlashtirishni (tezlashtirishni) rejalashtirgan.

Eslatma: Ushbu o‘zgarishlar 2026-yilning aprelidan kuchga kirishi kutilmoqda. Agar vizangizni uzaytirish yoki hujjat topshirish muddati o‘sha vaqtga yaqin bo‘lsa, ushbu xarajatlarni oldindan hisobga olishingizni maslahat beramiz.

Ayni vaqtda ishchi vizasi qiladigan holatda ish beruvchi viza to'lovlarini to'lashi odatiy holat edi. Bundan keyin siz ishga kiradigan kompaniya bilan ham oldidan kim xatajatlarni qoplaydi aniqlashtirib oling.
Mening shaxsiy fikrimcha Yapon kompaniyalari xarajatni qoplashni bo'yniga olishadi. Bir tomondan bu biz chet elliklar uchun o'zimini ko'rsatish, aslida oddiy ishchi emas, Yapon kompaniyasi chet ellikni ishga olganidan katta foyda ko'rishini isbotlash uchun imkoniyat deb o'ylayman.
🚀Telegram📷 Instagram 🔵Facebook

O‘zbekistonda universitetlar soni 200 tadan oshdi.
Xo‘sh, shunday bo‘lsa ham oliy ta’lim olish uchun chet elga chiqish kerakmi?

Ko‘p ota-onalar farzandining O‘zbekistondagi universitetda o‘qishini xohlashadi. Buning bir nechta asosli sabablari bor.

Birinchidan, farzand ota-onaga yaqin bo‘ladi — xavotir kamroq.
Ikkinchidan, ta’lim nisbatan arzon.
Uchinchidan, “bitirgandan keyin ish aniq bo‘ladi” degan ishonch bor.

Chunki sovet davrida va mustaqillikning ilk yillarida universitetlar juda kam edi. O‘sha paytda universitet bitirganlarning aksariyati yaxshi daromadli ish bilan ta’minlangan. Hozir vaziyat boshqacha.

Lekin bir haqiqatni tan olish kerak.

O‘zbekiston ham asta-sekin dunyodagi boshqa davlatlar kabi oddiy (normal) davlatga aylanib bormoqda. Ya’ni, universitetga kirish — alohida tanlanganlar emas, oddiy odamlar qiladigan odatiy jarayonga aylanmoqda.

Masalan, Yaponiyada 700 dan ortiq universitet bor. Tabiiyki, bu universitetga kirishni osonlashtiradi.

Muammo boshqa joyda.
Siz qaysi universitetda o‘qiyapsiz?

Bugun ko‘p uy vazifalarini AI orqali qilish mumkin. O‘qituvchidan olinadigan bilim ham avvalgidek yagona manba emas. Shunday sharoitda savol tug‘iladi:

Unda universitetda o‘qishning foydasi nimada?

Mening nazarimda, universitetning asosiy afzalliklari quyidagilar:

• Universitet — katta hayotga birinchi qadam.
Maktabda ota-ona bag‘rida, ma’lum bir “himoya zonasi-SHELTER”da bo‘lamiz. Universitet esa shu zonadan chiqishdir.

• Universitet — jamiyatni o‘rganish joyi.
Siz pul to‘laysiz. Endi majburiy ta’lim emas, siz mijozga aylanasiz.

• Universitet — networkingning boshlanishi.
Yangi do‘stlar, jamoalar, balki umr bo‘yi yoningizda qoladigan insonlar bilan tanishish.

• Universitet — bilimni hayotda sinab ko‘rish bosqichi.
Faqat bilish emas, ishlatish va natijasini ko‘rish.

Endi asosiy savol:
Universitetni O‘zbekistonda o‘qish kerakmi yoki chet elda?

Men shaxsan chet elda o‘qish tarafdoriman.

Sababi oddiy:
mustaqillik, intizom, vaqtni boshqarish, mas’uliyat.

Chet elda “muddatdan kechikdim”, “ChatGPT bilan qildim” degan bahonalar ishlamaydi. Tanishlar, iltimoslar bilan ishlar hal bo‘lmay qoladi — va bu sizni majburan o‘sishga majbur qiladi.

Albatta, O‘zbekistonda ham qattiq talab qiladigan universitetlar bor. Lekin ularni aniq topish va solishtirish kerak.

Yana bir muhim jihat.

Universitetni tugatganingizda siz odatda 22 yosh yoki undan katta bo‘lasiz.
Kimdir ishga kiradi, kimdir oila quradi. Yoshlik davri cheklanadi.

Shuning uchun universitetdan keyin 100% risk bilan yangi yo‘l boshlash uchun vaqt kamroq bo‘ladi.

Xulosa shuki:
har birimiz o‘z hayotiy maqsadimizga qarab yo‘l tanlashimiz kerak. Har bir tanlov kelajakda katta burilishlarga olib keladi.

Hammaga omad.
🚀Telegram📷 Instagram 🔵Facebook

AI qanchalik tez rivojlanib, kundalik ishlarni bir zumda bajarayotganini menimcha barchangiz his qilyapsiz.
Kecha Shvetsariyaning Davos shahrida bo'lgan Nividia kompaniyasi va Teslaning boshlig'i Elon Maskning dunyodagi eng katta investitsiya fondi boshqaruvchisi BlockRock kompaniyasi boshlig'i bilan bo'lgan suhbatlarni albatta tomosha qilishingizni tavsiya qilaman.

Jensen va Larry: https://youtu.be/eqpkLUUDvNg?si=95WOhCnYi-am7ncc
Elon va Larry: https://www.youtube.com/live/IgifEgm1-e0?si=46mCewJeIyrppAfj

Chat GPT yoki boshqa AI ning pullik versiyasini oramizda necha kishi ishlatyapti?

🚀Telegram📷 Instagram 🔵Facebook

Bugun Yaponiyadagi hamkorim menga bitta to‘rt iyeroglifli iborani (四字熟語-yojijukugo)yubordi:
大所高所（Taisho Kōsho）ー今後とも大所高所よりご指導のほどよろしくお願い申し上げます。

Bu ibora menga juda yoqdi.

Ma’nosi:
Masalaga kengroq nuqtai nazardan,
balandroq joydan qarab,
faqat bugunni emas, kelajakni ham hisobga olib fikrlash.

Oddiy qilib aytganda:
Bugungi kichkina foyda, hissiyot yoki bosim bilan emas,
katta manzara va uzoq muddatli natija bilan qaror qabul qilish.

Bu nima uchun yoshlar uchun muhim?

Bugun ko‘pchilik shoshadi:

tez pul topish

tez mashhur bo‘lish

tez natija ko‘rish

Lekin hayotda kuchli bo‘ladigan odamlar boshqacha yo‘l tanlaydi:
ular bir qadam orqaga chiqib, vaziyatga balanddan qaraydi.

“Bu qaror 5 yildan keyin menga nima beradi?”
“Bugun qulay, lekin ertaga afsus bo‘lmaydimi?”
“Hamma qilayotgan yo‘lmi yoki menga mos yo‘lmi?”

Mana shu savollar — 大所高所 fikrlashning o‘zi.

Xulosa

Katta qarorlar:

qaysi yo‘nalishni tanlash,

qayerda o‘qish,

qaysi ishga kirish,

kimlar bilan yaqin bo‘lish,

bularni mayda hissiyot bilan emas,
keng fikr va baland nuqtai nazar bilan qabul qilish kerak.

Shunda xato kamroq, natija kattaroq bo‘ladi.
🚀Telegram📷 Instagram 🔵Facebook

Ayni vaqtda sizda:
-Pul
-Bilim
-Network (Insoniy aloqalar)
-No moddiy boyliklar
Kam bo'lishi mumkin.

Lekin sizda hozir eng ko'p narsa bu sizning VAQTINGIZ.
Chunki ayni hozir umringizning eng uzoq nuqtasida turibsiz va bu vaqt soniya sayin kamayib boraveradi.
Lekin shund ham sizing eng katta boyligingiz bu sizning VAQTINGIZ.

VAQT ni to'g'ri boshqagan kishi dunyoni boshqaradi.

Xo'sh siz eng qadrli boyligingiz bo'lgan vaqtni kundalik nimalarga ishatyapsiz?
Hammaning ham siz kabi 24 soat vaqti bor.
Lekin ba'zi kishlar juda ko'p narsaga ulguradi, ba'zilar esa yo'q.

Mening sizga vaqtni boshqarish haqidagi qisqa maslahatim:
- Uyqu bir kunda 7 soatdan ko'p kerak emas. 18-25 yoshlar orasida 5-6 soat ham juda yetadi.
- Kechasi erta uxlab, ertalab erta turish. Ertalab hamma uxlaganda siz juda ko'p ishga ulgurasiz. Kechasi sizni e'tiboringizni tortadigan narsalar juda ko'p. Shuning uchun kechasi tezroq uxlash afzal.
- Eski tanish, sinfdosh, kursdosh, hamkasblar bilan samarali vaqt o'tkazish. Siz ulardan oladigan narsalaringizni allaqachon olgansiz.
- Ish vaqtini faqat ish emas, siz o'zingiz uchun o'sish vaqtiga aylantirishingiz kerak. Ishdan siz nimadir olishingiz, bilimlaringiz oshishi kerak. Faqat ishlab vaqt o'tkazib ishdan tezroq qochish kerak yoki ishni jarayonini o'zgartirib, bilim ham olish kerak.
- Sport bilan shug'llanish. Chunki jismoniy harakat, miyyani tez ishlashiga katta yordam beradi.

時間を制する者は世界を制する！

🚀Telegram📷 Instagram 🔵Facebook

Yaponiyada ishlashim davomida juda ko'p managerlarni ko'rdim.
Biri Micro Management, Biri imkoniyat bermaydi, Biri juda katta erkinlik beradi, biri qattiq qo'l, biri juda yumshoq.
To'g'risini tan olish kerak, birlari bilan ishlashga odam zerikardi, birlaridan odam motivatsiya olar edi.
Lekin bitta narsa, hammalaridan hech bo'lmasa bitta bilim olishga, ulardan bilim o'g'rilashga harakat qilar edim.
Bir zo'r kishini hamma tomonini o'zingizga olishingiz qiyin, lekin har xil odamlardan o'zingizga kerak bilimlarni, skill-larni olish imkoniyati bor.
Bugungi mavzu o'rtoqlar: Har kimdan bizga eng kerak bo'lgan, ISH O'G'RILAYMIZ!
🚀Telegram📷 Instagram 🔵Facebook

Ko‘pchilik tadbirkorlik yoki boy bo‘lish haqida o‘ylaganda, darrov Jeff Bezos, Elon Musk kabi odamlarni misol qilib oladi. Bu tabiiy. Lekin amalda bu yondashuv ko‘p hollarda foyda bermaydi.

Sababi juda oddiy.

Bu insonlar bizdan juda uzoqda. Ularning yo‘li, sharoiti, vaqti, risk darajasi va imkoniyatlari biznikidan mutlaqo boshqa. Ularni ko‘rib ilhom olish mumkin, lekin ularga qarab real qadamni rejalash qiyin.

Aslida eng to‘g‘ri namuna — bu sizdan bir qadam oldinda yurgan odam.

Masalan:

bitta do‘koni bor tadbirkor

bitta restoran ochgan inson

o‘z kasbida barqaror daromadga chiqqan mutaxassis

Bu odamlar:

qayerda qiynalganini biladi

nimadan boshlaganini eslaydi

real xatolarini ochiq ayta oladi

Shu sababli ularning tajribasi siz uchun ancha foydaliroq.

Bu faqat biznesda emas, bilim olishda ham shunday.

Masalan, til o‘rganish:
Ko‘pchilik darrov N1 yoki native darajadagi odamlarni kuzatadi. Lekin bunday odamlar ko‘pincha:

jarayonni unutib yuborgan bo‘ladi

“qanday o‘rgandim”ni aniq tushuntira olmaydi

Asl foydali namuna — sizdan biroz oldinda yurgan kishi:

・N3 yoki N2 ga yangi chiqqan

・yaqinda ishlay boshlagan

・hali xatolarni eslaydigan odam

Uning yo‘li sizga yaqin, shuning uchun takrorlash oson.

Xulosa:
・katta orzular yomon emas. Lekin katta orzularga kichik va real qadamlar orqali boriladi.

Bugun sizga Ilon Mask yoki Donald Trump (dieta qilayotganlar uchun Black Pink-dagi Jeni) emas,
sizdan bir qadam oldinda yurgan inson ko‘proq yordam beradi.

Shuni toping. Shu odamni kuzating. Shu odamdan o‘rganing.

🚀Telegram📷 Instagram 🔵Facebook

Yaponiyaning Hyogo prefekturasida Coin Parking-da 6 yil mashina to'xtatib, pulini bermagan kishi qo'lga olindi.
6 yillik Parking summasi 3,000,000 iyena, 20 ming dollar bo'ldi.
https://news.yahoo.co.jp/articles/4e5012795d7d9f13abb3c8296ca1b5491a2938aa


Sizning har kuni, lekin ozgina qilgan yaxshi ishingiz kun kelib katta natija ko'rsatadi. Aksincha har kuni qilingan behuda harakat albatta sizdan qasos oladi.

O'z maqsadingiz sari ozroq, lekin har kuni, bir qadam qo'yishni odat qilaylik.

🚀Telegram📷 Instagram 🔵Facebook

Siz ishlayotgan yoki o'qiyotgan joyning P&L haqida qiziqgansizmi?
P&L degan Profit and Loss. Ya'ni necha pul foyda, necha pul zarar, qayerdan, nimani evaziga pul kiradi va qayerga nima uchun, qancha to'lanadi.

Aslida bu juda ko'pchilik shu jumladan men ham mana shu ma'lumotga qiziqmagan yoki chuqur o'ylamagan vaqtlarim bo'lgan. Lekin P&L ga qiziqgan kishi, o'zi bilmagan holda tadbirkorlik haqida, jamoani boshqarish haqida o'ylashni boshlaydi. Bugun o'zingiz ishlayotgan, yoki o'qiyotgan joyning daromadlari va xarajatlari qanday bo'lyapti, sizning bir oylik oyligingiz chiqishi uchun siz qanday foyda olib kelishingiz kerak? Shuni bilgan kishining ishdagi o'zini tutishi yer bilan osmoncha o'zgaradi.

🚀Telegram📷 Instagram 🔵Facebook

Kecha https://t.me/u_senpaiclub a'zolari bilan "business dinner" tashkil qildik.

Qozonga yaqin yursang qorasi yuqadi deganlaridek, jamoadagi barcha katta maqsad, reja, niyyatga va harakatga ega bo'lgan insonlar.

Shu yerda bir Yapon iborasizni ishlatmoqchiman.
万里一空ーo'qilishi ばんりいっくう　

Ma'nosi: Qancha uzoq bo'lmasin, hatto 10,000 km, uzoqda bo'lsa ham yagona osmon ostidamiz. Siz ko'rayotgan manzara qancha uzoq bo'lmasin, harakat qilsangiz albatta yetib borasiz.

Biz havas qiladigan har qanday inson, u ham albatta odam bolasi. Xuddi siz va biz kabi. Bir kimga havas qilib, o'sha kishiday bo'lishga harakat qilsak albatta, eng kamida shu kishidek bo'lamiz. Odam qilganni odam qilaoladi deydi. Shuning uchun qo'rqmasdan qadamlarni oldinga tashlaymiz.

🚀Telegram📷 Instagram 🔵Facebook

Men maktabda juda a'lochilar qatoriga kirmas edim. Yapon Universitetida ham o'qigan vaqtim, darslar Yapon tilida va Yapon kursdoshlarim juda aqilli, ular bilan bilim jihatdan bellashishni xayolga ham olib kelmas edim. NEC da ham kam sonli chet elliklardan edim va Yapon ham kasblarimga nisbatan kamchiligi juda ko'p edi.

Lekin qayerda bo'lmasam ham, ulardan ortda qolmaslik uchun, bitta narsaga amal qilar edim. Bu ham bo'lsa, boshqalarga nisbatan, {maktabga ertaroq kelish, dars vaqtida auditoriyaning eng ol yoki hech bo'lmasa oldiroq partasida o'tirish, hammadan kamida 1-2soat vaqt sarflash, erta kelib kechroq ketish.}

Ba'zi kishilarda tug'ma talant va kuchli istedod bo'ladi. Sizda ham shu narsalar bormi? Bo'lmasa qanday yo'l bilan ortda qolmaslikka harakat qilyapsiz?

Rasmda mening qadrdon do'stlarim va men hayotimda birinchi marta ko'rgan Yaponiyalik inson Tanaka Sensei. 2008-yil, UJC tashkil qilgan bayramdan.

🚀Telegram📷 Instagram 🔵Facebook

O'tgan shanba kuni Respublika Notiqlik San'ati musobaqasiga hakam sifatida qatnashdim va o'zbekistonliklarning yapon tilini qay darajada yaxshi bilishiga yana bir bor amin bo'ldim.

Bugun sizlarga Yapon tili Notiqlik san'atida g'olib bo'lishning qisqagina siri haqida aytib bermoqchiman.
Yapon tilida nutqni chiroyli, odamni yuragiga yetib boradigan qilib aytib berish juda muhim. Oxirgi vaqtlar AI rivojlangani uchun Textni chiroyli qilib yozish, uni native kabi yodlab aytish nisbatan osonlashgan degan qarash kuchaymoqda.

Aynan shu safar ham shunday qarash hakamlar ichida kuchli bo'ldi. Lekin savol javob qismida kim nima haqida gapirayotgani, va o'z nutqini qanchalik tushunishi yaqqol bilinadigan bo'lim bo'ldi.
Savolni tushunish bu bitta masala. Ikkinchisi shu savolga qanchalik chuqur, qanchalik mantiqiy va konstruktiv javob berish bu ikkinchi masala. Bu yerda nutqni qanday darajada yodlaganingiz ahamiyatini yo'qotadi.

Yana bir muhim jihat bu mavzu tanlash. Siz qanchalik chiroyli gapirmang, qanchalik savollarga yaxshi javob bermang, lekin mavzu Yapon tili, O'z hayotingiz, jamiyat muammolari haqida bo'lmasa siz yaxshi baho olishingiz qiyin. Chunki Nutq qachonki siz o'z tajribalaringiz, o'z hayotingizdan kelib chiqib gapirsangiz va bu qandaydir ma'noda Yaponiya va Yapon tiliga aloqali bo'lsa kuchli nutq hisoblanadi.

G'olib bo'lgan barcha uka-singillarimizni tabliklaymiz. Umuman olganda Respublika bosqichiga chiqishni o'zi ham hazil gap emas. Hammaga omad!
🚀Telegram📷 Instagram 🔵Facebook

2011-yil. Yaponiyada katta zilzila bo‘ldi.

O‘sha paytda men Yaponiyada edim. Vaziyat juda notinch edi. Shuning uchun ota-onamni tinchlantirish uchun vaqtincha O‘zbekistonga qaytdim.

Lekin vatanda o‘tgan uch hafta menga g‘alati tuyuldi.
Go‘yoki vaqt to‘xtab qolgandek edi. Uch hafta — xuddi bir yilga tengdek sezildi.

Bir kuni ertalab uyg‘onib, ota-onamga shunday dedim:

“Yaponiyada vaziyat hali ham to‘liq tinch emas. Lekin men yana Yaponiyaga qaytmoqchiman.”

Men hali 19 yoshga ham to‘lmagan edim.

Ota-onam bir oz jim turishdi. Keyin onam menga juda muhim gap aytdi:

“Sen endi katta bo‘lding. Hayotingni o‘zing tanla.”

Ular qarorni menga topshirishdi.

Men bir soniya ham ikkilanmadim.

Uch nafar do‘stim bilan yana Yaponiyaga yo‘l oldik.

Ichimizda qo‘rquv bor edi. Noaniqlik bor edi.
Kelajak qanday bo‘lishini hech kim bilmas edi.

Narita aeroportiga kelganimizda darhol bir narsani sezdim.

Hamma joy juda jim edi.
Hech kim kulmaydi.
Odamlarning yuzida xavotir.

Narita’dan Shinagawa tomon poyezdga chiqdik.

Poyezd ichida ham sukunat.
Hech kim gapirmaydi.

Bir necha bekatdan keyin taxminan 60 yoshlar atrofidagi bir yapon kishi yonimizga yaqinlashdi.

“Qayerdansizlar?” deb so‘radi.

Biz biroz hayron bo‘lib:

“O‘zbekistondan,” deb javob berdik.

Shunda u kishi birdan tabassum qildi va shunday dedi:

“Uzbekistan kelajagi buyuk davlat!”

Bu Islom Karimovning mashhur so‘zlari edi.

“O‘zbekistonning kelajagi buyuk davlat bo‘ladi.”

O‘sha paytda bu gap mening yuragimga juda chuqur kirib bordi.

Keyin u kishi bir necha yil oldin O‘zbekistonga borib, u yerda ma’ruzalar o‘qiganini aytdi.

Bir necha daqiqalik suhbat edi.

Lekin u menga juda katta kuch berdi.

O‘sha paytda ichimda bir fikr paydo bo‘ldi:

Hayot — qo‘rquvdan qochish emas.
Hayot — qaror qilish.

Va men o‘zimga shunday dedim:

“Endi ortga yo'l yo‘q. Yaponiyada bor kuchim bilan harakat qilaman!”

Ba’zida inson hayotini katta voqealar emas,
oddiy bir suhbat o‘zgartirib yuboradi.

🚀Telegram📷 Instagram 🔵Facebook

Yaponiyada topgan birinchi ish tajribam.

Yaponiyaga kelgan paytimdagi asosiy maqsadim juda aniq edi:
Yaponiyaning eng kuchli universitetlaridan biriga kirish.

Yaponiyaga kelishdan oldin JLPT N2 sertifikatini olgan edim. Yapon til maktabidagi o‘qishlarim ham yaxshi ketayotgan edi. Darslar barqaror davom etardi.

Bir vaqtning o‘zida vaqtim ham paydo bo‘ldi.
Shunda men ikki sabab bilan arubaito (yarim stavkali ish) topishga qaror qildim:

Yapon jamiyatini ichidan o‘rganish

Ozgina bo‘lsa ham o‘zim pul ishlash

Bu taxminan 2010-yillar edi. O‘sha paytda 2008-yilgi global iqtisodiy inqirozning ta’siri hali ham bor edi. Ish topish oson emas edi.

Yana bir muammo bor edi.

O‘sha paytda Tokioda chet elliklarning arubaito qilishi hali juda odatiy hol emas edi.

Men stansiyalarda qo‘yiladigan Town Work jurnalidan rezume blankalarini kesib olib, restoranlar, konbini va boshqa joylarga telefon qila boshladim.

Har kuni 10 tadan ortiq joyga telefon qilardim.

Shunda ham zo‘rg‘a 1 ta joydan suhbatga chaqirishardi yoki yo'q.

Men uchun bu shunchaki ish emas edi.

Bu Yapon jamiyatida muvofaqiyatga erishish uchun birinchi sinov deb o‘ylardim.

Ammo natija juda og‘ir bo‘ldi.

3 oy davomida 30 dan ortiq suhbatdan o‘tdim.

Va hammasidan rad javobi oldim.

“Sen yapon tilini bilasan, Yaponiyada albatta muvaffaqiyatga erishasan,” degan ustozimning yuziga qanday qarayman degan o‘y meni ichimdan siqa boshladi.

Har bir suhbatga juda jiddiy tayyorlanardim.

Kostyum kiyaman.
Galstuk taqaman.
Savollarga juda muloyim va jiddiy javob beraman.

Lekin natija o‘zgarmas edi.

Bir kuni Kachidoki bekatidagi Denny’s restoraniga oshxona xodimi bo‘lish uchun suhbatga bordim.

O‘sha kuni ichimda bitta fikr bor edi:

“Baribir bu safar ham o‘tmayman.”

Shuning uchun bu safar kostyum ham kiymadim.

Ameyoko dan sotib olgan futbolka bilan suhbatga bordim.

Hech qanday tayyorgarlik ham qilmadim.

Uyimdan u yerga borish uchun 30 daqiqadan ko‘proq vaqt ketardi, shuning uchun ichimda:
“Sharoiti yaxshi bo‘lsa ishlayman,” degan xotirjam kayfiyat bor edi.

Men menejer bilan oddiy, erkin suhbatlashdim.

Qiziq tomoni shundaki, o‘sha Kachidoki Denny’s o‘sha paytda butun tarmoq ichida Top 5 savdoga ega eng band restoranlardan biri edi.

Menejer mening nima uchun Yaponiyaga kelganim, nega Yaponiyaga qiziqishim paydo bo‘lgani haqida juda qiziqib so‘radi.

Ish haqida esa deyarli gap bo‘lmadi.

Oxirida u birdan shunday dedi:

“Yaxshi. Sen qabul qilinding. Qachondan ishlay olasan?”

Men hayratda qoldim.

Chunki shu paytgacha har bir joyda bir xil gapni eshitgan edim:

“Natijani keyin telefon orqali aytamiz.”

Shunday qilib men Kachidoki Denny’s restoranida birinchi chet ellik oshxona xodimi sifatida ish boshladim.

Bu tajriba menga juda muhim saboq berdi.

Ba’zida biz nimanidir juda qattiq xohlaganimizda —
ish, universitet, yoki hayotdagi boshqa imkoniyatlar —
o‘zimizni haddan tashqari yaxshi ko‘rsatishga harakat qilamiz.

Natijada asl o‘zimizni unutib qo'yamiz.

O‘sha kundan boshlab men bir narsani tushundim:

Qanchalik xohlasam ham,
o‘z qadriyatlarimni unutmaslik.

To'g'ri bo‘lish.
Ochiq gapirish.
Xotirjamlikni saqlash.

Bu saboq keyingi barcha suhbatlarimda menga juda katta yordam berdi.

🚀Telegram📷 Instagram 🔵Facebook

1-aprel. Yaponiyada yangi o‘quv yili boshlanadi.

Yaponiyada bitta haqiqat bor:

Bu jamiyat — ma’lum darajada “学歴社会” (ta’lim va diplom muhim bo‘lgan jamiyat).

Qayerda o‘qiganingiz, qanday bilim olganingiz —
ko‘p hollarda sizning imkoniyatlaringizni belgilaydi.

Bu yaxshi yoki yomon masala emas.
Bu — real holat.

Shu sababli men Yaponiyaga kelganimda, maqsadim juda aniq edi:

Yaxshi universitetga kirish.

Bugundan roppa-rosa 14 yil oldin,
men o‘z orzuimdagi universitetga kirdim.

Hali ham o‘sha kunni unutmaganman.

Tokioda xalqaro siyosat va iqtisodiyot yo‘nalishida o‘qish imkoniyati o‘sha paytda deyarli faqat 2 ta universitetda bor edi:

— Waseda
— Aoyama Gakuin

Talablar esa oddiy emas edi:

— JLPT N1
— Yaxshi ingliz tili
— EJU va boshqalar

Men maxsus yoki juda iste’dodli emas edim.
Lekin men bitta narsani qildim:

to‘xtamadim.

— Intervyuga jiddiy tayyorlandim
— Hatto konbini menejeri(Tencho)dan maslahat oldim
— EJU imtihonini 3 marta topshirdim
Natija qoniqtirmaguncha qayta-qayta topshirdim.

Chunki men uchun bu shunchaki universitet emas edi.

Bu — Yaponiyada qolish yoki qolmaslik masalasi edi.

Shu paytda men bir narsani tushundim:

Ko‘pchilik orzu qiladi.
Lekin kamchilik tayyorlanadi.

Orzu — bu hissiyot.
Natija — bu intizom va harakat.

Men qilgan ish juda oddiy edi:

— Har kuni tayyorlanish
— Yon atrofdagilardan maslahat, yordam olish
— Reja bilan ishlash
— Yapon o'qituvchilardan yordam olish, ularga orzularim haqida uyalmasdan aytdim.

Mening orzum o'zimni esimdan chiqsa ham ustozlarim qattiq qo'llik bilan har doim eslatishar edi. Har zamonda nega aytdim a deb ham o'ylab qolar edim 😄

Orzular o‘z-o‘zidan amalga oshmaydi.

Siz qilgan har bir kichik harakat
— ertangi natijangizni quradi.

Bugun yangi bosqich boshlayotganlar uchun:

Oson yo‘l yo‘q.
Lekin aniq yo‘l bor.

Shu yo‘lda yuradiganlar oxirigacha yetadi. Hammaga Yaponcha yangi yil muborak bo'lsin!

🚀Telegram📷 Instagram 🔵Facebook

Jurabek Work Skill Tips

Yaponiyada biznesda ishonch qozonishning birinchi qadami:

Quick Response

Bu faqat tez javob berish emas.
Bu — tez reaksiya berish.

Ko‘pchilik shu joyni noto‘g‘ri tushunadi.

Savol keladi → odamlar mukammal javob berishga harakat qiladi → vaqt o‘tadi → javob kechikadi. Siz mukammal javob berishga harakat qilayotganingizni hech kim bilmaydi.

Yaponiyada bu noto‘g‘ri yondashuv.

To‘g‘risi:

Avval signal berish, keyin to‘g‘ri javob berish.

Xabarni oldingizmi — darhol bildiring

Masalan:

“Qabul qildim, hozir tekshiryapman”
“Rahmat, ko‘rib chiqib javob beraman”

Bu bilan siz:

Men xabarni ko‘rdim. Xavotir olmang!
Men bu ishni e’tiborsiz qoldirmayman.

degan signal berasiz.

Bu juda muhim.

Email — 24 soat ichida

Yaponiyada emailga javob bermaslik — eng yomon xavotir uyg'otadigan jihat.

To‘liq javob bo‘lmasa ham:

“Hozir tekshiryapman, falon vaqtda javob beraman” deb jarayon haqida aytib qo'yish

yetarli.

Jimlik — xavotir.

Telefon — tez qayta aloqa

Qo‘ng‘iroqni o‘tkazib yubordingizmi?

Keyin darhol qayta qo‘ng‘iroq qiling.

Yoki qisqa yozing:

“Uzr, hozir band edim. Qayta qo‘ng‘iroq qilaman.”

Bu ham Quick Response.

Tez javob berishga shoshilmang

Masalan sizdan:

“Ertaga tayyor bo‘ladimi?” deb so‘rashdi.

Noto‘g‘ri:

“Ha bo‘ladi” (tekshirmasdan)

To‘g‘ri:

“Hozir tekshirib, aniqlab aytaman”

Avval tushuning, keyin javob bering.

Xulosa:

Quick Response — bu darrov mukammal javob berish emas.

Bu:
tez ko‘rish
tez signal berish
va keyin shoshmasdan aniq javob berish

🚀Telegram📷 Instagram 🔵Facebook

Yaponiyada 3 yildan ortiq kompaniya xodimi sifatida ishlayapsizmi?
Ingliz tilida MBA o'qishga qattiy qiziqishingiz bormi?
Shunday bo'lsa men o'zim o'qigan Shizenkan MBA Leadership and Innovation Schoolga taklif qilaman.

O'qish to'lovi 20 oy uchun 5,000,000 JPY lekin, Omadingiz kelsa 100% yoki kamroq stipendiya ham olishingiz mumkin.
O'ylab ko'ring!
https://admissions.shizenkan.ac.jp/en/

🚀Telegram📷 Instagram 🔵Facebook