Men bugun uchrashgan Farhod ukamiz Yaponiyadan sal kam 10 yillik tajriba olib qaytib O’zbekistonda yangi karyerasini boshlab turibdi. Shunday mas’uliyatli ishida Steve Jobs so’zlarini har doim yodda tutishni aytmoqchiman.

If you want to make everyone happy don’t be a Leader. Sell ice cream!

Hayotda siz o’ylaganingizdan ko’ra yaxshilik ustun chiqadi. Yaxshi niyyat, yaxshi so’z, yaxshi amal!
Yaxshi niyyat qilishdan to’xtamaylik!

🚀Telegram📷 Instagram 🔵Facebook

Yaponiyaga kelganim ilk kunlaridanoq, ko'plab vatandoshlarimiz sms orqali, ijtimoiy tarmoqlarda va ko'rishganda "O'zbekistonda oylik ko'tarilgan ekan, O'zbekistonda odamlar ko'p topayotgan ekan" deyishmoqda. Odam nimani qidirsa o'shani topadi, nimani so'rasa o'shani oladi. Siz nimaga qiziqsangiz o'sha ma'lumotlar sizga yig'ilib keladi.

Tan olish kerak Yaponiyadagi oxirgi vaqtdagi chet elliklarga bo'lgan davlat va xalqning munosabatini o'zgargani, ko'pchilikda aynan yuqoridagi gaplarni eshitgilari, "Biz qayerda bo'lmasak o'sha yer zo'r" degan maqolni eshittiradi.

Bordiyu siz kelajakda O'zbekistonga qaytib Yaponiya tajribasini ishlatmoqchi bo'lsangiz, quyidagilarni esda tutishingiz kerakligini aytmoqchiman:
1) Har yerni qilma orzu har yerda bor tosh tarozu→ batafils ko'rishganda aytib beraman.

2) Yapon tilini JLPT 2 dan past darajada bilsangiz, vatanga qayib men Yaponiyada falon yil o'qiganman (yoki ishlaganman) deb aytib o'tirmang. Yana bir marta aytaman, Yapon tili orqali pul ishlayman degan kishi JLPT 1 olgandan keyin birinchi eshik ochiladi. N1 bo'lmaganlar bilingki siz hali eshikdan tashqarida turibsiz.
Aeroprotda men bilan uchib kelgan ukalarimiz, 3-4 yildan beri Yaponiyadamiz, JLPT topshirmaganmiz, darajamiz ham yo'q deb uyalmasdan aytishdi. Bu ketishda kechirasiz-u vaziyatingiz ancha qiyin bo'ladi.
N2, N1 bo'lmasdan turib 1000$ oyliklarni orzu qilmang. Sizni ishga olganlarni qiynamang :)

3) Faqatgina til bilish, faqatgina diplom bilan hech narsa qilib bo'lmaydi. Siz qaysidir muammoni hal qilasiz va o'sha muammoni hal qilganingiz uchun sizga haq to'lanadi. Siz yaxshi maoshli ishga kirishingiz uchun qancha qiyin muammolarni hal qilsangiz shuncha sizga imkoniyatlar ochiladi. Qanday qilib muammolarni hal qilishni o'rganamiz? Tajriba bilan. Ish tajribasi, internship, valantyorlik, jamoaviy ishlash, loyiha va idealarni reallashtirish, start-uplar, hammasi aniq mehnat orqali sizga sekin sekin muammoni hal qilish kuchi shakllanib boradi. Aynan shu tajribalar sizni bozor narxingizni ko'taradi.

Asosiy savol: Yaponiya chet elliklarni chiqib ketishini xohlayaptimi?
Meni javobim aslo yo'q. To'g'ri har xil shu vaqtgacha tartibga solinmagan ishlar tartibga solinyapti. Lekin qaysi rivojlangan davlat o'z eshigini ochiq hamma narsani tayyor qilib qo'yibdi? Hech qayer.

Siz va biz Yaponiyada qandaydir maqsad bilan kelganmiz. O'sha maqsad yo'lida har xil qiyinchiliklar bo'ladi va bular hammasi shulardan bittasi.

Bugun Haydovchilik guvohnomasini almashtirishga bordim. Cho'ntagimda naqd pul 500 iyena yetmay turgan edi. Politsiya xodimi, 4 soat kutib turasiz deb qabul qilmayotgan edi, orqada turgan Yapon qarab turaolmasdan o'zi kelib meni to'lovimni to'lab tashladi. To'g'risini aytaman, juda xursand bo'ldim. Ayni shunday xenophobia alomatlari chiqib turgan joyda chet elliklarni qo'llab quvvatlaydigan Yaponlar ham qarab turgani yo'q. Ular ham bu o'zgarishlar o'z davlatining imijini yomonlashishidan xavotirda.

Shunday ekan ehtiroslarni chetga surib qo'ygan holda, o'z maqsadimiz sari qadamlarni tashlaymiz.
Xulosa, katta oylikni hech kim sizga tayyor qilib kutib turmaydi. Siz muammolarni hal qiladigan kadr bo'lib rivojlanib borasiz, yaxshi daromadli ishlar sizni qidirib topadi.

🚀Telegram📷 Instagram 🔵Facebook

Odatda Yapon kompaniyalari chet el bozoriga chiqish vaqtida, 3 yil yoki 5 yil daromad ko'rmaymiz, ya'ni zararga ishlaymiz deb business plan tuzadi. Shunga yarasha capital (mablag') ajratadi. Nega Yaponlar unaqa, nega bunaqa qaror qiladi, nega sekin deb biznikilar Yaponlarni tushunmaydi. Bular uzoqni ko'radi, O'zbekiston 10 yildan keyin 15 yildan keyin qanday davlat bo'ladi shunga qiziqadi. Bir Yapon kompaniyasi vakillari O'zbekistonga 3 yil oldin ofis ochgan va 3 yildan beri foyda ko'rmagan. Lekin, ular buni kutgan va bemalol hali yana investitsiya kiritamiz deyishyapti. Yaponlar bilan ishlaganda shunday uzoqni ko'zlab ishlash usuli haqida bilib qo'ygan yaxshi.

🚀Telegram📷 Instagram 🔵Facebook

Yaxshi oylik uchun ishni ortidan quvgan kishi bir umr pulni ortidan quvadi.
Yaxshi ko'rgan ishi, qiziqadigan sohasini topgan kishi, hech qachon pul uchun yaxshi maosh uchun qaror qilmaydi.

Yaxshi ko'rgan ishi bo'lmasachi? Yaxshi ko'rgan sohasi bo'lmasachi?
Demak siz qilishingiz kerak bo'lgan ish bitta. U ham bo'lsa o'zingizni o'rganish.
Inson qachon o'zini bilsa hayoti osonlashadi. O'ziga nima yoqadi nima yo'qmaydi, nima kuchli tomoni bor, nima kuchsiz. Yaxshi ko'rgan ishim bilan ko'p daromad qilaolmaymanku deysizmi? Ha albatta. Hozircha shunday. Mutaxasislikni ko'chaytirib borsangiz, daromad keyin keladi. Afsuski ko'p hollar biz o'zimizni 40-yoshdan oshib, yoki undan hatto kechroq borib tushunamiz.
Xo'sh o'zini yoshlik davrida, tezroq o'rganib olish uchun nima qilish kerak? Avvalambor, "Men o'zimni yanada yaxshiroq o'rganmoqchiman" deb o'ziga aytish. Shu haqida firklash. Undan keyin boshqasi bo'ladi.

🚀Telegram📷 Instagram 🔵Facebook

O’zbekistonda odamlar sizni kim ekanligingizga, nimangiz borligiga qarab muomala qiladi.
Yaponiyada odamlar sizni muomalangizga qarab kimligingizni biladi.

Shu vaqtgacha juda ko’p yaponlar bilan oddiy do’st, oddiy tanish bo’lganman. Ularni kim ekanligi, ota onasi nima ish qilishiyu, qancha puli borligini yillar o’tgancha bilmaganman. Oddiy misol qalin o’rtog’im menga ota onasini 8 yil do’st bo’lganimizdan keyin tanishtirgan. Do’st tushunchasi O’zbekiston va Yaponiyada umuman boshqacha. Yaponlar ko’chada tanishib darrov qalin bo’lib ketavermaydi.

🚀Telegram📷 Instagram 🔵Facebook

Nega rivojlangan davlatlar barchasi to’satdan viza talablarini qattiqlashtirmoqda bilasizmi? Sababi, Suniy Intelekt yaqin yillarda juda ko’p shu vaqtgacha odam qilgan ishni qilishni boshlaydi. Olimlar white color ishchilar ishsiz bo’lib qolishi haqida aniq prognozlar berishmoqda. Aynan shu yuqoridagi qarorlarga sabab bo’lmoqda.


🚀Telegram📷 Instagram 🔵Facebook

Nega Yaponlar sekin qaror beradi? 7 emas, 7000 marta o’ylab keyin kesadi?


Dunyoni qaysidir yeriga borib so’rang, Yapon desa ooo deydi. Yaxshi kutib oladi. Yaponlar yasagan narsa buzilmaydi. 30 yil oldin NEC tomonidan O’zbekistonga qo’yilgan Yer-Samo yo’ldosh antenalari hali ham ishlab turibdi.


Xo’sh nega Yaponlar buncha mijg’ov? 😀


Yaponlarning har bir gapi, harakati ortida mas’uliyat turadi. Bular o’z millatini juda hurmat qiladi. Yapon millati vakili unday ish qilmaydi, bunday yo’l tutmaydi degan kriteriyalar juda rivojlangan.

Agar Yapon aytsa qilishi kerak yoki XARAKIRI qilishi kerak degan tushuncha bor.

Hammasi unday emas, bemasuliyati ham ko’p deyishingiz mumkin. To’g’ri guruch kurmaksiz emas. Lekin nega bular buncha sekin ishlaydi degan savolga javob berish uchun aynan shu jihatga e’tibor berish kerak.


Xo’sh eng muhim savol: Yaponlarni tez qaror berdirish mumkinmo? ?
Albatta!

Xo’sh qanday?

Ularning barcha savol va gumonlariga javob berish, ma’lumotlarni tez-tez, oz-oz berib turish. Nimagadir majbur bo’lib qo’lmaysiz deb aniq aytish. Chunki Yapon mas’uliyatni olsa qilishim kerak deb o’ylaydi. Shu uchun boshidan ularga mas’luyat, majburiyat bermaslik kerak.

Mana shunaqa gaplar.

Qani endi, olinglar qani. Ishtaha yoqimli😀


🚀Telegram📷 Instagram 🔵Facebook

Hayotimda tug'ilgan kunimda birinchi marta gul oldim. Siz uchun tug'ilgan kun bu qanday kun? Men uchun bu qisqa muddatli sarhisob kuni, Yapon tilida 振り返り(orqaga qarash) deydi.
35 yoshga kirdim. Siz necha yoshdasiz? Odam baribir boshidan o'tkazmasdan turib bir narsani tushunishi qiyin, lekin baribir necha yoshda bizni nima kutyapti oldindan bilib tayyorgarlik qilish kerak deb o'ylayman.

Meni vaziyatimda, yoshligimdan Akam bilan yurib yoshi kattalar boshidan o'tkazayotgan voqealar, hodisalarni o'z tengdoshlarimdan ancha tezroq bilib borganman. 30-yoshdan oshgandan keyin nima to'g'ri nima noto'g'ri ekanligini aytadigan odam kamayadi. Juda ko'p narsani o'zingiz o'ylab, qaror berib oldinga ketish kerak bo'ladi. Javobi yo'q savollar, faqat o'zingizda javobi bo'ladi.

Agar siz ham javobi bo'lmagan savol bilan duch kelsangiz, qilib ko'ring. Hayotga xavf solmaydigan har qanday risk, bemalol harakat qilib bo'lsa bo'ladigan riskdir. Shunda javobi yo'q savollarga yechim topganingizda juda xursand bo'lasiz.
🚀Telegram📷 Instagram 🔵Facebook

🧠 Claude in Chrome — brauzeringizdagi aqlli yordamchi

Bugun kundalik ishlarimni sezilarli tezlashtirayotgan foydali vositani sizga tanishtirmoqchiman — Claude in Chrome. Bu — sun'iy intellekt yordamchisi bo'lib, to'g'ridan-to'g'ri Chrome brauzeringizga o'rnatiladi va yon panelda ishlaydi. Alohida ilova yoki saytga kirib o'tirishning hojati yo'q.

Nima uchun qulay:
— veb-sahifalarni o'qib, qisqa va aniq xulosa chiqarib beradi;
— formalarni to'ldirish, xat yozish kabi takrorlanuvchi ishlarni siz o'rniga bajaradi;
— bir nechta manbani solishtirib, kerakli ma'lumotni tezda topib beradi;
— ish qidirish va hujjatlar bilan ishlashni sezilarli yengillashtiradi.

Quyidagi videoda — aynan shu postning o'zi Claude in Chrome yordamida qanday yaratilganini ko'rishingiz mumkin.

🚀Telegram📷 Instagram 🔵Facebook

🇯🇵 ASO TARO — Yaponiyaning 92-Bosh vaziri

Yaponiyaning eng tajribali siyosatchilaridan biri, hozirda YDP (Liberal-demokratik partiya) vitse-raisi. 1940-yilda siyosiy-ishbilarmon oilada tug'ilgan (bobosi — sobiq Bosh vazir Yoshida Shigeru), 16 marta parlamentga saylangan, mamlakat tarixida moliya vaziri sifatida eng uzoq muddat xizmat qilgan siyosatchi.

📌 Faoliyati:
• 1966 — "Aso" kompaniyasida tadbirkorlik faoliyatini boshladi
• 1976 — Monreal Olimpiadasida Yaponiya terma jamoasida (nishonga otish)
• 1979 — Parlamentga birinchi marta saylandi
• 2005–07 — Tashqi ishlar vaziri
• 2008–09 — Yaponiyaning 92-Bosh vaziri
• 2012–21 — Bosh vazir o'rinbosari va Moliya vaziri (rekord muddat)
• Hozir — YDP vitse-raisi

🏆 Yutuqlari:
• Global moliyaviy inqiroz davrida ~75 trillion yenlik iqtisodiy dastur
• "Erkinlik va farovonlik yoyi" — qadriyatlar diplomatiyasi konsepsiyasi
• Xalqaro manga mukofotini ta'sis etdi — manga/anime orqali madaniy diplomatiya (Cool Japan)ning asoschilaridan

💭 Falsafasi:
"Yaxshi an'analarni asrab, rivojlantirish kerak — an'analarni saqlash uchun islohot qilinadi. Mening haqiqiy konservatizmim shu."
"Do'stlik uchun milliy manfaatga zarar yetkazish — ahmoqlik. Milliy manfaat ustida haqiqiy do'stlik quriladi."

🎌 Odatlari:
Manganing katta ixlosmandi (haftasiga bir necha jild o'qiydi), sobiq Kamonbozlik (olimpiada musobaqasi qatnashchisi) sportchisi, puro va golf ixlosmandi, tarjimonsiz ingliz tilida muzokara olib boradi.

🌟 Yoshlarga maslahati:
1️⃣ "Muvaffaqiyatsizlikdan qo'rqib hech narsa qilmaslik — eng katta xato. Urinib ko'ring, chiqmasa, qaytadan boshlang."
2️⃣ "Yoshlikdagi mashaqqat — keksalikdagi ichki kuchga aylanadi."
3️⃣ "Yetmish foiz ishonch bo'lsa, oldinga siljing — mukammal sharoitni kutish o'zi xato."
4️⃣ "Oson pul degani yo'q" — firibgarlik va'dalariga ishonmang, mehnat bilan pul toping.
5️⃣ Kelajakka optimist qarang — boshingizni baland tutib yuring!

🚀Telegram📷 Instagram 🔵Facebook

2026-yil, O‘zbekiston gender tengligi bo‘yicha dunyoda 110-o‘rinda. Nega 110-o‘rindamiz?

Markaziy Osiyodagi qo‘shnilarimiz orasida Qirg‘iziston 88-, Qozog‘iston esa 95-o‘rinda.
Qiziq tomoni, dunyoning eng rivojlangan iqtisodiyotlaridan biri bo‘lgan Yaponiya ham atigi 117-o‘rinda.
Demak, iqtisodiy jihatdan rivojlangan davlat bo‘lishning o‘zi ayollar va erkaklar uchun teng imkoniyat yaratilganini anglatmaydi.
Bu reyting aslida nimani o‘lchaydi?
Global Gender Gap Index ayol va erkaklar o‘rtasidagi farqni to‘rtta asosiy yo‘nalishda baholaydi:
— iqtisodiy faollik va imkoniyatlar;
— ta’lim;
— sog‘liq;
— siyosiy ishtirok va qaror qabul qilish.
Dunyo miqyosida ta’limdagi gender tafovutining 96,2 foizi yopilgan. Ammo iqtisodiy faollik va imkoniyatlarda bu ko‘rsatkich hali 61,7 foiz, siyosiy ishtirokda esa atigi 22,1 foiz.
Ya’ni bugungi asosiy muammo ayollar ta’lim olyaptimi yoki yo‘qmi degan savoldan asta-sekin boshqa savolga o‘tmoqda:
Ta’lim olgan ayollar o‘z bilim va salohiyatini iqtisodiyotda, biznesda va davlat boshqaruvida to‘liq ishlata olyaptimi?
O‘zbekistonda so‘nggi yillarda xotin-qizlarning huquq va imkoniyatlarini kengaytirishga qaratilgan qonunlar va davlat dasturlari bo‘yicha sezilarli o‘zgarishlar amalga oshirildi.

Ba’zilar: “Erkaklar ishlab, rahbarlik qilib, qaror qabul qilaversa nimasi yomon?” deb o‘ylashi mumkin.
Lekin bu yerda masala ayol yoki erkakning kimdan ustun ekanligida emas.
Masala — mamlakat o‘zidagi barcha iste’dod va inson kapitalidan foydalana olyaptimi yoki yo‘qmi?
Tasavvur qiling: mamlakatda bilimli, mehnatkash va katta salohiyatga ega insonlar bor, lekin ularning bir qismi jinsi sababli mehnat bozoriga kirishda, yuqori lavozimlarga chiqishda yoki muhim qarorlarni qabul qilishda yetarli imkoniyatga ega emas.
Bunday vaziyatda faqat o‘sha inson emas — iqtisodiyotning o‘zi ham imkoniyat yo‘qotadi.
Shuning uchun gender tengligi faqat ayollar masalasi hisoblanmaydi.
Bu iqtisodiyot, inson kapitali va mamlakatning raqobatbardoshligi masalasi.
Buni oddiy oilada ham tasavvur qilish mumkin.
Oiladagi muhim qarorlarni faqat bir kishi qabul qilishi bilan, ota va ona bir-birini eshitib, o‘z tajribasi va fikrini qo‘shib qaror qabul qilishi yanada yaxshi natija olib keladi.
Davlat va iqtisodiyot miqyosida ham prinsip o‘xshash: qaror qabul qilishda jamiyatning turli qismlari qatnashsa, ko‘proq tajriba, bilim va nuqtai nazardan foydalanish imkoniyati paydo bo‘ladi.
Shuning uchun O‘zbekiston uchun asosiy maqsad shunchaki 110-o‘rindan 100-, 80- yoki 50-o‘ringa ko‘tarilish emas.
U bizga mamlakat qayerda o‘z inson kapitalidan yetarlicha foydalana olmayotganini ko‘rsatadi.
Haqiqiy maqsad esa ayol yoki erkakligidan qat’i nazar, qobiliyatli insonning bilim, mehnat va salohiyatini jamiyat rivoji uchun to‘liq ishlata oladigan tizim yaratishdir.

https://reports.weforum.org/docs/WEF_GGGR_Report_2026.pdf

🚀Telegram📷 Instagram 🔵Facebook