Yaponiya Xalqaro Hamkorlik agentligi (JICA) bilan uchrashuv

Bugun Toyloq tuman hokimi Bahodir Babonazarov Yaponiya Xalqaro Hamkorlik agentligi (JICA) loyiha bosh maslahatchisi KURODA Kiyohiko, ekspertlari Yoshikawa Takuma, Khasanov Jurabek, Sobirov Temur hamda O'zbekiston Respublikasi Vazirlar Mahkamasi huzuridagi Migratsiya agentligi mutaxassissi Akbarali Mirzayevlarni kutib oldi.
Uchrashuvda O'zbekiston fuqarolarini Yaponiyada "Munosib mehnat" bilan shug'ullanishlarini qo'llab-quvvatlash hamda mehnat migratsiyasi yo'nalishida "Toyloq modeli" yuzasidan fikr almashinildi.
Ushbu tashrif Samarqand viloyati Toyloq tumani yoshlari uchun Yaponiyada o'qish va ishlash eshiklarini ochishda yangi imkoniyat yaratadi va O'zbekiston-Yaponiya aloqalarini mustahkamlashga hissa qo'shadi.

Bizni ijtimoiy tarmoqlarda kuzating:👇
Telegram / Facebook / Instagram / Web Sayt

Toyloqda JICA bilan seminar

Bugun Toyloq tumani Madaniyat saroyida tumanning 400 ga yaqin uyushmagan yoshlari bilan Yaponiya Xalqaro Hamkorlik agentligi (JICA)ning seminari bo’lib o’tdi.
Seminarda tuman hokimi Bahodir Babonazarov hamda JICA agentligi loyiha bosh maslahatchisi KURODA Kiyohiko, ekspertlari Yoshikawa Takuma, Khasanov Jurabek, Sobirov Temur hamda O'zbekiston Respublikasi Vazirlar Mahkamasi huzuridagi Migratsiya agentligi mutaxassissi Akbarali Mirzayevlar ishtirok etishdi.
JICA agentligi eksperti Khasanov Jurabek tomonidan loyiha yuzasidan slaydlar namoyish etilib, Yaponiyada ishlash, o’qish, tajriba almashish, malaka oshirish kabi yo’nalishlar tushuntirib berildi.
Uzoq yillar davomida Yaponiyada yashab kelayotgan toyloqlik tadbirkor Yunus Eshonqulov tumanimiz yoshlari uchun Yaponiyada o'qish va ishlash eshiklarini ochishda yangi imkoniyat yaratilganligi va O'zbekiston-Yaponiya aloqalarini mustahkamlash bo’yicha ta’kidlab o’tdi.