‍ بە تەنیا جێم مەهێڵن

بە تەنیا جێم مەهێڵن ئەم شەو زریان دەمچێنێ
تەم و مژ دام دەپۆشێ مانگە شەو دەم ڕفێنێ

كێ دەیزانی مەلی نە ئاوا دەتان تارێنن
باڵی هەزارتان دەبرن شارێكتان دەخنكێنن

كێ دەیزانی بەهاریش شەختە و زریان دەهێنێ
چاوی لێمان دادەخا چرووكان دەوەرێنێ

بە تەنیا جێ مەهێڵن ئەم شەو زریان دەمچێنێ
تەم و مژ دام دەپۆشێ مانگە شەو دەم ڕفێنێ

كێ دەیزانی كە ئاوا تەناف هەڵخەن بۆ شارێ
دەستی شەقامیش ببرن كۆڵان بدەن لە دارێ

لاوێكی شەرمێون بووم مێشكم دەدرا بە ماران
ئێستاش كە پیر و ماندوم دەرم دەكەن لە شاران

بە تەنیا جێ مەهێڵن ئەم شەو زریان دەمچێنێ
تەم و مژ دام دەپۆشێ مانگە شەو دەم ڕفێنێ

كێ دەیزانی كە ڕۆژێ من دەكرێم بە گۆرانی
دەمەو بەهار دێمەوە دەچمە نێو ئاوی كانی

گەرووم بە گزینگ تەڕ كەن زامەكانم بە شیلان
بە گۆرانی دام پۆشن یا بە سەوزی دارستان

بە تەنیا جێ مەهێڵن ئەم شەو زریان دەمچێنێ
تەم و مژ دام دەپۆشێ مانگە شەو دەم ڕفێنێ


🎙 دەنگ: #علی_عابدی
🔅شێعر: ڕەفێق سابیر🔅



https://t.me/joinchat/AAAAAENJFT_8C4fepYHErw

🦋 #بەتەنیا_جێم_مەهێڵن
🎙 دەنگ: #علی_عابدی

با #فه‌رهاد_خوسره‌وی ئەو کۆڵبەرەی کە لە بۆ بەدەس هێنانی پاڕوێک نان گیان بەخت کرد بە تەنیا جێ نەهێڵین


#کولبر_نیوز
#kolbarnews
@kolbarnews