🔸 دوانیوەڕۆی ٢٠ی ڕەزبەری ١٤٠١ (١٢ی ئۆکتۆبەری ٢٠٢٢) هاوکات لەگەڵ چەندین شوێن و گەڕەکی دیکەی شاری کرماشاندا، ڕەوتی خۆپیشاندانە جەماوەرییەکانی سەرهەڵدانی ژن، ژیان، ئازادی گەڕەکی «دەرەدرێژ»ی گرتەوە کە دەکەوێتە پەراوێزی شاری کرماشانەوە و زۆربەی دانیشتوانی کوردی یارسانن.

🔸ئەم خۆپیشاندانانە کە بە داخستنی ڕێگای چوونەژوورەوەی ئەو گەڕەکە لە لایەن خۆپیشاندەران و وتنەوەی دروشمی دژ بە حکومەتەوە دەستی پێ کرد، ڕووبەڕووی سەرکوتی قورس و توندوتیژی هێزە سەربازی-ئەمنییەکانی کۆماری ئیسلامیی ئێران بووەوە.

🔸 هێزە سەربازی-ئەمنییەکان بە فیشەکی ساچمەیی، ئاسنی و جەنگی ژمارەیەکی بەرچاو لە خەڵکی خۆپیشاندەریان بریندار و دەستبەسەر کرد.

🔸 لەم خۆپیشاندانەدا، #ئارمین_سەیادی، ١٨ ساڵان و #سینا_نادری، ٢٣ ساڵان، بە دەسڕێژی هێزەکانی سوپای پاسداران گیانیان بەخت کرد.

🔸 ڕێوڕەسمی ئەسپەردەکردن و چلەی ئەم گیانبەختکردوانە بە بەشداریی بەربڵاوی جەماوەر، جارێکی تر گۆڕەپانەکەی گۆڕی بۆ خۆپیشاندانی دژەحکومەتی.

🔸لە خۆپیشاندانە جەماوەرییەکەی ٢٠ی ڕەزبەری ١٤٠١ لە گەڕەکی دەرەدرێژی کرماشاندا، دوو خۆپیشاندەر بە ناوەکانی پەرویز یاری، ٣٦ ساڵان و شایان وەیسی، ٢١ ساڵان، بە دەسڕێژی هێزەکانی سوپای پاسداران چاویان بریندار بوو.

@KurdistanHRN