🔸#پەخشان_عەزیزی، ژنەچالاکی کورد کە لە نزیکەی ساڵێک لەمەوپێشەوە دەستبەسەرە، لە لایەن دادگای شۆڕشی ئیسلامیی تارانەوە بە تۆمەتی «بەغی» لە ڕێگای ئەندامبوونەوە لە پارتی ژیانی ئازادی کوردستاندا (پژاک) سزای لەسێدارەدانی بەسەردا سەپاوە.

🔸ئەم حوکمە کە لە لایەن لقی ٢٦ی دادگای شۆڕشی ئیسلامیی تارانەوە بە سەرۆکایەتیی دادوەر ئیمان ئەفشاری دەر کراوە، ڕۆژی سێشەممە ٢ی گەلاوێژ (٢٣ی جولای) بە پارێزەرەکەی پەخشان عەزیزی ڕاگەیەنراوە. دوای ئاگاداربوونەوەی ئەم زیندانییە سیاسییە لەو حوکمە و بڵاوبوونەوەی هەواڵەکە لە بەندی ژنانی زیندانی ئێڤیندا، زیندانیانی سیاسیی ژن لە پەرچەکردارێکی ناڕەزاییانەدا بۆ ماوەی چەند کاتژمێرێک لە حەوشەی بەندەکەدا گرد بوونەوە.


🔗https://kurdistanhumanrights.org/ku/political-prisoners-database-ku/death-penalty-ku/2024/07/23/p35229

@KurdistanHRN