Номенклатура унутмайди, xўрлаб ҳам қўймайди — доим иш топилади.

@ManaUyat

50 дан зиёд боланинг ўлими — "Док -1 Макс" ишидан қуруқ чиқиш олдида "мрамр гўшт" пашша қўнганчалик безовта қилмайди.

@ManaUyat

Assalomu alaykum hammaga. Mandan kimgadir qarz so'rab sms borsa ishonmanglar, pul tashlab bermanglar. Telegram bilan sal muammo bo'ldi, hal qilomman. G'olib G'S(A)

Ҳароми педофилларга қаттиқ жазо берилмас экан, учқўрғонлик қизча охирги бўлмайди. Жирканч ифлослар.

Бирор жиноят ёки қонунбузилиш рўй берса ва у анчагина шов-шув кўтарса, у воқеани шахсан назоратга олиш урфга кирган. Омбудсман дейсизми, вазирлар дейсизми, прокурорлар дейсизми, ишқилиб, анчагина назоратчилар топилади. Лекин назоратга олинган ишларнинг натижаси ҳақида камдан-кам ҳолларда эшитамиз. Ва мени шу айнан "назоратга олиш" деган нарса саволга чорлайди. Нега назоратга олинади? Олинмаса иш босди-босди бўлиб кетадими? Назоратга олиниб, қонун устуворлиги таъминланиши учун жиноят ОАВ ва жамият орасида шов-шув бўлиши шартми?

Мен қайсики масъулдан "назоратга олдим" деган жумлани эшитсам, бу ишни тепасида мен бўламан, агар мен бўлмаганимда Худо билади нима бўлишини, деган муждани тушунаман рости. Аслида қонун устуворлигини таъминлаш учун куч ва салоҳиятимиз етарли эмасми, бунинг учун кимдир тепадан йўл-йўриқ кўрсатиб туриши шарт эмаску.

@ManaUyat

Гулноз опа ичимдаги гапни ёзибди.

@ManaUyat

Иии бу нима деган гап? Болалар боғчаларда заҳарланса, зўрланса, калтакланса, ўлдирилса... Тизим кимларнинг қўлида қолган? Бундай вазиятда нормал давлатларда тегишли вазир масъулиятни бўйнига олиб, истеъфо берган бўлар эди. Бунақа воқеалар бир боғча ёки бир кичик ҳудудда содир бўлмаяпти. Кўлам анча кенгга ўхшаяпти. Мактабгача таълим тизимини тўлиқ ислоҳ қилиш керакка ўхшаяпти.

ПС. Аллоҳ фарзанд берса боғчага яқин йўлатмайман.

@ManaUyat

Ҳаёт сени 1-, 2-, 3- ўрин бўлганингдагина эмас, 1 миллион 200 мингинчи ўрин бўлганингдаям тақдирлаши мумкин экан. Ушбу видеони кўриб рости кайфиятим кўтарилди.

@ManaUyat

Shvetsiya haqida ilk taasurotlar

Bundan roppa-rosa bir oy-u bir kun oldin doktorant-tadqiqodchi lavozimida ishlash (va o’qish) uchun Shvetsiyaga ko’chib keldim. Qisqa muddat, lekin umumiy fikrlar bildirish uchun yetarli, menimcha.

Universitetda va ayniqsa ofis atrofida eng tez payqaladigan narsa bu - irearxiya (odamlarning tashkilot, ishxona, kompaniya yoki jamiyatdagi bir-biridan ustun yoki past bo’lshi va bu munosabatlarda aks etishi) juda zaif ekani. Sodda qilib aytganda, men kattaman, sen kichik; men boshliqman, sen ishchi, degan qarash deyarli sezilmaydi. Bu ayniqsa menga o’xshagan talaba-ishchilarni hayratga solsa kerak (tabiiyki, ierarxiya kuchli bo’lgan jamiyatdan kelganim ham bu “shok”ni yanada kuchaytiradi). Shvetsiya oliy ta’limi tartibiga ko’ra, har bir doktorant talaba ayni vaqda universitet xodimi hisoblanadi va ularni boshqa xodimlar qatori oylik va turli rag’batlarga ega bo’ladi. Bu holat doktorantlarni universitetda ishchi va talabalar o’rtasidagi chegaraganing qoq ustiga joylashtiradi. Ya’ni bir vaqtni o’zida talaba sifatida dars qilishga, fanlar o’qish majburiyati, undan tashqari universitet xodimi kabi imtiyozlarga ega bo’lasiz. Lekin universitetdagi administratorlardan tortib katta professorlargacha barcha xodimlar sizni o’z hamkasbi kabi ko’radi va shunga mos hurmat va iliiqlik ko’rsatadi. Tenglik shu darajada ideallashtirilganki, ota-onangiz qatori (balki ulardan ham katta) odamlarni ismini aytib chaqirish nafaqat mumkin, balki ijtomoiy “majburiyat”. Masalan, bugun professorim bilan ayni shu ierarxiya mavzusida gaplashib o’tirganik, birinchi tanishganimizdagi e-pochta orqali yozishmalarimizni esladi. Aytdiki, boshida menga “professor” deb murojaat qilganingda sal g’alati tuyulgandi, lekin bilaman, boshqa joylarda bu narsa tabiiy holat. Lekin shvet ilmiy madaniyatiga moslashib olayotganing yaxshi.

Yana boshqa bir jihati – ishchilar boshqaruvchilar va rahbarlarga xushyorlik va biroz shubha bilan qaraydi. Muhimi, oddiy ishchilar rahbarlardan doim nimanidir talab qilayotgan bo’ladi. Yuzaki qaralsa, bu yerda ishchilar noshukr, deyish mumkin. Lekin aslida bu ancha murakkabroq mavzu. Ya’ni rahbarlar doim o’zlarini ishchilar bilan bir qatorda ko’rsatishga va ishchilarni tinglash va ularga o’z fikrini bildirish uchun imkon yaratishga harakat qiladi. Ishchilar bo’lsa doim nimadandir ko’ngli to’lmagan, tizimni yanada yaxshilasa bo’ladi, degan harakatda va kurashda. Lekin bu ishchilar va rahbariyat orasida nizo borligini anglatmaydi. Shunchaki, madaniyat shunday: rahbarlar mutavozey, ishchilar o’z haqlarini yanada yaxshilash uchun doimiy kurashda. Qiziq jihati, rahbarlarning ham rahbarlari bor va ular ham o’z rahbarlariga qarshi ayni shunday “kurashadi”. Chuqurroq o’ylab shuni anglash mumkinki, bu yerda kurash yoki qarama-qarshilik rahbar shaxslarga emas, qudratga qaratilgan. Huddi shvetlar har qanday turdagi qudrat va vakolatga shubha va himoya ko’zi bilan qaraydi.

Ammo bu Shvetsiyada umuman lavozim va qudrat suiste’mol qilinmaydi degan fikr bilan tenglashitirilmasligi kerak. Balki aynan shu ierarxiyaning zaifligi va ishchilarning kurashuvchanligi qudrat va vakolat dinamikasini yanada murakkab va sezilmas holatga olib kelar. Lekin shuni aniq ayta olamanki, avval yashagan ikkita davlatimdan ko’ra (O’zbekiston va Koreya) bu yerda ishchi bo’lish ancha qulay va yaxshi.

"Пахта иши" ёхуд 10 килограмм пахта қандай қилиб 30-40 килограмм бўлиши ҳақида

Пахтанинг ўзи оқ, ичи қора, дейдилар. Ростдан ҳам бу момиқ ўсимлик ўзи билан не-не кулфатларни бошламаган дейсиз. Аксар ёши катта одамлар билади, ҳали унутишмаган, штабларда, ҳокимиятларда, пахта баракларида еган калтаклари-ю, эшитган сўкишларини.

Пахта мавсуми шундай мавсумки, рост маълумот ҳеч қачон ўз вақтида эгасига бормайдиган, ҳамма бир-бирини алдайдиган мавсум.

Мен ҳам мактабда, лицейда ўқиб юрган кезларимда пахтага кўп чиққанман. Ўша вақтларда пахта теримчилар орасида жуда кўп ҳийлакорликлар бўларди. Пахта  ичига кесак аралаштириш, сув қуйиш, очилмаган кўраклардан пахтасини териб олиш, пахтани айлантириш ва ҳоказо.

Шулардан энг машҳури бу шаксиз пахтани айлантиришдир. Бунинг учун олдиндан "кичик жиноий гуруҳ" тузилар эди. Бир киши 10 килограмм пахтани ўлчатар ва ўз номига ёздирарди. Кейин у пахтани тележка тепасидаги одамга узатиб, ўзи тележка орқасига ўтиб оларди. Тепадаги одам у пахтани тележкага бўшатмай, яна ерга ташларди. Кейин уни бошқа одам ўзининг номидан ўлчатарди ва жараён бир неча қайта такрорланарди. Натижада 10 килограмм пахта 30-40 килограмм бўлиб, 2-3 кишининг номидан кетар эди. Бу ҳийланинг мақсади бойиб кетиш эмасди. Аввало, кечқурун штабдан соғ чиқиш, калтак емаслик, кейин эса, имкон бўлса, бироз моддий манфаат кўриш эди.

Бу усул жуда самарали бўлиб, уни каттароқ "объём" да, тележкаларда ҳам амалга оширишнинг иложи бор ёки бўлса керак (😉). Балки ҳозирам қўллашаётган бўлишлари ҳам эҳтимол. Мақсад ўша, юқорида айтганим — "штабдан соғ чиқиш".

@ManaUyat

"Мен шундай тураверайми, оч йўлни" дея ЙПХ ходимига буйруқ беряпти.

@ManaUyat

Президентимиз эса бирортаям ғўдайган одам юртимизда бўлмаслиги кераклиги ҳақида кўп таъкидлайди.

@ManaUyat

Расмий манбалар инкор/тасдиқ қилмагани сабабли, норасмий манба ва кўчадаги миш-мишларга кўра, бир одам бошқа бир мансабдор бўлган одамни чопибди, яъни тан жароҳати етказибди. Бунга сабаб чопган одамга тегишли мулкни чопилган одам буздирмоқчи бўлган, аммо суд чопган одам фойдасига қарор чиқарган, кейин чопилган одам бошқа судга мурожаат қилиб, ўз фойдасига қарор чиқартиргани иддао қилиняпти. Нима ҳам деймиз, пичоқ суякка тақалгандирки, жараён шу ишгача борган.

Эсингизда бўлса, бундан бир неча йил аввал бир мансабдор кимнингдир мулкини бузишга уринганида, мулк эгаси уни ёқиб юборган, кейин президент йиғилиш қилиб, амалдорларни қаттиқ танқид қилган, [тадбиркорнинг мулкини бузгунча] ўзингнинг каллангни буз, деган гапларни айтган эди (агар чалкаштирмаётган бўлсам, шунақа бўлган эди). Мана орадан кўп ўтмасидан юқоридаги воқеа рўй берди ёки рўй берган бўлиши мумкин.

Биз Янги Ўзбекистон деб аталаётган Ватанда қонунлари устувор бўлган, инсон қадри ҳаммасидан юксак бир ватандошлик жамиятини барпо этмоқдамиз. Афсуски, қонунсизлик қон-қонига сингиб кетган, берилган вазифанинг моҳиятига етмайдиган, салла деса калла оладиган, эскича қарашдаги айримларни деб бу дадил қадамлар тойилмоқда, юзимизга лой сачрамоқда.

@ManaUyat

Депутатлар ҳам анча сиқилиб қолишган. Жойи тор. Уларни ҳам Янги Тошкентга кўчириш керакдир балки. Ҳар бир депутатга алоҳида кабинет, машинасига парковка кафолатланган бино қуриб бериш зарур. Уларга тўкис бахт учун шулар етишмаяпти.

@ManaUyat

Яқин 25-30 йилда криллда ёзадиган авлод ва ўрта 50-60 йилда бизлардай sh, ch, o', g' ёзадиган авлод тугаса, насиб узоқ 80-90 йилларда шу 4 та харфга тўлиқ ўтамиз.

@ManaUyat