Паралимпия чемпиони Элбек Султонов билан учрашув бўлиб ўтди

Навоий давлат университетида спортнинг пара енгил атлетика тури бўйича ядро улоқтириш йўналишида машҳур спортчи, “ТОКИО-2020” паралимпиа ўйинлари бронза медали совриндори, “ПАРИЖ-2024” паралимпиадаси олтин медали соҳиби Елбек Султонов билан талабалар учрашуви ташкил этилди.

Фахримиз, юртимиз спортининг ёрқин намоёндаларидан бири ҳисобланган Элбек Султонов ўз вақтида Навоий давлат педагогика институти Жисмоний маданият факультетида таҳсил олган ва бугун бу даргоҳга фахрли меҳмон сифатида қайтди.

Тадбирда университетнинг ўқув ишлари бўйича проректори Т.Чориев, Санъат ва спорт факультети профессор-ўқитувчилари, талабалари иштирок этди.

Учрашувда Елбек Султонов сўзга чиқиб, университетга бўлган чуқур ҳурматини изҳор этди. У ўзининг спорт йўлидаги илк қадамлари, қийинчиликлар, меҳнатсеварлик ва қатъият билан эришган ютуқлари ҳақида талабалар билан самимий суҳбат қилди. Шунингдек, бугунги кунда эришган муваффақиятларининг асосларидан бири айнан университетда олган билим ва тарбия эканини алоҳида таъкидлади.

Бу каби учрашувлар ёш спортчиларни руҳлантириши ва янги марраларни забт этишга хизмат қилади.

🇺🇿Навоийликларга қўшилинг👇
➥https://t.me/joinchat/RWeqIuBQ9V0K63_4