1️⃣2️⃣3️⃣4️⃣5️⃣6️⃣

Tibbiyot yo‘nalishi talabalari qasamyod qildi

Maʼnaviyat va maʼrifat markazida Navoiy davlat universiteti Tabiiy fanlar va tibbiyot fakulteti “Davolash ishi” va “Pediatriya” yo‘nalishlari birinchi bosqich talabalari uchun tantanali qasamyod marosimi boʻlib oʻtdi.

Tadbir avvalida universitet rektori, professor Muhiddin Kalonov soʻzga chiqib, salomatlik posbonlarining kelgusidagi oʻqish va mehnat faoliyatlariga katta muvaffaqiyatlar tiladi.

Shundan soʻng, talabalar tibbiyot xodimiga xos boʻlgan halollik, vijdon, mehr-oqibat va masʼuliyat kabi qadriyatlarni oʻzida mujassam etgan Qasamyodni uch tilda oʻqib, tantanali ravishda qabul qildilar.

Tadbir doirasida talabalar tomonidan ijodiy chiqishlar namoyish etildi. Shu bilan birga, faol va har jabhada namunali talabalar va ularning ota-onalari universitet rahbariyati tomonidan eʼtirof etildi.

👌Navoiy viloyati hokimligi
Axborot xizmati

🧠Veb Sayt |✈️ Telegram | 🌐Facebook | 📸Instagram | ▶️ Youtube