🟦🟦🟦🟦🟦🟦🟦

“Navoiy Xinwei” instituti tashkil etiladi

👨‍💻 Navoiy davlat universiteti xalqaro hamkorlik doirasini kengaytirishda navbatdagi muhim qadamni tashladi — Xitoyning mashhur va nufuzli Geely Holding korporatsiyasi bilan o‘zaro hamkorlik yo‘lga qo‘yildi.

✅ Ma’lumot o‘rnida aytish kerakki, Geely Holding — dunyo miqyosidagi avtomobilsozlik, texnologiya va innovatsiyalar giganti bo‘lib, uning ta’limga qaratilgan muhim bo‘g‘ini “Geely Talent Development Group” hisoblanadi. Ayni paytda ushbu guruh tarkibida 9 ta zamonaviy va innovatsion ta’lim muassasasi faoliyat yuritmoqda.

🔺 Navoiy davlat universiteti rahbariyati Xitoyga xizmat safari davomida Geely korporatsiyasi vitse-prezidenti Zoe Che bilan uchrashuv o‘tkazishdi. Samimiy va ochiq muloqot ruhida kechgan muzokaralarda ikki tomonlama hamkorlik istiqbollari atroflicha muhokama qilindi.

🔻Ulardan biri, universitet qoshida “Navoiy Xinwei” instituti tashkil etiladigan bo‘ldi. Bu markazda — O‘zbekiston, Markaziy Osiyo va butun dunyo bo‘ylab talabalar uchun o‘ziga xos ixtisoslashtirilgan dasturlarni yaratish uchun kurslar faoliyati yo‘lga qo‘yiladi.

🔹 Bu ta’lim muassasasida sun’iy intellektga asoslangan xalqaro standartlarga mos gibrid ta’lim moduli yaratiladi. Navoiy davlat universitetida “Geely talant development group” ning investitsiyalari hisobidan xitoy tili markazi tashkil etiladi. Bu markaz keng qamrovli dasturlarni, jumladan, qo‘shma ta’lim, qisqa muddatli malaka oshiruv kurslari, talaba va professor-o‘qituvchilar uchun almashinuv dasturlarini qamrab olishi belgilangan.

👌Navoiy viloyati hokimligi
Axborot xizmati

🧠Veb Sayt |✈️ Telegram | 🌐Facebook | 📸Instagram | ▶️ Youtube